صفحة 1 من 1

تبقى مصيبه

مرسل: 26 مايو 2009, 8:09 pm
بواسطة fromayka
تفتكر لو صحيت مرة من النوم لقيت انك الانسان الوحيد السليم
والعالم كله اصم وابكم واعمى
تعمل ايه

وتتعامل ازاى مع الناس
و لو حبيت وحدة هتقولها ازاى
وتبقى ايه امنيتك لو اخترت امنيه واحدة بس
الله يكون ف العون

Re: تبقى مصيبه

مرسل: 26 مايو 2009, 8:47 pm
بواسطة حلا حسين
ولا مصيبه ولا حاجه دى احسن حاجه الناس كلمهم مش بيجيب غير وجع الدماغ س11
وبعدين مينفعش يسمعوا ويشوفوا ويتكلموا من غير احساس يبقى احسن يسكتوام11
وبنسبه للامنيه اللى هتمنها ان شخص واحد بس يفوق من الغيبوبه دى علشان نتكلم مع بعض ونشوف بعض ونسمع بعض بس يكون شخص عاقل وعنده خبره فى امور الحياه وصادق ومثقف وهذا يكفينى :)
فكره جميله واتمنى لك التوفيق great1

Re: تبقى مصيبه

مرسل: 26 مايو 2009, 9:00 pm
بواسطة نبضة...
يااااااااااااه...حلوه الفكره المجنونه دي..lol11
وانا بقى رايي من راي حلا...احسن حاجه في الدنيا ان الناس تبطل كلام..هيبقى الجو هاااااااااااااااادي..:lol:
ومفيش حد ينم على حد..ولا يجرح حد بالكلام..ولا اي حاجه من دي...
لكن انا زعلانه انهم مش هيسمعوا ومش بيشوفوا..:cry: ...مش عارفه هتواصل معاهم ازاي..
عشان كدا هتبقي امنيتي ان الناس ترجع طبيعيه تاني..تشوف وتسمع..اما بالنسبه للكلام بقى..نأجل رجوعه شويا..
اهو نستريح من الدوشه..لكن في الاخر نخليهم يتكلمو..احسن حرام علينا..:lol:
ميرسي علي الفكره الحلوه دي يا فرومايكاflower1

Re: تبقى مصيبه

مرسل: 28 مايو 2009, 6:21 am
بواسطة تنهيدة
جميلة مشاركاتك ياسماح فى قسم المناقشات والأحلام المجنونة... :)
بالنسبة لموضوع الناس كلها متبقاش بتتكلم ولا تسمع ولا تشوف ..ياخبر أبيض دى تبقى مصيبة كبيرة
يعنى مسمعش صوت الناس الا بحبهم وهم ميسمعونيش ولا يشفونى لالا دى بجد فكرة مجنونة متمناش ابدا
انها تحصل لان أنا بحب أسمع كل الا حواليا واحس بتواصلهم معايا ...بحب أسمعهم أكتر ما بكلمهم .. :?
أنا طبعا حاتمنى أن الناس ترجع زى ما كانت بس هاتمنى أكتر فى فترة غيابهم عن الدنيا يكونوا أتعلموا أن الكلام شىء مهم وأنهم لازم ميجرحوش حد بيحبوا بكلامهم ...وأن الدنيا فيها حاجات جميلة لازم نشوفها بعيون كلها أمل وأن غيابنا عن الحياة حيكون شىء صعب فالازم نحاول نغير من حياتنا ونخليها أجمل حياة ... :)
حبيت موضوعك ياسماح بس متمنتش الفكرة تتحقق خاااااااالص لا ممكن فى الفكرة دى الأطفال الصغيرة كمان يحصلهم نفس الا حيحصل للكبار وبصراحة أنا مقدرش أعيش من غير أطفال صغيرين فالحياة حتكون صعبة اوى :cry:
يشكرك ياسماح وفى أنتظار مواضيعك الجميلة دايما flower1 :)