صفحة 1 من 5

كيف تعرفت على الأكاديمية؟

مرسل: 18 ديسمبر 2008, 8:01 pm
بواسطة هبة الله محمد
الموضوع واضح لايحتاج إلى شرح..عايزين نعرف إزاي لقيت الأكاديمية وعرفتها وانضميت ليها..

Re: كيف تعرفت على الأكاديمية؟

مرسل: 18 ديسمبر 2008, 11:51 pm
بواسطة المهاجر
والله يا هبة موضوع رائع واكثر من رائع انا بقى يا ستى عرفت الاكاديمية عن طريق ان واحد صاحبى بس سابقنى فى السنة الدراسة طالع من المحضرة وانا بسلامتى بلف فى الجامعة فشوفت اعلان الاكاديمية معاه عند التلاجة فى حقوق الزقازيق كدا فبقوله ايه دا وخدت منه الورقة وقرأتها وروحت مطلع الموبايل كاتب الموقع فى الملحوظات لحد ما روحت البيت ودخلت اشتركت

Re: كيف تعرفت على الأكاديمية؟

مرسل: 20 ديسمبر 2008, 11:14 pm
بواسطة تنهيدة
ايه ياهبه المواضيع الجامدة ده بجد عجبنى اوى اهتمامك بالأقسام الا تحت وطرح افكار ومواضيع جديدة بشكرك ياهبه
أنا بقى اتعرفت على الأكاديمية بطريق الصدفة كنت مره داخله على النت بتفرج على منتديات للكتابة لا قيتهم كلهم أفكارهم واحدة وبالصدفة لاقيت اعلان للاكاديمية اشتركت وفى نفس اليوم كتبت خاطرتين المهم جيت تانى يوم عشان أشوف الردود على الخواطر لاقيت نفسى نسيت اسم الاكاديمية وفضلت يومين كاملين افتكر لحد ماذاكرتى رجعتلى وافتكرت ودخلت من جديد وادينى اهو معاكم صورة
بشكرك ياهبه مره تانيةصورة

Re: كيف تعرفت على الأكاديمية؟

مرسل: 21 ديسمبر 2008, 12:44 am
بواسطة هبة الله محمد
الحاج أحمد..شوف النصيب..الورقة جاتلك لحد عندك..منور الأكاديمية..
تنهيدة..وأنا كمان عرفت الأكاديمية تقريبا زيك كده..كنت بأعمل بعمل بحث على الجوجل ولقيت الموقع..الصراحة إن أنا أفتكرته الأول موقع أي كلام وكنت هأخرج وبعدين قلت أما آخد جولة..فعجبتني..وكويس إن أنك لقيتي الموقع وإلا الأكاديمية ما كنش هيبقى لها طعم من غيرك..أنت تقريبا أول حد قرأته له في المنتدى وعجبتني كتاباتك جدا..

Re: كيف تعرفت على الأكاديمية؟

مرسل: 21 ديسمبر 2008, 7:14 pm
بواسطة الأمير الحائر
احنا هنقرا أفكار بعض ياهبة ولا ايه صورة كنت بفكر أعمل الموضوع ده بجد بس يلا سبقتينى بقى معلش...موضوع جميل أوى عشان يفكرنا بأول معرفتنا بالأكاديمية...أنا شخصيا معرفتى بالأكاديمية كانت متشابهة معاكوا عن طريق إعلان على جوجل...وكان الموقع لسه فى بدايته وابتديت أعرف أصحابى وكده عليه وابتدت الأكاديمية تزيد عدد أعضائها والأهم انى كتبت فيها وكملت أعمال كنت نستها...وكمان قابلت فيها شخصيات بتشاركنى نفس الحب للكتابة والقراية وده الأهم واللى بجد أكتر حاجة مخليانى سعيد انى فى الأكاديمية...وبشكرك ياهبة على موضوعك الرائع ومستنيين نعرف باقى الأكاديمية عرفوها إزاى صورة

Re: كيف تعرفت على الأكاديمية؟

مرسل: 21 ديسمبر 2008, 8:00 pm
بواسطة هبة الله محمد
إيه ده..يعني أنا علقت الفكرة منك..معلش بتحصل في أحسن العائلات..صورة
وجميل إنك عزمت صحابك على الأكاديمية..أنا كنت عايزة أعمل كده برضه..

ومستنية باقي الأعضاء بس الظاهر عندهم امتحانات..ربنا يعينهم..

Re: كيف تعرفت على الأكاديمية؟

مرسل: 21 ديسمبر 2008, 9:44 pm
بواسطة الامير الصغير
موضوعك جميل جداً يا هبه...وانا اتعرفت على الموقع من وليد اخويا الى هو( الامير الحائر) والحمد لله كتبت شويه يعنى....وشكراً على موضوعك الجميل صورة
امير

Re: كيف تعرفت على الأكاديمية؟

مرسل: 29 ديسمبر 2008, 8:59 am
بواسطة ahmed_bebo
انا بقى ياهبة عرفت الأكاديمية من على الفيس بوك
لقيت اعلانها موجود فى صفحة دكتور نبيل فاروق
بسرعه كنت مشترك فيها وكمان كتبت قصص قصيرة وخواطر وشعر فيها
وان شاء الله الاكاديمية تنتشر ويزيد اعضائها كمان وكمان

Re: كيف تعرفت على الأكاديمية؟

مرسل: 29 ديسمبر 2008, 9:42 pm
بواسطة هبة الله محمد
اهي دي طريقة جديدة..شكرا لمشاركتك في الموضوع ولسه مستنية بقية الأعضاء..

Re: كيف تعرفت على الأكاديمية؟

مرسل: 01 يناير 2009, 11:41 am
بواسطة محمد محمود
أشكرك يا هبه على الموضوع ده أنا بقى تعرفت على الأكاديمية بطريقة ثانية خالص عن طريق أخت المدام بتاعتي وهي من أنشط الأعضاء في الأكاديمية ، وكتابتها الجميع بيستناها ، أنا أشكرها جدا وأكيد إنتم عرفتوها ، هي " تنهيدة "
ومن يومها حبيت المكان جداً ووجدت فيه حلم قديم بمكان محترم يعرف قيمة الكلمة ودورها الهادف .