المواضيع التى لم يرد عليها | عرض المواضيع النشطة التوقيت الحالى 20 أكتوبر 2018, 9:29 pm



قوانين القسم


يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.



الرد على الموضوع  [ 31 مشاركة ]  الذهاب للصفحة 1, 2, 3, 4  التالى

Share |


سؤال:بتكتب ليه وامتى ولمين و ....؟؟ 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة سؤال:بتكتب ليه وامتى ولمين و ....؟؟


سؤال بيلح علي فقلت أجرب و اسأل ....

1- يا ترى اكتشفت امتى وازاي حبك للكتابة ؟

2- فيه حد شجعك أو وجهك ؟

3- جربت تكتب لمجلات أو جرايد ؟

4- فزت بأي مسابقات أدبية؟

5- إيه هدفك من الكتابة ؟

6- عندك هوايات غير الكتابة ؟

7- بتقرأ لمين؟

8- بتكتب لمين ؟

9- بتحلم تحترف الكتابة ؟ولا تبقى هواية و بس!

10-ايه المجال الأدبي اللي لقيت نفسك فيه أكتر من غيره ؟

_________________




.
.
.
*** لــزيارة صــفـــحـــتــي ***


آخر تعديل بواسطة Ghadat2009 في 09 فبراير 2009, 1:48 am، عدل 1 مرة.



08 فبراير 2009, 9:15 pm
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: سؤال:بتكتب من امتى؟؟


طرح رائع يا غادة وانا هجاوب اول واحد اهو

1- يا ترى اكتشفت امتى وازاي حبك للكتابة ؟

انا ما اكتشفتش دا انا كنت بكتب تعبير عن احساس جوايا ليس الا ودا بدأ وانا فى تانية ثانوى
2- فيه حد شجعك أو وجهك ؟

قبل كدا لا لكن بعد ما جيت الاكاديمية لقيت كل التشجيع فكتبت للكتابة
3- جربت تكتب لمجلات أو جرايد ؟
لسة بفكر
4- فزت بأي مسابقات أدبية؟
اول مسابقة اعرفها هى مسابقة مصر بكتب ايه
5- إيه هدفك من الكتابة ؟
التعبير عن احساس جوايا تجاه اى حاجة

6- عندك هوايات غير الكتابة ؟
الحمد لله انا بصمم صفحات النت وعندى موقع على النت وكمان بحب المشاركة الاجتماعية

_________________


08 فبراير 2009, 9:41 pm
الملف الشخصى Yahoo الموقع الشخصي
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: سؤال:بتكتب من امتى؟؟


أشكرك جدا على الاطراء الجميل و الرد السريع يا أحمد..

س1- انت جاوبت على السؤال الأول صح (يمكن انا سألت غلط!) قصدت أول مرة كتبت -يعني زيك من ثانية ثانوي
س(2- 4) جميل جدا حبك واعترافك بالجميل للأكاديمية
س5-هدفك من الكتابة جميل جدا
س6-أهي دي بقى مفاجأة بجد ! يعني ماشاءالله ازاي بتوفق بين الهوايات ؟ و أعرف ان تصميم المواقع بياخد وقت شوية- ثم ايه عنوان الموقع بتاعك -لو ماعندكش مانع ممكن نزوره ؟
عموما .. أتمنى لك التوفيق دايما و.. من جد وجد انشاء الله.

_________________




.
.
.
*** لــزيارة صــفـــحـــتــي ***


09 فبراير 2009, 1:40 am
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: سؤال:بتكتب ليه وامتى ولمين و ....؟؟


موضوع جميل جدا ياغادة وأنا حاولت أكتب رد كذا مرة عليه الأيام اللى فاتت بس بسبب انشغالى مالحقتش للاسف...وأدينى أخيرا هأعرف أرد على الأسألة الجميلة دى ويمكن هى استكمال لموضوع امتحان تعارف بس من ناحية أدبية أكتر منها شخصية ودى حاجة رائعة بجد

1- يا ترى اكتشفت امتى وازاي حبك للكتابة ؟

من وأنا صغير جدا يعنى فى الإبتدائى مثلا كنت بأرسم كاريكاتير كده بسيط من ناحية الرسم بس كنت بركز فيه على الكتابة الساخرة بشكل كبير أوى وكانت بتعجب أصحابى أوى...بعد كده بدأت الكتابة الفعلية وأنا عندى 14 سنة كخواطر وقصص.

2- فيه حد شجعك أو وجهك ؟

فى البيت لأ خالص كنت أنا الوحيد اللى بيحب القراية أصلا فى البيت وبالتالى الكتابة..أصلا هما كانوا وما زالو بيتريقوا على موضوع القراية والكتابة...أما اللى شجعنى بجد أبى الروحى وأظن الأستاذ لجيل كامل..دكتور نبيل فاروق...هو اللى شجعنى اولا بباب عزيزى القارئ فى سلسلة كوكتيل 2000 واللى حاولت أبعتله فى بداية كتابتى وطبعا كان أيامها لسه عايشين فى عصر الجوابات ومافيش حاجة اسمها نت ولا ايميل انتشر وعشان كده تقريبا الجواب كلته القطة المهم إن بعد كام سنة كان بدأت مسابقة روايتى للدكتور نبيل فاروق فى الرواية..ودى كانت أول تجربة ليا إنى أحول فكرة لرواية أو لأى نوع تانى عموما..وبدأت رواية الأمير..وحاوت أتقدم بس للأسف ماكملتش الرواية بسبب ظروف شخصية أيامها...بس بدأت بقى حبى للكتابة ككتابة وابتديت اِكتب فى منتديات أدبية كتير...كقسم أدبى فى منتدى عام..وكانت تجارب مالهاش فايدة...لحد مالقيت الأكاديمية هنا...وبعدها حدث ولا حرج...أعتقد كانت بحر كتابات غصت فيه منذ دخولها وانضمامى لبيت العيلة على حد تعبير هالة الجميل
3- جربت تكتب لمجلات أو جرايد ؟

لأ..خالص
4- فزت بأي مسابقات أدبية؟

أنا مش (مسابقاتى) بطبعى...يعنى مش بحب أشترك فى مسابقات إلا نادرا وأغلب كتابتى هى لرصد إحساس شخصى أو تحويل فكرة عابرة لعمل...بس ساعات كتير كانوا أصحابى اللى عارفين إنى بحب الكتابة بيدعونى لمسابقات ونادر لما كنت بشترك...و عمليا من يوم ما بدأت كتابة من 6 سنين ما اشتركتش غير فى مسابقة واحدة هى مسابقة الأديبة نجلاء محرم فى القصة القصيرة السنة دى...وحتى دى كانت بداية تعرفى على مؤسسة نجلاء محرم وحضورى فيها لتطوير كتابتى أكتر يعنى كانت المؤسسة ليها فايدة وأهمية أكبر عندى من المسابقة
5- إيه هدفك من الكتابة ؟

متهيألى رديت على جزء من السؤال ده فى ردى اللى فات..الكتابة للكتابة..وفى أحيان تانية بتبقى الكتابة للتعبير عن وجهة نظر أو مبدأ أو حالة إنسانية تخيلتها وهكذا...يعنى الكتابة بالنسبالى زى متنفس وحيز للتعبير عن آراء وأحاسيس ومشاعر...

6- عندك هوايات غير الكتابة ؟

كان زمان كتير جدا...كنت بلعب جودو لمدة طويلة وكنت ابتديت أدخل بطولات وكده قبل الثانوية العامة - ربنا يخدها - ما تبدأ...وبعد كده جت الكلية - ربنا يخدها بردو - وماعرفش أكمل أى هواية أو نشاط حتى الكتابة اللى مارجعتش ليها الا حديثا جدا...

7- بتقرأ لمين؟

دكتور نبيل فاروق طبعا...وحديثا الأديبة القديرة نجلاء محرم واللى ابتديت أتعلم منها الطريقة التصورية فى الكتابة وأستخدم التشبيهات والإستعارات اللى كنت مش بجأ ليها رغم تمكنى منها...ويمكن هى الفضل فى أن أخر قصة " ذلك اللامع " كانت من أفضل القصص اللى كتبتها كأسلوب لأنها كانت محتاجة التعبيرات التصورية الحالمة دى...
وحاليا كمان بقرأ لتنهيدة...المهاجر..غادة...وهمسة وكل اللى بيكتبوا فى الأكاديمية هنا رغم بعدى عن الأكاديمية الأيام اللى فاتت بس بجد دايما بحب كل الأعمال اللى بتكتب فيها...

8- بتكتب لمين ؟
لمصر..للناس..للقضايا..للظلم..للمشاعر..و للحب...
9- بتحلم تحترف الكتابة ؟ولا تبقى هواية و بس!
وحدها الأيام يمكن أن تجيب على هذا السؤال...
10-ايه المجال الأدبي اللي لقيت نفسك فيه أكتر من غيره ؟

أنا بحاول ما اتقيدش بمجال معين فى الكتابة..أو حتى أسلوب معين...بس عموما أنا شخصيا بحب أكتب الروايات الرومانسية...

أنا إزاى كتبت كل الكلام ده؟ ربنا يكون فى عون اللى هيقرا بقى وبجد شكرا على الأسألة الجميلة ياغادة

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



13 فبراير 2009, 4:12 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: سؤال:بتكتب ليه وامتى ولمين و ....؟؟


إجاباتك بجد رائعة جدا ! اسمح لي أطلق عليك أمير التأمل أو الفيلسوف الحالم

توقفت عند بدايتك : كتابة ساخرة و رسوم كاريكاتيرية و الآن حب الكتابة الرومانسية ... تطور مذهل !
لا أدري لماذا تحمل هذا الرأي للمسابقات ؟ أعتقد ان الفوز في المسابقات امر مشجع و ليس معناه ان من يدخلها لا يكتب حبا في الكتابة ...
بس واضح انك كاره نظام التعليم و الكلية بتاعتك ( هي كلية أدبية ام لا؟)
يسعدني جدا ان تقرا لي و استفيد من تعليقاتك العميقة المستفيضة الأكثر من رائعة بصراحة
أشكرك جدا على تعريفنا بك أدبيا

_________________




.
.
.
*** لــزيارة صــفـــحـــتــي ***


14 فبراير 2009, 5:14 am
الملف الشخصى
أكاديمى نشيط
أكاديمى نشيط


مشاركات:
173
مكان:
مصر
الحكمة المفضلة:
لا تنس ذكر الله
مشاركة Re: سؤال:بتكتب ليه وامتى ولمين و ....؟؟


1- يا ترى اكتشفت امتى وازاي حبك للكتابة ؟

مين قال اني بحب الكتابة أصلا ؟؟

بدأت في اجازة السنة اللى فاتت(يعني كام شهر اهوه)،

و الحكاية اني انطوائي جدا مبخرجش خالص، فكنت بعاني اشد المعاناة من الفراغ،

فوجدت في الكتابة متنفّس ليه

كنت بكتب لنفسي كتير و بعدين أقطّع اللى كتبته و أرميه في الزبالة ..

لحد ما جرّبت يوم اكتب على الكمبيوتر؛ ووجد منتديات بيتعرض فيها الاعمال الادبية؛ قلت أجرّب حظّي

انا مبحبّش الكتابة، و متأكد انها مش مجالي خالص؛ بس هي زي ما قلت مجرد متنفس ليه ..

يعني لو انشغلت في اي حاجه؛ هسيب الكتابة خااالص ..

و علي فكرة الموضوع ده بيزعلّني جدا؛ و حاسس اني لو حبّيت الكتابة فعلا ؛ ممكن اعمل حاجات كويّسة



2- فيه حد شجعك أو وجهك ؟

محدّش يعرف اصلا اني بكتب حاجة
3- جربت تكتب لمجلات أو جرايد ؟

لا .. لحداثة عهدي بالكتابة أولا

ثانيا لرداءة ما أكتبه

4- فزت بأي مسابقات أدبية؟

انا اشتركت في حوالى أربع مسابقات الى الان و ده من ساعة ما بدأت؛ و إلى الآن؛ النتائج لسه مظهرتش .. لو ظهر حاجه هقولكم

أقصى حاجه؛ إن بعض قصصي تم اختيارها أعمال متمّيزة في عدّة منتديات ؛ ده لا يرجع انها متميّزة غالبا؛ لكن لقلّة الأعمال المتميّزة الأخرى .. يعني أحسن الوحشيين
5- إيه هدفك من الكتابة ؟

لو قلت اني ليه رسالة عاوز اوصّلها من خلال كتاباتي؛ أكون كداب ..

بس هدفي إلى الآن زي ما قلت؛ القضاء على الفراغ..
6- عندك هوايات غير الكتابة ؟

الأكل- النوم - النت(تصميم منتديات-و عندي منتدى)- كرة السلّة _أحيانا_، القراءة ..
7- بتقرأ لمين؟

بقرأ أي حاجة و لأي حد؛ حتى الكلام اللى موجود على ورقة الشمعدان؛ و كيس الايريال بقرأه ..
8- بتكتب لمين ؟

لنفسي ..

9- بتحلم تحترف الكتابة ؟ولا تبقى هواية و بس!

بحلم أسيب الكتابة في أقرب فرصة ممكنة
10-ايه المجال الأدبي اللي لقيت نفسك فيه أكتر من غيره ؟

بكتب اللى بيجي على لساني على حسب الحالة المزاجية .. دون الالتفات لموضوع المجالات دي .. بس على حسب

عدد الحاجات اللى كتبتها؛ تقدر تقول .. القصة القصيرة اكتر حاجة كتبتها إلى الان ..



_________________
حسبنا الله و نعم الوكيل !


14 فبراير 2009, 1:56 pm
الملف الشخصى Yahoo
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: سؤال:بتكتب ليه وامتى ولمين و ....؟؟


1- يا ترى اكتشفت امتى وازاي حبك للكتابة ؟
من وأنا صغيرة وأنا دايما احب أشكى للورقة والقلم كانوا دايما لما يزعلونى فى البيت ملقيش حل غير أنى أكتب
مكنتش أعرف بعد كده أنها ميزه كبيرة اوى الأنسان ألا بيعرف يعبر عن أحساسه بالكتابة ...ولما كبرت بقة شويه بقيت بشترك فى جميع الأنشطة الأديبية فى المدرسة وكنت بكتب قصص دايما للمدرسة وحتى قبل كده ذكرت أيه أول قصة كتبتها بس بلاش أذكره عشان محدش يدبسنى فى نشرها ...وبعد كده بقيت بكتب معاكم هنا وخرجت حاجات كانت دايما حبيست الأدراج ..بس حقيقى معاكم حسيت بمتعت الكتابة الحقيقية ...

2- فيه حد شجعك أو وجهك ؟
واللهى أنا كنت فاكره ان موضوع الكتابة ده سر من أسرارى فمكنتش بهتم أنى أقول لحد لكن هم فى البيت عرفين أنى دايما بحب القراءة والكتابة وجميع الأنشطة الا تخص المجالات ديه وعندى أخواتى فى البيت بئو من عشاق الموقع ودايما بيقراو الا أنا بكتبة والا كل الأعضاء بيكتبواه ..لكن بصراحة أنا كانت فى أستاذه ليه فى المدرسة كانت بتشجعنى دايما ...

3- جربت تكتب لمجلات أو جرايد ؟
لا ..بس لو تنفع مجلات المدرسة فكنت دايما بكتب فيها وكمان بصممها ...

4- فزت بأي مسابقات أدبية؟
لا ...وحقيقى أنا مش من هوايتى المسابقات أنا حتى لما أشتركت فى الموقع مكنتش أعرف فى الأول انه بيقدم مسابقة ....بس حبيت بعد كده أوى هدف الموقع وانه بيعمل المسابقة لتفعيل الموقع وتنشيطة ..لان معتقدش أن الا حيفوز بالجايزة حيكون هو الوحيد الا كان بيكتب كويس ..لان بجد أنا شايفة ان كل الأعضاء عندها موهبة كبيرة فى الكتابة ويستهلوا حقيقى الفوز وبدليل أن وليد من أنشط وأحسن الا بيكتبوا فى الموقع ومع ذلك فالأكاديمية أخترته يكون مشرف عام وده بيأكد أن المسابقة جزء من الأكاديمية الا هدفه الوحيد تخريج ناس بتحب الكتابة وبتعرف قيمته وربنا يوفق الجميع انشاء الله ...أنا حاسه انى اتكلمت كتير

5- إيه هدفك من الكتابة ؟
هو الحلم أنى أقدر دايما أحلم ولو حيكون الحلم بس على ورق ..أن أقدر أوصل أحساس مقدرش كلامى يوصله ..هدفى من الكتابة أن أفضل أحب والانسان الا بيقدر يعبر عن أحساسه هو الأنسان الا بيعرف يحب ...بصراحة هدفى من الكتابة حياة تانية مش حقدر أعشها غير على الورق...

6- عندك هوايات غير الكتابة ؟
بصراحة أنا بحب أعمل حاجات كتير فى حياتى بس يعنى هى مش هوايات رياضية ولا حاجة ..بلاش أقوله أحسن عشان محدش يتريق ...بس حقيقى أن بحب أوى مكنش روتنية فى حياتى وبعمل حاجات كتير بحاول أقتل بيه الملل..

7- بتقرأ لمين؟
بقراه ليكم كلكم ...واللهى بجد أنا بحب قوى أقراه كتاباتكم ...بحب أقراه كل كتابات وليد بحس أنه متنوع وانه كاتب شامل المفروض يكون بقه أسمه على كتب..بحب كتابات أحمد الصياد الا فيه ثورة الشباب الجميلة ..بحب أقراه لمحمد أبن مصر لانى بحس بحب مصر فى كل
مواضيعة ... بحب شعر همسه وولاء وهالة ..بحب قصصك وخواطرك الجميلة ياغادة بحب أقراه أحساس لارا الجميل بحب أقراه لكل أعضاء الأكاديمية لانى بحس وأفهم كلامكم لان كلنا بنتكلم بالغة واحده وأحساس واحد أن عايزة أقول كل الأعضاء ...لكن أنا حاسة فعلا انى بتكلم كتير ..

8- بتكتب لمين ؟

بكتب للحب جوايا ...بكتب لآحساس خايفة الزمن يقتله بكتب ليكم لانى بحس أنكم حتحسوا نفس أحساسى

9- بتحلم تحترف الكتابة ؟ولا تبقى هواية و بس!
م[b]بحلم أنى أفضل اكتب طول عمرى وميحيش اليوم الا يعجز قلمى عن وصف مشاعرى مش مشكلة بقة حكون محترفة ولا هواية المهم انى أفضل أكتب
[/b]

10-ايه المجال الأدبي اللي لقيت نفسك فيه أكتر من غيره ؟
أنا نفسى أتعلم كل المجالات لكن لحد دلوقتى أن بحب الخواطر أوى لكن بجد بحاول أنى أعرف أكتب كل حاجة وأعتقد انى أتعلمت حاجات كتير من أعضاء الأكاديمية ....
بشكرك أوى ياغادة على أسئلتك الجميلة ...وبجد أسفة أنى طولت عليكم ...

_________________


14 فبراير 2009, 3:03 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: سؤال:بتكتب ليه وامتى ولمين و ....؟؟


1- يا ترى اكتشفت امتى وازاي حبك للكتابة ؟
يعني أما كنت باقرأ حاجة بحس إن أنا عايزة اكتب زيها فكنت كل ما اقرأ لحد أقلده شوية..الموضوع ده بدأ من زمان لأن والدي علمني القراءة من وأنا عندي 8 سنيين فبدأت أحاول في سن صغير.
2- فيه حد شجعك أو وجهك ؟

والدي شجعني جدا بس كنت باجيبله احباط لأن أنا كنت بحس إني مش موهوبة فمكنتش مهتمة بالموضوع قوي.. وكمان أختى الكبيرة بس هي بطلت كتابة وأنا اللي رجعت شجعتها ثاني وبقيت اكتب لها وابعت لها الأعمال من غير ما تعرف..إنما توجيه كنت باقرأ النقد اللي بتكتب عن أعمال ثانية وأصلح نفسي على أساسه.

3- جربت تكتب لمجلات أو جرايد ؟

لا..الصراحة بحس إن النشر في معظمها واسطة من مستوى الأعمال اللي بتشر خاصة في الصحف المحلية.

4- فزت بأي مسابقات أدبية؟

آه فزت كثير..ىخر مسابقة اللي أسعدتني جدا إن أنا خدت المركز الثالث في مسابقة د.نبيل فاروق للخيال العلمي..طبعا ما صدقتش نفسي لما اتصوا بيه..ولسه لحد دلوقتي مش مصدقة إني هأشوف د.نبيل الشهر الجاي.

5- إيه هدفك من الكتابة ؟

توصيل معنى معين بيلح علي ..يعني مرة كنت عايزة اكتب عن عقدة الذنب والشعور بالأثم فعملت قصة كاملة مخصوص عشان كده فلازم يكون فيه هدف معين حتى لوبكتب أدب مغامرة لازم يكون فيه هدف إنساني مش تسلية بس.

6- عندك هوايات غير الكتابة ؟
عندي باحب اتفرج على ماتشات الكورة جداما بهزرش على فكرة..وباحب أشتري الكتب طبعا دي حاجة غير قراءة الكتب..باحب الكتابة والقراءة..وكنت زمان باحب تقليد الرسوم بس دلوقتي مش قوي..وباحب الموسيقى الكلاسكيك والسفر جدا..لو طلت أسافر كل يوم هأسافر.
7- بتقرأ لمين؟
باحب كتاب كثير وبقرأ لكتاب كثير بس بصفة خاصة بحب كتابات أكثر جبران خليل جبران وفرانز كافكا وهرمان هسه..وكمان بحب توفيق الحكيم وكل كتاب روايات مصرية للجيب.


8- بتكتب لمين ؟


لنفسي أولا..وعشان أسيب حاجة بعديا.
9- بتحلم تحترف الكتابة ؟ولا تبقى هواية و بس!

ياريت..عند أول فرصة هأطلق هندسة الكمبيوتر بالثلاثة واتفرغ للكتابة.
10-ايه المجال الأدبي اللي لقيت نفسك فيه أكتر من غيره ؟

القصة القصيرة..بس لو كان نوعية القصص فأنا باكتب كله..زي تجار الشنطة بتوع كله.

_________________


14 فبراير 2009, 11:31 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: سؤال:بتكتب ليه وامتى ولمين و ....؟؟


D.Hope إجاباتك بالرغم من غرابتها شوية الا انها تلقائية جدا و صادقة - بس مش عارفة ازاي مبتحبش الكتابة رغم موهبتك الواضحة فيها ؟ ده تواضع و لا انكار للذات و لا أزمة ثقة ؟
على فكرة : انت ورا كتاباتك فيه أفكار و اسقاطات و ده معناه انها مش قتل وقت و بس !
حلو موضوع هواية الأكل و النوم ده !بس اوعى يقلب "احتراف!"
و بتقرا اي حاجة؟ يمكن تنوع قراءاتك سبب رنة السخرية اللى في كتاباتك و حتى في كلامك !

بيتهيألي كده ان عدم تمكنك من كتابة الرواية اللي عايز تكتبها وراه نظرتك -الساخرة طبعا - للقراءة على انها مجرد تضييع وقت ! يعني لو خدتها جد حتى لو بتكتب هزار حتقدر تكتب روائع ..

أشكرك لتعريفنا للكتير عنك !


_________________




.
.
.
*** لــزيارة صــفـــحـــتــي ***


15 فبراير 2009, 1:26 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: سؤال:بتكتب ليه وامتى ولمين و ....؟؟


أشكرك على مرورك الجميل أيتها الزعيمة تنهيــدة !
بصراحة طول مانا باقرا اجاباتك حاسة اني باخد حوار معاكي و احنا ماشيين مع بعض في بستان رائع مليان انواع ورود -نور الشمس و دفاها و زقزقة العصافير في كل مكان : بجد انتي رومانسية حتى النخاع زي مابيقولوا

1- ده كده عشق للكتابة مش بس حب !
2-اجابتك حسيت انك بتدوري على حد تهديله نجاحك وواضح انك بتحبي كل الناس !
3-كتابة و تصميم كمان ؟ تقصدي تصميم و لاّ تنسيق المحتوى بتاعها ؟
5-اجابتك هنا مميزة جدا !
6-نفسي أعرف هي اييييه؟
8- دي بداية خاطرة رائعة ... و اللع اعلم !
9- انت بتحبي الحرية فعلا !
10- بيتهيألي انك ممكن تكتبي شعر مميز جدا!
على فكرة ماطولتيش ابدا - بالعكس نورتينا جدا جدا .................

_________________




.
.
.
*** لــزيارة صــفـــحـــتــي ***


15 فبراير 2009, 1:47 am
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 31 مشاركة ]  الذهاب للصفحة 1, 2, 3, 4  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 3 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter