المواضيع التى لم يرد عليها | عرض المواضيع النشطة التوقيت الحالى 17 أكتوبر 2017, 8:43 pm



قوانين القسم


للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, مع الإلتزام بحدود لائقة فى المزاح بين الأعضاء, وعدم التجريح فى أى عضو فى الأكاديمية أو استخدام أسماء أى شخصيات عامة والتشهير بها.



الرد على الموضوع  [ 11 مشاركة ]  الذهاب للصفحة 1, 2  التالى

Share |


إيه أكتر ابتسامة بتحبها فى الأكاديمية؟ :) 
الكاتب رسالة
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة إيه أكتر ابتسامة بتحبها فى الأكاديمية؟ :)


فى الأول..وحشتونى بجد كلكوا و وحشتنى الأكاديمية جداً :) و كان صعب عليا جداً الغياب الفترة اللى فاتت و مش عشان الإمتحانات خالص...لكن كان فيه كسر و جبس و حاجات كده ملغبطة بس الحمد لله كله دلوقتى تمام..و ده أكيد لأنى مش بحب أقول أى خبر وحش عنى لو قولته إلا لما يكون خلاص عدى و بقى ماضى..يعنى الحمد لله كله دلوقتى تمام و أخيرا عرفت أرجع للأكاديمية و زمايلى اللى افتقدتهم جدا و افتقدت كلماتهم..

نرجع لموضوعنا بقى..الموضوع ده كنت فكرت فيه من مدة..لما لاحظت الإبتسامات اللى فى الأكاديمية ( الوجوه التعبيرية اللى زى دى :) eat1 flower1 :x ) و لاحظت علاقة كل واحد مننا بيها فى ردوده..و بجد لقيت الفكرة دى جميلة و قربتنى أكتر من كل زمايلى فى الأكاديمية لأن كل كاتب فى الأكاديمية ليه تعبير مفضل و محبب لدرجة إن فى أوقات كان فيه دعابات مننا لبعض على الفكرة دى والتعابير اللى كان مشهور بيها كل واحد فينا..
يعنى مثلا كأمثلة لزمايلى اللى بحبهم جدا و بأعتز بيهم:
زميلتنا العزيزة هبة الله محمد كان ليها أكتر وشوش شهيرة فعلاً من زمان..يعنى ممكن تاخد أوسكار الإبتسامات :) ..أشهرهم طبعاً بلا استثناء هو ( ok11 ) و كمان الدبدوب المرح اللى بقى بعد كده هدية رسمية فى أعياد الميلاد ( lol11 ) :)

زميلنا العزيز محمد محمود كان دايما بيحب التعبير ده ( :D ) زميلتنا العزيزة دونابيلا كمان كانت أكتر حد بيحب التعبير المرح ده ( :lol: ) زميلتنا الغائبة آية كمان كان التعبير ده مفضل ليها..و زميلتنا الغائبة أيضاً مريم كان التعبير البناتى الخالص ده ( ino1 ) كان دايما علامة فى ردودها و هى بتعمل مقالب فى حزبنا eat1 اه..افتكرت..التعبير الأخير ده ماركة مسجلة بإسمى eat1 :lol:
و كمان كان فيه الوردة المتفتحة الجميلة جدا ( flower1 ) و اللى كانت رمز لكتير مننا فى الردود و هى أكتر حاجة كنت بحسها أوى لما بشوفها فى رد حد و بحس إنه نفسه الوردة دى يهديها بجد مع كلامه...
و الإبتسامة ( :) ) اللى رغم بساطتها كنت بحس إنها كتير بتريح اللى بيقرا الرد و يعرف إنه مكتوب بحب..حتى فى عز النقد لعمل مثلاً كانت الإبتسامة دى معناها كبير أوى..لأنها بتفهم ان الرد و النقد ده بحب و رغبة فى فايدة لصاحب العمل..و إن بعد النقد أنت زميلى اللى بحبه جدا و بحترمه عشان كده بأقدر أبقى مرايته و أقوله رأيى بصراحة :)

الوجوه البسيطة دى مش كان دورها بسيط أبداً فى ردودنا..لأن إحنا على الأنترنت و ممكن كلمة تتقال بكل سعادة لكن تظهر حزينة..و فى رأيى التعبيرات دى كانت ليها دور كبير أوى فى إنها تنقل مشاعرنا فى ردودنا و مناقشاتنا و حتى ساعات ممكن تنقلك شخصية صاحب الرد ده..و عشان كده أظن إنها كانت تستاهل فعلاً نكلم عليها هنا :)
أنا مش عايز أطول عن كده..عشان عايز أسمع رأى كل واحد منكم..إيه علاقته بالوجوه التعبيرية دى فى الأكاديمية؟ و إيه أكتر ابتسامة بتحبها و بتحب تشوفها.. أو بتحبها فى ردودك أو لاحظت إنك بتستخدمها كتير و لو من غير قصد؟ :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



06 فبراير 2010, 2:11 pm
الملف الشخصى
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: إيه أكتر ابتسامة بتحبها فى الأكاديمية؟ :)


السلام عليكم :)
أولا..اهلا بيك يا وليد بعد غياب طوووووووويل كلنا مفتقدينك فيه بجد ويارب متغيبش تاني عن اسرتك الجميلة دي
ثانياً..ألف ألف سلامة عليك وربنا يشفي مرضى المسلمين جميعاً يارب..
ثالثاً..بحييك بججججججد على الموضوع الهاااااااايل دا..لاني فعلا من يوم ما دخلت الاكاديمية واول حاجة لفتت نظري هو اختلاف الابتسامات هنا عن اي مكان على النت ومن يومها ارتبطت الابتسامات دي بالاكاديمية..عشان كدا بقى ليها طعم خاص بالنسبة لي..ومرتبطة عندي بجو الاكاديمية الجميل الحالم..
والغريب اني لو بشارك في اي مكان تاني على النت بلاقي نفسي بدور على ابتسامة من اللي موجودين هنا لأني ارتبطت بيهم قوي فعلا..
اقولك بقى أكتر ابتسامة بحبها..
هي اكتر واحدة دي :) فعلا انت وصفت الاحساس اللي بتديه كويس قوي في كلامك يا وليد..بتدي كدا احساس بالحب والارتياح والاحترام والهدوء التاااااام..عشان كدا بحب استخدمها قووووووي لان الانسان لو بيعامل اللي قدامه بحب وهدوء واحترام متبادل ساعتها يبقى الكلام ليه معنى وطعم ويتقبله الاخر بدون اي تحفظ او زعل..
وبلاحظ دايما يا وليد انك بتحرص عليها في كل ردودك واعمالك وتقريبا بتحطها في كل فقرة ودا فعلا شئ بيميز ردودك وبيدي لقارئها احساس اكتر بالاحترام والود..


وطبعا الوردة دي flower1 في كل مرة بتفتح وتقفل بحسها بتقول مليون معنى في بعض..يمكن لاني بحب الورد قوي
مش عارفة..بس بحب قوي احطها في ردودي عشان تعبر عن امتناني وسعادتي لانها اجمل هدية ممكن حد يديها لحد..
كمان بحب الابتسامة دي قوي :lol:..بتخليني اضحك فعلا من غير اي موقف يضحك اصلا هههههههه
بحس فيها بكم ابتهاج غير عادي وبضحكة صافية جميلة طالعة من القلب بجد..


و بحب الابتسامة دي جدااااا م11 ..بقول بيها لزميلاتي وحشتوووووووووني لكن من غير كلام
وبحس فيها بترحيب شديد قوي


الابتسامة دي بقى بتضحكني جدااااا huh1 وبحسها عزيزة على قلبي قوي مش عارفة ليه مع اني مش بستخدمها كتير بس دمها خفيف موت


ودي بقى بتاعة المناسبات السعيدة :D اللي بتفكرني بكل مناسبة حلوة مرينا بيها في الاكاديمية..في اعلان نتائج المسابقة او خبر كتاب جديد لعضو او مناسبة خطوبة او فرح .. كل دا بييجي في بالي لما بشوفها

وكفاية كدا يا وليد لاني بحبهم كللللللللهم بجد وكل واحدة فيهم بتديني احساس مختلف وجميل و بحسها معبرة فعلا عن حالاتنا في معظم الاوقات..عشان كدا لو فضلت اكتب هكتب عنهم كلهم وكدا طبعا هوجع دماغكو وخلاص :lol:

ولازم أحييك تاني يا وليد على اختيار موضوع في نظري مهم قوي لانه بيدل على شخصية كل واحد فينا فعلا..
جزاك الله خيراً :) flower1


06 فبراير 2010, 10:59 pm
الملف الشخصى
أكاديمى نشيط
أكاديمى نشيط


مشاركات:
173
مكان:
مصر
الحكمة المفضلة:
لا تنس ذكر الله
مشاركة Re: إيه أكتر ابتسامة بتحبها فى الأكاديمية؟ :)


الأمير الحائر كتب:
فى الأول..وحشتونى بجد كلكوا و وحشتنى الأكاديمية جداً :) و كان صعب عليا جداً الغياب الفترة اللى فاتت و مش عشان الإمتحانات خالص...لكن كان فيه كسر و جبس و حاجات كده ملغبطة بس الحمد لله كله دلوقتى تمام..و ده أكيد لأنى مش بحب أقول أى خبر وحش عنى لو قولته إلا لما يكون خلاص عدى و بقى ماضى..يعنى الحمد لله كله دلوقتى تمام و أخيرا عرفت أرجع للأكاديمية و زمايلى اللى افتقدتهم جدا و افتقدت كلماتهم..


لا بأس عليك أخي أمير، طهور إن شاء الله .



مررت هنا سريعا لأرحب بعودتك الأمير الحائر و ألف سلامة عليك يا بطل :) .

أنرت الأكاديمية و شكرا على طرحك هذا الموضوع الجميل و سيكون لي عودة مؤكدة و تعليق إن شاء الله .

_________________
حسبنا الله و نعم الوكيل !


06 فبراير 2010, 11:12 pm
الملف الشخصى Yahoo
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: إيه أكتر ابتسامة بتحبها فى الأكاديمية؟ :)


نبضة... كتب:
السلام عليكم :)
أولا..اهلا بيك يا وليد بعد غياب طوووووووويل كلنا مفتقدينك فيه بجد ويارب متغيبش تاني عن اسرتك الجميلة دي
ثانياً..ألف ألف سلامة عليك وربنا يشفي مرضى المسلمين جميعاً يارب..
ثالثاً..بحييك بججججججد على الموضوع الهاااااااايل دا..لاني فعلا من يوم ما دخلت الاكاديمية واول حاجة لفتت نظري هو اختلاف الابتسامات هنا عن اي مكان على النت ومن يومها ارتبطت الابتسامات دي بالاكاديمية..عشان كدا بقى ليها طعم خاص بالنسبة لي..ومرتبطة عندي بجو الاكاديمية الجميل الحالم..
والغريب اني لو بشارك في اي مكان تاني على النت بلاقي نفسي بدور على ابتسامة من اللي موجودين هنا لأني ارتبطت بيهم قوي فعلا..



و عليكم السلام و رحمة الله و بركاته :)
أهلا بيكى أنتى يا سارة و شكرا بجد على ترحيبك اللى أسعدنى جدا..و حقيقى أنا اللى مفتقدكم كلكم و مفتقد الأكاديمية يمكن أكتر بكتير من إفتقادى للكتابة..لأن الأكاديمية كانت دايما بالنسبالى عيلة و حب حقيقى مش بس ملتقى أدبى محترم و هادف.
الله يسلمك و الحمد لله أنا أحسن كتير دلوقتى..و ربنا يشفى كل مريض و يديم علينا جميعاً نعمة الصحة.
نيجى بقى لردك اللى لوحده حكاية بجد :) يعنى حسيت ياسارة انك كمان كنتى متابعة الفكرة دى جدا و حباها و بتلاحظى الإبتسامات و تأثيرها..و فعلاً عندى أنا كمان ارتبطت الإبتسامات دى بالأكاديمية و بجو العيلة الجميل اللى فيها..

عجبنى جداً وصفك للإبتسامات..و بالذات الكوميديا اللى فى بعض الإبتسامات من غير أى سبب ده عندى أنا كمان فعلاً...يعنى هآخد الميكروفون منك يا سارة و أكمل على بردوا اللى بيضحكونى بمجرد ما أشوفهم:
بيضحكنى جدا الأخ ده ( :mrgreen: ) بحسه غاسل سنانه :mrgreen: أو بيعمل إعلان سيجنال تو :lol:
و الأخ اللى ما يبطلش ضرب نار ده ( shot1 ) فاكر إنه كان بيبقى فى ردودى على صديقى العزيز جداً أحمد الصياد أيام حرب الألف قصة و موضة تغيير الأسامى shot1 بس الحمد لله بقى ثابت مؤخراً على أفضل و أجمل و أحلى و أحسن و أسعد و أيمن اسم و هو المهاجر ( لازم أجامل فى الإسم كده طبعاً ربنا يجعل كلامنا خفيف علي أساميك يا أحمد :lol: )
و ابتسامات تانية كتير..عندك حق ياسارة فعلاً والله لو سرحت هأفضل أكتب و أوصفهم كلهم وكمان الذكريات الجميلة اللى بتفكرنى الإبتسامات دى بيها..هأسيب الميكروفون بقى شوية للى جاى بعد كده :)
بأشكرك يا سارة على ردك اللى كان تكملة للموضوع كمان..و جزاكِ الله و جزانا جميعاً خيراً :) flower1


07 فبراير 2010, 2:19 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: إيه أكتر ابتسامة بتحبها فى الأكاديمية؟ :)


dr_hope كتب:

مررت هنا سريعا لأرحب بعودتك الأمير الحائر و ألف سلامة عليك يا بطل :) .

أنرت الأكاديمية و شكرا على طرحك هذا الموضوع الجميل و سيكون لي عودة مؤكدة و تعليق إن شاء الله .


اهلاً بــ dr_hope :) شكرا بجد على ترحيبك الجميل و مع إن المفروض أنا اللى أقولك حمد الله على السلامة للأكاديمية بعد غياب طويل..خدت بالك من الموضوع ده؟ :

viewtopic.php?f=14&t=1757

الأكاديمية منورة دايماً بالعائلة الجميلة كلها..و أنتظر عودتك و تعليقك إن شاء الله :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



07 فبراير 2010, 2:47 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: إيه أكتر ابتسامة بتحبها فى الأكاديمية؟ :)


موضوع مميّز و دمّه خفيف

بس الأول : حمد الله على سلامتك ... سلّمك الله من أي مكروه يا أخي العزيز وليد ، و إن شاء الله لا تنقطع عن الأكاديمية أبدا بمواضيعك وردودك الرائعة المفيدة جدا . :)

طبعا رد سارة جميل جدا و بيعكس حب كبير للأكاديمية و كل ما يمثّلها ..بحييكي على الرد المليان بالحب و روح الانتماء الرائعة دي . clap1

أنا ليّا بقى رأي يمكن عجيب شوية :

أولا : أول ملاحظة كانت إن ( الابتسامات ) الموجودة مميزة و مناسبة بشكل يليق بموقع أدبي بتميّز و احترام الأكاديمية يمكن كان لافت نظري ابتسامتين مجانيني شوية و هم : ز1 وواحدة تانية تم حدفها بالفعل ، بس الباقي كلهم حجمهم صغيّر و مش بيطغى على الكتابة و التعليقات و لا بيقلب الموضوع إلى كوميديا صرفة.
ثانيا : الأستاذ :) : علامة مميزة لردودك شخصيا و في مختلف الظروف ،و أنا كان ليا موقف مع الابتسامة دي بالذات لمّا حسيت إن ردّي الأول في قصة ( أعتقد : ذلك اللامع) و اللي رديت عليه بعد كدة رد دخل فيه :) بشكل حسيت فيه بالحرج من إجابتي لأنه كأنه عتاب مع ابتسامة مهذبة.

أمّا بقى بالنسبة للأعضاء و ارتباط الابتسامات بيهم :

فمثلا هبة خميس : بحس ان دمها خفيف و أكتر من مرة تستخدم :P

أما هبة الله محمد : فجننتني فترة لأنها كانت بتلغي عشتاشر رد و تضع مكانهم ok11 ok11 لما بقيت كل ما باشوفه بافتكر هبة س11

و هالة اللي غايبة من زمان : دايما تستخدم lol11 و baby11 لدرجة بقيت بحس انهم بتوعها

و نهاد بتنوع في استخدامات معينة : :? و :) flower1 " بحس ان الاتنين دول مع بعض معناهم صداقة جميلة جدا و أخوة في الله " ، و للتهنئة : :D

أما dr.hope : فله علامة مسجلة مالهاش حل و هي vi2 ، على طول تلاقيه في ردوده إلى جانب : so1 لمّا يبقى عايز يلمّح لحاجة مثلا


و جت فترة كنت بحس إن كل عضو جديد لازم نرحب بيه مع المرحب العظيم ده : م11 و ياريت يكون فيه الوردة الرقيقة دي flower1

و فعلا الجماعة دول : shot1 huh1 di1 angry1 مرتبطين بموضوع الأحزاب و الألف قصة و قصة و تغيير الأسامي اللانهائية للعلامة الكبير الغائب من زماااان أحمد المهاجر


و بيعجبني جدا : س11 بحس إنه هيموت من الضحك و ماسك نفسه ...ده غير اللي مش قادر يمسك نفسه من الضحك ده : :lol: ده طبعا حكاية ...تحس انك هتضحك معاه قبل ما تعرف إيه الموضوع

أما ده 8-) بحس إنه دمه خفيف و له أكتر من معنى

و طبعا صاحب الضحكة اللي كلّها سنان ده : :mrgreen: لمّا أحب أقول حاجة غلسة س11

و :cry: لما يكون فيه حالة صعبة أو انهيار تام

المشكلة بقى إني بحب التغيير و ساعات المود هو اللي بيتحكم في اختيار الشخصية في الرد


موضع جميل بجد و خلاني أفتكر مواقف كتير و ذكريات جميلة في الأكاديمية ...

شكرا ليك و ألف حمدالله على السلامة :) flower1

_________________




.
.
.
*** لــزيارة صــفـــحـــتــي ***


07 فبراير 2010, 3:40 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: إيه أكتر ابتسامة بتحبها فى الأكاديمية؟ :)


أخي وزميلي العزيز وليد
تغيب عننا لكن دائما ً عودتك لها طعم تاني ، بجد والله وحشتنا كتاباتك وألف سلامة عليك شفاك الله وعافاك.
موضوع جميل جدا ً أعدتنا به لأجمل ذكرياتنا مع الأكاديمية ، وما أجمل أن تمر الأيام والشهور ويتبقى هذه الذكريات واللفتات الجميلة بيننا باقية ،
موضوع الابتسامات ده رجعني لوقت بأعتز بيه جدا ً وهو بدايتي مع الأكاديمية ، وقد إيه كانت هذه الابتسامات لها تأثير نفسي جميل في ردود زملائي .وفعلا ً هذه الابتسامة :D كانت من أكثر ما استخدمته في ردودي خصوصا ً عندما أكون معجب بالموضوع كثيرا ً .
ودي بقى م11 لما بأرحب بعضو جديد معانا .
huh1 أما دي بقى فدي لوحدها حكاية ، حزب البنات عارفها كويس قوي so1 خصوصا ً في موضوعات " إنها الحرب إذا ً "
تعبيرات بسيطة لكن بالفعل تحمل المعنى الذي قد لا يصل بالكلمات وتكون سبب في توضيح الكلمات في بعض الأحيان .
تحياتي لك يا وليد على هذا الموضوع الجميل .
وألف سلامة عليك مرة أخرى .

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


09 فبراير 2010, 10:37 pm
الملف الشخصى Yahoo الموقع الشخصي
أكاديمى نشيط
أكاديمى نشيط


مشاركات:
173
مكان:
مصر
الحكمة المفضلة:
لا تنس ذكر الله
مشاركة Re: إيه أكتر ابتسامة بتحبها فى الأكاديمية؟ :)


أمير أسعدتني بالرابط الذي وضعته

و أسعدني كذلك أن هناك من الأعضاء من تذكرني dream11

شكرا على موضوعك مرة أخرى flower1

_________________
حسبنا الله و نعم الوكيل !


09 فبراير 2010, 11:06 pm
الملف الشخصى Yahoo
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
 Re: إيه أكتر ابتسامة بتحبها فى الأكاديمية؟ :)


:oops:روح يا شيخ اللى يجازيك كسفتنى
يوووه بقى بلاش احراج وهى دى احسن التعبيرات اللى بحبها
shot1 وقت الحرب مع الحزب اياه

:D دى وقت لما يكون فيه فرح واللى هو الهور يا ابو الهوارة مع الماركة المسجلة ز1 فى الافراح
baby11 دى بقى لحظة العفرتة
di1 دى بقى لما الواحد يكون ناسى حاجة

وهى كدا الدنيا
واحب اقولكم جود مورننج :P

طبعا التعبير دا huh1 كلنا عارفين بيبقى فين ربنا لا يوريكم

_________________


11 فبراير 2010, 12:01 pm
الملف الشخصى Yahoo الموقع الشخصي
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: إيه أكتر ابتسامة بتحبها فى الأكاديمية؟ :)


Ghadat2009 كتب:
موضوع مميّز و دمّه خفيف

بس الأول : حمد الله على سلامتك ... سلّمك الله من أي مكروه يا أخي العزيز وليد ، و إن شاء الله لا تنقطع عن الأكاديمية أبدا بمواضيعك وردودك الرائعة المفيدة جدا . :)

طبعا رد سارة جميل جدا و بيعكس حب كبير للأكاديمية و كل ما يمثّلها ..بحييكي على الرد المليان بالحب و روح الانتماء الرائعة دي . clap1



الله يسلمك يا أختى العزيزة غادة :) افتقدت ردودك و كتاباتك جداً..و فى الحقيقة ما توقعتش أبداً إن هيبقى فيه ردود على الموضوع هى فى حد ذاتها مواضيع جميلة جدا و مليانة بذكريات جميلة فى الأكاديمية..زى ردك الرائع بجد و كمان زى ما قولتى رد سارة كمان كان مميز بإنتماء و حب جميل جداً للأكاديمية..و يارب يفضل دايماً الحب ده موجود بينا و بين الأكاديمية :)


Ghadat2009 كتب:
أنا ليّا بقى رأي يمكن عجيب شوية :

أولا : أول ملاحظة كانت إن ( الابتسامات ) الموجودة مميزة و مناسبة بشكل يليق بموقع أدبي بتميّز و احترام الأكاديمية يمكن كان لافت نظري ابتسامتين مجانيني شوية و هم : ز1 وواحدة تانية تم حدفها بالفعل ، بس الباقي كلهم حجمهم صغيّر و مش بيطغى على الكتابة و التعليقات و لا بيقلب الموضوع إلى كوميديا صرفة.
ثانيا : الأستاذ :) : علامة مميزة لردودك شخصيا و في مختلف الظروف ،و أنا كان ليا موقف مع الابتسامة دي بالذات لمّا حسيت إن ردّي الأول في قصة ( أعتقد : ذلك اللامع) و اللي رديت عليه بعد كدة رد دخل فيه :) بشكل حسيت فيه بالحرج من إجابتي لأنه كأنه عتاب مع ابتسامة مهذبة.


معاكى فى فكرة مناسبة الإبتسامات للأكاديمية..و أعتقد من ناحيتنا إحنا كمان فيه ابتسامات بتناسب كل موضوع و كل قسم..يعنى ما ينفعش إنه يبقى فيه إبتسامات ضاحكة كتيرة جدا فى رد على قصة أو مقال مثلاً..لكن فى قسم ضحكة من القلب زى هنا أو الأقسام المشابهة بيبقى الإبتسامات دى منطقية جدا و مناسبة لجو المواضيع..و أكيد لما بيتعكس ده ممكن يخلى الإبتسامات عموماً مش مناسبة لمكانها.

بالنسبة بقى للإبتسامة ( :) ) فعلاً يمكن علامة مميزة لردودى لأنى فى الحقيقة كمان بحس أوى بقيمة الإبتسامة..و بحاول دايماً فى حياتى و لو حتى فى عز حزنى إنى أرسم الإبتسامة دى عشان ما فيش حد يحس بحزنى..لكن أكيد فيه لحظات حتى الإبتسامة دى بتبقى صعبة و بجد دى بتبقى أصعب أوقات بالنسبة ليا.

أما بقى بالنسبة للذكرى و الموقف الجميل للإبتسامة دى فى قصة ذلك اللامع..لأنى فاكر كويس جدا إن ما كانش قصدى أى عتاب وقتها أبداً..بس زى ما قلت كان شئ جميل إن سوء التفاهم ده خلاكى تردى تانى على القصة..و يمكن دى واحد من ذكريات كتيرة و جميلة للقصة دى.


Ghadat2009 كتب:
و بيعجبني جدا : س11 بحس إنه هيموت من الضحك و ماسك نفسه ...ده غير اللي مش قادر يمسك نفسه من الضحك ده : :lol: ده طبعا حكاية ...تحس انك هتضحك معاه قبل ما تعرف إيه الموضوع


:lol: و الله وصفك نفسه للإبتسامة دى ضحكنى..هى فعلاً كده بالظبط..و صح فى كل زمايلنا اللى ذكرتيهم و ابتساماتهم المفضلة..أنا يمكن بقى عايز أتكلم عن الكابتن المظلوم اللى ما حدش جاب سيرته ( :x ) ده مشكلة و بردوا شكله لوحده بيضحكنى..تحس إنه زعلان بس بكوميديا..و بعدين كله مبالغ فيه بشكل يضحك و خصوصاَ دماغه..أكبر دماغ فى الإبتسامات و مش عاجبه حد :x :mrgreen:

بجد بأشكرك يا أختى العزيزة غادة على ردك..و بعتذر إنى تأخرت في الرد بس والله أنا حالياً بأدخل عالنت من الشغل و عشان كده ممكن أكتب سطرين و أقوم ساعتين و أرجع أكمل أو الشغل يبقى كتير فأكتب كل سطر فى يوم س11 ..عشان كده ما تستغربيش لو قولتلك إنى بكتب فى الرد ده من أسبوع!! eat1

على فكرة اللى جمل الموضوع فعلاً هو ذكرياتكوا الجميلة وده فعلاً اللى كنت بتمناه..عشان كده شكراً ليكى على الذكريات و يارب دايماً يبقى لينا كلنا ذكريات أجمل و أجمل :) flower1

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



17 فبراير 2010, 2:18 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 11 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 3 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter