صفحة 1 من 2

تجميع لأهم مواضيع التعارف للترحيب بالأعضاء الجدد

مرسل: 29 إبريل 2009, 11:02 pm
بواسطة الأمير الحائر
أهلا بجميع زملائى فى الأكاديمية صورة
بالطبع كلنا نمر بذلك الموقف..أن نكون ضيوف جدد..على عائلة محبة وجميلة..نود الإندماج فيها..لكننا لا نجد الوسيلة المناسبة لذلك...وأعتقد عن تجربة أن دائما ما يكون أفضل وسيلة لبدء ذلك الإندماج هى تعريف كل زميل جديد بنفسه لكل الأكاديمية..وإعطائهم الفرصة للتعرف عليه أكثر..و أن يصبح واحدا من العائلة.

لكن لما هو وارد جدا من حرج البعض من فتح موضوع خاص بالتعرف بأنفسهم..ففكرت فى بدء ذلك الموضوع..وأن أضع فيه روابط لأهم المواضيع التى يمكن للزملاء الجدد الرد فيها والتعريف بأنفسهم بناءا على أسألة بسيطة..
وأتمنى إن شاء الله أن يفيد هذا الموضوع فى إندماج الزملاء الجدد معنا فى عائلة الأكاديمية بكل حب وترحيب منا صورةصورة
.................
أهم المواضيع
.................

كيف تعرفت على الأكاديمية

...

بتكتب ليه؟ وإمتى؟ ولمين و ... ؟؟

...

الناقد..طيب..أم شرير...؟!

...

من هو كاتبك المفضل...؟

...

أول مرة كتبت...؟

...

سؤال..بتحلم بإيه...؟

...

إمتحان تعارف لكل أعضاء الأكاديمية

...

لماذا اخترت الإسم والتوقيع الشخصى...؟

...

الأسماء..بتفرق معاك...؟

...
مواضيع لاحقة بعد التعرف على الأكاديمية
...


لو حبيت تسأل..تسأل مين...؟

...

إجبارى لكل الأعضاء

...

كيف أثرت الأكاديمية فى حياتك؟


..........

وسيتم إن شاء الله إضافة المزيد من المواضيع تباعا
صورة

Re: تجميع لأهم مواضيع التعارف للترحيب بالأعضاء الجدد

مرسل: 29 إبريل 2009, 11:19 pm
بواسطة لارا
فكره لذيذه.وهتساعد فى ان الاعضاء الجدد يتأقلموا بسرعه مع الاعضاء القدام.مع انى بحس ان اى عضو جديد بيشترك فى الاكاديميه بحس انه مش بياخد وقت طويل علشان يندمج فيها.فى اقتراح كنت حابه اقوله بس مش عارفه هيبقى حلو ولا لا.فى منتديات كتير شوفت فيها موضوع كرسى الاعتراف انهم يختاروا كل اسبوع عضو ويكون هو ضيف كرسى الاعتراف ويبقى قدام الاعضاء فرصه انهم يدخولوا ويسال العضوه ده الاسئله الى هما عوازينها بس هيكون فى حدود وشروط طبعا للاسئله عشان مش يكون فى اى تجاوز يعنى .انا عن نفسى حبيت الفكره.

Re: تجميع لأهم مواضيع التعارف للترحيب بالأعضاء الجدد

مرسل: 29 إبريل 2009, 11:27 pm
بواسطة الزهراء
خطوة أخرى جيدة منك يا وليد ، وضع المواضيع كلها في موضوع واحد لتسهيل الانسجام و الاندماج صورة

و الحقيقة أنني قد أجبت على معظم المواضيع و سأستكمل إن شاء الله

دائما تقدم المواضيع الجيدة و المفيدة صورة

تحياتي لك و إلى المزيد ان شاء اللهصورة

Re: تجميع لأهم مواضيع التعارف للترحيب بالأعضاء الجدد

مرسل: 29 إبريل 2009, 11:31 pm
بواسطة المهاجر
فكرة جميلة ومفيدة للاعضاء الجدد ..... شوفوا الافكار يا حزب البنات بقى واتعلموا


اما انت يا حاج وليد فها هو يعود من جديد ويضرب من حديد ..... ويثبت انا دائما فى الصعاب صنديد




سلام بقى لاحسن انا كدا هموت الليلة دى

سييى يو اجين تومورو

Re: تجميع لأهم مواضيع التعارف للترحيب بالأعضاء الجدد

مرسل: 29 إبريل 2009, 11:48 pm
بواسطة الأمير الحائر
لارا كتب:فكره لذيذه.وهتساعد فى ان الاعضاء الجدد يتأقلموا بسرعه مع الاعضاء القدام.مع انى بحس ان اى عضو جديد بيشترك فى الاكاديميه بحس انه مش بياخد وقت طويل علشان يندمج فيها.فى اقتراح كنت حابه اقوله بس مش عارفه هيبقى حلو ولا لا.فى منتديات كتير شوفت فيها موضوع كرسى الاعتراف انهم يختاروا كل اسبوع عضو ويكون هو ضيف كرسى الاعتراف ويبقى قدام الاعضاء فرصه انهم يدخولوا ويسال العضوه ده الاسئله الى هما عوازينها بس هيكون فى حدود وشروط طبعا للاسئله عشان مش يكون فى اى تجاوز يعنى .انا عن نفسى حبيت الفكره.
أهلا يا لارا..أزيك؟ بصى بالنسبة لتأقلم الأعضاء الجدد بسرعة دى حقيقة بس مش بوجه عام..يعنى لما حد بيبقى إجتماعى و بيتعود على الناس الجديدة عليه سهل بسرعة يتعود على الأكاديمية..وعموما الموضوع ده تجميع لكل المواضيع المهمة فى موضوع واحد عشان الكل يقدر يلاقيهم بسرعة..
بالنسبة بقى لإقتراحك..أنا عارف فكرة كرسى الإعتراف و هى جميلة بس أنتى مش لاقية معاد كويس لكرسى الإعتراف غير قبل الإمتحانات بكام يوم..مش كفاية الإعترافات الكبيرة اللى هنعترفها فى ورق الإجابة صورة

عموما إيه رأيك مقدما تطرحى الموضوع فى إقتراح ونشوف رأى الكل...؟ ولو كده نبتدى فيه أول ما كلنا نخلص إمتحانات إن شاء الله عشان نعرف نعصر اللى هيقع على الكرسى صورة وأنا طبعا بما إنى بقيت مشرف القسم فأنا بره موضوع الكراى والإعترافات ده خالص صورة

Re: تجميع لأهم مواضيع التعارف للترحيب بالأعضاء الجدد

مرسل: 30 إبريل 2009, 12:11 am
بواسطة لارا
الله يسلمك.عندك حق ده احنا هنعترف اعترافات يعنى جامده جدا .بس انا اوز انك انت الى تعمل موضوع وتحط فيه الاقتراح ولو عاجبهم نبدا فى الاجازه ان شاء الله.وبما انك مشرف القسم فباذن الله هتكون اول ضيف على كرسى الاعتراف

Re: تجميع لأهم مواضيع التعارف للترحيب بالأعضاء الجدد

مرسل: 30 إبريل 2009, 12:14 am
بواسطة الأمير الحائر
الزهراء كتب:خطوة أخرى جيدة منك يا وليد ، وضع المواضيع كلها في موضوع واحد لتسهيل الانسجام و الاندماج صورة

و الحقيقة أنني قد أجبت على معظم المواضيع و سأستكمل إن شاء الله

دائما تقدم المواضيع الجيدة و المفيدة صورة

تحياتي لك و إلى المزيد ان شاء اللهصورة

أشكرك للغاية ياسلمى على تعليقك وإطرائك و هذا الموضوع جاء بالصدفة مع ردك بخصوص التعود على الأكاديمية فى البداية...وبالفعل لم أقصد أبدا الإساءة لأى شخص كل ماقصدته هو أننا نرغب فى أن يكون الأعضاء واحدا منا وأن يكونوا محبين للأكاديمية ومادام الوقت لا يمنعهم نحب أن يشاركونا بالتعريف عن شخصيتهم و كذلك بآرائهم فى مواضيع الأكاديمية من وقت لآخر..وبالطبع لم أكن أقصدك هناك أو أقصد أى شخص تحديدا..كل ما أردته هو نقد ظاهرة..وقد كان..أما بالنسبة لهدوئى..أعرف أنه ربما جاء ردى غريبا عن ما اعتاد الجميع لكن المشكلة أن هناك بعض أحداث تحدث خلف الكواليس للمشرفين تستفزهم و تحزنهم لرغبتهم فى الحفاظ على الأكاديمية والإلتزام بإشرافها..وقد عدت اليوم من الجامعة على مشكلة هنا فى الأكاديمية مثل هذه..وكان ذلك سبب تغيرى بعض الشئ..وهذا التغير ليس إلا حبا فى هذا المكان وغيرة عليه..ولكن عموما لست من ذلك النوع العصبى بشكل دائم و إن شاء الله لا تغير بعد ذلك وأتمنى أن لا تكون ردودى قد ضايقت أى شخص..

فعلا لاحظت ردك الوافى على موضوع إمتحان التعارف و شغلنى عن تصحيحه إمتحاناتى الأخرى صورة
تحياتى لكٍ أيضا ياسلمى وتمنياتى لك توفيق صورة

Re: تجميع لأهم مواضيع التعارف للترحيب بالأعضاء الجدد

مرسل: 30 إبريل 2009, 12:16 am
بواسطة الأمير الحائر
فارس بلا جواد كتب:فكرة جميلة ومفيدة للاعضاء الجدد ..... شوفوا الافكار يا حزب البنات بقى واتعلموا


اما انت يا حاج وليد فها هو يعود من جديد ويضرب من حديد ..... ويثبت انا دائما فى الصعاب صنديد




سلام بقى لاحسن انا كدا هموت الليلة دى

سييى يو اجين تومورو

أحمد..أزيك؟ صورة كويس إن الفكرة عجبتك ... وبعدين كفاية معايرة بقى لحزبهم ربنا يستر الشهر الجاى ومايكونش زى اللى فات! صورة

مع إنى مش فاهم بيت الشعر التانى الغريب ده بتاع الحديد والصنديد والحاجات اللى كلها دال دى فواضح إنها مفادها ( حمد الله عالسلامة ) ولذا هأقولك ما مفادة ( الله يسلمك ) صورة

سلام يا أحمد وربنا يعينك أنت كمان فى المذاكرة صورة
سى يو اجين نيكست يير صورة

Re: تجميع لأهم مواضيع التعارف للترحيب بالأعضاء الجدد

مرسل: 30 إبريل 2009, 2:11 am
بواسطة ابن مصر
بجد فكرة ممتازة بس انا بصراحة مش عارف هقدر انفذها ازاى و انا زى ما الكل عارف انى شغال فى المواضيع السياسية و المناقشات و دى طبعا مواضيع كثيرة فمش عارف الفكرة دى هنفذها ازاى بس بجد فكرة جميلة جدا و انا مؤيد جدا ليهاصورة

Re: تجميع لأهم مواضيع التعارف للترحيب بالأعضاء الجدد

مرسل: 30 إبريل 2009, 4:04 am
بواسطة تنهيدة
جميلة الفكرة دى ياوليد وأكيد تنفذها حيفيد كل الأعضاء الجداد والقدام فى أندماجنا مع بعض ..ولان المواضيع دى هى الا بتقربنا لبعض
أتمنى لو الجميع ينفذ الفكرة ....جميل طرحك للموضوع فى الوقت دا بالذات ...لان حيساعد كل المشتركين جديد فى التفاعل اكثر معانا ...صورة
جميلة فكرتك يالار وياريت تتنفذ بسرعة ....صورة
نداء لأحمد بلاش الأساليب دى أحنا أكتر الأقتراحات الا أتنفذت فى الأكاديمية تبع حزب البنات انت مش فى الدنيا ولا أيه ....انت شكلك محتاج تشوف نتائج الشهور الا فاتت من جديد وتبحث شوية عشان تعرف مجهوداتنا الجبارة فى كل الأقسام صورة
بشكرك من جديد ياوليد ..وكويس أنك بتحاول تفهم أحمد احنا مين ...........صورة
ربنا يوفقكم كلكم فى امتحاناتكم ويكتبلكم النجاح صورةصورة