المواضيع التى لم يرد عليها | عرض المواضيع النشطة التوقيت الحالى 21 أكتوبر 2017, 10:37 am





الرد على الموضوع  [ 22 مشاركة ]  الذهاب للصفحة السابق  1, 2, 3  التالى

Share |


هتروح فين و تاخد مين و إيه ؟؟ 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


السيد فهيم كتب:
الزميلة الغالية غادة ... أشكرك علي فتح هذه الطاقة المضيئة من النور لتسمح لنا ولو بقليل من الحلم ... لي كلمة مأثورة كثيرا ما أرددها ... ان لم يكن من حقك الحياة فمن حقك أن تحلم بها .... أما عن المكان الشاغر في رحلة العمرة فقد كان محجوزا بالفعل لأمي رحمها الله وصدقا لم أستطع ترشيح بديل ... عفوا ... قد ارشح نفسي لأقوم بعمرة أهبها لروحها الطاهرة ... قلت لكم قبل كدا .. ما كانتش مجرد أم .. كانت وطن ... أما بالنسبة لخوفي علي أبنائي .. بالعكس هاخاف عليهم لو ما فهموش القضية صح .. لا زم يواجهوا الحقيقة بكل تفاصيلها وإلا ايه فايدة تربيتنا ليهم ... رسالة لا زم توصل ... بالنسبة بأه لشوية الهدوء المرتقبين علي سطح القمر .. بما اني أول واحد وصلت هناك أي طيارة هاتقرب هاحدفها بالطوب واللي خايف علي نفسه يبعد...
السيد فهيم


زميلي المتألق السيد فهيم العزيز

أنا من يشكرك جدا على مشاركتنا هذه المشاعر الرائعة لأمك أو من كانت لك وطنا ..اللهم أسكنها فسيح جناتك مع السفرة الكرام البررة
و بكل صدق ..فقد زاد جدا احترامي و تقديري لشخصكم الكريم بعد هذا الكلام العذب عن أمك الغالية رحمها الله ..و المكان الشاغر ..نعطّره لها بالمسك و العنبر و ندعو لها بالخير ..و مادام لها ولد صالح يدعو لها في الدنيا مثلك فهذا أمر رائع و إن شاء الله ترى هذا البر مردودا لك في أبنائك الأعزاء
و كمان رأيك في فهم الأبناء للقضية ممتاز ربنا يوفقك في الرسالة النبيلة دي

و طبعا بالنسبة للقمر ....مادام الموضوع فيه طوب ..أعتقد الطيران لهناك هيتعطل كتير لحد ما تخلص شحنة الطوب أو ... نبقى في آخر الشهر و القمر يختفي و تضطر تنزل للأرض زيارة

_________________




.
.
.
*** لــزيارة صــفـــحـــتــي ***


15 مايو 2009, 2:34 am
الملف الشخصى
أكاديمى نشيط
أكاديمى نشيط

الصورة الشخصية للعضو

مشاركات:
261
مشاركة Re: هتروح فين و تاخد مين و إيه ؟؟


بجد يا غادة انا بصراحة معجب جدا بمواضيعك الجديدة و الجميلة جدا و المفتكسة جدا و انا مش مع احمد فى انها افكار مجنونة هيا افكار جديدة و جميلة و يمكن قليلا جدا ان تخطر لنا على بال بجد تحياتى ليكى

اما بالنسبة لموضوع المكان انا بصراحة كان حلمى انا و انسانة فى قلبى
كان حلمنا الذهاب الى جزر هاواى نقضى هناك شهر العسل بس يا لا كل حاجة قسمة و نصيب و كويس عموما احنا عموما كان اخرنا السلوم هاهاهاهاهاهاهاهاهه


اما حاليا فانا حلمى انى اسافر الى فرنسا انا و صديقتين قريبتين من قلبى يمكن يتحقق الحلم و يمكن لا بس ده حلمى



و اشكرك على هذا الموضوع الجميل جدا و منتظر افكارك الجميلة و الجديدة و تحياتى ليكى

_________________
ابن مصر
على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------




15 مايو 2009, 2:26 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


وعليكم السلام ورحمة الله وبركاته
عدت لنا يا غادة بموضوع جميل كعادتك
الرحلة الأولى أختار أن تكون للأراضي المقدسة بالسعودية لزيارة مكة والمدينة ، وحيكون معايا زوجتي ووالدي ووالدتي وحاخد معايا خزان كبير أملاه بماء زمزم علشان لما أرجع أفضل أشرب منها قدر المستطاع
الرحلة الثانية تكون لبيت المقدس لأني دائما ما أدعو الله أن أصلي فيه ولو صلاة واحدة
الرحلة الثالثة تكون لقبر سيدنا خالد بن الوليد لأتذكر أمجاده وأدعو أمام قبره أن يرزقنا الله بسيف أخر من سيوف الله المسلولة على المشركين

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


15 مايو 2009, 10:23 pm
الملف الشخصى Yahoo الموقع الشخصي
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
 Re: هتروح فين و تاخد مين و إيه ؟؟


1- هتطلب تروح فين ؟ ليه ؟
2- هتاخد معاك مين؟ ليه ؟
3- هتاخد معاك إييه؟؟و ليه ؟
4- لو مش عايز تسافر : تتنازل عن الرحلات دي لمين ؟ و ليه ؟؟

فكرة هايلة جدا غادة و ربنا يرجعك بالسلامة لينا يا رب ........

اولا حطلب اروح فلسطين :

لاني عايزة اشوفهم هناك و اطمن عليهم بنفسي و اخفف عنهم شوية

ثانيا : حروح تركيا

طبعا اسطنبول لاني نفسي اشوف تركيا لانها بلاد جميلة جدا ...... و جمال الطبيعة يلهمك بحاجات كتييييييييير و يحسسك ان نفسك صافية و مفيش مشاكل و ان الدنيا حلوة

ثالثا حطلب اروح باريس لانها جميلة جدا ........ و حاسة اها بلاد الرومانسية ... و من زمان و انا بحلم اني اقابل فتى احلامي في بلد غير بلدي ....... خاصة باريس .........

و حاخد معايا :

سارة حبيبتي ( ماتت الكلمات حزنا في فمي ) لانها صديقتي الانتيم و لاني عارفة انها حتحب الاماكن اللي انا اختارتها ....... و لاني نفسي اسافر في رحلة مع صحابي

تاني حد ممكن آخده : امنية صاحبتي برضه الانتيم ....... و كمان صاحبة سارة ...... و لان احنا التلاتة متفاهمين مع بعض ....... و بنحب بعض جدا

تالت شخص بقى هو جيهان

و جيهان دي تبقى انا ......... نفسي آخد نفسي من نفسي شوية عشان اعيد ترتيب حساباتي و شخصيتي و مبادئي


و حاخد معايا :

اولا لاب توب ....... لانه فيه كل حاجة انا ممكن احتاجها بخصوص المعرفة و الموسيقى و القرآن ..... كل حاجة ممكن احتاجها فيه

ثانيا حاخد كتاب احسان عبد القدوس ( لا تطفيء الشمس )

ثالثا حاخد ورق كتيييييييييييييير و قلم طبعا عشان اسجل كل حاجة لحظة ب لحظة ....... و عشان اكتب اهداء ل سارة و امنية عليه ...... عشان يبقى ذكرى حلوة

لو ما سافرتش يبقى حدي تذاكر السفر

ل ماما : لانها حتحب فسحة زي دي

و برضه ل امنية و سارة عشان الاسباب اللي قلتها قبل كدة

_________________



16 مايو 2009, 10:46 pm
الملف الشخصى الموقع الشخصي
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


ابن مصر كتب:
بجد يا غادة انا بصراحة معجب جدا بمواضيعك الجديدة و الجميلة جدا و المفتكسة جدا و انا مش مع احمد فى انها افكار مجنونة هيا افكار جديدة و جميلة و يمكن قليلا جدا ان تخطر لنا على بال بجد تحياتى ليكى

اما بالنسبة لموضوع المكان انا بصراحة كان حلمى انا و انسانة فى قلبى كان حلمنا الذهاب الى جزر هاواى نقضى هناك شهر العسل بس يا لا كل حاجة قسمة و نصيب و كويس عموما احنا عموما كان اخرنا السلوم هاهاهاهاهاهاهاهاهه


اما حاليا فانا حلمى انى اسافر الى فرنسا انا و صديقتين قريبتين من قلبى يمكن يتحقق الحلم و يمكن لا بس ده حلمى


و اشكرك على هذا الموضوع الجميل جدا و منتظر افكارك الجميلة و الجديدة و تحياتى ليكى


ربنا يخليك يا محمد ..دايما تشجعني بكلامك الصادق الجميل جدا ...ربنا يكرمك



طبعا أول رحلة - طبعا مجنونة - بس جميلة : هاواي ليها طبيعة غير عادية و هتبقى جو رومانسي بديع ..و طبعا أحسن من السلوم شوية يعني و طبعا كل شيء نصيب و ربنا يرزقك بإنسانة ممتازة و تلاقي الطيارة على باب العمارة و الطيار بيقولك : جاهزين لـ هاواي ؟؟


بس انت لازم تاخد معاك 3 أشخاص (( شوف الغلاسة)) أو تتنازل للمكانين التانيين لأي حد

و كمان ماقلتلناش : هتاخد معاك ايه من حاجاتك الشخصية ؟؟ لازم تلات حاجات و بس !

و الرحلة التانية : لفرنسا ...يا عيني ع الأحلام ..و اشمعنى فرنسا ؟ و بعدين لازم تاخد معاك ثلاث أشخاص أو تكتب تنازل لحد معين ...و ابقو هاتولنا معاكو شوية كرواسان و جاتوه ماتنسوش !

و برضه ما أخدتش حاجات معاك ؟؟ لازم تاخد 3 حاجات شخصية و إلا الرحلة هتتلغي ! أديني قلتلك !

و الرحلة التالتة : الى ....فيييين؟؟ يعني مش عايز تسافر مكان تاني أبدا ؟طيب تبيعها؟ و لا تكتب تنازل لحد؟

مستنية باقي الإجابات بسرعة ....الطيارة هتطلع !!


_________________




.
.
.
*** لــزيارة صــفـــحـــتــي ***


19 مايو 2009, 12:21 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


محمد محمود كتب:
وعليكم السلام ورحمة الله وبركاته
عدت لنا يا غادة بموضوع جميل كعادتك
الرحلة الأولى أختار أن تكون للأراضي المقدسة بالسعودية لزيارة مكة والمدينة ، وحيكون معايا زوجتي ووالدي ووالدتي وحاخد معايا خزان كبير أملاه بماء زمزم علشان لما أرجع أفضل أشرب منها قدر المستطاع
الرحلة الثانية تكون لبيت المقدس لأني دائما ما أدعو الله أن أصلي فيه ولو صلاة واحدة
الرحلة الثالثة تكون لقبر سيدنا خالد بن الوليد لأتذكر أمجاده وأدعو أمام قبره أن يرزقنا الله بسيف أخر من سيوف الله المسلولة على المشركين


الله الله على الرحلات الرائعة

رحلة 1 - رائعة طبعا بكل المقاييس ..بس زيارة بتقصد بيها عمرة ؟ طيب ليه مش حج ؟ و لاّ حجيت و انت هناك ؟
صحبة والديك و زوجتك بالتأكيد روح جميلة جدا منك ...و الخزان الكبير اللي أخدته لمية زمزم فكرة راااائعة ..و لا تنسانا من صالح الدعاء و انت بتشربها إن شاء الله
بس فين الحاجتين التانيين ؟ مفروض تاخد 3 حاجات !

رحلة 2 - هتروح لوحدك بيت المقدس ؟ من غير صحبة ؟ بس الطيارة مش هتطلع الا لو أخدت تلات أشخاص و 3 حاجات ! فكّر تاني

رحلة 3 - رحلة مختلفة جدا ..بس ليه برضه لوحدك ؟ و بيتهيألي كلنا بندعي معاك نفس الدعوة ...اللهم آمين

في انتظار استكمال الصحبة و المتعلقات الشخصية

_________________




.
.
.
*** لــزيارة صــفـــحـــتــي ***


19 مايو 2009, 12:30 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


الحلم المستحيل كتب:


فكرة هايلة جدا غادة و ربنا يرجعك بالسلامة لينا يا رب ........

اولا حطلب اروح فلسطين :

لاني عايزة اشوفهم هناك و اطمن عليهم بنفسي و اخفف عنهم شوية

ثانيا : حروح تركيا

طبعا اسطنبول لاني نفسي اشوف تركيا لانها بلاد جميلة جدا ...... و جمال الطبيعة يلهمك بحاجات كتييييييييير و يحسسك ان نفسك صافية و مفيش مشاكل و ان الدنيا حلوة

ثالثا حطلب اروح باريس لانها جميلة جدا ........ و حاسة اها بلاد الرومانسية ... و من زمان و انا بحلم اني اقابل فتى احلامي في بلد غير بلدي ....... خاصة باريس .........

و حاخد معايا :

سارة حبيبتي ( ماتت الكلمات حزنا في فمي ) لانها صديقتي الانتيم و لاني عارفة انها حتحب الاماكن اللي انا اختارتها ....... و لاني نفسي اسافر في رحلة مع صحابي

تاني حد ممكن آخده : امنية صاحبتي برضه الانتيم ....... و كمان صاحبة سارة ...... و لان احنا التلاتة متفاهمين مع بعض ....... و بنحب بعض جدا

تالت شخص بقى هو جيهان

و جيهان دي تبقى انا ......... نفسي آخد نفسي من نفسي شوية عشان اعيد ترتيب حساباتي و شخصيتي و مبادئي


و حاخد معايا :

اولا لاب توب ....... لانه فيه كل حاجة انا ممكن احتاجها بخصوص المعرفة و الموسيقى و القرآن ..... كل حاجة ممكن احتاجها فيه

ثانيا حاخد كتاب احسان عبد القدوس ( لا تطفيء الشمس )

ثالثا حاخد ورق كتيييييييييييييير و قلم طبعا عشان اسجل كل حاجة لحظة ب لحظة ....... و عشان اكتب اهداء ل سارة و امنية عليه ...... عشان يبقى ذكرى حلوة

لو ما سافرتش يبقى حدي تذاكر السفر

ل ماما : لانها حتحب فسحة زي دي

و برضه ل امنية و سارة عشان الاسباب اللي قلتها قبل كدة


الله يسلمك يا قمر ...و دايما كلامك هو اللي هايل بجد

نيجي للرحلات :

رحلة 1 - فلسطين ؟ هايل جدا ...بس انتي قلتي هتاخدي معاكي سارة و أمنية ...ياترى هم بيشاركوكي نفس الحلم ده ؟

رحلة 2- تركيا الجميلة الطبيعة ( اوعي يكون السبب المسلسلات التركي اياها و ابطالها ! هازعل منك أوي ) يعني ايه اللي بيميز تركيا عن جمال لبنان أو المغرب و تونس مثلا ؟

رحلة 3 : باريس ..طبعا جميلة و أهلها رومانسيين ....بس انتي بتتمني فتى أحلامك فرنسي ؟ و لاّ مصري عايش في فرنسا ؟


بس بقى انتي اخترتي سارة و أمنية و ....انتِ ؟ يعني هتقعدي على كرسي في الطيارة و الكرسي اللي جنبه ...احم ... نفسك ؟ هو كلام جميل من ناحية فلسفية تأملية ...بس اللي هيشوفك بتتكلمي مع نفسك اللي في الكرسي ده هيفتكر ...انك ست العاقلين طبعا ! و عشان كده ...خليها في خيالك و قعّدي نفسك على ذراع الكرسي ..و لازم حد حقيقي يسافر معاكو ...ما ليش دعوة

و جميل جدا انك ممكن تتنازلي عن الرحلات لماما ...ربنا يخليهالك ..أكيد عسولة زيك

و اللاب توب مفهوم ...الورق ( اللي من غير قلم ده ) ظريف و ممكن تعملي صواريخ تتسلي في الرحلة

لكن اشمعنى رواية ( لا تطفيء الشمس ) في الرحلات الثلاثة ؟


تحياتي ليكي يا جوجو ( تغيير عشان احنا في الأحلام الجنونة ...على راحتنا في الجنان يعني )

_________________




.
.
.
*** لــزيارة صــفـــحـــتــي ***


19 مايو 2009, 1:02 am
الملف الشخصى
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


الله يسلمك يا قمر ...و دايما كلامك هو اللي هايل بجد flower1

نيجي للرحلات :

رحلة 1 - فلسطين ؟ هايل جدا ...بس انتي قلتي هتاخدي معاكي سارة و أمنية ...ياترى هم بيشاركوكي نفس الحلم ده ؟:?

رحلة 2- تركيا الجميلة الطبيعة ( اوعي يكون السبب المسلسلات التركي اياها و ابطالها ! هازعل منك أوي :( ) يعني ايه اللي بيميز تركيا عن جمال لبنان أو المغرب و تونس مثلا ؟ :?

رحلة 3 : باريس ..طبعا جميلة و أهلها رومانسيين ....بس انتي بتتمني فتى أحلامك فرنسي ؟ و لاّ مصري عايش في فرنسا ؟


بس بقى انتي اخترتي سارة و أمنية و ....انتِ ؟ يعني هتقعدي على كرسي في الطيارة و الكرسي اللي جنبه ...احم ... نفسك ؟ هو كلام جميل من ناحية فلسفية تأملية ...بس اللي هيشوفك بتتكلمي مع نفسك اللي في الكرسي ده هيفتكر ...انك :lol: ست العاقلين طبعا ! و عشان كده ...خليها في خيالك و قعّدي نفسك على ذراع الكرسي ..و لازم حد حقيقي يسافر معاكو ...ما ليش دعوة :(

و جميل جدا انك ممكن تتنازلي عن الرحلات لماما ...ربنا يخليهالك ..أكيد عسولة زيك flower1

و اللاب توب مفهوم ...الورق ( اللي من غير قلم ده ) ظريف و ممكن تعملي صواريخ تتسلي في الرحلة :lol:

لكن اشمعنى رواية ( لا تطفيء الشمس ) في الرحلات الثلاثة ؟ lost1


تحياتي ليكي يا جوجو ( تغيير عشان احنا في الأحلام الجنونة ...على راحتنا في الجنان يعني :lol: ) flower1


ازيك غادة مبسوطة اوي لانك بتعملي تواصل معانا كلنا بالشكل الجميل ده م11

اولا بالنسبة للرحلات فعلا سارة و ميمو بيشاركوني الحلم ده و نفسهم زيي يروحوا فلسطين .... و كان سبب من اسباب اختياري ل تركيا هو فعلا المسلسلا ت التركية ( ارجوكي ما تزعليش انا ليا وجهة نظر خاصة في الموضوع ده ابقى اقولك عليها بعدين ) ... بس فعلا بحب جمال تركيا بسبب انها جميلة في البحر و الجبال و الطبيعة انما لبنا تلاقيها جميلة في الجبال بس ..... فهمتيني ؟
كمان بالنسبة ل باريس انا عايزة يكون فتى احلامي مصري مسلم ...... بس لو لقيت المواصفات اللي في خيالي على شخص عربي او اجنبي مش حيبقى في مشكلة خاصة اذا كان عارف دين الاسلام كويس و متمسك بيه .....

ثانيا بقى بالنسبة للاشخاص انا كان قصدي اني حختار اتنين بس هما ميمو و رارا .... لكن لو لازم تلاتة يبقى حختار شخصية عامة و هي دعاء عامر لاني بحبها في الله جدا

ثالثا بانسبة للورق انا كتبت قلم على فكرة بس انت ما خدتيش بالك .... و بعدين هو انا اقدر استغنى عن قلمي يا غادة :cry:

بالنسبة للكتاب اللي اختارته هو لانه افضل كتاب قريته ..... و كل ما اقراه احس اني عايزة افتح صفحة جديدة مع الناس و مع نفسي و اني ممكن ابقى احسن و احقق اهدافي

رابعا بقى يا غادة و دي اهم حاجة هي اني بكره اسم جيهان جدا بالرغم من ان الناس كلها بتقولي انه حلو فبدات احبه شوية لكن بحب اسماء الدلع جدا زي جيجي ..... جوجو ....... جوجتي ....... جوجة ...... فياريت تندهيلي بالاسماء دي ...... طبعا اللي يعجبك منهم

خامسا مش حقولك غير مليووووووووووووووووووووووووووووووووووون احبك في الله م11 ب11

_________________



19 مايو 2009, 9:44 pm
الملف الشخصى الموقع الشخصي
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


1- هتطلب تروح فين ؟ ليه ؟
1.أول حاجة لو موسم حج هنروح نجح علشان لو الطائرة وقعت بينا لا قدر الله يبقى الواحد يموت تمام.
الأمر ما يسلمش برضه؛ هيمنجواي وقعت بيه الطائرة في افريقيا والطائرة اللي جت تنقذهم وقعت هي كمان..فالحاجات دي بتحصل لازم الواحد يحتاط.
2.انجلترا؛ علشان فيها أماكن وناس بحبها.
3.الصين؛علشان أشوف الناس دول بيعملوا إيه علشان يغروقنا بالسلع.
4.ولو ممكن كمان ياريت أروح السنغال؛ مش عارفة ليه..بس شفت فيلم تسجيلي عنها حسيت إنها مصر بالضبط فنفسي أروحها؟

2- هتاخد معاك مين؟

ماما وبابا وأحمد،..

ليه ؟
لأنهم ماما وبابا وأحمد طبعا.

3- هتاخد معاك إييه؟؟
1.كتب كثير2
.كاميرا فيديو وكاميرا صور فورية.
3.وكمان وسماعات.

و ليه ؟

علشان لو زهقت اسلي نفسي وكمان احتفظ بذكريات عن الرحلة.

4- لو مش عايز تسافر : تتنازل عن الرحلات دي لمين ؟ و ليه ؟؟

الشخص اللي هتنازله عن الرحلة مش محتاجها لأنه بيسافر على طول ومش محتاج للرحلة دي، فممكن اتنازل عنها لأختي دينا لأنها بتحب التغيير.

شكرا على الموضوع.ok11

_________________


03 يونيو 2009, 10:13 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هتروح فين و تاخد مين و إيه ؟؟


hopeless dream كتب:



ازيك غادة مبسوطة اوي لانك بتعملي تواصل معانا كلنا بالشكل الجميل ده م11

اولا بالنسبة للرحلات فعلا سارة و ميمو بيشاركوني الحلم ده و نفسهم زيي يروحوا فلسطين .... و كان سبب من اسباب اختياري ل تركيا هو فعلا المسلسلا ت التركية ( ارجوكي ما تزعليش انا ليا وجهة نظر خاصة في الموضوع ده ابقى اقولك عليها بعدين ) ... بس فعلا بحب جمال تركيا بسبب انها جميلة في البحر و الجبال و الطبيعة انما لبنا تلاقيها جميلة في الجبال بس ..... فهمتيني ؟
كمان بالنسبة ل باريس انا عايزة يكون فتى احلامي مصري مسلم ...... بس لو لقيت المواصفات اللي في خيالي على شخص عربي او اجنبي مش حيبقى في مشكلة خاصة اذا كان عارف دين الاسلام كويس و متمسك بيه .....


ازيك انتي يا جوجو العسولة ؟ معلش رد متأخر ..حاجة بسيطة يادوب أربع شهور و شوية :oops: flower1
بس انتي قلتيلي هتقوليلي وجهة نظرك في المسلسلات التركية و نسيتي .. أنا طبعا دلوقتِ ممن أخمّن انك شخصية رومانسية جدا و ده باين من كتاباتك الجميلة ... و أنا مش متابعة للمسلسلات التركي بس لمّا شغت كام حلقة من أكتر من مسلسل حسيت إنهم بيبالغو أوي و المبالغة دي أكيد تأثيرها مش حلة أبدا على الناس أو المشاهدين ... و ده طبعا مالوش علاقة بجمال تركيا الطبيعي بعيدا عن العلمانية و اللادين اللي هم فيه ...
و جميل انك تتمسكي بشرط التديّن في فتى أحلامك ... شرط رائع و أساسي clap1



hopeless dream كتب:
ثانيا بقى بالنسبة للاشخاص انا كان قصدي اني حختار اتنين بس هما ميمو و رارا .... لكن لو لازم تلاتة يبقى حختار شخصية عامة و هي دعاء عامر لاني بحبها في الله جدا

ثالثا بانسبة للورق انا كتبت قلم على فكرة بس انت ما خدتيش بالك .... و بعدين هو انا اقدر استغنى عن قلمي يا غادة :cry:

احم ...:oops: .. أخدت بالي دلوقتِ من القلم ..معلش يا جوجتي كنت بقرا بسرعة الظاهر و القلم استخبى مني س11

hopeless dream كتب:


بالنسبة للكتاب اللي اختارته هو لانه افضل كتاب قريته ..... و كل ما اقراه احس اني عايزة افتح صفحة جديدة مع الناس و مع نفسي و اني ممكن ابقى احسن و احقق اهدافي

رابعا بقى يا غادة و دي اهم حاجة هي اني بكره اسم جيهان جدا بالرغم من ان الناس كلها بتقولي انه حلو فبدات احبه شوية لكن بحب اسماء الدلع جدا زي جيجي ..... جوجو ....... جوجتي ....... جوجة ...... فياريت تندهيلي بالاسماء دي ...... طبعا اللي يعجبك منهم

خامسا مش حقولك غير مليووووووووووووووووووووووووووووووووووون احبك في الله م11 ب11


خليتيني نفسي جدا أقرا الكتاب ...للدرجة دي مؤثر و دافع ؟ إيه رأيك تعرضيه بأسلوبك الجميل المحفز على القراءة ده في قسم كتب و كتب ؟ ممكن ؟ :)

ليه بس بتكرهي اسمك ؟ أنا بحس انه اسم ملوكي جدا .. عالعموم أنا بحب أناديكي جوجو و جوجتي لأنك عسولة و تلقائية و متدينة ...روحك جميلة بجد :) flower1

تحياتي و تمنياتي بكل خير ليكي flower1 flower1 flower1

_________________




.
.
.
*** لــزيارة صــفـــحـــتــي ***


13 أكتوبر 2009, 3:06 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 22 مشاركة ]  الذهاب للصفحة السابق  1, 2, 3  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 3 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter