بتعمل إيه في الــ24 ساعة ؟

خطواتك الأولى على درجات الأكاديمية, لتعريف باقى الأعضاء بنفسك عن طريق المواضيع الشخصية والنقاشية المختلفة.

المشرف: تنهيدة

قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
أضف رد جديد
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

بتعمل إيه في الــ24 ساعة ؟

مشاركة بواسطة Ghadat2009 »

24 ساعة ...و بس؟؟ dream11

مش عارفة ليه الوقت بيجري بسرعة جدا كده ! lost1

تفتكروا ممكن ندخل في سباق مع الزمن ؟ :x



1- يا ترى بتصحى ( في الأجازة ) الساعة كام ؟

2- إيه أجمل حاجة تبدأ بيها يومك ؟

3- إيه أهم وجبة عندك في اليوم ؟ و ليه ؟

4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟

5- تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟


6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ


7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟


8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟


9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟


10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟


11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت


12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟



أتمنى لكم جميعا تحقيق أعلى استفادة من الوقت ... flower1
هو فعلا كالسيف إن لم تقطعه قطعك ! :(
و كمان احنا مسؤولين عنه أمام الله ..فلازم نحسن استخدامه إن شاء الله flower1
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: بتعمل إيه في الــ24 ساعة ؟

مشاركة بواسطة ابن مصر »

طبعا ليس بالجديد عليكى يا غادة مواضيعك الجميلة التى تقربنا من بعض اكثر و اكثر و تعرفنا ببعض .... جميل انكى تعرفى اشياء عن شخص ممكن من خلالها ان ترسمى فى خيالك صورة له و لشخصيته.


1- يا ترى بتصحى ( في الأجازة ) الساعة كام ؟

ج- بصراحة على حسب لو ورايا مشوار مهم او شغل بصحى بدرى يعنى ممكن 7 صباحا لاكن فى العادى بيبقى 10صباحا

2- إيه أجمل حاجة تبدأ بيها يومك ؟

ج- كباية شاى او نسكافيه ايه حكاية و بالزات لو الشاى بالنعناع و بعدين طبق الفول المتين و الطعمية السخنة


3- إيه أهم وجبة عندك في اليوم ؟ و ليه ؟
ج- طبعا الغداء لانها الوجبة التى تجمعنى انا و الاسرة

4-- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟

ج- بصراحة ساعات و ساعات لكن نظام خطة بالورقة و القلم لا لاسمح الله التخطيط فى ايام الدراسة و الشغل فقط

5- - تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟
ج-طبعا ده شىء اساسى و الا يكون راح من حياتك يوم هباء بلا فائدة

6-
بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ

ج- انا للاسف انسان ليلى يعنى ممكن اسهر للفجر بصلى الفجر و اتمشى و انام و الوقت ده بقضيه فى الخروج و فى النت و فى القرائة و التلفزيون و طبعا زيارات و اعز قوى قاعدة البلكونة

7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟
ج - كنت بمارس العاب قتالية بس للاسف سبتها بقالى فترة و بدرب الايام دى جم بس للاسف ما فيش مواعيد ثابتة

8-
بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟
ج- يعنى مش يوميا بس ليا صديقة بكلمها يوميا على النت لكن تليفون و موبايل مش يوميا و مدة المكالمة مش بتبقى كبيرة لانى من النوع الى بيتخنق من التحدث فى التليفون او الموبايل و بمل بسرعة

9-
بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟

ج -بسراحة ساعات بيبقى عندى و قت فراغ كبير و ببقى محتار اعمل فيه ايه و ساعات بيبقى نفسى يكون اليوم 48 ساعة علشان يقضينى
يعنى ما فيش حاجة ثابتة

10- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت
ج -يمكن انا واقعى و طموح لدرجة مبالغ فيها شوية

11-
بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟

ج- لا انا من النوع الى بخصص وقت معين للكتابة و يكون بعد متابعة نشرات الاخيار و قرائة الصحف يعنى علشان اخش سخن على الكتابة



و فى النهاية بشكرك على هذه الاسئلة الجميلة و فعلا الوقت كالسيف ان لم تقطعه قطعك و على راى الكاتب المغمور الى هو انا( من يضيع منه الوقت فانما بيضيع منه الحياة )


ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: بتعمل إيه في الــ24 ساعة ؟

مشاركة بواسطة walaa mohamed »

- يا ترى بتصحى ( في الأجازة ) الساعة كام ؟
ما بين الخامسة و الخامسة والنصف

2- إيه أجمل حاجة تبدأ بيها يومك ؟
طبعا صلاة الفجر

3- إيه أهم وجبة عندك في اليوم ؟ و ليه ؟
الفطار....لأنى لما مش بفطر بيصيبنى صداع طيلة اليوم

4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟
قديما كنت بعمل فعلا تخطيط بالورقة والقلم فى الأجازة حتى أنى كنت أشعر أن الوقت قصير جدا
لكن حاليا أشعر اننى لم أفق بعد من الامتحانات


5- تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟ أكيد لازم يكون فى حاجة مهتم بيها سواء كان عمل..نشاط..هواية منعا للملل


6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ
فى الحقيقة أنا مش بحب السهر بس أحيانا أسهر فى الأجازة وبيكون فى القراءة أو ع النت أو ولا حاجة


7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟
القراءة فى مختلف الفروع و أحيانا بلاقى وقت ليها و أحيانا أخرى بضيع الوقت


8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟
بعتبر ان الصلاة رياضة بجانب انها عبادة ..وأكيد أى رياضة مش بتكون للرشاقة بس لكن كذلك هى بتساعد على الهدوء النفسى ونوع من الاسترخاء


9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟
لأ مش يوميا لكن أستغرق وقتا كثيرا فى المكالمة قد يصل لساعة خاصة مع صديقاتى العزيزات


10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟
والله هو أيام اشتكى من الفراغ والملل و أيام أخرى من قلة الوقت وفى كلا الحالات بحس دايما انى بضيع الوقت

11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت
كسولة نوعا ما وبحاول أكون طموحة وواقعية


12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟
لأ مش بخصص وقت معين والفكرة لما بتيجى مش دايما بكتبها فورا لكن بحاول ان أحتفظ بيها لحين كتابتها
وغالبا بلخصها فى بضع كلمات لحين كتابتها كاملة


flower1 flower1 حقيقى يا غادة أنا بشكرك فعلا على هذا العمل الراااائع :) اللى يكفى انه بيذكرنا بالوقت اللى فعلا هنتحاسب عليه
جزاك الله كل خير flower1 flower1 flower1

يا مقلب القلوب..ثبت قلبى على دينك


صورة
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: بتعمل إيه في الــ24 ساعة ؟

مشاركة بواسطة محمد محمود »

استمرارا ً لمواضيعك النقاشية الرائعة أحييك على هذا الموضوع يا غادة
وإليك إجاباتي على تساؤلاتك

1- يا ترى بتصحى ( في الأجازة ) الساعة كام ؟
الساعة السابعة والنصف صباحا ً
2- إيه أجمل حاجة تبدأ بيها يومك ؟
الصلاة
3- إيه أهم وجبة عندك في اليوم ؟ و ليه ؟
الإفطار ، وده لأن الإفطار بيكون وجبتي لحد ما أرجع البيت من الشغل ويا عالم أرجع الساعة كام ، لأني ما بحبش آكل برة البيت .
4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟
أكيد قبل نومي كل يوم بأخطط ليومي القادم وبالفعل بيسير زي ما خططت له إلا في حالة الظروف الطارئة جدا ً .
5- تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟
أكيد لازم يكون في تنوع في جو اليوم حتى لا نصاب بالملل

6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ
أحب السهر في حالة لو ما عنديش شغل تاني يوم

7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟
هواياتي هي القراءة وكتابة الأشعار وبحاول أجعل لهم نصيب ثابت من يومي بقدر الإمكان

8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟
كنت بألعب كرة سلة لحد ما حصلت لي إصابة بالرباط الصليبي ، وأكيد كان نفسي أستمر لأن الرياضة مفيدة للجسم والعقل وسمو الروح والأخلاق

9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟
أكيد يوميا لازم أكلم أهلي وأصدقائي ، وده بيكون بقدر السؤال والإطمئنان على بعض

10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟
أنا باشتكي من قلة وقت الفراغ لدرجة إن في بعض الأحيان ما بلاقيش وقت كافي للنوم

11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت
أنا ولا حاجة من دول ، ولكن أنا مازلت أحاول أن أكون مثالي في تنظيم الوقت وأطلب من الله التوفيق

12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟
بخلي كتاباتي تتم بمجرد ما أحس بصفاء ذهني أو تأثري بموقف أو فكرة .

آخر تعديل بواسطة محمد محمود في 14 يوليو 2009, 8:33 pm، تم التعديل مرة واحدة.
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: بتعمل إيه في الــ24 ساعة ؟

مشاركة بواسطة نبضة... »

اولا....اشكرك جدااااااااا يا غادة على الموضوع المهم دا...والمتميز ايضا...lol11
لأن الوقت دا حاجة مهمة جداااا كتير مننا ممكن مش يلاحظ اهميته...
لكن بصراحة..ترددت كثيرا في الرد عليهino1 ..لأن ما شاء الله الاعضاء اللي
قبلي واضح جدا انهم ملتزمين .. وانا شكلي اكيد دلوقتي هيبقى وحشششش :oops:
لأني تقريبا عايشة حياتي بالعكس شويا..و خاصة في الاجازة...angel1
من غير ما اطول عليكي هرد على الاسئلة..و أمرى لله :cry: ..


1- يا ترى بتصحى ( في الأجازة ) الساعة كام ؟
انا بصراحة...بمنتهى الصراحة...بصحى الساعة 7 صباحا...
هههههه(دا حلم بعيد طبعا)..ز1
من غير كدب وبصراحة..بس صراحة جد شويا المرة دي..انا بصحى
حوالي الساعة 2 او 3 بعد الظهر..:oops:


2- إيه أجمل حاجة تبدأ بيها يومك ؟
و الله دا حسب حالتي النفسية..so1 .. احيانا ممكن احب اكتب
او اقرا..او اسمع التليفزيون..او اشرب اي حاجة..
يعنيب مش حاجة محددة كل يوم..لاني اصلا بكره الروتين.. حتى
لو متمثل في عادة شخصية بحبها..



3- إيه أهم وجبة عندك في اليوم ؟ و ليه ؟
ليه الاحراج دا بس..؟ :oops: .. انا يا غادة وبلا فخر.. مش ملتزمة بوجبات..
انا اصلا لو سبتيني من غير اكل مش هاخد بالي :lol: ..
بس لولا مامتي بقى اللي مظبطاني كل شويا قومي كلي قومي كلي..huh1
بقوم اكل وامري لله..س11..




4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟
أحيانا ممكن تلاقيني في الايام العادية بحب اخطط بالتفصيل انا هعمل ايه باذن الله..و بالتفصيل الممل كمان..
وايام الدراسة دي حاجة اساسية عندي اني اخطط اعمال اليوم..ومواعيدها بالدقيقة..
انا في الايام العادية بردو بيبقى حسب الحالة النفسية..read1..
بس بصراحة غالبا مش بيكون بغرض اني استفيد من ال24 ساعة..لكن عشان انجز حاجات لازم انجزها في وقت محدد..




5-تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟
انا أؤمن ان الانشطة دي من اهم الحاجات اللي بتخلي الحياة حلوة...لو حد ما قراش في اليوم او مش زار قريب ليه او صديق..او ما استمتعش بممارسة هوايته .. يا ترى هيبقى في ايه حلو في اليوم..؟
حتى لو اليوم حلو..بيحس دايما ان ناقص حاجة..




6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ
انا مدمنة سهر...:x ..حياتي معظمها بالليل..بس طبعا في الدراسة كل حاجة بتختلف نظرا لظروف خارجة عن ارادتي
(المحاضرات)..:lol: ..
بقضي السهرة باي شكل..ممكن اعمل مج شاي واقعد اسمع فيلم حلو..او اقضيها نت طبعا..او اقرا او اكتب..
او حتى ممكن اقعد كدا بس في اوضتي غارقة في تفكير عميييييييق...




7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟
أنا بحب اقرا واكتب واسمع تليفزيون..والنت طبعا..و بحب اقعد ساكتة..
و زمان كان عندي هوايات غريبة..لو قلتها هتبقى فضيحة بصراحة:lol:
احيانا بلاقي وقت امارس هواياتي..و احيانا لا خاصة في الدراسة طبعا..




8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟
لا..بصراحة كل ما اواظب على رياضة معينة اسيبها تاني..و الرياضة طبعا مش للرشاقة بس..اهم حاجة ان الانسان يبقى عنده لياقة ويقدر يتحرك بسرعة في اي مكان..




9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟

مش بكلمهم يوميا..لكن بصفة مستمرة..يعني مش بغيب عنهم كتير خاصة صحباتي المقربين جداااا..
و الوقت اللي بستهلكه بيبقى حسب في حاجة نتكلم فيها او لا..واهميتها ايه..يعني مش وقت محدد..


10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟
تاني..:oops: .. والله يا غادة اسئلتك دي جابتلي عقدة ذنب :cry: ..
انا بشتكي من الوقت الضايع غالب الوقت...




11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت

بالنسبة لاستفادتي من الوقت..:o ... تقدري تقولي عني كسولة :cry: ...




12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟
لا مش بحدد وقت معين..لما الفكرة بتيجي في اي وقت واي مكان..اطلع قلمي وورقتي واكتب..


اشكرك جداااااااا يا غادة على الموضوع الجميل والمفيد دا...:) flower1 flower1
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: بتعمل إيه في الــ24 ساعة ؟

مشاركة بواسطة الزهراء »

جميل هذا الموضوع يا غادة بيخلينا نفكر احنا ازاي بنستثمر وقتنا و هل بنستفيد و لا كلوا ضايع

و الان سأجيب على أسئلتك :thi1


1- يا ترى بتصحى ( في الأجازة ) الساعة كام : يا ريت أجازة لسى يا غادة و الله بس نفسي و لو انا في الاجازة أقوم الساعة 8.30 أو 9.00

2- إيه أجمل حاجة تبدأ بيها يومك : شوقي أول حاجة بقوم بيها بعدما اصحى هي اني اصلي و بعدها اشرب واحد "كرام crème" يعني حليب+ قهوة

3- إيه أهم وجبة عندك في اليوم ؟ و ليه: هي الفطور و بحب الكرام زي م قلتلك مع حاجة حلوة gateau "يا دي الفضايح":mrgreen:

4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس: بحاول أخطط ليومي و احط النقاط الأساسية فيه عشان م يروحش الوقت سدا و م يضيعش اكثر مما هو ضايع و التخطيط دة مش بيفرق بين اجازة او شغل

5- تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره ): انا افتكر او لازم يكون التنويع و التغيير عشان م ندخلش في متاهات الملل و الروتين لكن مش كل يوم نفس الانشطة او نقوم بيها كلها في يوم واحد انما نغير على قد م نقدر


6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ : انا مش بحب السهر كتير لاني بقوم بدري يعني انا مش كائن ليلي بقوم بشغلي و هواياتي بالنهار او في المسا بين العصر و المغرب و لو سهرت اسهر مع النت او اخرج اتفسح و يا عالم ارجع امتى ...lol11


7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا: طبعا هوايتي الاولى هي الكتابة و بشكل محدد احب كتابة القصص لكن دخولي للاكاديمية خلاني اكتب في حاجات تانية انما هوايتي الاولى كتابة القصص و بحاول اخصصلها وقت كبير لكن ساعات المود مش بيبقى تمام يعني الموضوع على حب النفسية


8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ: م فيش رياضة معينة و ان كنت في السابق و انا في سن 18 سنة بمارس كرة السلة و الجيم لكن اعتقد رغم انو جل الناس بتمارس الرياضة للرشاقة الا انها ليها فوائد للجسم و العفل فالعقل السليم في الجسم السليم

9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات: الحقيقة مش يوميا انما كل م تيجي الفرصة بسرق شوية وقت اكلمهم او اروح اقابلهم و المكالمة بتكون طويلة


10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت : كل يوم يا غادة و بركتو ساعات بيبقى عندي فائض من الوقت و مس بعرف اعمل ايه و ساعات ببقى اصارع دقات الساعة و اجري و احب اعمل حاجات كتيرة بس مش بلحق


11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت : بالنسبة للاستفادة من الوقت ممكن تقولي....بحاول اكون طموحة و اتخلص من بعض الكسل


12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت : الكتابة اهم شيء بالنسبة ليا ببحاول احطلها وقت كبير بس ممكن اكتب الصبح بمجرد م اوصل للشغل اكون طول الطريق فكرت و حطيت فكرة في دماغي ، انما في نفس الوقت وقت م بتجيني الفكرة اروح كاتباها


شكرا يا غادة على الموضوع الجميل و أتمنالك بدوري الاستفادة من الوقت فيما يرضي الله و ينمي طموحاتك و يضيف لكِ الاحسن دائما flower1 flower1
جوا العين و ساكنة القلب
نحبك يا بلادي
......................
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: بتعمل إيه في الــ24 ساعة ؟

مشاركة بواسطة سندريلا »

طبعا اولا بشكرك على موضوعك ده يا غادة لانه بيسبب لي انا شخصيا ازمة كل سنة و كل اجازة ....... :)



1- يا ترى بتصحى ( في الأجازة ) الساعة كام ؟

يعني مش ميعاد ثابت بس احيانا متفاوت بين ( 11 : 1 ) للاسف يعني بس ده لاني بنام بعد الفجر .....

2- إيه أجمل حاجة تبدأ بيها يومك ؟

طبعا الفطار و احيانا اني اروق البيت قبل ما افطر .....

3- إيه أهم وجبة عندك في اليوم ؟ و ليه ؟

وجبة الفطار لانها بيترتب عليها انشطة كتير جدا و بتتحرق مع الانشطة دي و بتديني حيوية و نشاط .....

4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟

بصي كل سنة اعمل مخطط عشان الاجازة مش تروح عالفاضي و طبعا كالعادة مش دايما بمشي عليه ....... و اعتقد ان حياتنا كلها سواء شغل او دراسة او اجازة لازم يكون لها مخطط عشان الوقت ده حنتحاسب عليه زي ما قلت انت ...

5- تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟

طبعا لازم يكون فيه كدة عشان يستغل استغلال صح و كمان عشان مش يضيع عالفاضي و مش نحس بملل ....


6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ

كل اللي قلتيه بحب اعمله ..... لكن الشيء الثابت طبعا عندي معظم الايام هو اني اسهر عالراديو اقرا في كتب روايات رعب او رومانسية او كتب ليوسف معاطي كدة يعني لغاية الفجر ......


7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟

هواياتي القراءة و الكتابة اني اسمع موسيقى .......

بصي القراءة لها طبعا وقت ثابت يوميا ....... الموسيقى احيانا و الكتابة لما بكون حاسة حاجة اوي ..... او فكرة معينة عجباني و سيطرت على تفكيري ....


8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟

للاسف لا بس نفسي لكن في البيت مش راضيين بيقولولي اني مش فيا نفس و لا مقدرة ........
الرياضة للرشاقة و لها فوايد تانية طبعا انها تحسسك بالنشاط و انك تشغلي وقتك في حاجة صح ..... و كمان العقل السليم في الجسم السليم ......


9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟

بتكلم في التليفون مش يوميا بس لما بتكلم بيكون الوقت ساعة اقصى حد مع صديقات معينة و مع الباقي اكتر حاجة بتكون تلت ساعة


10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟
من الوقت الضايع


11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت

طموح و كسول في نفس الوقت لاني عندي حاجات كتير حابة اعملها احيانا بقدر و احيانا لا ....


12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟

ايوة مش في وقت معين لكن لما الفكرة تيجي بكتبها فورا مهما كان الوقت يعني لو مش في البيت و جات لي فكرة ممكن اكتبها عالموبايل في الرسايل ....

بشكرك مرة تانية على الاسئلة الروعة دي يا غادة ....... و موضوعك الاروع ....... و ادعيلي اني اقدر احقق كل اهدافي و مش اضيع وقتي ابدا ...... :)
صورة العضو الرمزية
هبة خميس
أكاديمى نشيط
أكاديمى نشيط
مشاركات: 175
اشترك في: 26 فبراير 2009, 9:59 pm
Real Name: هبة محمود خميس
Favorite Quote: قل لي من تعاشر اقل لك من انت فان من يقضي الليل في المستنقع استيقظ صديقا للضفدع
verification: ID verified and trusted writer

Re: بتعمل إيه في الــ24 ساعة ؟

مشاركة بواسطة هبة خميس »

Ghadat2009 كتب:24 ساعة ...و بس؟؟ dream11

مش عارفة ليه الوقت بيجري بسرعة جدا كده ! lost1
قلة البركة :lol:
تفتكروا ممكن ندخل في سباق مع الزمن ؟ :x



1- يا ترى بتصحى ( في الأجازة ) الساعة كام ؟
انا دلوقتي ايامي كلها اجازة . بصحى الساعة 1 الظهر
2- إيه أجمل حاجة تبدأ بيها يومك ؟
بغسل وشي :)
3- إيه أهم وجبة عندك في اليوم ؟ و ليه ؟
مفيش انا مش بحب الوجبات يعني احب لما اجوع ااكل ino1
4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟
لا طبعا اليوم بيمشي لوحده الا لو كان عندي معاد او خاجة
5- تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟
المفروض بس انا مش بعمل كدة

6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ
طبعا بسهر عالنت او بقرا

7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟

لا مش حطالهم وقت معين
بحب اقرا و اكتب و ارسم


8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟
لا مش بمارس رياضة

9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟
مش يوميا لكن كل كام يوم

10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟
اااااه بشتكي من الفراغ و ان الوقت بيضيع عالفاضي

11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت
كسووووووووووووووووووووووووول

12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟


لا مفيش وقت معين . لما بتيجي الفكرة بكتبها نوت صغيرة بس
أتمنى لكم جميعا تحقيق أعلى استفادة من الوقت ... flower1
هو فعلا كالسيف إن لم تقطعه قطعك ! :(
و كمان احنا مسؤولين عنه أمام الله ..فلازم نحسن استخدامه إن شاء الله flower1
أضف رد جديد

العودة إلى ”من أنت...؟“