الجزار والصبى - قصة قصيرة

المشرفون: Ghadat2009،نبضة...

أضف رد جديد
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

الجزار والصبى - قصة قصيرة

مشاركة بواسطة ماهر طلبه »

حكاية الجزار والصبى
من زمان .. زمان قوى .. بيعيش إنسان شرير شغال جزار .. أول مرة يدخل حكايتنا واحد شرير .. لكن ليه شرير ؟ .. علشان ماسك فى إيده سكين بيدبح به من غير ما قلبه ينفطر ؟.. ولا علشان بيدبح من غير ما يحس بلسعة قلب الضحية ؟ .. ولا علشان لما الدم السخن بيجرى على إيده مابيعملش غير إنه يجرى المية الطاهرة –عليها- فيلوثها من غير ما يجمع ده فى قزازة ويدفنه زى ما أى حاجة محترمة تستحق الدفن لما تموت ..؟ ..
لا.. أنا بأعتقد إن كل دا عادى وطبيعى مادمنا حطينا فى إيده م الأول السكينة وسبناه يدبح ، لكن غير الطبيعى وإللى فعلا بيأكد إنه شرير إنه بعد كل ده لما يدخل الليل بيحط راسه على المخدة وينام من غير ما يحلم بأولاد الضحايا إللى دايما متعلقين فى رقبة أمهم وأبوهم المدبوحين ...
جزارنا ده كان عنده صبى صغير جدا .. كانت لسه جواه حتّة البراءة إللى علقها الجزار على مشنقته فى أول يوم فتح الدكان .. الصبى كان كل يوم لما الليل يدخل حيطة راسه يصرخ م الرعب والألم .. أمه إللى دايما كانت بتبقى سايبة حضنها معاه كانت بتصحى مفزوعة
..." مالك يا ابنى ..؟!!.. إيه إللى جرى ؟!!.."
..." الدم ياأمه...."
كان بيبكى زى أى عجل جاموس شايف أبوه مدبوح متعلق بيتباع مهما كان الثمن فهو بخس ...
الجزار إللى كان حلم عمره .. صبى له قلب ميت .. إيد حديد .. عقل ما يعرفش إلا الحسم وبق ما يحسش باللذة إلا لما يدوق الدم .. يحل محله لما يجى الأجل .. لما أم الصبى جت له وحكت الحكاية بكى .. بكى زى أى فحل جاموس فقد ابنه الحلم إللى متجسد قدام عينيه حزمة ضوء متعلق فى حبل طالع به للسما .. ياما صبيان اشتغلوا عنده .. إللى مات وإللى صابه الجنون وإللى الرحمة خدته فى حضنها فصار ملاك .. ياما هرب منه صبيان وافتكر لما جه زمان – قبل الزمان- عليه الدور علشان يخش محل الجزارة صبى .. معلمه قعده جانبه .. رسم حلمه حواليه .." نفسى فى الصبى إللى يشوف الدم فى حلمه ومايصحاش مفزوع ...".. يومها شفت نفسى فى حلم معلمى .. الصبح أمى جت تضحك فى وش معلمى وقالت له ..." الواد مبسوط قوى م الشغلة دى .. باين عليه حبها .. طول الليل نايم ينده باسمك تمسك من هنا وتربط هناك وتسن سكينك وتدبح ويضحك .. يضحك لدرجة إنى افتكرته هيجنن لكن لما خرج م الحلم سليم حمدت ربنا وجيت أشكرك ..."
يومها .. ضمنى المعلم لحضنه وبكى .. بكى زى أى فحل جاموس اتجسد قدام عينيه حلمه قنديل ضوء ينور سما وقاللى .. " حلمى انت – خلاصى – من ألف سنه وأنا بدور عليك .. دورك جه زى ما كان لىّ دور .. بس ياريت ماتعملش زيىّ .. وياريت تكون نهايتى –المكتوبة – غير نهاية معلمى .." وبكى وهو بيترحم على معلمه ..
ع الظهر .. بهرنى لون الدم إللى بيجرى على إيدى .. سحرنى الدفى إللى اتشرب منه كل جسمى .. مديت إيدى لبقى ودقته .. آه من طعم الدم .. لما جه الغدا مليت قزازة المية دم وشربتها .. مانساش الصورة إللى اترسمت على وش معلمى .. معلمى إللى عمر الخوف ما خطر على باله .. خاف لأول مرة فى حياته يخاف .. كأنه شاف مكتوب بيترسم
ع العشا .. رفضت أمثل دورى للآخر .. أكون كومبارس فى حكاية .. إيه المتعة فى إنك تمسك الضحية .. تكتف وتثبت وتشد الرقبة .. لكن السكين ... الله ..." عايز أدبح يا معلمى ..." ....
مانساش رعشة إيد المعلم .. السكينة الممدودة المرعوشة .. أول مرة إيده تترعش .. حتى لما خد السكين علشان يدبح أول رقبة ماارتعشتش إيده .. يومها طيرت أول رقبة .. جزتها ... قلب المعلم ضحك .. قلب المعلم خاف .. مد إيده علشان ياخد السكين .." مين يقدر يسيب سكين ماسكها ؟!!!!..
عارفين فى الساعه دى نسيت كل حاجة مابقاش بس غير إن حد هياخد منى السكين \ دنيتى.. رفعتها لرقبة معلمى إللى وقف قدامى جسم من غير راس .. من يومها وأنا بجرى ورا حلم الصبى ... كان الجزار حزين مش لإنه بيدبح لكن لإنه مش لاقى إللى ياخد من إيده السكين ويدبحه ...
عارفين أنا متهيألى إن الجزار دا طيب مش زى ما كنا فاكرين لإنه بيحاول يهرب من عذاب الضمير حتى لو اندبح .
http://mahertolba.maktoobblog.com" onclick="window.open(this.href);return false;
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: الجزار والصبى - قصة قصيرة

مشاركة بواسطة محمد محمود »

أخي العزيز الأستاذ ماهر
تحياتي لك ولأسلوبك الرائع
قرأت القصة وتعايشت معها جدا ً ، ويا لعمق فكرتك التي أسقطت معناها بين الكلمات كريشة فنان يعرف كيف يوجه فرشاته .
أحسست من قصتك معنى ليته يصل لقلب وعقل كل ظالم
وكيف أن من يربي شخصا ً على الجبروت ومسك السكين سيكون هو أول ضحاياه
ففي دنيا الظلم والجبروت دائما ً ما يتفوق التلميذ على أستاذه .
وصدق الشاعر حين قال :
كم علمته رمي السهام فلم اشتد ساعده رماني
وكم علمته نظم القوافي فلما نظم قافية ً هجانـي
عميق تحياتي وإعجابي وتمنياتي بالتوفيق ،
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: الجزار والصبى - قصة قصيرة

مشاركة بواسطة ماهر طلبه »

محمد محمود كتب:أخي العزيز الأستاذ ماهر
تحياتي لك ولأسلوبك الرائع
قرأت القصة وتعايشت معها جدا ً ، ويا لعمق فكرتك التي أسقطت معناها بين الكلمات كريشة فنان يعرف كيف يوجه فرشاته .
أحسست من قصتك معنى ليته يصل لقلب وعقل كل ظالم
وكيف أن من يربي شخصا ً على الجبروت ومسك السكين سيكون هو أول ضحاياه
ففي دنيا الظلم والجبروت دائما ً ما يتفوق التلميذ على أستاذه .
وصدق الشاعر حين قال :
كم علمته رمي السهام فلم اشتد ساعده رماني
وكم علمته نظم القوافي فلما نظم قافية ً هجانـي
عميق تحياتي وإعجابي وتمنياتي بالتوفيق ،
اخى العزيز محمد محمود
اشكر جدا على هذه الكلمات التى يعجز قلمى عن وصفها واتمنى ان يكون عملى يستحقها
سعيد جدا بالتواصل الحادث بيننا فليس فى كل يوم يكتسب الكاتب قارئ مثل حضرتك
جزيل شكرى وتحياتى
http://mahertolba.maktoobblog.com" onclick="window.open(this.href);return false;
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: الجزار والصبى - قصة قصيرة

مشاركة بواسطة Ghadat2009 »

زميلي العزيز ماهر

قصتك هذه رائعة فكرة و أسلوب clap1

الفكرة قوية و الأسلوب مميز جدا و ممتع ... يجعل الفكرة تصل إلى الأذهان بكل سلاسة و إتقان من الكاتب

و استخدام العامية كان مناسبا جدا للموضوع و مساعدا على إيصاله للمتلقي بشكل ممتاز

أشكرك على قصتك المميزة و أرجو لك التوفيق دائما إن شاء الله
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: الجزار والصبى - قصة قصيرة

مشاركة بواسطة ماهر طلبه »

Ghadat2009 كتب:زميلي العزيز ماهر

قصتك هذه رائعة فكرة و أسلوب clap1

الفكرة قوية و الأسلوب مميز جدا و ممتع ... يجعل الفكرة تصل إلى الأذهان بكل سلاسة و إتقان من الكاتب

و استخدام العامية كان مناسبا جدا للموضوع و مساعدا على إيصاله للمتلقي بشكل ممتاز

أشكرك على قصتك المميزة و أرجو لك التوفيق دائما إن شاء الله
العزيزة غادة

اشكرك جدا واتمنى ان تنول اعمالنا القادمة على نفس التتقدير
تحياتى
http://mahertolba.maktoobblog.com" onclick="window.open(this.href);return false;
صورة العضو الرمزية
سمر
أكاديمى فعال
أكاديمى فعال
مشاركات: 13
اشترك في: 24 يناير 2010, 8:46 pm
Real Name: سمر
Favorite Quote: حب ما تعمل لتعمل ما تحب
verification: ID verified and trusted writer

Re: الجزار والصبى - قصة قصيرة

مشاركة بواسطة سمر »

القصه تحفه و الاسلوب بسيط و لطيف حلوة اوى اوى
ليس كل من يبتسم لك يحبك
صورة العضو الرمزية
dr asmaa
أكاديمى نشيط
أكاديمى نشيط
مشاركات: 123
اشترك في: 04 نوفمبر 2009, 8:18 pm
Real Name: أسماء مصطفى
Favorite Quote: اللهم أسترنا فوق الأرض وتحت الأرض ويوم العرض عليك
verification: ID verified and trusted writer
مكان: الإسكندرية
اتصال:

Re: الجزار والصبى - قصة قصيرة

مشاركة بواسطة dr asmaa »

clap1 السلام عليكم زميلى العزيز

الجزار والصبى ,, المدير والموظف ،،، الرئيس والشعب

كلاهم نفس الوجه لنفس العملة

ولكن متى نتحرر جميعنا كما تحرر الصبى

قصتك جميلة بحق من حيث الفكرة والأسلوب الممتع الذى يجذبنا للقراءة دون ملل great1 great1

تحياتى لك ولصبى الجزار :D :D
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: الجزار والصبى - قصة قصيرة

مشاركة بواسطة ماهر طلبه »

سمر كتب:القصه تحفه و الاسلوب بسيط و لطيف حلوة اوى اوى

الاخت العزيزة سمر اشكرك جزيل الشكر واتمنى اننا نعرف رايك باستمرار فى اعمالنا
تحياتى
http://mahertolba.maktoobblog.com" onclick="window.open(this.href);return false;
ماهر طلبه
أكاديمى فعال
أكاديمى فعال
مشاركات: 44
اشترك في: 28 يونيو 2009, 1:45 am
Favorite Quote: اكتب حتى لا تنتحر

Re: الجزار والصبى - قصة قصيرة

مشاركة بواسطة ماهر طلبه »

dr asmaa كتب:clap1 السلام عليكم زميلى العزيز

الجزار والصبى ,, المدير والموظف ،،، الرئيس والشعب

كلاهم نفس الوجه لنفس العملة

ولكن متى نتحرر جميعنا كما تحرر الصبى

قصتك جميلة بحق من حيث الفكرة والأسلوب الممتع الذى يجذبنا للقراءة دون ملل great1 great1

تحياتى لك ولصبى الجزار :D :D
اختى العزيزة نعم الظلم هو الظلم مهما كان شكله .. اشكرك على كلماتك الجميلة واتمنى ان يظل التواصل بيننا عبر الاعمال
تحياتى
http://mahertolba.maktoobblog.com" onclick="window.open(this.href);return false;
أضف رد جديد

العودة إلى ”قصص عامية“