وحشتوني ...

لإهداء كلمات لعضو فى الأكاديمية وكذلك لمواضيع التهنئة بأعياد ميلاد الأعضاء أوالمناسبات.

المشرفون: تنهيدة،لارا

أضف رد جديد
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

وحشتوني ...

مشاركة بواسطة سندريلا »

مساء الخير :)
منذ اليوم الأول لدخولي هذه الأكاديمية و أنا أشعر بمدى تميزها عن غيرها كملتقى أدبي ؛ أشعر بمدى اعتزازي بها و مدى حبي لها ، تأثرت كثيرا بالعديد من الشخصيات هنا على الصعيد الشخصي و الأدبي .
و الله وحده يعلم مدى حبي و شوقي الحقيقي لكل من سأوجه له رسالتي ... رسالة شوق .. بالطبع نلاحظ جميعا عدم تواجد العديد من الأعضاء و المشرفين الذين حملوا على عاتقهم تطور الأكاديمة و تميزهم منذ اليوم الأول لها ، لذلك أردت أن أوجه رسالة لهم أعلنهم شوقي و حبي حتى يعودوا لنا بالسلامة بإذن الله و يعودوا لبيتهم الثاني ... و لحين عودتهم أقول لهم :

الزهراء ... سلمى بجد وحشتيني جدا ... وحشتني بنت الجزاير اللي حسيت إنها من شبرا عارفانا كويس و عارفة ثقافتنا .. وحشتني كتابتك جدا ... مقالاتك الجريئة و رواياتك الرومانسية و قصصك القصيرة صاحبة النظرات الفلسفية المتعمقة ... بجد وحشتيني ..

شيماء قبيصي ... وحشتيني و وحشتينا كلنا ... نفسي أقرالك حاجة جديدة و أشوفك وسطنا من جديد ... وحشتني خواطرك و قصصك و مقالاتك ... وحشتني رقتك و رقة مشاعرك ..
المصرية ... بجد وحشتيني أوي يا دكتورة .. وحشني إسلوبك و ردودك و قصصك القصيرة الرائعة ... فينك ؟ الطب أخدك مننا و لا إيه ؟

دونابيلا ... فينك يا نورا ؟ مختفية ليه ؟ وحشتني آرائك الملتزمة الجميلة و تشجيعك الدايم لينا ... و شعرك الجميل المليان إبداع و أحاسيس ..

رحاب صفا ... وحشتني جدا قصصك الروعة يا رحاب ... و إسلوبك القوي اللي بجد بستفيد منه كل ما أقرالك و تفكيرك المنطقي اللي بيختلط فيه العقل بحكمته و القلب بأحاسيسه ...
المهاجر ... فينك يا أحمد ؟ الشغل أخدك مننا و لا الدراسة ؟ فين مقالاتك الجريئة اللي بشوف فيها صحفي حزين و عنده شجاعة و مقدرة يصلح من كل اللي حواليه ؟

الأمير الحائر ... فينك يا أمير الكلمات ؟ فين وليد صاحب النقد الرائع البناء اللي كلنا بنستفيد منه ... الأديب المتمكن من كلمته و عارف هدفه كويس ؟

غادة ... طبعا غادة بتدخل و أنا عارفة بس وحشتني برضه ... نفسي أقرالها حاجات و حاجات قريب ... نفسي تكملي روايتك و ترجعلنا بقصص جميلة إنسانية زي ما عودتينا يا أجمل إنسانة ..

هبة الله ... عارفة إنك بتدخلي يا هبة بس وحشتني أعمالك كلها ... نفسي أقرالك مقال أو قصة قصيرة تأثر فيا و في أفكاري زي ما دايما بتأثري فيا ... و نفسي تكملي روايتك ...

تنهيدة ... أنا عارفة إنك راجعلنا قريب ده غير إني لسة قريالك حاجات جديدة قريب بس وحشتني نهاد الإنسانة مش الأديبة ... نهاد صاحبة الأمل و الإشراق ... أتمنى ألاقيها قريب ...

نبضة ... سارة طبعا بشوفك كل يوم تقريبا في الكلية بس وحشني سارة الأديبة نفسي أقرالك حاجة يا سارة ... فين قصصك و خواطرك اللي أفكارها عميقة ... اللي كلنا بنستمتع بيها بس تكون بعيدة عن حزنك الدائم ...


بجد أتمنى أشوفكم و أقرالكم قريب ... و أتمنى كلماتي البسيطة تقدر توصلكم بجد و تحسوا إنها مش مجرد كلام و بس ... flower1 :)
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: وحشتوني ...

مشاركة بواسطة نبضة... »

السلام عليكم يا سندريلا...
يا جيجي
يا اللي بعتبرك اختي قبل ما تكوني صديقتي :)
مش عارفة الاقي كلام ارد بيه على كلماتك دي بجد...حتى دموعي اللي صعب تنزل نزلت من كلماتك
وبجد مش عارفة هقول ايه.....بس انا هكتب اللي في بالي رغم اني مهما قلت مش هعرف اعبر عن سعادتي بموضوعك وبكلماتك دي.. :)
اولا..انتي قلتي كل اللي انا و كتير من اعضاء الاكاديمية عايزين يقولوه....و كلمتي كل اللي احنا عايزين نكلمهم تقريبا..خاطبتيهم بكلمات رقيقة و نداء خافت جميل يحمل في ثناياه بعض العتاب..دعوة للعودة لبيتهم الثاني..
قلتي بجد اللي نفسي اقوله لكل حد فيهم....و أسمحيلي أضيف اليهم العضوة الغائبة بقالها كتييييييييييير ووحشتني جدا زي كل الاعضاء الغايبين عننا وهي الجميلة "ريم".. أتمنى ان هي كمان ترجع ونفسي بجد اشوفها بينا تاني.. :)

ثانيا..بجد لفتة جميلة منك انك تخاطبي كل الاعضاء دول في رسالة جميلة زي دي..و بشكل راقي ورقيق زي دا..
و أحييكِ على فكرتك وشجاعتك في تنفيذها...رغم انها مش غريبة عليكي لان انتماءك وحبك للاكاديمية و اعضاءها شئ واضح طبعا..حتى بدون كلام.. :)

ثالثا.. بالنسبة لكلماتك الجميلة اللي وجهتيها ليا
طبعا بما انك زي ما قلتي بتشوفيني في الكلية فانا قيلالك اني بدخل على قد ما اقدر فعلا عشان أتابع الجديد هنا في الاكاديمية..لانك عارفة اني مش بقدر استغنى عنها زي حالنا كلنا هنا..
أما بالنسبة لكتاباتي فبجد مش عارفة اقولك ايه.. جيتي على الوجع يا جيجي
انا بقالي فترة مش بكتب معرفش ليه....قلمي مخاصمني بقاله فترة طويلة ومش عارفة هيرجع يصالحني امتى..
وحاولت اكتر من مرة اني اكتب لكن يمكن هربت مني المعاني والتعبيرات .. رغم وجود الافكار...
والله انا نفسي زعلانة ان بقالي كتير مشاركتش بعمل في الاكاديمية..لكني أتمنى اني عن قريب باذن الله اكتب حاجة جديدة... بس ادعيلي انتي بقى يا جوجتي :)

رابعا..انا بقى اوجهلك رسالة زي ما وجهتيلنا كلنا..
لاني انا كمان مفتقدة كتاباتك جدا..وخااااااااصة الشاي اللي مش راضي يكمل دا :lol:
نفسي بجد تكملي روايتك الرائعة "تحب تشرب شاي"..لاني لحد دلوقتي متعلقة زي كتير من قراء الرواية..أتمنى انك تكمليها قريب عشان بجد وحشتيني فيها و وحشتني الشخصيات جدا.. :)

خلص كلامي رغم ان سعادتي بالموضوع لا زالت مستمرة و لا زلت غير موفقة في التعبير عنها في كلماتي..
أتمنى أكون عرفت اعبر على قدر الامكان..و أكون رديت على رسالتك رد يكفي لتبرير قلة تواجدي ككاتبة في الاكاديمية.. :)

وفي الاخر بجدد شكري ليكي يا جيجي على اللفتة الرائعة دي..
و أتمنى بجد ان كلنا نرجع للاكاديمية زي الاول..
وان رسالتك توصل لكل زملاءنا باذن الله..
جزاكِ الله خيراً يا حبيبتي :) flower1
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: وحشتوني ...

مشاركة بواسطة Ghadat2009 »

و إنتي واحشانا جدا يا أجمل جيجي flower1 م11

موضوعك جميل جداً و فيه بصماتك الرقيقة و أسلوبك التلقائي المحبّب و بيدل على حبّ كبير للأكاديمية و أعضاءها

وكأنك بتتكلمي فعلا على لسان حالنا جميعاً ، أنا كمان مفتقدة جدا جو الأكاديمية الرائع و أتمنى نرجع كلّنا نجتمع زي الأول و أكتر

المشكلة مش بس إن ما فيش كتابات جديدة ؛ المشكلة كمان في التفاعل الحقيقي مع المواضيع اللي بقى نادر يمكن بسبب ضيق الوقت أو ظروف تانية

و يمكن أفضل شيء للجميع : تحديد وقت - مهما كان قليل - للكتابة ، ووقت تاني لدخول الأكاديمية علشان نرجع أسرة جميلة زي ما كنا إن شاء الله

أنا كمان في انتظار استكمالك لـ ( تحب تشرب شاي؟ ) أسلوبك جميل وممتع و ليكي جمهور كتير في انتظارك و انتظار كل كتاباتك الصادقة التلقائية .

تحياتي ليكي يا سارة الجميلة و انتي كمان واحشانا بتواجدك و تعليقاتك و كتاباتك العميقة الموهوبة و بالنسبة لريم : فهي لا زالت مشغولة جدا و بتقرا المواضيع في الأكاديمية من

و قت للتاني من غير ما تدخل و طبعاً كان فيه فترة ربنا رزقها أداء الحج ماشاء الله و بعد عودتها انشغلت مع أبناءها في أكتر من اتجاه ، إن شاء الله تتمكن من تحديد وقت تنوّرنا فيه

بكتاباتها و تعليقاتها الجميلة.

أسعد الله أوقاتك يا جيجي و بارك في مشاعرك الطيّبة إن شاء الله flower1 flower1 flower1
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: وحشتوني ...

مشاركة بواسطة donnabella »

دايما كده تحرجينا بذوقك يا جيجي :oops:
والله يا جماعة إنتوا اللي وحشتوني،
كتاباتكوا و الأكاديمية و الكتابة و حتي الشعر وحشني لقني بقالي مدة مش عارفة أكتب.
الحقيقة يا جماعة أنا من فترة نقلت شغل جديد مش مخليني أشوف قدامي
برجع ميته و أصحي مغمضة أجري عشان ألحق أمضي قبل 8:30
بس هحاول إن شاء الله أخصص وقت للكتابة و للتفاعل مع الأكاديمية
وشدي حيلك في الرواية بتاعتك .. فين راح الشاي ... ولا هية كانت عزومة مراكبية (مع الاعتذار للمراكبية)
راجعالكوا تاني
أوعي حد يروح في أي حتة
أنا جاااااااااااااااااااااااااااااااااااااااااااااااااااااااااااااااااااي
baby11 baby11 baby11 baby11
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
هبة الله محمد
مشرفة قسم أخبار الأدب
مشاركات: 672
اشترك في: 28 نوفمبر 2008, 12:20 am
Favorite Quote: الجحيم هو الآخرين.
verification: ID verified and trusted writer

Re: وحشتوني ...

مشاركة بواسطة هبة الله محمد »

هبة الله ... عارفة إنك بتدخلي يا هبة بس وحشتني أعمالك كلها ... نفسي أقرالك مقال أو قصة قصيرة تأثر فيا و في أفكاري زي ما دايما بتأثري فيا ... و نفسي تكملي روايتك ..

ميرسي قوي يا جميل على كلامك المشجع ..بس أعمل إيه في حساسية الربيع اليومين دول بتخللي الواحد مش شايف قدامه..

شكرا يا عسول إن أنتٍ دائما كدا فاكرنا ..وإن شاء الله نرجع كلنا نشارك بقوة تاني أحسن من الأول
flower1
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: وحشتوني ...

مشاركة بواسطة سندريلا »

مساء الخير :)
أخواتي الفضليات .. سارة .. غادة .. نورا .. هبة ..
سعيدة بردودكم جميعاً و بالتأكيد أعلم جيداً أنكم قريباً ستسعدونا بتواجدكم و مشاركاتكم الفعالة ...
أتمنى لكم جميعا التوفيق من كل قلبي .. و قراءة المزيد و المزيد من أعمالكم عن قرب إن شاء الله .. flower1 :)
أضف رد جديد

العودة إلى ”إهداء إلى...“