المواضيع التى لم يرد عليها | عرض المواضيع النشطة التوقيت الحالى 12 ديسمبر 2017, 11:58 pm





الرد على الموضوع  [ 22 مشاركة ]  الذهاب للصفحة 1, 2, 3  التالى

Share |


هتروح فين و تاخد مين و إيه ؟؟ 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة هتروح فين و تاخد مين و إيه ؟؟


سلام عليكم يا أجمل أعضاء في أروع أكاديمية !

حان موعد الأحلام المجنونة ...و عندي فكرة عجيبة ..ممكن تشاركوني فيها ؟؟

تخيلوا إن فيه طيارة جميلة جدا قدام باب البيت بتاعكم ...و الطيار بيستقبلك و يقولك : مبروك ...فيه هدية عشانك ! ممكن نطير لــ 3 أماكن خلال أسبوع ( مدفوعة التكاليف للسفر و الإقامة و كل حاجة...!) و مسموح تاخد معاك 3 أشخاص و 3 حاجات شخصية ليك :
السؤال بقى :

1- هتطلب تروح فين ؟ ليه ؟
2- هتاخد معاك مين؟ ليه ؟
3- هتاخد معاك إييه؟؟و ليه ؟
4- لو مش عايز تسافر : تتنازل عن الرحلات دي لمين ؟ و ليه ؟؟

يا ريت تبقى نسبة الجنان عالية قدر المستطاع ! أو بمعنى أصدق التخيل يكون حر و منطلق ....

في انتظار تخيلاتكم ...

_________________




.
.
.
*** لــزيارة صــفـــحـــتــي ***


14 مايو 2009, 1:30 am
الملف الشخصى
أكاديمى نشيط
أكاديمى نشيط


مشاركات:
308
الحكمة المفضلة:
الفن الجميل لا يورث قبحا
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


الزميلة العزيزة ghadat عليكم السلام ورحمة الله وبركاته ... نخش في الموضوع دوغري قبل ما يرجعوا في كلامهم ويسحبوا خيط الطيارة .... المكان الأول ان شاء الله هايكون الأراضي السعودية لعمل عمرة لبيت الله ,هاخد معايا زوجتي واختي الصغري , هاخد معايا مصحف و طبعا سبحة وطاقية لزوم الشيء ..... المكان التاني هايكون بيت المقدس .. القدس يعني وهاخد معايا زوجتي وابنائي أحمد ومحمد عشان أحكيلهم عن أولي القبلتين ومسري رسول الله صلي الله عليه وسلم وتاريخ المكان واحكيلهم عن القضية الأزلية عشان دايما يفضلوا فاكرينها ويحكوها لجيل بعد جيل....هاخد معايا شال فلسطين و كاميرا ديجيتال وشوية حجارة هاملا بيهم جيوبي.... المكان التالت بأه بعد العبادة و النضال هايكون فوق سطح القمر ... هناك مفيش دوشة ومفيش ازعاج ، مفيش بني آدمين من أساسه ... يعني شوية هدوء وسكينة ... طبعا مش هاخد حد معايا ولا حتي المدام من غير زعل ... هاخد معايا قلمي ودفتر أوراقي وتلسكوب فلكي عشان أبقي اطمن عالحبايب وانا قاعد علي سطح القمر و مدلدل رجليا فوق في الفضا ... ياريت ما حدش يصحيني قبل الحلم ما يخلص
السيد فهيم


14 مايو 2009, 2:46 am
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


القلم المبدع غادة تحياتى


اولاً احييك على الاحلام المجنونة دى واسمحيلى هزود فى الاجابات

المكان الأول اللى احب اطير له هو المسجد الاقصى علشان نفسى اموت فيه وهاخد معايا اصدقائى أحمد الدش وهانى السيد
وهاخد معايا 4 طوبات ارسم بيهم قبرى فى ساحات الاقصى وغير انى هاخد كمان سلاح الردع المصرى وهو معروف ومشهور


المكان الثانى اللى نفسى اطير له هو مكة نفسى احج وهاخد معايا والدى ووالدتى وهاخد معايا ذنوب كتير علشان ارجع من غيرها وهاخد كمان روحى علشان اطهرها هناك

المكان الثالث أطير لاسكندرية علشان نفسى اشوف البنت اللى حبيتها ولما هاخد هاخد معايا والدى ووالدتى علشان اخطبها
وهاخد معايا كمان أصدقائى احمد وهانى علشان اثبتلهم ان اللى يحب ما بيكرهش وعلشان يعرفوها كويس

وهكذا تنتهى الرحلة
سلام ونتقابل فى رحلة تانية

_________________


14 مايو 2009, 9:51 am
الملف الشخصى Yahoo الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
219
مكان:
مصر
الحكمة المفضلة:
((إن الله لا يغير ما بقوم حتى يغيروا ما بأنفسهم))
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


جمبل يا غادة ..حلم رائع يا رب يتحقق
إنتي دايما تخلينا نسافر في خيالنا أحلى الرحلات
أما عن رحلاتي
الرحلة الأولى:
فالأولى والتي أشتاق إليها كثيراستكون إلى السعودية بإذن الله..لأداء فريضة الحج ورؤية أروع ما في الوجود بيت الله الكعبة المشرفة ومكة والمدينة ,والطائف كمان... يا رب الحلم يبقى حقيقة...والتمتع بأروع رحلة في حياتي
وسيكون معي بالطبع زوجي وأولادي عبد الرحمن وحمزة
وسآخذ معي القرآن وكتاب أدعية وأذكار وكاميرا ديجيتال (وقلم ومدونة صغيرة)
الرحلة الثانية:
أهديها لأختي وزوجها وأولادها ليذهبوا للحج معانا ....لأن نفسي ربنا يكرمها وتحج هي كمان....يرزقنا جميعا بحج بيته الحرام
وطبعا هي اللي تختار هتأخذ إيه معاها...
الرحلة الثالثة:
أروح في مكان بعيد فيه بحر ووشلالات هادئة وخضرة وأشجار رائعة ومافهوش ناس..وما فهوش أي شيء يضايق وكل ما تقع عيني على حاجة ألاقيها جميلة..ز(تقريبا ده في الجنة بس!) اللهم ارزقنا الجنة ...لو تعرفي مكان كده احجزيلي فيه
آخذ معايا زوجي وأولادي
وهاخذ معايا القرآن و قلم وأجندة

وفيه رحلة رابعة من عندي ههديها لك مخصوص ..عشان الرحلات الرائعة والأحلام الجميلة اللي بتأخذينا فيها
جزاك الله خيرا أمتعتينا كثيرا

_________________


14 مايو 2009, 9:57 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


السيد فهيم كتب:
الزميلة العزيزة ghadat عليكم السلام ورحمة الله وبركاته ... نخش في الموضوع دوغري قبل ما يرجعوا في كلامهم ويسحبوا خيط الطيارة .... المكان الأول ان شاء الله هايكون الأراضي السعودية لعمل عمرة لبيت الله ,هاخد معايا زوجتي واختي الصغري , هاخد معايا مصحف و طبعا سبحة وطاقية لزوم الشيء ..... المكان التاني هايكون بيت المقدس .. القدس يعني وهاخد معايا زوجتي وابنائي أحمد ومحمد عشان أحكيلهم عن أولي القبلتين ومسري رسول الله صلي الله عليه وسلم وتاريخ المكان واحكيلهم عن القضية الأزلية عشان دايما يفضلوا فاكرينها ويحكوها لجيل بعد جيل....هاخد معايا شال فلسطين و كاميرا ديجيتال وشوية حجارة هاملا بيهم جيوبي.... المكان التالت بأه بعد العبادة و النضال هايكون فوق سطح القمر ... هناك مفيش دوشة ومفيش ازعاج ، مفيش بني آدمين من أساسه ... يعني شوية هدوء وسكينة ... طبعا مش هاخد حد معايا ولا حتي المدام من غير زعل ... هاخد معايا قلمي ودفتر أوراقي وتلسكوب فلكي عشان أبقي اطمن عالحبايب وانا قاعد علي سطح القمر و مدلدل رجليا فوق في الفضا ... ياريت ما حدش يصحيني قبل الحلم ما يخلص
السيد فهيم


الزميل العزيز المتميز السيد فهيم

واضح الشجاعة و الجسارة لتكون أول المشاركين في هذا الحلم المجنون ..و ماتخافش هاوصيهم يسيبوا خيط الطيارة شويتين

على فكرة ..عندك روح مرحة رائعة جدا ...و تصورات خلتني أضحك بجد ..بالذات موضوع خيط الطيارة و مدلدل رجلي في الفضا


نيجي بقى للرحلات بتاعتك :

1- رحلة العمرة هايلة طبعا و بارك الله لك في زوجتك العزيزة و أختك الكريمة ...صحبة طيبة و جميلة ..و الأغراض الشخصية ممتازة و مناسبة للرحلة بس كده يبقى فيه مكان فاضي لشخص إضافي مدفوع التكاليف ( تتنازل عنه لصديق ؟ و لا لعضو زميل؟ و لا لمثل أعلى ليك ؟)

2- رحلة للقدس طبعا أخدت معاك الأسرة الجميلة ..ربنا يجعل أحمد و محمد من الذرية الصالحة إن شاء الله ...بس شجاعة إنك تروح معاهم ..محسيتش بالخوف عليهم ؟ و هل هم كمان هيكونوا مرحبين بالفكرة ؟ بس الهدف ممتاز جدا و الأغراض اللي اخترتها هايلة ..أعجبتني جدا ..لها معنى رائع فعلا

3- يا سلام ! هنا تظهر الموهبة التخيلية العاقلة جدا بس بجد فكرة حلوة ...و كانوا في بعض روايات الخيال العلمي الأجنبية بيتخيلوا فعلا ان هييجي يوم ممكن نقطع فيه تذكرة للقمر !! و انه ممكن يكون فيه زي مطار هناك مجهز لاستقبال الزوار ..بس للأسف في الحالة دي هيتملي بني آدمين ...و نضطر نحلم بالمريخ و لاّ المشتري !

نورت الأحلام المجنونة بأحلام جنونها في منتهى العقل و الخيال

و أخيرا ...هقول لكل العالم ...هدوووووء ...محدّش يصحي الأستاذ فهيم لحد الحلم ما يخلص على خير

_________________




.
.
.
*** لــزيارة صــفـــحـــتــي ***


14 مايو 2009, 10:12 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


فارس بلا جواد كتب:
القلم المبدع غادة تحياتى


اولاً احييك على الاحلام المجنونة دى واسمحيلى هزود فى الاجابات

المكان الأول اللى احب اطير له هو المسجد الاقصى علشان نفسى اموت فيه وهاخد معايا اصدقائى أحمد الدش وهانى السيد
وهاخد معايا 4 طوبات ارسم بيهم قبرى فى ساحات الاقصى وغير انى هاخد كمان سلاح الردع المصرى وهو معروف ومشهور


المكان الثانى اللى نفسى اطير له هو مكة نفسى احج وهاخد معايا والدى ووالدتى وهاخد معايا ذنوب كتير علشان ارجع من غيرها وهاخد كمان روحى علشان اطهرها هناك

المكان الثالث أطير لاسكندرية علشان نفسى اشوف البنت اللى حبيتها ولما هاخد هاخد معايا والدى ووالدتى علشان اخطبها
وهاخد معايا كمان أصدقائى احمد وهانى علشان اثبتلهم ان اللى يحب ما بيكرهش وعلشان يعرفوها كويس

وهكذا تنتهى الرحلة
سلام ونتقابل فى رحلة تانية



أهلا أهلا بالفارس العظيم ! ده كلام بجد ...لأن أحلامك فيها جرأة و شجاعة و قوة و جدية و صدق عالي جدا ماشاء الله

و ما حسيتش أبدا انك زودت في الإجابات ...بس أحلامك المجنونة طلعت عافلة جدا جدا

حلم 1 - حلم خطير جدا ...حلم الشهادة في سبيل الله بعد الجهاد كمان ... و فين ؟ في ساحة الأقصى ..ماشاء الله ربنا يديم عليك الروح دي بس قوللي : أصحابك ليهم نفس الحلم الجسور ده ؟ و لا انت عايزهم صحبة ليك بس ؟ ثم ّ ان في لسة مكان اضافي لو مافيش حد تاني ييجي معاك ( تحب تتنازل عنه لحد من الأعضاء هنا ؟ و لا تعرضه للبيع ...ايه تخيلاتك ؟)


حلم 2- حلم بديع جدا و جميل انك تفكر فيه من دلوقتي - ربنا يثبتك ان شاء الله - و الملفت جدا في كلماتك المميزة و الصادقة انك هتاخد معاك ذنوب ..لتذهب بلا رجعة ان شاء الله ...و روحك لتطهرها هناك ....الله مافيش أروع من كده بجد ...بيتهيألي دي أمنية لينا كلنا ..


حلم 3- حلم رومانسي جميل و فيه جدية و حب رائع و باتمنى إن الحبيبة الغالية دي تسمعك دلوقتِ و هي هتطير من الفرحة ...ربنا يحقق لك الحلم الجميل ده و يرزقك بالذرية الصالحة إن شاء الله

بس شكلك هتتغرم مصاريف شخص إضافي لأنك أخدت صديقين مع والديك في الرحلة الأخيرة دي ما تخافش بما أنها أحلام مجنونة فالحساب كام مليون كدة عالماشي معلش خليهم عالحساب

و بعدين فين التلات حاجات اللي هتاخدهم معاك ؟ يعني تروح كده بإيدك فاضية ؟


و ربنا يتمم بخير إن شاء الله يا أحمد الفارس

_________________




.
.
.
*** لــزيارة صــفـــحـــتــي ***


14 مايو 2009, 10:32 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


ريم كتب:
جمبل يا غادة ..حلم رائع يا رب يتحقق
إنتي دايما تخلينا نسافر في خيالنا أحلى الرحلات
أما عن رحلاتي
الرحلة الأولى:
فالأولى والتي أشتاق إليها كثيراستكون إلى السعودية بإذن الله..لأداء فريضة الحج ورؤية أروع ما في الوجود بيت الله الكعبة المشرفة ومكة والمدينة ,والطائف كمان... يا رب الحلم يبقى حقيقة...والتمتع بأروع رحلة في حياتي
وسيكون معي بالطبع زوجي وأولادي عبد الرحمن وحمزة
وسآخذ معي القرآن وكتاب أدعية وأذكار وكاميرا ديجيتال (وقلم ومدونة صغيرة)
الرحلة الثانية:
أهديها لأختي وزوجها وأولادها ليذهبوا للحج معانا ....لأن نفسي ربنا يكرمها وتحج هي كمان....يرزقنا جميعا بحج بيته الحرام
وطبعا هي اللي تختار هتأخذ إيه معاها...
الرحلة الثالثة:
أروح في مكان بعيد فيه بحر ووشلالات هادئة وخضرة وأشجار رائعة ومافهوش ناس..وما فهوش أي شيء يضايق وكل ما تقع عيني على حاجة ألاقيها جميلة..ز(تقريبا ده في الجنة بس!) اللهم ارزقنا الجنة ...لو تعرفي مكان كده احجزيلي فيه
آخذ معايا زوجي وأولادي
وهاخذ معايا القرآن و قلم وأجندة

وفيه رحلة رابعة من عندي ههديها لك مخصوص ..عشان الرحلات الرائعة والأحلام الجميلة اللي بتأخذينا فيها
جزاك الله خيرا أمتعتينا كثيرا



ريم الجميلة

واضح انك أسرية جدا و محبة - ماشاء الله - لزوجك و أبنائك ..جعلهم الله من الذرية الصالحة

رحلة 1- لمكة و المدينة و الطائف ...طبعا رحلة الحج أروع و أجمل رحلة ممكن نتمناها ..و صحبة جميلة طبعا ...بس قوليلي : ليه أخدتِ معاكِ
قلم ومدونة صغيرة ؟ بيتهيألي الأذكار و الأدعية مناسب و الكاميرا عشان الذكرى ...لكن هل هيكون فيه مجال للكتابة ؟ شكلك بتحبي الكتابة جدا ..في كل وقت و مكان !

رحلة 2 - جزاكِ الله خيرا ..تهادوا تحابوا ...روح جميلة جدا

رحلة 3 - وصف رائع لمكان ساحر ...بس كده مش هينفع : يعني مفروض الطيار تقوليله اسم المكان أو موقعه ..يعني مش هينفع تلفّوا بالطيارة لحد ما تلاقوا مكان بالمواصفات دي ! و ومافهوش ناس..وما فهوش أي شيء يضايق وكل ما تقع عيني على حاجة ألاقيها جميلة..؟ أهي دي الأحلام المجنونة و إلا فلا بس رائع انك تاخدي معاكي القرآن ...و قلم و أجنده؟ شكلك بتكتبي طول الوقت ( أمال فين الإنتاج ده ؟)

طبعا أنا سعيدة باستمتاعك ..الحمد لله ...بس في الرحلة الأولى أخدتِ 4 حاجات شخصية : يعني فيه وزن زائد يبقى كده الحساب : حوالي سبعميت تمنميت ..نقول : تسعميت ألف جنيه ممكن تقسيط


نورتِ الحلم الطائر المجنون بأحلام جميلة و رقيقة ...تعالي كل يوم

_________________




.
.
.
*** لــزيارة صــفـــحـــتــي ***


14 مايو 2009, 11:16 am
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


Ghadat2009 كتب:
فارس بلا جواد كتب:
القلم المبدع غادة تحياتى


اولاً احييك على الاحلام المجنونة دى واسمحيلى هزود فى الاجابات

المكان الأول اللى احب اطير له هو المسجد الاقصى علشان نفسى اموت فيه وهاخد معايا اصدقائى أحمد الدش وهانى السيد
وهاخد معايا 4 طوبات ارسم بيهم قبرى فى ساحات الاقصى وغير انى هاخد كمان سلاح الردع المصرى وهو معروف ومشهور


المكان الثانى اللى نفسى اطير له هو مكة نفسى احج وهاخد معايا والدى ووالدتى وهاخد معايا ذنوب كتير علشان ارجع من غيرها وهاخد كمان روحى علشان اطهرها هناك

المكان الثالث أطير لاسكندرية علشان نفسى اشوف البنت اللى حبيتها ولما هاخد هاخد معايا والدى ووالدتى علشان اخطبها
وهاخد معايا كمان أصدقائى احمد وهانى علشان اثبتلهم ان اللى يحب ما بيكرهش وعلشان يعرفوها كويس

وهكذا تنتهى الرحلة
سلام ونتقابل فى رحلة تانية



أهلا أهلا بالفارس العظيم ! ده كلام بجد ...لأن أحلامك فيها جرأة و شجاعة و قوة و جدية و صدق عالي جدا ماشاء الله

و ما حسيتش أبدا انك زودت في الإجابات ...بس أحلامك المجنونة طلعت عافلة جدا جدا

حلم 1 - حلم خطير جدا ...حلم الشهادة في سبيل الله بعد الجهاد كمان ... و فين ؟ في ساحة الأقصى ..ماشاء الله ربنا يديم عليك الروح دي بس قوللي : أصحابك ليهم نفس الحلم الجسور ده ؟ و لا انت عايزهم صحبة ليك بس ؟ ثم ّ ان في لسة مكان اضافي لو مافيش حد تاني ييجي معاك ( تحب تتنازل عنه لحد من الأعضاء هنا ؟ و لا تعرضه للبيع ...ايه تخيلاتك ؟)


حلم 2- حلم بديع جدا و جميل انك تفكر فيه من دلوقتي - ربنا يثبتك ان شاء الله - و الملفت جدا في كلماتك المميزة و الصادقة انك هتاخد معاك ذنوب ..لتذهب بلا رجعة ان شاء الله ...و روحك لتطهرها هناك ....الله مافيش أروع من كده بجد ...بيتهيألي دي أمنية لينا كلنا ..


حلم 3- حلم رومانسي جميل و فيه جدية و حب رائع و باتمنى إن الحبيبة الغالية دي تسمعك دلوقتِ و هي هتطير من الفرحة ...ربنا يحقق لك الحلم الجميل ده و يرزقك بالذرية الصالحة إن شاء الله

بس شكلك هتتغرم مصاريف شخص إضافي لأنك أخدت صديقين مع والديك في الرحلة الأخيرة دي ما تخافش بما أنها أحلام مجنونة فالحساب كام مليون كدة عالماشي معلش خليهم عالحساب

و بعدين فين التلات حاجات اللي هتاخدهم معاك ؟ يعني تروح كده بإيدك فاضية ؟


و ربنا يتمم بخير إن شاء الله يا أحمد الفارس


أشكرك لكلماتك يا غاة وبالنسبة للاستفسار الاول بالفعل انا حددت دول لان ليهم نفس الامنية وعلشان نبقى صحبة
بالنسبة للمكان الفاضى انا زودته تحت فى رحلة 3
حلم 3 بقى اعتقد انها هتسمعه وتقرأه كمان إن صحة توقعاتى

_________________


14 مايو 2009, 12:22 pm
الملف الشخصى Yahoo الموقع الشخصي
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


فارس بلا جواد كتب:

أشكرك لكلماتك يا غاة وبالنسبة للاستفسار الاول بالفعل انا حددت دول لان ليهم نفس الامنية وعلشان نبقى صحبة
بالنسبة للمكان الفاضى انا زودته تحت فى رحلة 3
حلم 3 بقى اعتقد انها هتسمعه وتقرأه كمان إن صحت توقعاتى


و اللهِ أنا كنت حاسة ! و أعتقد إنها عضوة جديدة و بتحب تكتب و مش بتعلق على أي كتابات ..كلامي صح ؟؟

اسمحلي بقى عايزة أقولها كلمه كده ..مش احنا لسة في الأحلام المجنونة ؟

"" على فكرة أحمد بيحبك جداااااا و بيحترمك و يقدرك جدا جدا ...و هو ممكن يتفهم غلط ساعات لكن طيب و شاريكي فعلا..

إزاي عرفت؟؟ كتير من كتاباته بتقول كده و بما إني أخته الكبيرة ..فيسعدني إني أفتن عليه

ربنا يهديكو لبعض ..و يوفقكوا لما يرضي الله يارب ...و يارب قريب نقول ألف مبرووووك و

_________________




.
.
.
*** لــزيارة صــفـــحـــتــي ***


14 مايو 2009, 12:36 pm
الملف الشخصى
أكاديمى نشيط
أكاديمى نشيط


مشاركات:
308
الحكمة المفضلة:
الفن الجميل لا يورث قبحا
حالة التأكيد:
كاتب موثوق و مؤكد هويته
 Re: هتروح فين و تاخد مين و إيه ؟؟


الزميلة الغالية غادة ... أشكرك علي فتح هذه الطاقة المضيئة من النور لتسمح لنا ولو بقليل من الحلم ... لي كلمة مأثورة كثيرا ما أرددها ... ان لم يكن من حقك الحياة فمن حقك أن تحلم بها .... أما عن المكان الشاغر في رحلة العمرة فقد كان محجوزا بالفعل لأمي رحمها الله وصدقا لم أستطع ترشيح بديل ... عفوا ... قد ارشح نفسي لأقوم بعمرة أهبها لروحها الطاهرة ... قلت لكم قبل كدا .. ما كانتش مجرد أم .. كانت وطن ... أما بالنسبة لخوفي علي أبنائي .. بالعكس هاخاف عليهم لو ما فهموش القضية صح .. لا زم يواجهوا الحقيقة بكل تفاصيلها وإلا ايه فايدة تربيتنا ليهم ... رسالة لا زم توصل ... بالنسبة بأه لشوية الهدوء المرتقبين علي سطح القمر .. بما اني أول واحد وصلت هناك أي طيارة هاتقرب هاحدفها بالطوب واللي خايف علي نفسه يبعد...
السيد فهيم


14 مايو 2009, 2:13 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 22 مشاركة ]  الذهاب للصفحة 1, 2, 3  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter