سكوت ..هنافق (سلسلة ساخرة)3 ( فى رمضان ....مسلسل لكل فنان )

للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, رجاء مراعاة قوانين هذا القسم جيدا قبل الكتابة فيه.

المشرف: تنهيدة

قوانين المنتدى
للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, مع الإلتزام بحدود لائقة فى المزاح بين الأعضاء, وعدم التجريح فى أى عضو فى الأكاديمية أو استخدام أسماء أى شخصيات عامة والتشهير بها.
أضف رد جديد
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

سكوت ..هنافق (سلسلة ساخرة)3 ( فى رمضان ....مسلسل لكل فنان )

مشاركة بواسطة تنهيدة »

أستكمالنا لما بدأه زميلى الأمير الحائر فى هذه السلسلة الرائعة ..وأبدعت فيه صديقتى الجميلة دونابيلا فأنا اتجرأت وقررت أنى أجى أنافق شوية من نفسى بس طبعا تهنئتى الأول دى تهنئة من كل قلبى لكل أعضاء أكاديمتى الرائعة نيجى بئة للمهم وسكوت شوية بئة عشان نعرف ننافق ... :)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كل سنة وانتم طيبين ياأعضاء أكاديميتى الحبيبة flower1 :)
..أيه مالكم انتوا معرفتوش ولا ايه أن رمضان على وصول يعنى الكل يجهز نفسه للأستقبال أنا جيت أهو عشان اكون أول المهنئين
أيه دا انا سامعة عضو من بعيد بيقول جاية تهانيينا برمضان فى قسم شوية ضحك وكمان فى سلسلة سكوت هنافق ..هرد واقولة أيه يعنى الغريب فى كدا انت متعرفش أن فى ناس غيرت معالم الشهرالكريم وأصبح شىء تانى خالص غير زمان ..هتقولى أزاى هقولك انا أزاى ياسيدى يعنى زمان كنا بنستقبل الشهر باننا نتفق مع جيرانا على عدد ختمات القرأن وانهم يتجمعوا كلهم عشان صلاة التروايح وصلاة التهجد والذكر وكل الروحانيات الجميلة دى الا كانت بتنور كل البيوت... لكن دلوقت الأستعداد اتغير كتير يعنى مع الصلاة والعبادة زودة أستعدادات تانية خالص بتضيع كل الأستعدادت الأولى ..أنا هتكلم كتير ليه انا أصلى جاية وفرحانة أوى أصل السنه دى فى رمضان زوده عدد المسلسلات والبرامج بجد طايرة من الفرحة ياجماعة مسلسلات زى ما انت عايز مسلسلات سيرة ذاتية تلاقى سياسية تلاقى أجتماعية كوميدية كل الا أتحبوا موجود هى المشكلة الصغنونة بس أن مش هتلاقى مسلسلات دينية ولا تاريخية ولو لاقيت هتلاقيها إن شاء الله فى أخر القائمة مش مشكلة ياجماعة أصل المسلسلات الدينية والتاريخية فى مصر مكلفة جدااا وبلاش نقول مكلفة ليه لانها حكاية طويلة شوية هقولهلكم بعدين... ;)
بس أنا مش عايزاكم تفوتوا ياجماعة ولا مسلسل ايه يعنى لو تنظموا وقتكم على مواعيد المسلسلات ومتقلقوش الى فاتكم الصبح هتلاقوا باليل فى الأعادة انا كل الا يهمنى هو أزاى تستمتعوا فى شهر رمضان الكريم دا الفنانين كل هدفهم هو أرضاء الجمهور وكتير منهم بيتاهونوا فى أجورهم عشان خاطر الجمهور لدرجة أن بئة بيوصل فى النهاية لخمسة مليون جنية عايزين أكتر من كدا أيه وعندنا بئه شوية قنوات مش هتحرمنا من أى حاجة برامج للفنانين موجودة أسئلة عن الفنانين تلاقى مسابقات عن مسلسلات الفنانين متقولوش كل موجود واسئل مجرب من رمضان الا فات ياجماعة أحنا داخلين على موسم رمضان قصدى شهر رمضان يعنى مسلسل لكل فنان يعنى برامج بتناقش مشاكل الفن والفنانين يعنى المسابقات والترفية طول اليوم ... وعندى ليكم خبر جنان فى بعض الفنانين المضاحيين عملوا مسلسلين مش مسلسل واحد شفته أدا ايه الفنانين بيحاولوا يرضاونا ...أنا عن نفسى خلاص عملت قائمة طويلة جداااااااااا باأسماء كل المسلسلات عشان مفوتش ولا مسلسل لاننا كلنا عارفين انهم مش بيعيدوا المسلسلات دى خاااااالص بعد رمضان ;) المهم انا نصحتكم وأديتكم الوصايا العشرة للأستمتاع بكل لحظات رمضان على أعتبار ياجماعة أنهم حولوا الشهر الكريم من شهر العبادة لشهر يخص الفنانين واسرارهم ومسلسلاتهم ...رمضان كريم :x
صورة
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: سكوت ..هنافق (سلسلة ساخرة)3 ( فى رمضان ....مسلسل لكل فنان )

مشاركة بواسطة محمد محمود »

بيعجبني فيك يا نهاد الصدق ده كله وإحنا على أبواب رمضان المعظم :lol:
فعلا ً الفنانين بيتعبوا علشان خاطرنا كتير لدرجة إنهم ما عندهمش وقت يشوفوا أعمالهم التليفزيونية من كترها so1 so1
ربنا يكرمهم زي ما هما مهتمين بينا .
تصدقي إني معلق قائمة كبييييييييييييييييييرة بأسماء ومواعيد المسلسلات ومكان إذاعتها عشان مفوتش ولا عمل ، وقائمة تانية كبييييييييييييرة
فيها إسم كل عمل وإسم أبطاله ومعلومات عنهم ، أصل عددهم كبير قوي .
ومن كتر عددهم خايف أفتح الحنفية يطلعولي منها :lol: :lol:
وعلى رأيك دي فرصة لأن المسلسلات دي مش حتتعاد غير على 54694 قناة بس ، وبكدة مش حنقدر نشوفها تاني .
angry1
ربنا يستر ونلاقي وقت نصوم ، وإن لقينا وقت ربنا يتقبل منا ولا يجعلنا من المنافقين
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: سكوت ..هنافق (سلسلة ساخرة)3 ( فى رمضان ....مسلسل لكل فنان )

مشاركة بواسطة donnabella »

الحقيقة مقال ممتااااااااااااااااااااز vi2
بس كان نفسي في نهايته تدينا حلول و إقتراحات ، أصلها فعلا حاجة تحير!!!!!!!!!!!!!!!!!!!!!!! lost1
أنا متهيألي الخطوة الجاية هتبقي مسلسل لكل مواطن ، و إن شالله محد حوش :lol: :lol:

نكلم جد بقي شوية ... أنا بجد موضوع المسلسلات ده مضايقني، ده لأني فعلا بحب المسلسلات و الأفلام زي ما بحب القصص و الروايات، لكن اللي بقي بيتقدم دلوقتي في مجمله مش عاجبني ، نظرة سوده لكل حاجة و إقحام للعنف و الإباحية في كل شئ و يقولك دي واقعية ، طب ما الناس عايشة الواقع ده- ده لو كان واقع فعلا - الفن بقي بيقدم إيه جديد، يعني مثلا نور الشريف عمل سلسلة من المسلسلات الدينية التاريخية اللي بجد أثرت فية و حبيتها لدرجة إني حفظتها و حفظت تتراتها كمان ، كان من أروعها شخصية "عمر بن عبد العزيز" الذي لُقِب بخامس الخلفاء الراشدين ، إن هذه المسلسلات تبني و تقدم المثل و النموذج و القدوة ، و هذا ما يجب أن نبثه للناس ليكون الفن فعلا رسالة.

موضوع رائع يا نهاد و بجد موتيني ضحك بس برضه قلبتي عليا المواجع بس هنقول إيه كل ما بفكر فاللي بيحصل ده .. تنط في مخي جمله من تتر مسلسل عمر بن عبد العزيز

"إن يصلح الراعي و يتقي ربه........ تخشي الذئاب ربوعه و حماه"


ولقد تكاثرت علينا الذئاب!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


clap1 clap1 clap1 clap1
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: سكوت ..هنافق (سلسلة ساخرة)3 ( فى رمضان ....مسلسل لكل فنان )

مشاركة بواسطة الزهراء »

رمضان كريم يا نهاد ليكٍ و لكل الأعضاء الأعزاء

و الله موضوع مسلسل لكل فنان و مسلسل لكل مواطن خلاني دايخة اليومين دول و كمان اسأل مجرب من رمضان اللي فات خلاني بردو أسأل هو في ايه ؟
نفس الموضوع دة خلاني أفكر و أتساءل هو رمضان أصبح بييجي بس عشان حاجات محددة بيحاول من خلالها فئة كبيرة من الناس انها تستغلو على أكمل وجه و تخرج بإيرادات كبيرة سواء من سوق الفضائيات أو من سوق اللحمة و الخضار ..
لا و ايه زي م قلتٍ في تنوع و فرصة كبيرة للاختيار بعني لو أخدك الفضول و عايز تعرف أسرار الفنانين تلاقي مسلسلات السيرة الذاتية أو برامج كشف المستور و لو عايز سياسة و حروب في و حتى الحياة العادية قصص اجتماعية موجودة كمان و أختلف معاكٍ في المسلسلات الدينية لأنها موجودة بكثرة و الأجمل فيها بقى هو تناول قصص العشق في عهد الرسول" عليه الصلاة و السلام " شفتٍ مين قال م فيش ....

و كمان اللي مل من الدراما العربية التقليدية اللي بتعيد نفسها في الدراما التركية اللي بتعالج المواضيع بطريقة صادقة و مؤثرة و ممكن تخليكٍ تبكي كمان

و الله أنا محتارة بس ح عمل زي م قلتيلي قائمة عشان م نساش حد

في الأخير أحب أقلك انك تناولت الموضوع دة بطريقة جميلة و بأسلوب ساخر ممتاز أهنيكٍ بقدوم الشهر الفضيل و يا رب نقضيه في الطاعات ...رمضان كريم
جوا العين و ساكنة القلب
نحبك يا بلادي
......................
صورة
أضف رد جديد

العودة إلى ”ضحكة من القلب...“