على بالي

المشرفون: Ghadat2009،نبضة...

أضف رد جديد
مصطفى السيد سمير
أكاديمى جديد
أكاديمى جديد
مشاركات: 5
اشترك في: 05 فبراير 2009, 12:06 am
مكان: قنا
اتصال:

على بالي

مشاركة بواسطة مصطفى السيد سمير »

إية اللي بعدك عني
كل منايا أبقى معاك
باغير عليك
أنا بحبك أكتر
وأكتر
وأكتر ..
كلمات رقيقة مكتوبة على كروت صغيرة متعلقة على حيطة المكتبة.. ألوانها جميلة.. وسط الزباين اللي بيصوروا ورق المحاضرات أو بيشتروا أقلام أو بيتكلموا في الموبايل.. وقفت أتفرج على ولد وبنت صغيرين ملامحهم شبه بعض جدا كأنهم إنسان واحد اتقسم نصين وكل نص له نفس الابتسامة.. بيجروا في مكان مش واضح.. ماسكين إيد بعض جامد كأنهم خايفين لحسن - في لحظة عشق غير محسوبة - واحد منهم يطير في الهوا.. إزاي عرفوا إن البعد يوجع.. ويخوف.. الخلفية وراهم لونها أحمر بدرجة في منتهى النعومة.. ذكريات جميلة خدتني فجأة.. اندلقت جوة الروح زي مية ساقعة في يوم حر والساعة 3 الضهر وانتا ماشي في مظاهرة وريقك أنشف من رمل الواحات.. كنا تقريبا في نفس المكان هنا.. في الجامعة.. كانت أول مرة أمسك إيد بنت كانت الدنيا شتا وعملت نفسي بشوف إيدك ساقعة ولا لأ.. وماكنتش متخيل قد إية الإحساس دة هيبقى دافى وحميم للدرجة دي.. كانت صوابعك بين إيديا بتترعش.. نفسها تنسحب من إيدي لكن في نفس الوقت نفسها تفضل كدة على طول.. زى عصفور صغير بيترعش مش من البرد لكن يمكن من المفاجأة أو من إحساس جديد بيحسه لأول مرة.. بصمت كانت صوابعي بتحفظ كل تفاصيل إيديكي وتسمع كل الأسرار اللي بتبوح بيها صوابعك.. حضن من نوع خاص أقرب للامتزاج.. للتوحد كإني خايف أسيبها ومش عارف إيه اللي ممكن يحصل في الدنيا وفي استقرار الكون لو سبنا إيدينا .
- كل ده كنتي مخبياه عليا ؟
- خبيت عليك إيه ؟
- مش حقول .. ده سر ..
فجأة تتملي السما بالنجوم زي شجرة ياسمين مضيئة .. تقع على شعرك نجمة.. أخدتها وحطيتها على قلبك عشان ينور لي زي فنار لما نبعد .. ياه أنا ليه كنت متأكد كدة إننا حنبعد..
ورغم الهدوم التقيلة أنا كنت شايف قلبك.. بوضوح.. كان بيترعش وعليه حاجة كدة كأنها ابتسامة يجوز القلوب كمان بتبتسم و يجوز كمان بتطير من الفرحة لما تشوف الإنسان اللي ساكن جواها.. ويجوز كمان بتدوب وتنطفي لما البعد يطوحهم كل واحد في بلد..بيترعش من الخوف والحنين لوحده.. يمد إيده لآخرها مايلاقيش التاني.. ويندم على إنه سابه - في لحظة فراق غير محسوبة - وبعد عنه.. عرفتي ليه يا حبيبتي فضلت ماسك إيدك ساعات وكأنها عمر؟
- يا أستاذ .. أي خدمة؟
- 23
- نعم ؟
- 8
- يعني إية ؟
- 23 / 8 .. إية مش فاهم
- حضرتك عايز حاجة معينة ؟
سبته ومشيت وانا لسة مش مصدق.. إزاي فيه حد مش واخد باله إن النهاردة 23 / 8 وازاي مش عارف دة معناه إية.. معذورين يا حبيبتي يمكن هما كمان البعد مطوحهم وبيدوروا على ناس تانية.. بعيد.. لكنهم أقرب من الولد والبنت اللي ماسكين إيد بعض.. في الكارت..
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: على بالي

مشاركة بواسطة الأمير الحائر »

هى الفكرة والتعبيرات رقيقة جدا لدرجة إنى حسيت القصة كلها مرت فى ثوانى وفى سطرين بس.. صورة يمكن عشان الألفاظ التصورية كتير خلته شبه حلم فعلا واللى يقرا يشوف المشهد فى خيال الشخصية وأول لمسة ايد وربطها بالبعد بينهم وبتاريخه...
عمل جميل جدا يامصطفى وبرحب بيك زميل فى الأكاديمية صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
hala
أكاديمى نشيط
أكاديمى نشيط
مشاركات: 174
اشترك في: 27 يناير 2009, 3:26 pm
Real Name: هاله صبحى

Re: على بالي

مشاركة بواسطة hala »

ايه النعومة والرومانسية دى صورةصورةصورة!!! ازاى قدرت تلقط الفكرة من الهوا صورة!!!! ارههن انك بتكتب شعر أو على الأقل خواطر ....... صح؟؟؟؟
صورة العضو الرمزية
لارا
مشرفة قسم إهداء إلى
مشاركات: 151
اشترك في: 22 ديسمبر 2008, 12:00 am
Real Name: سها محمد حسن
Favorite Quote: من الذكاء ان تكون غبيا بعض الوقت
verification: ID verified and trusted writer

Re: على بالي

مشاركة بواسطة لارا »

قصه جميله وفيها احساس عالى جدا. واهلا بيك فى الاكاديميهصورة
cowards die many times before thier dies
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: على بالي

مشاركة بواسطة تنهيدة »

أهلا بيك يامصطفى عضو جديد معانا ..وبجد قصتك جميلة..وتعبيراتك مليئة بالرومانسية ..والقصة فعلا خفيفة وأنا بقراه اكنى فعلا شايفة مشهد حقيقى قدامى ...بحيك يامصطفى ومنتظرين المزيدصورة
صورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: على بالي

مشاركة بواسطة المهاجر »

اهلا بيك يا مصطفى وبالفعل قصة رائعة وجميلة واكثر ما فيها أنها عبارة عن حلم كتير منا بيعيشه
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: على بالي

مشاركة بواسطة Ghadat2009 »

أولا : نورت الأكاديمية الرائعة دي !صورة
ثانيا :أسلوبك تلقائي و بسيط لدرجة اني حسيت اني باقرأ في مذكرات أو دخلت وسط حلم شاعري رقيق ! طبعا الصور و التفاصيل و الاحساس المرهف في الوصف حاجة جميلة جدا مشاءالله ... ربنا يوفقكصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: على بالي

مشاركة بواسطة elsayad »

الزميل / مصطفى
قصة رائعة رغم بساطة تعبيراتها ولكنها مليئة بالرومانسية .
أحييك عليها وأتمنى لك دوام الإبداع والتألق .
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
أضف رد جديد

العودة إلى ”قصص عامية“