النساج والتوب - قصة قصيرة

المشرفون: Ghadat2009،نبضة...

أضف رد جديد
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

النساج والتوب - قصة قصيرة

مشاركة بواسطة ماهر طلبه »

النساج والتوب
من زمان ..زمان قوى .. بيعيش نساج طيب ، يقضى طول الليل ينسج إللى جمعه من خيوط النهار توب أبيض بلون قلبه لكن دايما كان يغلبه النوم قبل ما الفجر يدخل عليه البيت ولما يصحى كان يلاقى التوب اختفى .. مده طويله.. طويلة استمر الحال ده .. كل يوم يعمل توب وقبل النهار ما يطلع يختفى مقدرش أبدا يعرف فين بيختفى منه التوب !! مين بياخده !! ؟
فين.. فى يوم من الأيام هو قرر أنه يغلب نوم الفجر حتى لو اضطر يقتله علشان يعرف السر فى اختفاء التوب ، وفعلا أخد سكّينه ووقف ورا الباب فلما دخل النوم يسحب ضربه فى ضهره فوقع قتيل وسهر يحرس التوب ...
فجأة الفجر خبط الشباك برجله فظهرت فتحه صغيره .. صغيرة جدا – مكانتش باينه للنساج الطيب – فى درفة الشيش.. ندهت الشمس – إللى كانت بتجمع خيوط النهار علشان تلبس توبه – على خيوطها فبدأ التوب الأبيض يتفكك صف صف ... فهم النساج الطيب .. جرى .. حاول يسد الفتحه لكن الخيط كان جواها ... اتعلق النساج بطرفه .. شدته الشمس وبدأ يطلع ويطلع ويطلع ... كانت الدنيا إللى عمره مشاف منها ألا جزء صغير - صغير جدا - عايش فيه .. باينه قدامه كلها صغيرة جدا كأنها ماكيت لعالم تانى لسه الصانع ما اوجدوش .. خاف لما لقى نفسه فوق السحاب .. لما رجله لمست القمر وعداه .. تعبت إيده من مسكة الحبل , ففلت الحبل ... وقع ..
فى الأول طار زى أى عصفور ففرح وفرد جناحه وحس أنه حر .. لأول مره حر .. لكن فجأة حاجه م الأرض شدته وبدأ ينزل بسرعة مخيفه .. صرخ م الرعب وصحى مفزوع .. كان النول إللى نايم يحرسه فاضى والتوب الابيض بلون قلبه مش موجود ... قام غسل وشه وبدأ يجمع خيوط النهار علشان يمكن يقدر بالليل يعمل توبه.
http://mahertolba.maktoobblog.com" onclick="window.open(this.href);return false;
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: النساج والتوب - قصة قصيرة

مشاركة بواسطة Ghadat2009 »

مرحبا بك يا ماهر زميلا عزيزا في الأكاديمية الرائعة flower1

قصتك جذابة الأسلوب و تبدو لي رمزية الفكرة ... أسلوبك الممتع يذكرني بقصص ألف ليلة و ليلة غير أن الفكرة تدعو لإعمال العقل كما أعتقد

و يبدو و كأن النسّاج هو إنسان عامل ..طيب القلب متفائل ..ينسج من الأمل أو ضوء النهار ما يعينه غلى الحياة .. يحاول مقاومة اليأس و أية مثبطات للعزيمة ... يصطدم بأرض الواقع و يستيقظ على استمرار في العمل و مواظبة عليه

قصة جميلة و أسلوب جذاب

في انتظار المزيد من القصص بالعامية او الفصحى

بالتوفيق إن شاء الله flower1 flower1 flower1
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
rawan432
أكاديمى نشيط
أكاديمى نشيط
مشاركات: 226
اشترك في: 27 إبريل 2009, 2:47 am
Real Name: روان عبد الكريم
Favorite Quote: كان ياما كان يا دمع الحنين
يا زمن العشق المكنسر
والوف القبور من العاشقين

Re: النساج والتوب - قصة قصيرة

مشاركة بواسطة rawan432 »

قصتك الاسطورية ذكرتنيى بابو القاسم الشابى

خلقت طليقاً كضوء الفضاء
وحراً كنور الضحى فسماه
فبالك ترضى بذل القيود وتحنى لمن كبلوك الجباه
الا انهض وسر فى طريق الحياه فمن نام لمن تتنظره الحياة

وهكذا هو النساج البائس ينسج خيوط الشفافية والطيبة فى زمن الوهم ويتكرر الموقف كصخرة سيزيف الابدية ولرغم انك اوجدت له الحل ليخرج للحياة الا انه يقبع مستكينا فى سجنه الابدى
فحقاً من نام لم تننظره الحياة
http://thumbs.bc.jncdn.com/043d1b820dd2c3e4b7d22e52d9f9c923_l.jpgصورةكان ياما كان يا دمع الحنين
يا زمن العشق المكنسر
والوف القبور من العاشقين
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: النساج والتوب - قصة قصيرة

مشاركة بواسطة walaa mohamed »

أهلا بك زميلا جديدا معنا هنا فى أجمل وأروع صرح أدبى(أكاديمية ايجيبت رايت)
قصة ممتعة بحق :)الأسلوب جميل جدا clap1
وننتظر المزيد ان شاء الله
يا مقلب القلوب..ثبت قلبى على دينك


صورة
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: النساج والتوب - قصة قصيرة

مشاركة بواسطة ماهر طلبه »

Ghadat2009 كتب:مرحبا بك يا ماهر زميلا عزيزا في الأكاديمية الرائعة flower1

قصتك جذابة الأسلوب و تبدو لي رمزية الفكرة ... أسلوبك الممتع يذكرني بقصص ألف ليلة و ليلة غير أن الفكرة تدعو لإعمال العقل كما أعتقد

و يبدو و كأن النسّاج هو إنسان عامل ..طيب القلب متفائل ..ينسج من الأمل أو ضوء النهار ما يعينه غلى الحياة .. يحاول مقاومة اليأس و أية مثبطات للعزيمة ... يصطدم بأرض الواقع و يستيقظ على استمرار في العمل و مواظبة عليه

قصة جميلة و أسلوب جذاب

في انتظار المزيد من القصص بالعامية او الفصحى

بالتوفيق إن شاء الله flower1 flower1 flower1
جزيل شكرى للكلمات الجميلة ... اتمنى ان اكون عضوا نافعا فى الاكاديمية الرائعة ... وان افيد بقدر الفائدة التى اكتسبها من خلال مشاركتكتم جميعا .. اعضاء واشراف
http://mahertolba.maktoobblog.com" onclick="window.open(this.href);return false;
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: النساج والتوب - قصة قصيرة

مشاركة بواسطة ماهر طلبه »

rawan432 كتب:قصتك الاسطورية ذكرتنيى بابو القاسم الشابى

خلقت طليقاً كضوء الفضاء
وحراً كنور الضحى فسماه
فبالك ترضى بذل القيود وتحنى لمن كبلوك الجباه
الا انهض وسر فى طريق الحياه فمن نام لمن تتنظره الحياة

وهكذا هو النساج البائس ينسج خيوط الشفافية والطيبة فى زمن الوهم ويتكرر الموقف كصخرة سيزيف الابدية ولرغم انك اوجدت له الحل ليخرج للحياة الا انه يقبع مستكينا فى سجنه الابدى
فحقاً من نام لم تننظره الحياة
روان الصديقة العزيزة :
انت مش هتبطلى تسرقى مننا النور كده ... طبعا قصيدة ابو القاسم الشابى الشاعر التونسى الجميل اجمل من قصتى

سعدت بقراة المقاطع الجميلة التى اخترتها لتعبر عن قصتى
اشكرك جزيلا روان دايما اسعد بمرورك وتعليقك
http://mahertolba.maktoobblog.com" onclick="window.open(this.href);return false;
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: النساج والتوب - قصة قصيرة

مشاركة بواسطة ماهر طلبه »

walaa mohamed كتب:أهلا بك زميلا جديدا معنا هنا فى أجمل وأروع صرح أدبى(أكاديمية ايجيبت رايت)
قصة ممتعة بحق :)الأسلوب جميل جدا clap1
وننتظر المزيد ان شاء الله
الزميلة العزيزة ولاء
يسعدنى ويشرفنى ان اكون زميل هذه النخبة من الادباء المثقفين وفى هذا الصرح الادبى الكبير الذى نتمنى له التقدم والاستمرار
شكرا جزيلا
http://mahertolba.maktoobblog.com" onclick="window.open(this.href);return false;
أضف رد جديد

العودة إلى ”قصص عامية“