أكاديمية ايجيبت رايت الأدبية

مساء الخير

وليد أنا ح جاوب و لو انو المفروض م جاوبش باعتبار اني صاحبة الموضوع لكن في اعتبار ثاني و هو اني عضو في الأكاديمية فدي كانت أقوى من الأولى

1-قد ايه بتخصص وقت للأكاديمية :
الحقيقة انو لما بيكون عندي وقت بقعد بالساعات و ببدأ أقرا الأعمال اللي فاتتني و اللي اتعملت كمان قبل م انضم للأكاديمية و بستمتع بيها لأنو في أعمال هايلة اتعملت و لسى بإذن الله، لكن في العموم ممكن أختار الاجابة الثالثة
.ساعة واحدة أو اتنين
.بالساعات
.على حسب الظروف

2-الصراحة و انت جوا الأكاديمية بتبقى انت حقيقي بنسبة:
.50%
.75%
.100%

3-ايه أول حاجة تعملها لما تدخل الأكاديمية:
و طبعا زي م قال وليد في كتاب بحب أقرالهم و لما أشوف مواضيعهم بحب أدخلها بسرعة خاصة إذا كانت تكملة لعمل سابق حطو أحد الزملاء

.تتصفح أعمالك اللي حطتها من قبل
.تتصفح المواضيع النشطة
.أول موضوع يلفت انتباهك بتدخلوا

4-لو حد فام بوضع تعليق مش عاجبك على أحد أعمالك و حسيت انو مستفز ..تعمل ايه؟
لو كان رد يتعلق بالموضوع من غير م يمسني شخصيا فبرد رد دبلوماسي لأقصى الحدود ،و برد رد فيه تفاعل و تفهم لو كان نقد بناء أما لو كان جارح فيبقى أرد ببرودة

.تبلغ إدارة الأكاديمية أو المشرف
.ترد عليه بنفس الطريقة و تجرحو
.تتجاهل الموضوع أو ترد رد بارد

5- لو حطيت موضوع و ملقيتش تجاوب كبير من الأعضاء أو حتى م فيش رد تعمل ايه:
هو الصراحة الأعضاء ربنا يكون في عونهم مواضيع كتيرة و وقت قليل و زحمة بتوه فيها المواضيع و يمكن ييجي اليوم اللي الموضوع يعلن عن نفسو من غير لفت انتباه

.تشيل الموضوع بعد مرور فترة
.تخليه و أمرك لله إلا أن..
.و لا تحاول تلفت النظر ليه بطريقة معينة

6-نفس السؤال بطريقة تانية ، لو حصل و أحد مواضيعك م لقتش اقبال :
هي مشكلة تتعلق أيضا بالوقت فبعذر زملائي زي مرحلة الامتحانات مثلا بحاول أقلل من كتاباتي ...لكن ...إذا كان في وقت و م قيش عوائق و موضوعي م لقاش اقبال بعرف هنا انو المشكلة في الموضوع بتاعي و ممكن يجيلي احباط لأنو فكرتي انو حتى لو الموضوع مش كويس المفروض انو يتم التعليق عليه حتى يستطيع صاحب الموضوع أن يتدارك الموضوع مش نسيبو يحط جزء ورا التاني و هو مش بيستفيد ، تقريبا بتكلم عن نفسي في روايتي الأولى و الوحيدة على الاكاديمية ، ليه بقى لأني شخصيا حسيت بنزول مستوى كتابتي فيه من لما حسيت من الجزء3 انو م فيش اقبال فمش حعرف أكتب حلو بروح تقريبا كارهة الموضوع
و لو انو ساعات بضحك لما بكون عارفة مسبقا انو موضوعي مش ح يلقى اقبال بس كتبتو عشان أجرب

.دة بيزعجك و يزعلك
.بيحرجك و يحبطك
.و لا بتعذر زملائك و تقول انهم مشغولين...

7-ايه أكثر مجال بتحس انك تقدر تدي فيه و تبدع و تظيف:
.القصص و الروايات
.الخواطر و الأشعار
.المقالات و المناقشات
و في نفس الوقت بحب كتابة المقالات لما بيستهويني موضوع ما و كذلك الخواطر و لو إني بحب أكتب في كل حاجة لكن ...الشعر ببص من بعيد و استمتع بأعمال زملائي مع كل اعتذاراتي:lol:
8-قيمة الموضوع في نظرك بتلقى:
.في عدد و كمية المشاهدات و الردود
.في ناس معينة ممكن ترد على موضوعك
.او في قيمة النقد و الكلام اللي بيتقال حتى لو كان العدد قليل
هي في الحقيقة ممكن نمزج بين عدة أشياء
فإذا كان الموضوع نسبة مشاهدتو عالية و ردودو قليلة يبقى في غلط من ناحية الكاتب في الأسلوب و التناول و الفكرة بحد ذاتها ، أما القيمة الحقيقية للموضوع فبتبفى في النقد الفعلي الخالي من المجاملات و الصريح للأعمال الأدبية زي م فال وليد
و في نسبة المناقشة و تباين الآراء في المواضيع النقاشية ، يعني بوافق وليد في النقطة دي

9-لو خيروك بين الاتنين دول حتختار ايه؟
.انك تكون مشرف متمكن بيأدي دورو على أكمل وجه و مساهم بشكل ملحوظ في الأكاديمية
.عضو مميز بأعمالو و اللي دايما بتنول الاعجاب و تكون في المستوى
و لا تحب تبقى حاجة تالتة؟

10- و اخيرا إنت حاسس إنك راضي و سعيد بوجودك في الأكاديمية؟ متأكدة من الإجابة لكن أحب أسمعها منكم و كل بطريقتو
الأكيد مش بس فرحانة و لا سعيدة إنما تقريبا كنت بدور على مكاني و لقيتو ..هنا في الأكاديمية و باتمنى إني أفضل معاكم رغم كل الظروف

لكن الحقيقة انكم منورين الأكاديمية [/quote]