إحصائيات: مرسل بواسطة هبة الله محمد — 06 مايو 2010, 8:19 pm
إحصائيات: مرسل بواسطة محمد محمود — 04 إبريل 2010, 9:10 pm
إحصائيات: مرسل بواسطة سندريلا — 02 إبريل 2010, 4:40 pm
إحصائيات: مرسل بواسطة هبة الله محمد — 01 إبريل 2010, 8:52 pm
إحصائيات: مرسل بواسطة هبة الله محمد — 01 إبريل 2010, 8:43 pm
إحصائيات: مرسل بواسطة Ghadat2009 — 01 إبريل 2010, 11:27 am
الزميلة العزيزة / نهاد
طبعاً لا يمكن أن يفوتني هذا التكريم الخاص بدون أن أرحب بكي وأقول أنكِ وبصراحة شديدة " ونعم أعضاء الأكاديمية " بمواضيعك الهادفة وردودك المشجعة لزملائك والمفيدة أيضاً لهم . . ففي هذا اليوم أنتى تستحقين :
أولاً : وساماً من الأكاديمية لكي ككاتبة مميزة وإنسانة خلوقة ونعم الخلق .
ثانياً : وساماً لذوقك الرفيع فى اختيار مواضيعك المميزة وأيضاً فى ردودك الشيقة على زملائك .
ثالثاً : وساماً من أجل إنسانة تشجع زملاءها وتفيدهم .
وتستحقين أيضاً الكثير والكثير من الأوسمة التى بها ربما نرد لكي بعض الشئ من عطائك الوفير والجدير بالذكر داخل الأكاديمية وخارجها .
وأنا سعيدة جدااااااا ياعاطف بتشريفك وأسفة جدا على التأخير وحقيقى كلامك أعجزنى عن الشكر
وبكلامك بجد ياعاطف أنا حصلت على وسام غالى جدا من زميل بعتز جدا بكلامة وحقيقى فى الأكاديمية انا كل يوم بحصل على وسام بوجودى وسطكم
وانت كمان ياعاطف تستحق الكثير من الأوسمة على روحك الطيبة وكلماتك الجميلة سواء الا بتمنعنا فية فى الشعر او الا بتشجع بيها زملائك ربنا يجزيك
كل خير بشكرك كل الشكر على وجودك وعلى اسعادى بتلك الكلمات الرائعة
وأود قبل أن أنتهي من كلامي أن أسألك ويا رب تكون أسئلتى خفيفة . .
وانا بكل الصدق هجاوب على اى أسئلة وأكيد ان شاء الله هتكون خفيفة
من أكثر إنسان أو إنسانة تحبينهم ؟
ياه سؤال صعب جداااااااااا ياعاطف انا محتاجة كدا صفحتين او أكتر عشان أقول اكتر إنسان بحبه لان انا بحب ناس كتير جداااااااا ولو بتتكلم عن القرايبين جدا منى فهما كتير جدا برضة انا بجد بحب ناس كتير جدا ولو ذكرت انسان واحد ييقى انا بظلم نفسى اولا لان انا فى ناس كتير من غير وجودهم أكيد حياتى كانت هتنتهى لكن أنا هجاوب عن السؤال بشكل تانى أنا أكتر حد مش بفكر حتى قبل ماانفذ ليه أى طلب بحبه حب كبير جداااااا لو طلب حياتى بجد مش هتأخر ابدا انى اديهالة عشان عمرة يطول أكتر جدتى بحبها بجد حب كبير جدااااااااااا ومش عارفة بجد لو مش موجودة معايا أنا كنت عملت اية اكيد الحياة كانت هتبقى ملهاش اى معنى انا طيعا بحب اتكلم عنها كتير اوى وعن علاقتنا الجميلة ببعض ربنا يخليهالى وميحرمنيش أبد من وجودها:) ويارب ربنا يخليلى كل الناس الا بحبهم ويفضلو طول عمرهم منورين حياتى
ما أو من أكثر شئ تكرهينه ؟
احنا لسة كنا بنتكلم عن الحب لية قلبنا فجأة كدا بس أكتر شخص بكره بمنتهى الأمانة أنا عمرى ما حسيت بمشاعر الكره تجاه انسان لان الكره معنى كبير جدا انك تكره حد يعنى تكره وجودة واى شىء مرتبط بيه بحس بجد ان القلب بيتلوث بمجرد انه يدخلة مشاعر الكره تجاه اى إنسان ...اوقات أه بكره تصرفات أشخاص لانها بتأذى أشخاص تانية لكن مش بحاول أكرهم ممكن اتجنبهم لكن أكرهم لا ...
لكن فى حاجات فعلا بكرهها او بحب جدا انى أكرهها بحب جدااااااااااا أنى أكره الكذب والخيانة وبيخوفنى وبيألمنى وبكره جدا جدا الفراق
وبمناسبة أن اليوم يصادف " عيد الأم " فماذا ستقدمين لوالدتك فى هذه المناسبة وماذا ستقولين لها ؟
هقولك الموضوع من أولة ياعاطف أول ماصحيت شغلتلها الراديو وقلتلها انى بهديلك كل الأغانى الا هتتغنى عن الأم وقلتلها طبعا كل سنة وانتى طيبة
وبعدين خرجت فضلت ادور اشترى ايه روحت أشترتلها كروت شحن للموبيل قلت حاجة مفيدة وفضلت أقولها طول اليوم كل سنة وانتى طيبة لدرجة انها زهقت منى بس فى أخر اليوم كنت انت نزلت القصيدة رحت قرته لها وقولتلها ان زميل معانا بيهديها لكل أمهات مصر وانى انا بهديهالك بشكل خاص ودا كل الا حصل بس معاكم احب أقولها أنى بحبها جدااااااااا وبتمنى انى دايما أن أرضيها وياربت تسامحنى على أى حاجة عملتها وضيقتها بيها وبديها أجمل وردة
ما هو اكثر كاتب تعتبرينه قدوة لكي وتعجبين بكل كتاباته ؟
كنت زمان بحب أوى أقرأ كتب عائشة عبدالرحمن كنت بحب اوى جو الشاطىء والذكريات الا فى كتاباتها وكان نفسى أعمل زيها وتتنشرى أعمال زيها تحت اسم مستعار وأفضل طول عمرى مجهولة فى عقل القارئ كنت معجبة جدا بالفكرة دى وباسلوبها وبحب كتاب كتير بحب بعض أعمال يوسف السباعى وبحب جدا الكاتب أنيس منصور ...لكن لو هتكلم عن القدوة والا يستحق يتقال علية كدا هما كتاب من أكاديمية إيجيبت رايت بجد انا بحب جدااااا كتاباتهم وبستناها وبعتبرهم قدوتى فى الكلمة وأستفدت منهم كتير ولولاهم عمر ماكان ممكن حد يشوف كلامى جميل
ما هو المجال الذى تفضلين الكتابة فيه وتكوني فى قمة سعادتك أثناء كتابته عن باقي المجالات ؟
أدب الأطفال دا المجال الا بكون فى قمة سعادتى وانا بكتب فية او بقرأ بحس كأنى أم بتربى اولادها وبتتمنى تديهم أفضل ماعندها من مبادىء وقيم وكل شىء جميل وبحب كمان الخواطر جدا جداااا لانة المجال ا الا بحس فيه بحريتى وان قلمى مش واقف قدامة اى شىء بس فى الأخير انا بتمنى أكتب فى كل المجالات لان عندى أفكار كتير نفسى أكتبها وان شاء الله ححاول:)
بشكرك كتير ياعاطف على كل كلمة جميلة كتبتها وعلى أسئلتك المميزة ووبتمنى أكون عند حسن ظنكم جميعاً
بتمنالك كل الخير والتوفيق فى كل حياتك
إحصائيات: مرسل بواسطة تنهيدة — 28 مارس 2010, 5:29 pm
إحصائيات: مرسل بواسطة سندريلا — 27 مارس 2010, 11:14 pm
إحصائيات: مرسل بواسطة تنهيدة — 25 مارس 2010, 11:21 am
إحصائيات: مرسل بواسطة تنهيدة — 24 مارس 2010, 11:09 am
إحصائيات: مرسل بواسطة تنهيدة — 23 مارس 2010, 8:43 am
إحصائيات: مرسل بواسطة elsayad — 21 مارس 2010, 3:54 pm
إحصائيات: مرسل بواسطة محمد محمود — 21 مارس 2010, 2:40 pm
إحصائيات: مرسل بواسطة سندريلا — 19 مارس 2010, 3:33 pm
إحصائيات: مرسل بواسطة هبة الله محمد — 18 مارس 2010, 10:26 pm
إحصائيات: مرسل بواسطة Ghadat2009 — 17 مارس 2010, 6:12 pm
أشكر لك هذا الوصف الرائع..و حقاً إحترام الكلمة هو ما ميزك و ميز كل زملائنا فى الأكاديمية بإحترامهم لكلماتهم و اعمالهم...*** وليد توفيق :
كاتب أحب دائما أن أقرأ أعماله وأتابعها ليس فقط لتميزها ، ولكن لأنه كاتب يحترم قلمه ويعرف للكلمة قدرها وأمانتها في عرض هموم الناس
التي هي همى وهمه وهم غالبيتنا ، فهو بحق كاتب معبر عن وطنه وهمومه .
إحصائيات: مرسل بواسطة الأمير الحائر — 17 مارس 2010, 9:53 am
ربما إجابتى على هذا السؤال ستقترب من تعريفى للراوى العليم..أحب أن اكون محايداً فى مشاعرى نحو الشخصيات لكى لا أكون جزء من كل الشخصيات..لكن بالتأكيد هناك شخصية فى العمل أحبها و أحب أن أضع فيها ملامح شخصيتى..و هذه هى التى من الممكن أن أكون البطل فيها..سؤالى الأول ياوليد ...يعيش الكاتب مع كل عمل فى حالة خاصة وفى اوقات يرى الكاتب نفسة فى الشخصية التى يكتب عنها او يتقمصها لكى يصدقها القارىء وأوقات أخرى يتمنى الكاتب ان يكون هو هذا الشخص فيرسم شخصية يتمنى أن يعيشها فهل عندما تكتب قصة تحب ان تعيش بروح البطل او انك تفضل ان تكون العين التى تنظر من وراء ستار عما بداخل هذه الشخصية ؟
الجزء الثانى من السؤال من بين أعمالك ماهو العمل الذى رسمت فيه ملامح شخصيتك انت؟ وماهى أكثر شخصية من بين شخصيات قصصك وراوياتك أحببتها وسعدت بها عند كتابتها؟
إحصائيات: مرسل بواسطة الأمير الحائر — 17 مارس 2010, 9:33 am
1 - يمكن صعب جداً فى فترة انتقالية فى حياتى زى دلوقتى أقول ايه هو طموحى الأدبى..بس لو رجعت للسنة اللى فاتت عشان أستمد إجابتى منها هأقول إن طموحى من الكتابة كان دايماً الكتابة لمجرد حب الكتابة..ولو فكرت فى يوم إن يبقى فيه مشاريع أدبية أكبر هيبقى محاولة للإشتراك مع كُتاب بجد بيحترموا الكلمة و بيحاولوا ينقوا الجو الأدبى السائد للأسف من عدم الإحترام...مناخ نشر أدبى بتنجح فيه أعمال شاذة لأشخاص زى علاء الأسوانى و اللى زيه كتير يبقى أكيد مناخ مريض..و ده أعتقد فى رأيى مخلى كتابات كتيرة جداً ممتازة و محترمة ما تشوفش النور...أو كُتاب بيكتبوا كتاب واحد و يكتشفوا إن النجاح الأدبى بقى ليه مفاتيح تانية عمرهم ما هيمتلكوها و لا عايزين يمتلكوها...و بالتالى بيبقى الكتاب الأول و الأخير...*****
1- ما هو طموحك الذي تتمنى تحقيقه من خلال الكتابة ؟ على المستوى الشخصي و المجتمعي .... الخ
2- هل تعتقد أن الدراسة الأدبية المتخصصة ضرورة لمن يريد النجاح ككاتب ؟ هل يمكن الاستعاضة عن هذه الدراسة بالقراءة و الاطلاع على الدراسات الأدبية المختلفة ؟
...
إحصائيات: مرسل بواسطة الأمير الحائر — 17 مارس 2010, 7:20 am
إحصائيات: مرسل بواسطة elsayad — 14 مارس 2010, 7:08 pm
إحصائيات: مرسل بواسطة محمد محمود — 11 مارس 2010, 8:50 am
إحصائيات: مرسل بواسطة تنهيدة — 11 مارس 2010, 1:46 am
إحصائيات: مرسل بواسطة تنهيدة — 10 مارس 2010, 3:48 pm
إحصائيات: مرسل بواسطة Ghadat2009 — 10 مارس 2010, 10:17 am
أى أن الهدف الأول و الأساسى من (كُتاب تحت الأضواء) هو تقدير أعمال كُتاب الأكاديمية و متابعة الأعمال بغض النظر عن تاريخ نشرها, فكما وضحنا مراراً و وضح كثير من الزملاء أن الأعمال الأدبية تُقيم على أساس مستواها الأدبى و ليس على أساس تاريخ نشرها, و لذلك يمكن التعليق على عمل كُتب فى الأكاديمية منذ عام, مثله مثل أى عمل جديد تماماً, لهذا رجاء عدم إعتبار التاريخ القديم لنشر العمل عقبة تحول دون الرد عليه.و إسقاط الضوء على أعماله, بعرض رابط لصفحته الشخصية فى الأكاديمية, و عرض باقة من أفضل أعماله و أكثرها تميزاً, بحيث يمكن لكل الزملاء فى الأكاديمية متابعة هذه الأعمال و إمداد الكاتب بالآراء حولها, بتوضيح نقاط القوة او النقد البناء لنقاط الضعف بما يحقق الفائدة للكاتب و القارئ.
إحصائيات: مرسل بواسطة Egypt Write — 08 مارس 2010, 9:25 am