هـكـذا خـلـقـت....

[الزهراء]

لأنها كانت متطلعة و تسعى دائما أن تكون مختلفة ، و تحب أن تتغير...سألوها لو لم تكوني أنت فماذا تختارين أن تكوني؟...أعجبها السؤال و استطردت في الاجابة:
كنت سأكون ...طبيبة..اه طبيبةمهنة ليها بريستيج و ح يكون ليا اسم لامع ، عيادة، مستشفى...ثم فكرت قليلا و قالت لالالا مش ح ينفع و لو جاتني عملية صعبة و فشلت فيها حاخسر كل مستقبلي و ثقتي بنفسي ، مش حينفع الكلام دة ..أنا أفضل..........
و مرت على كل المهن و وجدت في كل واحدة عيب ..ثم قالت : و أنا اشتغل و اتعب نفسي ليه ليه ما كنش غنية من عيلة ليها شنة و رنة ، وعربية و سواق و فلل و فسح و ألف الدنيا..بس الأغنياء دول مش بيكونو سعداء يمكن يكسبو كل حاجة و يخسرو الحب ، الصحة ...
أفضل إني أكون أميرة ..اه أميرة هو في حاجة تضحك ، بنت ملك أعيش في قصر و اتجوز بردو بأمير اللي حيكون مستقبلا ملك و نحكم البلاد ، من زمان و أنا نفسي أدخل الحكم دة و أعرف خباياه...الحكم! دة يودي في داهية ، طب دة حيكون حكم دموقراطي ولا ..، و لا ملكي و لا إيه العبارة ...مالي أنا و مال الحكم و الدسائس و المؤامراة، أنا شوف حاجة أسهل ...اه و الله من زمان و انا نفسي أكون ممثلة مشهورة ، يا عيني كل الأضواء عليا و ما فيش حد زي ، ويحبني كل الناس يا سلام...يا سلام إيه؟ دي مش حياة خالص لا جواز بينفع و سر بيفضل سر
و لا حياة خاصة ..دة كمان يدوني دور كدة أو كدة و أنا بقى الملتزمة أقول لا يمكن أعمل المشهد دة و يجيبو واحدة تانية و تروح عليا ...
أقلكم حاجة أنا أغير العصر كلوا ...نفسي أكون انسانة بسيطة عايشة في عصر الرسول الكريم عليه الصلاة و السلام ، ..اه والله دي حاجة حلوة خالص و ما فيش احسن منها...لاء ما هو هنا كمان ايه اللي يضمني إنو لما ييجي الإسلام حاعتنقو ، إيه اللي يضمني إني ما كنش زي هند بنت عتبة ولا زوجة أبا لهب ....
لاء خلاص ..بجد تعبت أحسن حاجة إني أبقى زي ما أنا و زي ما خلقني ربنا و كتبلي إني أكون لأنوا أكيد في حكمة أني اتخلقت كدة في العصر دة ، بالشكل دة و العقلية دي ....

[محمد محمود]

بجد موضوع حيوي جدا ً أحييك عليه
فما أجمل أن يعيش الإنسان كما خلقه الله ، لكن لابد أن يغير طباعه وعاداته للأحسن ، بشرط ألا يبحث عن تغيير ماهيته وذاته
فمن لا يرضى عن خلقة الله له فلن يرضى عنه الله ويسخط الله عليه الناس ، ومن رضي بخلق الله رضي الله عليه وأرضى عنه الناس .
بالتوفيق إن شاء الله

[الزهراء]

بجد موضوع حيوي جدا ً أحييك عليه
فما أجمل أن يعيش الإنسان كما خلقه الله ، لكن لابد أن يغير طباعه وعاداته للأحسن ، بشرط ألا يبحث عن تغيير ماهيته وذاته
فمن لا يرضى عن خلقة الله له فلن يرضى عنه الله ويسخط الله عليه الناس ، ومن رضي بخلق الله رضي الله عليه وأرضى عنه الناس .
بالتوفيق إن شاء الله

سررت بردك و مرورك على الموضوع ، فعلا الإنسان معروف عنه عدم رضاه بحاله و التطلع إلى ما بيد الغير و هو لا يدرك أن الرضا بقسمة الإله من أول أسباب السعادة .

أتمنى لك السعادة و الرضا الدائم ، والتوفيق في كل مجالات الحياة

[Ghadat2009]

أسلوبك جميل جدا ... أبدعت في التعبير عن فكرة مميزة

أجمل ما في الأمر هو الرضا بما قسمه الله لنا ..مع السعي قدر الإمكان لتحقيق طموح مشروع ...لنكون أفضل دائما

أعجبني تحليلك لكل شخصية ذكرتِها ..كأنك بين السطور أردتِ القول بأن الكمال لله وحده ... و الخيرة فيما يختاره الله لنا ..بحكمته تعالى...

متميزة في كل ماتقدميه يا زهراء .... أهنؤك !

و بالتوفيق دائما

[تنهيدة]

فكرة هايلة بجد طرحتيها باسلوب ممتاز يازهراء ....
أسلوبك حقيقى رائع ...قدرتى توضحى عيوب كل مهنة لتصلى فى النهاية ان حتى أفضل المهن والمناصب مثل مالها من مميزات فيوجد له عيوب ومخاطر...وان الله سبحانة وتعالى له الحكمة فى خلقة فيضع كل انسان فى ما يصلح له...
وقد أشرتى أيضا لنقطة اخرى مهمة جداااا وهى تغير الزمان ...كثير من الناس تقول ليتنا لم نخلق فى هذا الزمان اللعين ولا يعلمون ان الله سبحانة وتعالى له حكمتة فى وجودنا فى اى زمان واى مكان فمثلما ذكرتى أننا حتى لو تمنينا أن كنا نخلق فى عصر الرسول صلى الله علية وسلم هل كنا نضمن أن نعتنق الأسلام ...فالابد كل انسان يرضى بما قسمة الله له ولكن يحاول ان يكون مبدع فى اى زمان ومكان ويصلح دائما من نفسة فقد خلقنا الله جميعا لنكونوا مصلحين ولم يقسمنا الى دكاترة ومهندسين وامراء فكلنا سناحسب على ماذا فعلنا من اجل اصلاح الأرض ...
بحيكِ جداااا يازهراء على موضوعك الرائع ..واتمنى لكِ كل التوفيق فى تقديم مواضيع مميزة اكثر واكثر ان شاء الله

[الزهراء]

شكرا للزميلتين العزيزتين تنهيدة و غادة على رأيهما المميز و الذي يرفع من المعنويات

و كان رأيكما و تحليلكما للموضوع كالعادة رائع و قد أعجبني كثيرا

و قد رددت عليكما رد واحد تعبيرا على وحدتنا و اتحادنا في حزب واحد