ألف قصة قصيرة فى موضوع واحد ! فكرة حصرية لأكاديميتنا

[تنهيدة]

سرقوا بسمتى

_____________

عاشت العمر كلة ...تحلم أن يكون لها طفلا ..وعندما تحقق الحلم ..ولم يبقى على تحقيقة سوى أيام ..قتل الطفل وهو فى أحشاءها ...قتل قبل أن يرى النور ..قتل هو وأمه ..بأيدى صهيونى حقيرة ...ولم ترى صغيرها التى كان أملها الوحيد ..الذى كان سيرسم البسمة على وجهها ..فسرقوا البسمة قبل أن تولد ...

____________________________________

ماشى ياوليد أنت وأحمد أنت عشان شايفنى لوحدى بتتكتروا علية على العموم ...أنا لولا النت مزهقنى كنت كتبت الألف قصة فى لحظة ...بس حتشوفوا أنا حعمل أية

[تنهيدة]

وحيدا

__________

عاش طوال حياته خائف من الناس ..يبتعد عنهما لا يريد مخالطتهم ..فكر أنه بهذا يحمى نفسه من غدرهم وضلمهم ...وظل يبتعد ويبتعد ..حتى أصبح لا يعرف يعيشا سوى وحيدا

ولكن وحدته قتلتة ..فمات فى فراشة دون أن يعرف أحد خبر وفاتة ...فقد عاش وحيدا ومات وحيدا...

____________________________________

على فكرة ياوليد انت وأحمد بعيد اننا متغاظة منكم جدا بس بجد أفكار قصصكم هايلة وبجد انا عجبنى قصة أحمد الا أسمها بداية وكمان باقى القصص وكمان قصصك وخصوصا بريق بصراحة مقدمين أفكار فوق الروعة...بس برضة أن مش حستسلم وحاستعين بقوة خارجية لمواجهتكم ...بس خلى بالك ياوليد أنت بتسهل لآحمد أحمد بيزود فى السطور وأنت ولا هنا وكمان بيشرح قصتة بعد مايكتبة وانت قايل ان القصة هى الا توصل معناه مش عايزين بقة عنصرية خليك منصف ...دا أنا لوحدى ومعايش حد...

[الأمير الحائر]

لأنه أحب

لم يحب أحدا مثلما أحبها..عشقها بكل كيانه..و ملأ هواها قلبه..لكنه من فرط حبه.. لم يرد أن يجرحها ويغرقها وسط بحر جراحه الكثيرة فتركها وابتعد!..لأنه أحبها بصدق..

___________________

شكرا يا تنهيدة وأنا كمان حسيت قصة بريق دى وأنا بأكتبها مع صغرها..وعجبنى قصصك كلها وبالذات حب فى خيالى..الموضوع ده طلع مواهب خفية...زى الكاميرا الخفية كده
يا أحمد دول بيتلككوا بيك صغر ياعم شوية وماتشرحش قصتك..بردو هنغلبهم كده كده

[المهاجر]

من أنا

صعق من هول المفاجأة ... لم يصدق نفسه ... فقد كان وسط النار ... يجرفه التيار... أبكته آلامه... اثقلته ذنوبه ... بكى ثم ضحك ... ليصحوا من نومه ليقول من انا ؟؟


سيبهم يتلككوا يا وليد وادى يا عم قصة من سطر يا عم ولا يهمك

[الأمير الحائر]

حسد

حسد القمر يوما الشمس على نورها الأخاذ, فقرر أن يقاطعها...ومن يومها أصبحت الليالى كلها ظلام...!

_____________


إحنا كسبانين كسبنانين يا أحمد إن شاء الله بس المشكلة مافيش منافسة خالص

[المهاجر]

عار

عاش وسط الملهيات .. اعتقد انه حي لن يموت .. فكانت الصدمة له حينما وضع فى التابوت .. لا انا خالد مخلد ... ولكن هيههات فقد غرقت فى النار .. وجلبت لنفسى العار


المشكلة انهم مش عايزين يعترفوا بالمنافسة وبيقولك احنا اللى هنكسب برضه

[الأمير الحائر]

هناك

انتظرته طوال عمرها..وانتظرها..هى نصفه وهى كل كيانه..وكأن كلا منهما قد خلق للأخر..لكنه أبدا لم يكن غير هنا..وهى لاتستطيع أبدا أن تعيش غير هناك..فعاش النصفان بعيدا..هنا..وهناك...

_________________

ولايهمك يا أحمد خليهم يحلموا

[المهاجر]

قصة إنسان

ولد ........ ليموت




ماشى يا تنهيدة بيسهلى ليه تب اتفرجى بقى وقوليلى رايك وادى يا عم وليد قصة من كلمتين بس هما يفهموها بقى

[المهاجر]

أهـــــداف

الحياة ...... مجموعة أهداف


شايفة يا تنهيدة انا بعزك ازاى وقلبى ابيض ازاى وابقى قابلينى لو كسبتوا اعتقد ما حدش فيكم ممكن يكتب حاجة زى كدا لانها مواهب

[محمد محمود]

عاش حياته يحلم بالمستحيل ، ويطير بعيدا عن أرض الواقع وعندما ظن أنه اقترب من تحقيق حلمه _ مات _ ليبقي الموت هو الحقيقة الوحيدة في حياته

والله يا وليد فكرة جميلة جدا ً أحييك عليها ، ويا ريت تبدأوا مفاوضات سلام بين الحزبين الكبيرين قبل ما الحرب تشتد ويكون فيها ضحايا من الأبرياء