صفحة 1 من 1

عيد الميلاد الأخير ( قصة قصيرة )

مرسل: 27 نوفمبر 2008, 4:23 pm
بواسطة الأمير الحائر
بعد موضوع أحمد ( يوم فى حياة عضو ) سافرت لذكريات أول كتابات ليا...
وحبيت أعرضها هنا عشان تنضم لسجل كتاباتى هنا فى الأكاديمية...
والقصة دى كانت أول قصة قصيرة أكتبها فى حياتى...ونقلتها دلوقتى زى ماهى...
بدون أى تعديل..عشان يفضل فيها احساسها القديم...
ويارب تعجبكم وما تتأثروش بحزنها لأنه حزن قديم...صورة
صورة
...........

الانسان...حالـة

حالة فرح...أو حالة حزن

حالة سكون ...أو حالة جنون

حالة هدوء...ولحظة سكون

وفى كل حالات الانسان...يبقى معه قلمه ...رفيقا وصديقا

وهذا مافعلته...لم أيأس...فمن يملك القلم... لايمكن ان يشعر يوما باليأس

بحت للقلم بأحزانى...فزرف مداده دمعا يشاركنى أحزانى...وواسانى...
وهذا هو ماستقرأون...
.......

قالوا لى افرح....فهذا يوم ميلادك

قالو لى اقفز وامرح واملأ الدنيا سرورا....
ففى يوم مثل هذا جئت الى هذه الدنيا...

قالو لى تبسم فأنت اليوم.......أمير

ترددت الكلمة فى رأسى ... ابتسم عقلى فى سخرية...أمير!...أى أمير؟! أمير وحيد... حتى فى يوم ذكرى ميلاده بقى وحيدا بدون أحباء... بدون أصدقاء... بدون أحدا يحبه ويعطيه ثوانى من تفكيره... لم يؤلمنى ذلك يوما مثل الآن... لازلت أبحث عن تلك المعانى صعبة الوجود...

الصداقة والصدق....أين هما فى عالمى؟

الاخلاص والوفاء...تبخرا من قلوب من حولى!

الحــــب...آآآه....كفى....كفاك أحلاما ياقلب!

حقاً إننى أمير كما يقولون...

لكن ...أمير حائر!!
.....
شردت...شردت ببصرى بعيدا عنهم...نظرت الى السحاب البعيد....

دائما كان يبدو لى ذلك السحاب الأزرق جميلا...لكنه لم يبدو كذلك هذا اليوم...

لم أستطع أن أنظر أكثر...اغلقت عيناى...رأيت الظلام ...كان أفضل مايمكن أن ينظر اليه فى تلك اللحظات...

لم يستمر الظلام كثيرا...بدأت أرى أشباحا بيضاء تحتل ظلام عيناى...لم أعرف ماهذه الأشباح...

جاهدت لأتعرف تلك الأشباح البيضاء التى بدأت تخترق الظلام....

رأيت فى تلك الأشباح وجوها...وجوها كثيرة....

لم اتعرف تلك الوجوه فى بادئ الأمر... .ولكنى بعد قليل بدأت أتعرف فى تلك الوجوه أصدقائى...

بدو بعيدون عنى ...كما هم فى الحقيقة....أردت ان أقترب..أن ألمس أحدا منهم...لكنى انتبهت انهم بعيدون...بعيدون جداً
لم استطع ان أقترب منهم حتى فى خيالى...

استيقظت من خيالاتى على صوت عائلتى ... وهم يجهزون للأحتفال...

تسائلت لماذا يحتفلون!... بدا لى وكأنه احتفال للحزن...حـزن!

بدت لى الكلمة مالوفة...

منذ مدة طويلة وانا أسمع هذه الكلمة تتردد فى مسامعى...تسبح فى خلايا عقلى...تمتزج بدمائى
كأنى ولدت بهذا الحزن...

وحان لهذا الحزن أن يتكرر ...فى يوم ميلادى....
ولدت بحزنى واحتفل به...

ألم اقل انه احتفال للحزن!
......

سمعت الأصوات تنادى باسمى...اقربائى جاءوا بضحكاتهم يهنئونى ...اخذونى الى تلك المائدة...

كانت المائدة ممتلئة...نظرت بشرود... كان أول مالفت نظرى تلك السكين اللامعة بجوار كعكة عيد الميلاد... أطلت النظر فى نصلها...بدا جذابا الى عينى ببريقه...كان بريق النصل يحمل شعورا غريبا بالراحة لنفسى...فى هذه اللحظات...

فجأة أغلقت الأنوار...كدت أصرخ لأجعلهم يفتحوه لكى أرى النصل يلمع...لكنى وجدتهم يضيئون الشموع...رأيت نصل السكين يلمع بلون النار...كان شكله أكثر بريقا...
تصاعدت أصواتهم وهم يغنون ... لم اكن أغنى معهم...كانت يدى تشق طريقها نحو النصل اللامع فى بطء...
وصلت اليه...أخذت اتحسس النصل بأناملى...كان حادا للغاية...أخذت أمر بأصابعى على النصل الحاد...
لم اكن أدرى بما أفعل...كنت منعزلا عن الدنيا...أنا وذلك النصل فقط...صعدت فكرة مجنونة إلى رأسى...أمسكت بقاعدة السكين فى قوة...

فجأة سكت الجميع ورأيتهم ينظرون الى...منتظرين أن أطفئ الشموع...نظرت اليهم...ثم الى الشموع المحترقة... أمسكت بالسكين بقوة أكبر...رفعته عاليا و.....

وعم الظلام المكان...

الظلام التام.
.........
الأمير الحائر
كتبت بتاريخ
11 أغسطس 2005

Re: عيد الميلاد الأخير ( قصة قصيرة )

مرسل: 27 نوفمبر 2008, 5:14 pm
بواسطة ابن مصر
ايه يا وليد القصة الجميلة دى معقولة دى اول تجربة ليك بجد هايلة كنت مخبى الحاجات الحلوة دى عننا ليه بجد جميلة و ده العادى بتاعك و يالتوفيق فى القصص القادمة وانا منتظر منك كل جديد صورة

Re: عيد الميلاد الأخير ( قصة قصيرة )

مرسل: 27 نوفمبر 2008, 6:27 pm
بواسطة خالد
بجد ياوليد قصه هايله ومليانه مشاعر وانا مش متخيل انى دى اول كتاباتك
وبعدين انت من زمان وانت امير حائر مكنتش اعرف انك مختار الاسم من زمان كده
واخر حاجه انت كاتب ان عيد الميلاد ده كان العيد ال15
يعنى انت دلوقتى عندك18سنه يعنى صغير اوى على الكتابات الجميله دى
وبحييك على القصه الحلوه

Re: عيد الميلاد الأخير ( قصة قصيرة )

مرسل: 27 نوفمبر 2008, 6:57 pm
بواسطة تنهيدة
حلوه اوى القصة ياوليد هى حزينة اوى لكن انت قلت مره انه كثيرا مايجلب الحزن الأبداع وانت مبدع منذ الصغر انا عن نفسى اكتر ايام فى حياتى بحس بيه بالحزن يوم ميلادى لانى بحس ان العمر بيمر وانا مش عارفة اعمل حاجة مفيدة المهم خلينا فى بدايات مبدع القصة احساسة رائع جدددددددددددددددا انا نفسى تنشر كل كتاباتك القديمة بجد لو بالمستوى دة تبقة رائعة ربنا يوفق ياوليد ومتكنش حزين تانى فى عيد ميلادك ققولك قولنا عيد ميلادك امتى واحنا نعملك حفل فى الأكاديمية ونخلى كل الأعضاء يكتبة ليك قصائد صورةصورةصورة

Re: عيد الميلاد الأخير ( قصة قصيرة )

مرسل: 27 نوفمبر 2008, 8:08 pm
بواسطة الأمير الحائر
شكرا يامحمد على ردك الرائع...وهو كان احساس حقيقى فعشان كده جايز كانت حلوة بغض النظر عن عمرى ساعتها...وبجد شكرا يامحمد على ذوقك صورة
.......
شكرا على رأيك يا خالد...وعلى فكرة هو اللى لغبط اللغبطة دى كلها انى امبارح رديت على احمد كده يالتقريب...بعديها دورت فى ورقى وكتاباتى القديمة لحد ما لاقيت القصة دى وعرفت تاريخها بالظبط...فرقت معايا فى 3 سنين بحالهم...يعنى كتبت القصة دى وانا عندى 18 سنة...ودلوقتى انا عندى 22 سنة
وفعلا الأمير الحائر ده من زمان جدا وهو اسمى فى كل كتاباتى وفى كل المواقع الأدبية اللى اشتركت فيها كنت بستخدم نفس الأسم...يعنى عشرة زى ماتقول كده صورة
وأنا اللى بحييك بجد يا خالد على تشجيعك وعلى ردك الجميل صورة

........
شكرا ياتنهيدة بجد...وعلى فكرة جملة ( كثيرا مايخلق الحزن الإبداع ) ده مبدأى وبصدقه جدا لأنه اتحقق فى حياتى كتير...وكان دايما أكتر إبداع ليا بيخرج وقت حزنى...بس طبعا مش شرط أساسى عشان أكتب...وبجد أنا متأكد انك عيد ميلادك الجاى هتحسى بفرق عشان أنتى فعلا عملتى حاجة مفيدة وجميلة جدا كون عقلك أبدع رواية ( حب بلا وطن ) وده شئ حقك بجد تفتخرى بيه..صورة وبشكرك ياتنهيدة جدا على رأيك فى أول قصصى...صورة

Re: عيد الميلاد الأخير ( قصة قصيرة )

مرسل: 28 نوفمبر 2008, 9:41 am
بواسطة الامير الصغير
والله انت ممتاز يا وليد..صورة
كل يوم ببقى فخور اننا ابقى اخوك صورةصورةصورة
والله قصه جميله جداً يا وليد..صورة
صورة وشكراً ًصورة
صورة

Re: عيد الميلاد الأخير ( قصة قصيرة )

مرسل: 28 نوفمبر 2008, 5:31 pm
بواسطة هبة الله محمد
قصة روعة من لنوع اللي بيعجبني جدا..اللغة شعرية رقيقة متناسبة مع جو الحزن في بداية القصة وترتفع لتصبح الألفاظ قوية في الجزء الأخير من القصة..روعة فعلا..بأهنيك عليها
صورة

Re: عيد الميلاد الأخير ( قصة قصيرة )

مرسل: 29 نوفمبر 2008, 9:48 pm
بواسطة الأمير الحائر
شكرا ياأمير ياحبيبى على رأيك فى قصتى ويارب تكون قرتها كويس واتعلمت عشان تبدأ تكتب القصة اللى انت عايز تكتبها صورة

.....
شكرا ياهبة بجد على رأيك...وسعيد انها عجبتك...وهى كانت إحساس شخصى مع شوية خيال.. أكتر منها قصة يمكن عشان كده كانت حلوة
يشكرك على رأيك...وانتى كمان قصتك ( المطارد ) هايلة وطريقة كتابتها رائعة بجد ومستنى ان شاء الله أعمالك اللى جاية صورة