أكاديمية ايجيبت رايت الأدبية
http://egyptwrite.com/w/

سؤال : بتحلم بإيه؟؟؟
http://egyptwrite.com/w/viewtopic.php?f=14&t=437
صفحة 1 من 2

الكاتب:  Ghadat2009 [ 08 فبراير 2009, 9:06 pm ]
عنوان المشاركة:  سؤال : بتحلم بإيه؟؟؟

اسمحوا لي بسؤال : ياترى كل واحد فيكم بيحلم بإيه ؟

أولا : على المستوى الشخصي
ثانيا على المستوى المحلي و العربي
ثالثا : على المستوى العالمي
السؤال ده غريب شوية بس بيخلي الواحد يقف مع نفسه و يشوف هو ماشي صح ؟ هو مهتم ببلده؟و نظرته ايه للآخر ؟

الكاتب:  الأمير الحائر [ 08 فبراير 2009, 10:00 pm ]
عنوان المشاركة:  Re: سؤال : بتحلم بإيه؟؟؟

موضوع جميل ياغادة...وبالذات للى أحلامه كتير ز يي
على المستوى الشخصى..بأحلم لأخويا أمير إنه يبقى شخص ناجح جدا من صغره عشان يبقى ناجح طول عمره..وبأحلم ( حلم شخصى ) إن اللى بيدخنوا فى أماكن عامة يتحرقوا فى ميدان عام..! وأعتقد ده أخف عقاب يستاهلوه .....
وبالنسبة ليا شخصيا بأحلم باليوم اللى هتجمعنا فيه جنة أنا و الأميرة.....
على المستوى المحلى والعربى: إن مصر تبقى أفضل بالعقول والأفكار قبل الإقتصاد...لأن ياما اقتصاد كبير ودمرته عقول مختلة...وبالنسبة للدول العربية..فطبعا أتمنى فى البداية غزة فى يوم تنال حريتها كاملة ويعيشوا زى باقى البشر فى سلام...وبالنسبة للدول العربية بأحلم باليوم اللى مايخضعوش فيه لأجنبى دخيل عليهم..ويتعلموا يعنى ايه كرامة.....
على المستوى العالمى..إن العداوة الغبية التلقائية للعرب ووصفهم بالإرهاب تنتهى..ويبقى فيه مساواة بين كل الأديان فى كل حاجة...وإن مايبقاش فيه أى تقرقة عنصرية بين إنسان وأخر...
وفى النهاية بحييكى جدا ياغادة على الموضوع الجميل

الكاتب:  Ghadat2009 [ 09 فبراير 2009, 3:09 am ]
عنوان المشاركة:  Re: سؤال : بتحلم بإيه؟؟؟

أشكرك على التحية و الرد السريع
أجمل حاجة بجد انك بدأت الحلم اللي على المستوى الشخصي بأمنياتك لأخوك و ده له معنى رائع جدا مزيج من الإيثار و انكار الذات و الحب الأخوي الجميل ربنا يخليكو لبعض دايما
و كمان ربنا يجمعك بأميرة جميلة و جنة رائعة انشاءالله .
التدخين آفة كريهة فعلا ! و معاك حق في شعورك .. بس الأول نشارك في حملات التوعية لو استمروا يبقى نطفي حياتهم زي مابيطفوا السيجارة !
بالنسبة للعقول و الأفكار فأنا مؤمنة جدا بوجودها بس لو لقت فرصة هتبان !
غزة صعبانين علي جدا برضه بس باتمنى ترجع القدس كمان ! و للدول العربية ياااارييييت ربنا يهديهم !
أمنيتك العالمية مميزة : تبان صورة العرب الحقيقية ...و تنتهي التفرقة العنصرية .. لكن تقصد ايه بالمساواة بين الأديان في كل حاجة ؟ قصدك لا تفرقة على أساس الدين ؟
اجابتك حلوة و مستفيضة و تلقائية ... باحييك عليها

الكاتب:  الأمير الحائر [ 09 فبراير 2009, 9:05 pm ]
عنوان المشاركة:  Re: سؤال : بتحلم بإيه؟؟؟

ghadat2009 كتب:
لكن تقصد ايه بالمساواة بين الأديان في كل حاجة ؟ قصدك لا تفرقة على أساس الدين ؟

أيوة بالظبط...وأكتر من كده إن مش يبقى فيه حد فاكر إن لازم يخلى اللى قدامه على دينه لإما يتجنبه! المسلم بيتولد مسلم...والمسيحى بيتولد مسيحى...ده دين سماوى وده دين سماوى...يبقى مش لازم الأتنين يكرهوا بعض أو يحاول كل منهم أنه ياخد التانى لدينه يا إما يقتله!...يعنى ولا تهويد ولا تنصير ولا تسليم...كل يحتكم لعقله وقلبه إلى الدين السماوى اللى يؤمن بيه...ولو رسخت فكرة حرية إعتناق الأديان دى فى عقولنا هنقبل الأخر ونحترمه وهيحترمنا من غير حقد دفين أو كراهية موروثة لأى دين أخر.. وهتتحل مشاكل كتير من عنصرية دينية فى العالم بيعانى الكثير منها أيه كانت ديانته...يعنى بمعنى اصح أقصد بكلمة المساواة بين الأديان نظرة تانية لحرية الأديان فى العالم كله...وده حلمى على المستوى العالمى..وبشكرك مرة تانية ياغادة على الموضوع وكمان على الرد الرائع

الكاتب:  تنهيدة [ 09 فبراير 2009, 9:39 pm ]
عنوان المشاركة:  Re: سؤال : بتحلم بإيه؟؟؟

موضوع جميل ياغادة وانا بحب كل المواضيع الا بتتكلم عن الأحلام ..وفى كل مرة بحس انى بجدد احلامى لما أحلمه معاكو ا ..أنا عندى احلام كتير وبفرح جدا بنفسى لانى لسه بعرف أحلم احلام حلوة ...حلمى الشخصى هو أنى أشوف أسرتى كلها بخير وانى أخواتى الصغيرين يحققوا كل أمنياتهم ويحققوا حلمى فيهم وينجحوا عشان أحس أنى قدمت شىء كويس لأسرتى وبحلم لنفسى انى أفضل طول عمرى الناس بتحبنى واى طفل يشفنى يحس معاى بالأمان ...
وحلمى لوطنى أنها تكون بلد عظيمة بولادها وزى مابنسعى لآستخراج البترول من الأرض عشان الأقتصاد يزيد لازم نحاول نبحث عن شباب قيمته أكبر بكتير من كل الأموال الا بنبحث عنها لان الشباب ده هى الا حتخلى مصر تفضل عظيمة ...اما بالنسبة للوطن العربى فأنا بحلم اننا نتفق ولو مرة لتحرير أراضينا المحتلة...
أما حلمى العالمى ان العالم يعرف أن عمر دينا الأسلامى ما دعا للتطرف ..ويعرف مين هو الأرهابى الحقيقى المعتدى ام المعتدى علية ...
شكرا ياغادة على موضوعك الجميل وان كان علية أنا عندى احلام كتير بس كفاية كدة النهاردة

الكاتب:  Ghadat2009 [ 10 فبراير 2009, 8:12 pm ]
عنوان المشاركة:  Re: سؤال : بتحلم بإيه؟؟؟

[/quote]
. وهتتحل مشاكل كتير من عنصرية دينية فى العالم بيعانى الكثير منها أيه كانت ديانته...يعنى بمعنى اصح أقصد بكلمة المساواة بين الأديان نظرة تانية لحرية الأديان فى العالم كله...[/quote]

كلام جميل بس بيتهيألي ان اساس معظم المشاكل العنصرية الدينية هو" لخبطة في بعض المفاهيم " يعني اليهودي مثلا مش بالضرورة صهيوني او اسرائيلي !و المسلم مش ارهابي ابدا ! و المسيحي مش مضطهد في بلده !..... الخ و انا معاك في ضرورة احترام متبادل بين الأديان و معتنقيها و بعض
أشكرك كثيرا على ردك الجميل المستفيض

الكاتب:  Ghadat2009 [ 10 فبراير 2009, 8:16 pm ]
عنوان المشاركة:  Re: سؤال : بتحلم بإيه؟؟؟

تنهيدة كتب:
وان كان علية أنا عندى احلام كتير بس كفاية كدة النهاردة

أشكرك يا نهاد لمشاركتنا بعض أحلامك و جميل جدا احساسك تجاه أسرتك و أمنية حب الناس و الأطفال بالذات دليل حس مرهف و رقة عالية ( مش غريب عليكي !)
بس ازاي نبحث عن الشباب اللي يبني الوطن ؟
أمنيتك للوطن العربي حلم لنا جميعا .. و فعلا ياريت تحصل توعية عن الإسلام و المسلمين و يختفي الخلط في المفاهيم !

الكاتب:  hala [ 11 فبراير 2009, 12:23 am ]
عنوان المشاركة:  Re: سؤال : بتحلم بإيه؟؟؟

جميلة افكارك ياغادة ... احييكى ... اما يا ستى عن احلامى ...فعلى المستوى الشخصى احلامى ابسط من البساطة ... يعنى رضا الله و الوالدين .. الاستقرار العائلى.... النمو المهنى .. حب الناس .. الخ
اما على المستوى المحلى والعالمى فاحلامى ليس لها حدود .... فانا احمل هموم العالم كله على كتفى
...... ولا ابسط من ان المواطن العادى يجد قوت يومه ... يلاقى لقمة العيش (من غير طوابييير )
يعلم اولاده تعليم جيد ... يجد تأمين صحى مناسب له و لعائلته .... اولاده يلاقوا عمل مناسب ... بمرتبات مناسبه ... وسكن معقول باسعار متناسبة مع مستوى الدخل ... نفسى تختفى صورة العجوز الذى يقف فى طابور العيش علشان رغيفين ... ويقضى نص يومه ماشى فى الشارع خطوتين ويريح شوية بس عشان يشترى احتياجاتة من الطعام واحيانا يتسولها !!! ........ يااااااه نفسى فى حاجات كتيييير !!!

الكاتب:  Ghadat2009 [ 11 فبراير 2009, 9:53 am ]
عنوان المشاركة:  Re: سؤال : بتحلم بإيه؟؟؟

hala كتب:
...فعلى المستوى الشخصى احلامى ابسط من البساطة ... يعنى رضا الله و الوالدين .. الاستقرار العائلى.... النمو المهنى .. حب الناس .. الخ
اما على المستوى المحلى والعالمى فاحلامى ليس لها حدود .... فانا احمل هموم العالم كله على كتفى

أحلامك على المستوى الشخصي شاملة و جميلة و مترابطة و على المستوى المحلي فدي أحلام مصرية بتحب بلدها و تتمنى تشوفها من جوة في أحسن صورة و تشوف كل المصريين سعداء و مش محتاجين و تصويرك للتفاصيل يدل على حس مرهف و حب للناس
بس انتي هربتي بذكاء من ذكر أحلامك على المستوى العالمي !
لفت نظري عبارة النمو المهني ...انت بتشتغلي في أي مجال ؟ و دراستك ايه؟ وحلمك توصلي في شغلك لإيه ؟
ملاحظة : الأسئلة دي اختياري ! يعني لو عايزة تشركينا في حلمك المهني !

الكاتب:  هبة الله محمد [ 18 مارس 2009, 8:17 pm ]
عنوان المشاركة:  Re: سؤال : بتحلم بإيه؟؟؟

اسمحوا لي بسؤال : ياترى كل واحد فيكم بيحلم بإيه ؟

أولا : على المستوى الشخصي.




1.أحلم بأن أترك ورائي تاريخ من الكتابة يذكرني الناس به.
2.أن أصبح أفضل على المستويين الروحي والعقلي.
ثانيا على المستوى المحلي و العربي.

أمة عربية متحدة بدون جوازات سفر أو عصبيات قبلية.
أن تسود الثقافة والحضارة العربية الراقية المتسامحة من جديد.

ثالثا : على المستوى العالمي
أحلم بأن يفهم الناس بعضهم ويكون لديهم قدرة على تقبل الاختلاف دون تحطيم روؤس بعضهم.


صفحة 1 من 2 جميع الأوقات تستخدم UTC + 2 ساعتين
Powered by phpBB © 2000, 2002, 2005, 2007 phpBB Group
http://www.phpbb.com/