المواضيع التى لم يرد عليها | عرض المواضيع النشطة التوقيت الحالى 20 أكتوبر 2018, 9:12 pm



قوانين القسم


يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.



الرد على الموضوع  [ 12 مشاركة ]  الذهاب للصفحة 1, 2  التالى

Share |


عضو غائب 
الكاتب رسالة
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة عضو غائب


نظرا لأننا في الأكاديمية اسرة واحدة علشان كده فكرت نعمل موضوع نكتب فيه الأعضاء المفقودين واللي ما بيظهروش بقالهم فترة..وممكن اللي عايز يوجه له رسالة أو لو حد عارف سبب اختفاءهم يكتبه..
إيه رأيكم؟
:)

_________________


آخر تعديل بواسطة هبة الله محمد في 07 فبراير 2010, 8:23 pm، عدل 1 مرة.



24 أكتوبر 2009, 5:54 pm
الملف الشخصى
مشرفة قسم الأشعار

الصورة الشخصية للعضو

مشاركات:
365
الإسم الحقيقى:
نورا مجدي
الحكمة المفضلة:
إذا لم يكن من الموت بد .. فمن العجز أن تموت جبانا
حالة التأكيد:
كاتب موثوق و مؤكد هويته
مشاركة Re: عضو مفقود


جميل قوي الموضوع ده يا هبة
أنا ملاحظة إن في واحدة غايبة عننا بقالها كتيييييير و هي "سارة "(ماتت الكلمات حزنا في فمي) ،أنا مش عارفة إنتي مختفية فين أو ليه يا سارة ..لعل المانع خير يا رب lost1



كمان جيجي (الحلم المستحيل) هي مش مختفية قوي يعني بس بقالها حبة غطسانة برضة ..فين بقيت "تحب تشرب شاي؟!" إنتي ناوية تاكلي علينا باقي الرواية ولا إية؟!!!!:x

ريم بقالك مدة طويلة جدا مبتكتبيش في الأكاديمية ، يا رب تكوني دايما بخير ... و ترجعيلنا بألف سلامة


أنا هسيب التنويه عن باقي المفقودين لبقيت الأعضاء بقي............... سلامي لكل الغايبين

_________________
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ


24 أكتوبر 2009, 8:46 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: عضو مفقود


موضوع تحفة great1 ...و طريقة العرض جميلة جدا ...فيها حب و اهتمام ..و افتقاد للجو الدافيء المميز جدا لأكاديميتنا الغالية

و فعلا ...كنت بافكر في ناس كتير ...بقالهم فترة غايبين ...و احنا أكيد بنفتقدهم ...يارب يرجعولنا بالسلامة


- منى : فينك .... فين كتاباتك الرقيقة المميزة ؟ ليه الغياب ده كله ؟

- ولاء : انتي ناسيانا كده ليه ؟ عارفة انك مشغولة بالدراسة ...بس في الأجازة كنت بتزورينا قليل جدا

- محمد ( ابن مصر) : قسم هي دي مصر هان عليك ؟ فين آراءك المميزة الوطنية ؟ طيب المناقشات ؟

- سارة : مفتقدينك جدا ...كتاباتك و تعليقاتك التحليلية الملفتة ؟ احنا مش واحشينك ؟

- سلمىىىى ( الزهراء) : بتظهري ثانيتين و تغيبي سنتين ! انتي زعلانة مننا ؟ فين كتاباتك الرقيقة ؟

- جيجو ( جيهان : الحلم المستحيل ) : زي ما قالت نورا : رغم غيابك فترة صغيرة ..بس مؤثر و خلانا نفتقدك ..و مستنيين باقي فنجان الشاي

- dr.hope : حتى لو مافيش أي وقت مع الدراسة ..ممكن دخول الأكاديمية مرة كل أسبوع ...أو اتنين .. أو أكثر .... فينك ؟ خسارة ماتكتبش لفترة طويلة كده ...

- رانيا : فييييينك ؟ فين كتاباتك الجميلة و قصصك المتنوعة ؟ انتِ نسيتينا ليييه ؟


طبعا أعرف ان ريم مشغولة جدا .... ربنا يوفقها إن شاء الله ... أسألها ممكن أقول هنا في ايه و أرجع لكم إن شاء الله


أتمنى ترجعو تنورونا زي زمان .... و طبعا بشكل عام ..كلنا بقينا مقلّين جدا في الدخول هنا يمك لضيق الوقت أو غيره

موضوع جميل فعلا يا هبة flower1 flower1 flower1

_________________




.
.
.
*** لــزيارة صــفـــحـــتــي ***


24 أكتوبر 2009, 11:09 pm
الملف الشخصى
أكاديمى نشيط
أكاديمى نشيط


مشاركات:
308
الحكمة المفضلة:
الفن الجميل لا يورث قبحا
حالة التأكيد:
كاتب موثوق و مؤكد هويته
مشاركة Re: عضو مفقود


موضوع جميل يا هبة .. بارك الله فيكي :لكن لي تعليق بسيط علي العنوان .. عضو مفتقد اجمل و أرق نفتقد الدكتورة رانيا : أعلم انها منشغلة بملرض أمها .. شفاها الله وعافاها .. وغيابها يزيدنا قلقا .. اتمني ان تطمئننا بين الحين والاخر عن ماما الغالية .ربنا يقومها بالسلامة. نفتقد ايضا : سارة التي منحت الكلمات نبضا .. و بعثت فيها الحياة من جديد .. نرجو ان تكون بخير حال وان تعود سريعا تتحفنا بكلماتها البناءة.
نفتقد سلمي .... بنت الجزائر الحرة .. المعتزة بعروبتها ووطنها بلد الاحرار .. بلد المليون شهيد
نفتقد : الاستاذ ماهر طلبه بأفكاره الجديدة وأسلوبه الميز.
نفتقد : الحلم المستحيل الذي أوشك ان يتحقق .. واخده بالك يا جيجي.
ونفتقد الكثيرين ممن اثروا و ساهموا في بناء هذا الصرح الطيب ... نسألهم العودة من جديد.. فنحن حقا نفتقدكم ... وفي أشد الحاجة لمعرفة أخباركم .. و يغلبنا الشوق لعناق كلماتكم من جديد ... وبس بأه أحسن أنا قربت أعيط... سلااااام.
السيد فهيم


26 أكتوبر 2009, 3:45 am
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: عضو مفقود


موضوع جميل جداااا ياهوبة...حسيتة لمسة وفاء لكل عضو أشترك ولو بكلمة واحدة داخل أسرتنا الرائعة ...
أنا بجد مفتقد اوى كل الأكاديمية مفتقد الجو الجميل الا كان بيجمعنا والمشاركة الحقيقية فى كل الأعمال
دلوقت يمكن فعلا فى أعضاء دائمة الظهور فى الأكاديمية لكن للأسف مش بنتجمع بحس ان التواصل قل شوية بينا
لكن بجد عندى امل كبير اننا نرجع نتواصل أكتر من كدا ونتشارك فى مواضيع ونبدع فى أفكار تنشط الجو من تانى
لكن بالنسبة للأعضاء الا مفتقداها جدا زميلى العزيز الأمير الحائر بجد أفتقدنا كتير أعمالك وأفكارك الا كانت
العامل الأول فى تنشيط الأكاديمية أحنا عارفين طبعا انك نفسك تكون متواجد ومتأكدين من حبك للأكاديمية لكن بنتمنى انك تتواجد من جديد وتحتفل معانا بمرور عام كامل على أفتتاح الأكاديمية ...
وأفتقدنا كمان زميلنا ابن مصر نفسى أقولة ان يرجع تانى ينقذ القسم المظلوم هى دى مصر الا فعلا بئه مظلوم فعلا
بجد نفسى ترجع تانى بمواضيعك وأخبارك الجميلة الا كانت السبب فى تواصل أفكارنا مع بعض ..
وطبعا كلنا مفتقدين الصياد راسم البسمة الأول فى الأكاديمية وصاحب الروح الثورية بس حقيقى انا زعلانة منه لانه مش بينتظم فى الدخول وحاسة كدا انه نسى الأكاديمية ونسى انه من اول المؤسسين له ونسى أكتر الحرب الطاحنة لكن ان شاء الله تقرأ ندائى وتعود لساحة المعركة من جديد
انا بجد مفتقد الكثير لكن عندى أمل فى الرجوع
بالنسبة لزميلتنا الرائعة ساره أحب أقولكم أنها بكره أوبعده بالكتير ستعود لأكاديمتنا الجميلة لانها فعلا وحشتنا جدااا
ووحشتنى انا أوى بصراحة وحشنى قلمها الثائر وأفكارة المختلفة الممتعة ان شاء الله تعود الينا بالف سلامة فى انتظارك ياأحلى ساره ومنها لله بئة الشركة ألا منعتك عننا كل الفترة دى فى انتظارك ...
أما زميلتنا جوجو انا بطلب من جميع الأعضاء الدعاء لوالدتها بالشفاء وجوجو بتقولكم بجد انكم وحشتوها جدااا جدااا
وان غيابها بجد خارج عن أرادتها..واحنا بجد بنقولها انها وحشتنا أكتر وحشتنا روحة الرائعة وتواجدها المميز وسطنا
وكمان وحشتنا أعمالها القوية الجميلة بتمنى من قلبى ياجوجو الشفاء لوالدتك وبتمنى انك ترجعى بسرعة لينا
أما عن زميلتنا الجميلة همسة الا طلت علينا شوية ورجعت غابت فهى كمان ظروف دراستها منعاها بس أكيد برضة كلنا فى انتظارها وبنتمى انها ترجع من تانى وتندمج معانا لانك ياهمسة وحشتينى أوى ووحشتنى قصائدك الصادقة الجميلة ...
ووحشتنى كمان سلمى بنت الجزائر المصرية الرائعة وحشنى تواجدها المستمر وتنوع كتاباتها التى تنم عن كاتبة حقيقية رائعة نفسى بجد تتواجدى دائما ياسلمى
بتمنى من قلبى ان كل الأعضاء الغائبة ترجع تنور الأكاديمية تانى نفسى اشوف منى وريم ورانيا وولاء وكل عضو شارك ولو بعمل معانا وبجد بتمنى كمان ان كلنا نرجع نتواجد زى زمان
بتمنى للجميع كل التوفيق والنجاح وبشكرك أوى ياهبة لانك بجد رائعة جزاك الله كل خير على لمسة وفائك الجميلة flower1 :)

_________________


26 أكتوبر 2009, 6:32 pm
الملف الشخصى
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: عضو مفقود


السلام عليكم يا احلى اعضاء في اروع اكاديمية...م11
وحشتوني جداااااااااااا كلكم...
بجد مش عارفة اعبر عن فرحتي بالموضوع دا...والله مكنتش متخيلة اني ممكن حد يفتكرني..
متشكرة قوي يا نورا انتي وغادة وشاعرنا السيد فهيم على الكلام الجميل دا...flower1
و متشكرة ليكي انتي كمان يا تنهيدتي على التوضيح الجميل دا..
و بعتذر جدا على غيابي دا اللي كان غصب عني والله...:cry:
لكني من هنا ورايح ان شاء الله مش هغيب تاني..ممكن كمان امضي حضور وانصراف لو عايزين :lol:
متشكرة قوي على المفاجأة الجميلة دي...ويارب ولا عضو في الاكاديمية يغيب عنها ابدا..وكل اللي
غايب يرجع...


29 أكتوبر 2009, 2:45 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: عضو مفقود


فكرة جميلة جداً ياهبة :)

دايماً لما بنحب حد جداً و يغيب بيبقى فى بالنا مهما بعد و بنتمنى رجوعه..و أنا ذاكرتى الحمد لله كويسة فى الموضوع ده فما تستغربوش لو فكرتكوا بأسماء ممكن تكون اتنست شوية بس بجد شخصياً فاكرهم دايما
( همسة ) أية, زميلتنا الشاعرة المتميزة و التلقائية فى أعمالها و ردودها..و اللى كانت زى الوقت ده من السنة اللى فاتت معانا فى أول شهر من الأكاديمية..و افتقدناها جداً بعدها لفترة طويلة بسبب الدراسة..و لا زالت..و أكيد مفتقدينك يا أية و بنتمنى ترجعى إن شاء الله و تحتفلى معانا كلنا بعيد ميلادنا ككتاب و كأخوات فى الأكاديمية :)
.................
( ولاء محمد ) هى كمان شاعرة ليها أشعار جميلة جداً و أعتقد الدراسة وخداها بعيد عن كتابتها و شعرها..و بجد بأتمنالها مش بس ترجع للأكاديمية لكن ترجع لكتاباتها اللى أكيد افتقدتها جدا زى ما إحنا افتقدناها :)
.................
( قلب حزين ) مريم اللى بجد افتقدناها هى كمان و افتقدنا ردودها الصريحة جدا و كمان افتقدنا الروح المرحة اللى بدأت بيها فكرة حرب الأحزاب فى الأكاديمية و اللى بجد قربت أعضاء الأكاديمية من بعض أوى بعد كده و طلع منها كمان أفكار اعمال جميلة..و كنت باتمنى بجد إنها تكون معانا تحتفل بعيد ميلاد الأكاديمية اللى أكيد رغم غيابها الطويل أثرت فيها جدا بأفكارها اللى لسه حية و بتفكرنا بيها دايما و بالوزيرة اللى أكيد افتقدناها :)
..................
( منى ) كاتبة متنوعة غابت فجأة ...بعد كتاباتها الجميلة بجد و فكرة التعبير بالصور عن العمل و بعد فوزها فى المسابقة بقصيدة لحد دلوقتى لسه فاكرها و فاكر كل كلماتها من كتر ما حبيت القصيدة ( و لأنى بشر أعرف ذاك الإحساس..اعرف كيف يكون المرء وحيداً بين الناس.... ) و بجد مع إنى عارف و مجرب جداً إزاى الظروف و زحمة الحياة ممكن تشغل حد و تبعده عن قلمه..لكن بجد باتمنى إنك ترجعى تانى للكتابة لأن حد بالموهبة اللى كتبت القصيدة الرائعة دى أكيد لسه قدامه مشوار أدبى كبير :)
.....................
( dr_hope ) بجد مش عارف إزاى بعدت نفسك عن الكتابة فجأة كده..اللى كنت بتكتبه بجد بيقول إنك حد بيحب الكتابة جدا..و على فكرة أعرف زمايل كتير ليا فى كلية طب بيكتبوا و بيحضروا ندوات أدبية كمان و كل ده مش باعدهم عن الكلية..فأكيد مع إهتمامك بالكلية لازم تهتم بكتابتك أكتر و مش تنساها :)

................
( هبة الله محمد ) :) طبعا ياهبة هتستغربى إزاى بكتب اسمك فى وسط الأعضاء المفتقدين رغم إنك أنتى اللى كاتبة الموضوع ده و إنك متواجدة نسبيا حالياً..لكن أنا قصدى حاجة تانية..إفتكرى كده ياهبة معايا أول لما دخلتى الأكاديمية؟ :) رديتى على إمتحان التعارف..و على قصص و روايات فى الأكاديمية..و كتبتى قصة المطارد اللى لسه برجع أقراها لحد دلوقتى و ما زالش إعجابى بيها..لكن لو شوفنا دلوقتى..امتى أخر مرة كتبتى قصة فى الأكاديمية ياهبة؟ :) فين خواطرك..و فين حتى محاولاتك فى الشعر اللى كنتى دايما بتشاركينا بيها..؟ أنا بجد فرحت جدا لما شفت اسمك فى المركز الأول و كمان فى مسابقة المقال مش فى القصة القصيرة..يعنى أنتى بجد كاتبة فى كل المجالات بس تكتبى بتحدى لموهبتك و ترجعى هبة اللى إحنا عارفنها :)
..............

( محمد محمود.. أحمد الصياد.. غادة.. تنهيدة.. سلمى.. جيهان..سارة..شيماء قبيصى..إيناس حليم..نورا..لارا..رحاب..هبة خميس.. )
طبعا هتستغربوا انا كاتب الأسماء دى كلها ليه مع أن معظمهم متواجد فى الأكاديمية حاليا..لكن أنا كتبت الأسماء دى بجد لأنى أنا اللى كنت مفتقدها :) بجد مش عارف أوصف إزاى لما ببعد عن الأكاديمية بيوحشنى قراية الأعمال اللى فى الأكاديمية و بالذات أعمال الكتاب الرائعين اللى كتبتهم دول..و حشتنى خواطرهم..روايتهم..قصصهم..أشعارهم..أكيد الفترة اللى فاتت دى افتقدت نفسى أدبياً..بس الأكيد أكتر إنى افتقدت أعمال كتاب بقوا هما كتابى المفضلين بجد...و بتمنى إنى أقدر الفترة الجاية اعوض إفتقادى لأعمالهم... :)

بحييكى ياهبة مرة تانية على فكرة الموضوع الجميلة جدا لدرجة إنى سرحت و مش عارف انا كتبت كل ده إمتى..فكرتنا بمواضيعك زمان اللى زى دى و اللى كانت دايماً بردوا بتفتح صفحة ذكريات جميلة جداً :)
شكرا ياهبة flower1

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



04 نوفمبر 2009, 12:21 am
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: عضو مفقود


تنهيدة كتب:
زميلى العزيز الأمير الحائر بجد أفتقدنا كتير أعمالك وأفكارك الا كانت
العامل الأول فى تنشيط الأكاديمية أحنا عارفين طبعا انك نفسك تكون متواجد ومتأكدين من حبك للأكاديمية لكن بنتمنى انك تتواجد من جديد وتحتفل معانا بمرور عام كامل على أفتتاح الأكاديمية ...



أكيد يا نهاد أنا افتقدتكوا أكتر بجد..و طبعاً رغم أى ظروف ما كانش ممكن يعدى عيد ميلاد الأكاديمية و ما أبقاش موجود عشان نحتفل بذكرى أيام جميلة جدا عشناها كلنا..و بمناسبة الذكريات..يادوب ألحق أقطع تذكرة فى رحلة ذكريات الأكاديمية..أكيد هتبقى رحلة جميلة جدا :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



04 نوفمبر 2009, 12:43 am
الملف الشخصى
مشرفة قسم النقد الفنى و المقالات

الصورة الشخصية للعضو

مشاركات:
473
مكان:
بلد الأحرار
الإسم الحقيقى:
سليمة مشري
الحكمة المفضلة:
الشكوى انحناء و أنا نبض عروقي الكبرياء ...
فالشكوى لغير الله مذلة
حالة التأكيد:
كاتب موثوق و مؤكد هويته
مشاركة Re: عضو مفقود


مساء الأنوار يا هبة

طبعا موضوع رائع ، فيه وفاء لكل عضو في الأكاديمية

كثار هما اللي واحشني و مفتقداهم

-ريم الشخصية العاقلة و الانسانة المتفهمة
- رانيا كاتبتنا المبدعة و صاحبة القصص الرائعة
-وليد الكاتب و الناقد المميز
-محمد ابن مصر الغيور على بلادو و اللي شايل همومها
-أحمد الشخصية المميزة
-منى الرقيقة صاحبة الكتابات العذبة
دول اللي لما بافتح مش بلاقيهم أو مش بلاقي كتاباتهم
أما زملائي التانيين فكلهم واحشني : غادة ، نهاد و هبة ، جيهان و هبة خميس ، روان و محمد محمود ، السيد فهيم
بمعنى هناك افتقاد للأكاديمية ككل و للجو الجميل السائد و المناخ الأدبي الرائع
شكرا لكل زملائي الذين تذكروني و أنا و الله يا غادة مش زعلانة و ح زعل ليه هو في حد يدخل هنا و يخرج زعلان
هو بس في ظروف محتمة عليا إني أغيب و للأسف في الفترة الجاية ح غيب أكتر لكن ان شاء الله أرجع تاني بشرط ألاقيكو هنا
نهاد صديقتي العزيزة من دواعي سروري انك تقولي بنت الجزائر المصرية و الله أعتز بهذا
زميلي السيد فهيم لك مني كل الاحترام و التقدير و شخصية مثلك أعتز جدا بمعرفتها
وليد ننتظر عودتك في القريب العاجل
هبة مشكورة جدا على الموضوع و موفقة ان شاء الله

_________________
جوا العين و ساكنة القلب
نحبك يا بلادي
......................


04 نوفمبر 2009, 4:29 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: عضو مفقود


طبعا مكنتش متصورة إن الموضوع يحقق غرضه بسرعة كده
بس الحمد لله كل الأعضاء اللي افتقدناهم رجعوا لما سمعوا الندااااااااااااااء.. :D
الزهراء، وابن مص{، وسارة، والأمير الحائر، وكلكم ..
يارب متغبوش تاني علينا إن شاء الله..
ويرجع النشاط والجو القديم بتاع الأكاديمية..


وأحب أضيف أعضاء تانيين غايبين ويا ريت يرجعوا وينورنا تاني

نورانة


و

هالة

من أجمل الأقلام وأخفها دم في الكاديمية كلها

لوسيفر

زميلنا الصغير كاتب قصص العتيد..

و
منى

شاعرة المستقبل الكبيرة واللي أنا بتأثر بشعرها جدا..بتخلين عايزة أعيط :cry:..خصوصاالقصيدة اللي كانت فايزة هنا بالمركز الأول..

_________________


آخر تعديل بواسطة هبة الله محمد في 04 نوفمبر 2009, 8:19 pm، عدل 1 مرة.



04 نوفمبر 2009, 8:08 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 12 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 2 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter