المواضيع التى لم يرد عليها | عرض المواضيع النشطة التوقيت الحالى 14 أغسطس 2018, 12:20 pm



قوانين القسم


يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.



الرد على الموضوع  [ 48 مشاركة ]  الذهاب للصفحة 1, 2, 3, 4, 5  التالى

Share |


امتحان تعارف لكل أعضاء الأكاديمية :) 
الكاتب رسالة
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة امتحان تعارف لكل أعضاء الأكاديمية :)


أزيكو يا أكاديمية حبيت أعمل اختبار كده عشان نبتدى نعرف بعض كويس كأعضاء فى أكاديمية واحدة...الإمتحان صعب هنعمل زى امتحانات الجامعة س1 و س2
انسخ الأسألة الفاضية كلها وابتدى جاوب عليها والسؤال اللى مايعجبكش الغيه....شوفتوا امتحانات أحلى من كده وماحدش يغش من اللى جمبه يلا أسيبكو مع الإمتحان

س1 - أنت مين ؟؟

س2 - باقة ورد لمن تهديها ...؟؟


س3 - باقة شوك لمن تهديها ...؟؟


س4 - هل انت متزوج او متزوجه أو مرتبط أو بتفكر ...؟؟


س5 - شخص لاترفض له طلبا مهما كلف الأمر ..؟؟


س6 - مـــــن يطـــــربك من المطربين او المطربات؟؟


س7 - ماهي التجربه التي جربتها و تتمنى تكرارها في حياتك ...؟؟


س8 - من هو توأم روحك ...؟؟


س9 - ماهو اكثر شئ تخشاه في الدنيا ...؟؟


س10 - مالذي يشعرك بأكثر قدر من الحرج ...؟؟


س 11 - لو ممكن تبقى ممثل, مطرب, كاتب, أى شخصية مشهورة ليوم واحد بس..هتحب تبقى مين؟؟


س12 - حمامة زاجلة استقرت على نافذتك تحمل رسالة من شخص ما فمن تتمنى ان يكون و ما الامنيه التي تتمنونها بالرساله ...؟؟


س13 - قلم وورقة رسم بيضاء, ماذا سترسم عليها ,,وماذا ستكتب تحت الصورة...؟؟


س14 - اكبر غلطه ارتكبتها وبتندم عليها..؟؟


س15 - أسوأ خبر سمعته في حياتك ..؟؟


س16 - مواصفات الشخص اللى فى أحلامكوا..؟؟ للعزاب فقط


س17 - هل لديك اطفال..؟؟

س18 - كلمه اخيره .. بعد مازهقت من كتر الأسألة واللى سائلها..؟؟

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



27 نوفمبر 2008, 5:28 pm
الملف الشخصى
أكاديمى نشيط
أكاديمى نشيط

الصورة الشخصية للعضو

مشاركات:
261
مشاركة Re: امتحان تعارف لكل أعضاء الأكاديمية :)


بسم الله الرحمن الرحيم

(يارب قرب ورقة زميلى منى و ابعد المراقب عنى و اجعلنى اغش بتانى)
ج1- م.. مح.. اه ..محمد.. الحمد لله.. جاوبت اول سؤال اسلم الورقة2
ج2-اهديها لامى لانها بجد ولا ورد الدنيا يكفى الى عملته معايا
ج3-لبنت بس بصراحة مش عايز از كرها لانها بصراحة ما تستاهلش تذكر فى الموقع
ج4- لا الحمد لله ومش بفكر
ج5- بصراحة ما فيش غير امى
ج6-اصالة و صابر الرباعى
ج7- ما فيش غير النجاح و نفسى تتكرر
ج8-بصراحة هو انتا يا وليد اعز صديق
ج9- الخيانة
ج10- انى احس انى تقيل على حد او زى ما بيقولو( برشوط)
ج11- نفسى اكون الفنان محمد صبحى
ج12-من والدى و الامنية انى نفسى اشوفه
ج13- هسيبها فاضية و هاكتب دى حياتى
ج14- انى حبيت
ج15- خبر وفات والدى
ج16- انسانة حساسة - على خلق- و طبعا لازم اكون بحبها - ومتدينة - و طبعا على قدر من الجمال بس مش حاجة اساسية
ج17- لا طبعا بس انا عندى ولاد اخواتى بجد اكتر من ولادى
ج17- عايز عروسة ..هاهاههاهاهاهاهه. اصلى حسيت انى فى برنامج (عايز اتجوز)و فى اخر البرنامج .. اقصد كلامى بجد انا مش نكدى بس بتكلم بصراحة

_________________
ابن مصر
على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------




27 نوفمبر 2008, 6:39 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


يلا بما إنى انا اللى واضع الامتحان هأديكو نموذج الإجابة بس ماحدش يغش


س1 - أنت مين ؟؟
أنا مسلم عربى ومصرى....وفخور بتلك الثلاثية...وأحاول جاهدا أن استحقها....أحب أن أكون دائما بأخلاق العرب المألوفة زمان....الشجاعة...الشهامة...النبل...ربما هى اخلاق الفارس القديم الخيالية نوعا ما....أحب الناس ...كل الناس...وأحب أن أكون محبوبا طوال الوقت من الجميع....خيالى...الى ابعد الحدود...مرح جدا...ولكن ليس مع أى شخص أو فى أى مكان....أفكر كثيرا ..ربما أكثر من اللازم....أتخيل كثيرا أيضا أكثر من اللازم...رومانسى نوعا ما...مجنون ده أكيد....هادى ورصين دى حاجة الناس كلها عارفاها... بالظبط كده ممكن تقول عليا حسب الحالة...أحيانا أكون حكيما رصينا هادئا جدا....أحيانا أخرى أكون ذلك الشخص الصاخب المرح صاحب أعلى ضحكة فى القعدة...ممم...مش عارف اذا كان ممكن أقول كمان بس أنا قلت بما فيه الكفاية...واخيرا انا مين؟ انا انسان اسمى وليد...
س2 - باقة ورد لمن تهديها ...؟؟

لكل حد بيحب مصر ...وللأكاديمية
س3 - باقة شوك لمن تهديها ...؟؟
لأى حد بيشرب سجاير فى مكان عام وبيأذى غيره بدخانها...

س4 - هل انت متزوج او متزوجه أو مرتبط أو بتفكر ...؟؟

بعد الشر عليا
س5 - شخص لاترفض له طلبا مهما كلف الأمر ..؟؟
هو مش اى طلب يعنى...بس هيبقى أمير أخويا الصغير...

س6 - مـــــن يطـــــربك من المطربين او المطربات؟؟
محمد فؤاد...ومافيش حد محدد بعد كده...الاغنية اللى بحس كلماتها مكتوبة حلو بحبها..واللحن بردو ليه تأثير...وكله حسب حالتى ساعة مابسمع الأغنية...

س7 - ماهي التجربه التي جربتها و تتمنى تكرارها في حياتك ...؟؟

رحلة الأقصر وأسوان أيام الثانوى...بجد كانت أجمل أسبوع فى عمرى وتجربة نفسى أكررها تانى...
س8 - من هو توأم روحك ...؟؟
بما انى ماحبتش...فلسه أمير أخويا الصغير....

س9 - ماهو اكثر شئ تخشاه في الدنيا ...؟؟
انى ابقى عديم الإحساس...

س10 - مالذي يشعرك بأكثر قدر من الحرج ...؟؟
مش فاكر...

س 11 - لو ممكن تبقى ممثل, مطرب, كاتب, أى شخصية مشهورة ليوم واحد بس..هتحب تبقى مين؟؟
محمود سعد...بس يكون اليوم ده هو اللى هيطلع فيه عالبيت بيتك!

س12 - حمامة زاجلة استقرت على نافذتك تحمل رسالة من شخص ما فمن تتمنى ان يكون و ما الامنيه التي تتمنونها بالرساله ...؟؟
رسالة من أميرة أحلامى بتقولى على مكانها فين....

س13 - قلم وورقة رسم بيضاء, ماذا سترسم عليها ,,وماذا ستكتب تحت الصورة...؟؟

هأرسم عليها صورة قلم وورقة عليها كلمات....وأكتب تحتيهم...الانسان كلمة...
س14 - اكبر غلطه ارتكبتها وبتندم عليها..؟؟
انى حبيت حد طلع مايستاهلش حبى
س15 - أسوأ خبر سمعته في حياتك ..؟؟
خبر نتيجتى فى الثانوية لأنها كانت عالية و لأنها كانت ( أعلى ) من الكلية اللى كنت عاوزها........وده غير حياتى كلها.......

س16 - مواصفات الشخص اللى فى أحلامكوا..؟؟ للعزاب فقط
مواصفات كتيرة بس اختصارها فى كام كلمة...انسانة....حساسة...رومانسية...تحبنى بجد...لأنى أنا.....

س17 - هل لديك اطفال..؟؟
أمير أخويا الصغير
س18 - كلمه اخيره .. بعد مازهقت من كتر الأسألة واللى سائلها..؟؟
أزهق من أسألتى بس كنت عايز أعرف هو الدرجة من كام

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



27 نوفمبر 2008, 6:40 pm
الملف الشخصى
أكاديمى فعال
أكاديمى فعال

الصورة الشخصية للعضو

مشاركات:
85
مكان:
مدينه الاحلام
الإسم الحقيقى:
امير توفيق
الحكمة المفضلة:
@@@@مصر التى فى خاطرى وفى فمى ...احبها من كل روحى ودمى@@@@
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


الاسئله حلوه اوى .. مش مشكله . واضح ان احنى هنمتحن امتحان نص السنه بدرى اوى..
بس هى اسئله سهله اوى احسن من الامتحانات بتاعة المدرسه وانا بقى يا وليد هغش من الى جانبى.يارب اجاوب صح.
بألك ايه هو مفيش اسئلة صح وغلط....ولا اضع مكان النقط
والله اسئله حلوه اوى علشان السؤال الى احنا مش عيزنها نلغيه...
يارب توكلنا على الله..

س1 - أنت مين ؟؟
انا لسه صغير اسمى امير.

س2 - باقة ورد لمن تهديها ...؟؟
لوليد اخويا

س3 - باقة شوك لمن تهديها ...؟؟
للصديق السيئ علشان يتشوك.
س4 - هل انت متزوج او متزوجه أو مرتبط أو بتفكر ...؟؟
لا انا بالنسبالى لما اكبر هفكر..ان انا عمرى ما هجوز..

س5 - شخص لاترفض له طلبا مهما كلف الأمر ..؟؟
مش كل الطلبات يعنى ..بس هو وليد اخويا..يعنى هو لو قال لى انزل جيب تلاجه هنزل..ههههههههه....

س6 - مـــــن يطـــــربك من المطربين او المطربات؟؟
محمد فؤاد..


س7 - ماهي التجربه التي جربتها و تتمنى تكرارها في حياتك ...؟؟
انى اروح مع اخويا الى مكان شغله....

س8 - من هو توأم روحك ...؟؟
طبعاً وليد اخويا ...

س9 - ماهو اكثر شئ تخشاه في الدنيا ...؟؟
انى احلم احلام مفذعة..

س10 - مالذي يشعرك بأكثر قدر من الحرج ...؟؟


س 11 - لو ممكن تبقى ممثل, مطرب, كاتب, أى شخصية مشهورة ليوم واحد بس..هتحب تبقى مين؟؟
محمد سعد..

س12 - حمامة زاجلة استقرت على نافذتك تحمل رسالة من شخص ما فمن تتمنى ان يكون و ما الامنيه التي تتمنونها بالرساله ...؟؟
من اخويا اللى مسافر...وهفرح لوكتب انه قادم...

س13 - قلم وورقة رسم بيضاء, ماذا سترسم عليها ,,وماذا ستكتب تحت الصورة...؟؟
هرسم قلب.. وهكتب ربنا معانا يا شروق.هههههههههههههه..

س14 - اكبر غلطه ارتكبتها وبتندم عليها..؟؟
لا يوجد

س15 - أسوأ خبر سمعته في حياتك ..؟؟
ان صاحبى جه قال لى مش هنلعب كوره انهارده..هههههههههههه..زعلت اوى وعيطت ......

س16 - مواصفات الشخص اللى فى أحلامكوا..؟؟ للعزاب فقط
والله غبى كان فى زتونه كنت هموت عليها....

س17 - هل لديك اطفال..؟؟
كان نفسى والله على الأقل العب معاه
س18 - كلمه اخيره .. بعد مازهقت من كتر الأسألة واللى سائلها..؟؟
هقول انا زهقت منك يا عم الحج...هههههههههههههه...
-------------------------------------------------------------------------------------------------------------
ميرسى على الاسئله السهله موت . ويارب اكون جاوبت صح..

(شكراً)

(مع تحيات)

( الامير الصغير)

_________________
بنحبك ياغزة


27 نوفمبر 2008, 7:37 pm
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


س1 - أنت مين ؟؟
انا من عيلة مصرية بسيطة وعندى اربع بنات غيرى يعنى احنا خمسة وكان نفسى يكون لية أخ بس الحمد لله ..بحب مصر أوى وكان نفسى أكون من مواليد حرب أكتوبر وبجد نفسى أعمل عشانها حاجة اسرتى كلها بتحب بعضه انا ترتيبى التانى فى أخواتى لكن بعتبر نفسى اكبرهم هما كمان بيعتمدوا علية فى حاجات كتير يعنى تقدرو تقولو انى بقدر اتحمل المسئولية وبحب كل الناس وكمان فى ناس متأكدة انهم بيحبونى بحب اى انسان يكون صادق ومخلص وكمان بحب أكون قريبة من ربنا دايما وبحب الرسول علية الصلاة والسلام وبحب شخصية سيدنا عمر بن الخطاب جدا وبحب حاجات كتير فى حياتى لكن اكتر حاجة بحبها انى أكون حرة فى تفكيرى واحساسى واحلامى.نسيت ققولكم انى اسمى نهاد
س2 - باقة ورد لمن تهديها ...؟؟
اهدى باقة الورد للفنان العبقرى محمد صبحى لانى من اشد المعجبين بأفكارة تقدرو تقولة انى بعتبرة قدوة فى حياتى
س3 - باقة شوك لمن تهديها ...؟؟
لأى أنسان بيخرب فى بلدنامصر
س4 - هل انت متزوج او متزوجه أو مرتبط أو بتفكر ...؟؟
لامتزوجة ولا مرتبطة ولا حتى بفكربس كفاية انا ماما دايما بتفكرلى
س5 - شخص لاترفض له طلبا مهما كلف الأمر ..؟؟
جدتى بحبها جدااااا
س6 - مـــــن يطـــــربك من المطربين او المطربات؟؟
بعشق أم كلثوم وعبد الوهاب وفايزه احمد تقريبا مبسمعش غيرهم وكمان بحب محمد فوزى وكل القديم
س7 - ماهي التجربه التي جربتها و تتمنى تكرارها في حياتك ...؟؟
كنت طلعت زمان مع عيلتى كلها فى رحلة واتمنى تتكرر تانى لانه كانت مليانة بالصفاء الا مش ممكن يتكرر تانى

س8 - من هو توأم روحك ...؟؟
اختى الكبيرة وكمان اختى الأصغر هما توءم روحى كنا واحنا صغيرين بنعمل كل شىء مع بعض قبل اختى الكبيرة متسبنا بس دلوقتى الوضع اتغير


س9 - ماهو اكثر شئ تخشاه في الدنيا ...؟؟
انى احس انى مسجونة فى قفص الجواز الابيقولة علية دة شىء بيهدد حياتى


س10 - مالذي يشعرك بأكثر قدر من الحرج ...؟؟
كل التعاملات الا فيه فلوس بتحرج جدددا
س 11 - لو ممكن تبقى ممثل, مطرب, كاتب, أى شخصية مشهورة ليوم واحد بس..هتحب تبقى مين؟؟
نفسى أكون زى أنيس منصور او زى أم كلثوم

س12 - حمامة زاجلة استقرت على نافذتك تحمل رسالة من شخص ما فمن تتمنى ان يكون و ما الامنيه التي تتمنونها بالرساله ...؟؟
تكون بتحمل رسالة من انسان محترم يكون بيحبنى من زمان والنهاردة حاسة ان لازم يصراحنى

س13 - قلم وورقة رسم بيضاء, ماذا سترسم عليها ,,وماذا ستكتب تحت الصورة...؟؟

حرسم بحر وشجرة وعصفوره بتبنى عش على الشجرة وحكتب تحت الصورة لو اردت الحرية لابد ان تبنى لها


س14 - اكبر غلطه ارتكبتها وبتندم عليها..؟؟
انى منميتش مواهبتى بالدراسة

س15 - أسوأ خبر سمعته في حياتك ..؟؟
يوم مامريكا دخلت العراق



س16 - مواصفات الشخص اللى فى أحلامكوا..؟
انى يكون مميز بأفكارة ويكون عايز يبنى أسرة تكون أفرادها متعاونة ويكون بيحبنى حب حقيقى واهم شىء يكون صادق ومخلص

س17 - هل لديك اطفال..؟؟
عندى أطفال كتير جدددا عندى اخواتى الصغيره تقدروا تقولو انى مسئولة عنهما فى كل شىء وعندى اطفال كتير جدا اصحابى وبيحبونى جدا

س18 - كلمه اخيره .. بعد مازهقت من كتر الأسألة واللى سائلها..؟؟
بقولك ياوليد متشكرة على افكارك المميزة الا دايما بتحاول منها تعرفنا ببعض أكتر وطبعا عمرنا منزهق من أسألتك

_________________


27 نوفمبر 2008, 10:06 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


س1 - أنت مين ؟؟
انا هو انا طبعا.
س2 - باقة ورد لمن تهديها ...؟؟
لأمي وأبي.

س3 - باقة شوك لمن تهديها ...؟؟

لنفسي.
س4 - هل انت متزوج او متزوجه أو مرتبط أو بتفكر ...؟؟
إطلاقا.

س5 - شخص لاترفض له طلبا مهما كلف الأمر ..؟؟
لا يوجد.

س6 - مـــــن يطـــــربك من المطربين او المطربات؟؟

فيروز.
س7 - ماهي التجربه التي جربتها و تتمنى تكرارها في حياتك ...؟؟
الكتابة.

س8 - من هو توأم روحك ...؟؟

لا يوجد..كفاية عليً غن ان مستحملة نفسي أصلا.
س9 - ماهو اكثر شئ تخشاه في الدنيا ...؟؟

الآخرون.
س10 - مالذي يشعرك بأكثر قدر من الحرج ...؟؟

العلاقات الأجتماعية.
س 11 - لو ممكن تبقى ممثل, مطرب, كاتب, أى شخصية مشهورة ليوم واحد بس..هتحب تبقى مين؟؟

ليوم واحد تبقى مش جايبة همها..بس ممكن أخلي نفسي وزيرة القوى العاملة وأعين نفسي في وظيفة محترمة بس على الله ما أتفصلش منها بعد ما اسيب الوزارة.
س12 - حمامة زاجلة استقرت على نافذتك تحمل رسالة من شخص ما فمن تتمنى ان يكون و ما الامنيه التي تتمنونها بالرساله ...؟؟
رسالة من وزارة القوى العاملة برضه..

س13 - قلم وورقة رسم بيضاء, ماذا سترسم عليها ,,وماذا ستكتب تحت الصورة...؟؟

سأرسم سفينة شراعية في عرض البحر..واكتب تحتها الحرية.
س14 - اكبر غلطه ارتكبتها وبتندم عليها..؟؟
كتير.. هو انا لسه هاعد

س15 - أسوأ خبر سمعته في حياتك ..؟؟

إن أنا دخلت كلية الحاسبات والمعلومات.
س16 - مواصفات الشخص اللى فى أحلامكوا..؟؟ للعزاب فقط
لايوجد شخص أصلا في خيالي هلشان ألاقيلوا مواصفات..هو غحنا لسه عيال ولا إيه..
س17 - هل لديك اطفال..؟؟
لا..
س18 - كلمه اخيره .. بعد مازهقت من كتر الأسألة واللى سائلها..؟؟
منكم لله وجعتولي دماغي

_________________


28 نوفمبر 2008, 5:47 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


أنا قولت أجى أصحح ورق الإمتحان بقى
لأ بجد بس حبيت أعلق على شوية إجابات عجبتنى أوى..
محمد..بجد إجاباتك كلها صادقة وفيها إحساس...وعجبتنى إجابتك : هأسيبها فاضية وأكتب دى حياتى..إجابة مؤثرة مع إن حياتك عمرها ما كانت فاضية يامحمد...لأنك كنت دايما بتدى اللى حواليك ووقفت دايما جمب عيلتك..وأخواتك لحد ماشفت أولادهم اللى أنت زى مابتقول كده بقو زى ولادك..تبقى حياتك فاضية ازاى؟ بحييك بجد يامحمد على إجابتك اللى طالعة من القلب
........
أمير..أخويا...ايه الحب ده كله..ورد وتلاجة..زتونة؟ وربنا معانا ياشروق؟ لاتعليق... ربنا يستر عليك فى إمتحانات نص السنة يا أمير..
.......
تنهيدة...بجد إجابات كلها صادقة أوى وبالذات فى أنت مين...وكمان تعبيرك الجميل : إن أردت الحرية فإبنى لها..بجد تعبيرمؤثر أوى..وبوافقك فى خبر دخول أمريا العراق لأنه كان خبر حزين أوى على كل عربى بيحب وطنه...وبالنسبة لقفص الجواز يارب أبدا ماتتحبسى فى قفص جواز...ممكن تتحبسى بس فى قلب اللى بيحبك ويخبيكى فى عينيه لما تلاقيه ان شاء الله...وأنا اللى بشكرك على إجاباتك الصادقة جدا وان شاء الله نعمل امتحانات زى دى دايما فى الأكاديمية عشان نعرف بعض كلنا أكتر... وبجد 100 من 100 فى الامتحان...
........

هبة الله...بجد هايل انك تبقى أول مشاركاتك معانا فى الأكاديمية يبقى إختبار التعارف ده عشان نعرفك بسرعة ولو انى شايف انك مش جاوبتى صح خالص فى أسألة كتير...يعنى انتى بتقولى..اكتر حاجة بخشى منها الأخرون...والعلاقات الأجتماعية مع انك دخلتى من أول مشاركة وكتبتى معانا اهو بك بساطة كأنك واحدة من عيلة الأكادمية من زمان...وده جميل أوى بجد...وبعدين حد يهدى باقة شوك لنفسه؟ عجبنى موضوع القوى العاملة ده بس المشكلة زى ماقولتى بعد ماتسيبى الوزارة هتتشالى من الوظيفة...أيوة البلد فيها نظام مش واسطة كده ومحسوبية
أكتر إجابة بقى ليكى حيرتنى...ليه كان خبر وحش انك دخلتى حاسبات ومعلومات؟ ماكنتيش حباها...؟ يهمنى أعرف لأن بردو موضوع الكليات ده عامل عمايله معايا...
منى لله؟ ووجعتلك دماغك كمان هى بقت كده...طب اتفضلى النتيجة بتاعك..بما انك شكلك ملغبطة فى إجابتك عشان عايزة تسقطى فأنا هأعاند وأنجحك عملوها معايا مرة الحركة دى 10 من 10 يا هبة الله وأهلا بيكى فى الأكاديمية

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



29 نوفمبر 2008, 9:31 pm
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


س1 - أنت مين ؟؟

عبد الله من الشرقية اخوكم احمد الصياد

س2 - باقة ورد لمن تهديها ...؟؟

للأستاذ ناصر عبد الفتاح مدرس الانجليزى بتاعى فى الاعدادى وكان سبب فى تحويلى من عدو اللغة الانجليزية لعاشق اللغة الانجليزية


س3 - باقة شوك لمن تهديها ...؟؟

لمن كانوا سبب فى ظهورى فى صورة الكذاب

س4 - هل انت متزوج او متزوجه أو مرتبط أو بتفكر ...؟؟

لا متزوج ولكنى مرتبط حاليا من طرف واحد بعد تحول الطرف الاخر للكراهية


س5 - شخص لاترفض له طلبا مهما كلف الأمر ..؟؟

هو مش شخص معنوى او ادمى هو شئ مادى جماد يعنى من الاخر مبنى ولكن احتفظ بيه لنفسى خوفاً من الدخول فى باب الرياء والسمعة


س6 - مـــــن يطـــــربك من المطربين او المطربات؟؟

لما كنت بسمع اغانى كان حمادة هلال وشيرين

س7 - ماهي التجربه التي جربتها و تتمنى تكرارها في حياتك ...؟؟

حمل انبوب الغاز اثناء حريق ضخم والخروج به وسط الخطر

س8 - من هو توأم روحك ...؟؟

هو مش واحد هما اكتر من واحد وهما احمد الدش وهانى السيد عيال فيها الخير

س9 - ماهو اكثر شئ تخشاه في الدنيا ...؟؟

كذا حاجة 1- الغرور 2- التقصير 3- ان يكرهنى احد بعد حب

س10 - مالذي يشعرك بأكثر قدر من الحرج ...؟؟

ان تحدثك بنت فجأة وجها لوجه لأى سبب

س 11 - لو ممكن تبقى ممثل, مطرب, كاتب, أى شخصية مشهورة ليوم واحد بس..هتحب تبقى مين؟؟

نفسى وليس احد

س12 - حمامة زاجلة استقرت على نافذتك تحمل رسالة من شخص ما فمن تتمنى ان يكون و ما الامنيه التي تتمنونها بالرساله ...؟؟

من عمى الذى توفى فى شهر رمضان واتمنى ان تقول الرسالة لا تحزن انتظرك فى الجنة

س13 - قلم وورقة رسم بيضاء, ماذا سترسم عليها ,,وماذا ستكتب تحت الصورة...؟؟

هرسم قلب وفيه سهم من ناحية اسمى والناحية التانية اسم عمى وبنته اللى اتوفوا فى رمضان

س14 - اكبر غلطه ارتكبتها وبتندم عليها..؟؟

محاولة الطفشان من البيت

س15 - أسوأ خبر سمعته في حياتك ..؟؟

هما اكتر من خبر
1- وفاة ابن خالتى يوم 7 /8/1995 غريقا فى البحر المتوسط
2- خبر وفاة عمى يوم 5رمضان الماضى
3- خبر وفاة بنت عمى يوم 7 رمضان الماضى
4- خبر دخول اختى العناية المركزة بالمستشفى


س16 - مواصفات الشخص اللى فى أحلامكوا..؟؟ للعزاب فقط

محبة - صادقة - غير متهورة - غير متسرعة فى احكامها

س17 - هل لديك اطفال..؟؟

عندى اطفال انا بحب الاطفال جدا عشان كدا بعتبر كل عيال الشارع عندنا اولادى ولكن فيه شوية ببقى عايز ارمى عليهم نووى

س18 - كلمه اخيره .. بعد مازهقت من كتر الأسألة واللى سائلها..؟؟

تحيا مصر يا عم

_________________


29 نوفمبر 2008, 10:54 pm
الملف الشخصى Yahoo الموقع الشخصي
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)



_________________


آخر تعديل بواسطة هبة الله محمد في 16 مارس 2009, 6:35 pm، عدل 1 مرة.



30 نوفمبر 2008, 12:57 am
الملف الشخصى
مشرفة قسمى الشعر, كلام فى الحب

الصورة الشخصية للعضو

مشاركات:
119
مكان:
مصر
الإسم الحقيقى:
آيه الشحات أحمد
الحكمة المفضلة:
اطلبوا اللعلم من المهد الى اللحد
حالة التأكيد:
كاتب موثوق و مؤكد هويته
مشاركة Re: امتحان تعارف لكل أعضاء الأكاديمية :)


اه الحلاوه دى ياوليد اغيب يومين عن الاكاديميه ارجع الاقيك مكسر الدنيا كده بس بحييك دى حاجه مش جديده عليكخايفه اعترف المره دى على كرسى الاعتراف تتريق عليه زى المره اللى فاتت فاكر كرسى قبنورى ولا نسيتعلى العموم انا هجاوب فى الامتحان وربنا يدينى على قد مجهودى
انا مين ؟
اكيد انا ايه من الشرقيه ليه اتنين اخوات غيرى ولدين اصغر منى بسانا كان نفسى يكون ليه اخ اكبر منى بس يالا خير
باقة ورد اهديها لمين ؟
لبابا وماما واخواتى
باقة شوك لمن تهديها؟
لكل انسان بيحب الشر
هل انت متزوج او متزوجه او مرتبط او بفكر....؟
انا لا متزوجه ولا مرتبطه ولا بفكر ربنا يبعدنا عن الحب وناسه اتكوينا منه كتير
شخص لا ترفض له طلب مهما كلف الامر؟
بابا بانفذ اوامره وطلباته بدون تفكير
من يطربك من المطربين والمطربات؟
احب اوى اسمع النس القديمه شويه زى نجاة وفيروز وام كلثوم وعبد الحليم
ماهى التجربه التى جربتها وتتمنى ان تتكرر فى حياتك؟
سافرت فى اجازه مع اولاد خالى لمرسى مطروح وكانت احلى اجازه فى حياتى ياريت تتكرر
من هو توأم روحى؟
توأم روحى هى بنت خالى واختى وصديقتى وحبيبتى واللى فيها كتبت قصيدة الشعر (صديقتى)
ما هو اكثر شىء اخشاه فى الدنيا؟
الفشل اكتر حاجه بخاف منها
ما الذى يشعرك باكثر قدر من الحرج؟
ييه كتير ده مفيش حاجه مابتحرجنيش وتخلى وشى يحمر وابقى عامله زى التايهه
لو ممكن تبقى كاتب او مطرب او شخصيه مشهوره.....احب ابقى مين؟
احب ابقى منى الحسينى
حمامه زجله استقرت على النافذه تحمل رساله من شخص ما...فمن تتمنى ان يكون وما الامنيه التى تتمنوها بالرساله....؟
اتمنى الرساله من خالى اللى مسافر من 10 سنين وبيقةل فيها انه راجع.
قلم وورقة رسم بيضا ماذا سترسم وماذا ستكتب تحت الصوره؟
هارسم نقطة ميه فى صحراء وهكتب فيها الحياه امل
اكبر غلطه ارتكبتها وبتندم عليها ؟
هى ان صدقت حد كداب وده وقعنى فى مشاكل كتير بس ادينى بتعلم
اسوء خبر سمعته فى حياتى ؟
خبر وفاة ابن خالى اللى كان اخ وصديق بالنسبه لى
مواصفات الشخص اللى فى احلامكوا؟للعزاب فقط..
الرسول صلى الله عليه وسلم بيقول اذا جاءكم من ترضون دينه وخلقه فزوجوه..بس انا اضيف حاجه صغنطوته خالص هى انه يكون شكله مقبول وطويل اصل الراجل القصير بيبقى شكله وحش.
هل لديك اطفال ؟
كتير اولاد خالى اللى بعشقهم واولاد عمى اللى بموت فيهم
كلمه اخيره بعد مازهقت من كتر الاسئله واللى سائلها؟
بحييك اوى ياوليد على الموضوعات الجميله بتاعتك دى واللى بتقرب افراد الاكاديميه من بعض

_________________
همسه


30 نوفمبر 2008, 8:42 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 48 مشاركة ]  الذهاب للصفحة 1, 2, 3, 4, 5  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 5 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter