هل لديك الجرأة للاعتراف بأنك تخاف... أحيانا؟
ايوة عادي ممكن اعترف اني بخاف من حاجة..مش عيب يعني..

ما هو أكثر شيء يخيفك بالنسبة لالتميات الخيالية الشهيرة(مصاصي الدماء، الرجل الذئب، ..............إلخ..)؟
امممم...بصراحة مش بخاف منهم...بالعكس انا بحب اسمعهم جداااا..وكل الانواع بلا اسثناء..
لكن اللي ممكن مش يخليني اسمع ليهم فيلم او كدا انه يبقى فيلم مقرف..يعني فى افلام
بتبقى مقرفة اكتر ما هي مرعبة..دي افلام مش بسمعها..

ما هو أكثر ما يخفيك بالنسبة للمستقبل؟
خايفة ان الدنيا تخليني ابقى من غير مبادئ..واعمل زي ناس كتييييير واستسلم للدنيا..
خايفة اكون مجرد حد عادي بدون اهداف او انجازات..
خايفة الظروف تجبرني اني ابقى حاجة مش حباها..
والله خايفة من حاجات كتير يا هبة..بس بلاش اوجع دماغكو بيها..

هل لديك فوبيا من أشياء معينة (الأماكن المغلقة، المرتفعات،الحشرات،.......................إلخ)؟
لا..بصراحة عمري ما كان عندي فوبيا من حاجة.. ..
ممكن اضايق من حاجات معينة لكن مش توصل اني اسميها فوبيا..
يعني مثلا ممكن اقرف او ما احبش اشوف نوع معين من الحشرات..
لكن لو شفته مش هموت يعني..عادي..
هل تحب ركوب الألعاب الخطيرة في الملاهي؟
والله انا زمان كنت بموووووووت في الملاهي وخاصة بيت الرعب والالعاب اللي بتطير دي..
بس لاني ما رحتش من زمان الملاهي..بسبب الدراسة طبعا وبسبب مامتي اللي بتخاف عليا
جداااااااا..عشان كدا مش بطلع رحلات.. ..للاسباب دي كلها مش عارفة هو انا لسا ممكن اكون
بحبها ولا راحت عليا وكبرت..

هل تحب قراءة قصص الرعب؟من تفضل قراءته؟
انا بحب جمييييييييع انواع القصص..بصراحة بحب اقرا اي حاجة حتى تاريخ الصلاحية والمكونات بتاعة اي
حاجة اشتريها..فأنا بحب فعلا اقرا قصص الرعب..ولاي حد...المهم القصة نفسهاتكون كويسة ومكتوبة بطريقة مشوقة..
أخيرا ما الذي تقوله عن هذا الموضوع الغرييييييب؟
اقول انه بجد موضوع جاااااااااااامد ..واشكرك جداااا على اثارته يا هبة..
لانه بيعرفنا اكتر على نفسنا..احيانا الواحد مش بيعرف حاجات في نفسه غير لما يتسئل عنها..
ميرسي جدا على موضوعك الرائع..

نعم انا احيانا اشعر بالخوف ولكن دائما ما يكون من المجهول وليس من شيئ اراه حتى ولو كان مرعب حقا

انا مش بخاف من اى فيلم مرعب مهما كان فيه من رعب لانه فى الاخر فيلم وانا لا اندمج فى اى فيلم لدرجه اننى اخاف منه

يااااااااااه يا هبه هو ده اللى بخاف منه جدا ....... المستقبل كل يوم اتخيل بكره هيبقى ازاى واترعب انى افقد عزيز اوحلمى ميتحققش انى ابقى صحفيه او كاتبه معروفه

بصرحه هى مش فوبيا بس ممكن نقول عليه خوف بس مش اكتر وهو الاماكن الديقه او المزدحمه بحس فيه بالاختناق البسيط والسفر بالعربيه

لا مش بخاف بس انا اصلا مش بحب اركوب اى العاب فى الملاهى بس بحب اوى الجو هناك بحب اروح كتير بس مش بلعب حاجه ولو لعبت بركب الالعب اللى بتمشى زى القطار او العربية كده يعنى

لا احب قراءه القصص بس انا حتى لو قراءتها لا اخف انا اصلا مش بخاف من الافلام هخاف من القصص انا بحب اقراء الكتب السياسيه والتاريخيه اكثر وعلى فكره كتب التاريخ اللى بتتكلم عن الفراعنه فيه كثير من الاثاره والتشويق واحيانا الرعب ايضا

هايل يا هبه مبدعه كالعاده وهو فعلا موضوع غريب ولكى منى احل ورده

هل ستتعجبين اذا قلت لكِ أنها كلها لا تخيفني بقدر ما أتضايق أو أشمئز منها ؟ و الأفلام التي تحتوي عليها تكون مليئة بالدماء و مشاهد العنف المبالغ فيها ... و حينما أشاهد فيلما يدور حول مصاصي الدماء أو أكلة لحوم البشر ..يجب أن يحتوي على فكرة أو إبداع في التصوير و الإخراج و عدم اسراف في مشاهد دموية أو اقحامها بغير داعي
[/b]