صفحة 1 من 1

ينفع نعيش من غيرها ؟

مرسل: 26 مايو 2009, 9:04 pm
بواسطة حلا حسين

تخيلوا لو صحينا يوم من النوم و مكنش فى شمس والشمس غابت عن الدنيا هنعيش كده عادى ونكمل حتى لو كان فى اكل وماء وهواء وهنشتغل ازاى ونتعلم ازاى والناس اللى دائما بتشتكى من الشمس واضرارها كده هيرتاحوا طب والسماء هيبقى فيها ايه حد يرد عليه ينفع نعيش من غيرها ؟


Re: ينفع نعيش من غيرها ؟

مرسل: 26 مايو 2009, 9:27 pm
بواسطة نبضة...
thi1 فعلا تبقى حاجه غريبه يا حلا..
بس انا عن نفسي هبقي فرحانه جدااااااااااا .لاني فعلا الشمس عملالي مشكله في حياتي..
وكمان انا كائن ليلي..بحب اعمل كللللللل حاجه بالليل..كل حاجه بيبقى ليها طعم تاني.. :x
هو طبعا مش هنعرف نعيش من غيرها..لكن لو كملت الفكره المجنونه دي وقلتي ان كل حاجه مش هتتاثر بغياب الشمس..
فانا ابقى سعيييييده جدااااااااا:D ..وممنونه ليكي على الفكره الحلوه دي

Re: ينفع نعيش من غيرها ؟

مرسل: 28 مايو 2009, 4:05 am
بواسطة تنهيدة
لا طبعااااا مينفعش نعيش من غيرها دا نعمة كبير ربنا وهبه لينا ...وذكرها فى كتابه العزيز وأقسم به ...
أنا عن نفسى الشمس مهمه جداااا فى حياتى يكفى أنها بتنور لنا الدنيا وبتجدد نشاطنا أحنا لو عشنا من غيرها
أكيد الحياة تنتهى ...أزاى حنزرع الأرض أزاى حنستمتع بجمال الطبيعة والشمس فرشه نورها على الدنيا كلها ...
أحنا المفروض نحمد ربنا أن مصر دايما شمسها ساطعة ...فى كتير من دول العالم محرومة من نور الشمس معظم أيام السنة ...وأحنا بنضايق اوى لو مشينا شوية فى شمس الصيف وجالنا شوية صداع ....أعتقد الشمس مهمة لكل الناس ..وأكيد سارة حتغير على رايها لو أتحرمنا من الشمس يوم واحد بس عجبتنى أوى يارار موضوع كائن ليلى
ده :) ...انا عن نفسى بحب الليل والنهار بحب الشمس والقمر والنجوم وكل حاجة موجودة فى السما ....
بشكرك ياحلا على سؤالك ..وبمناسبة السؤال ده أنا كنت بكتب قصة عن الشمس للأطفال حول نفس الموضوع
لو الشمس غابت بس مكملتهاش بس أكيد حكملها مخصوص عشان أوضح لرارا أهمية الشمس فى حياتنا :) ..
بحيكِ ياحلا وبتمنالك كل خير وان الشمس تفضل منورة حياتك وحياتنا :) flower1 flower1

Re: ينفع نعيش من غيرها ؟

مرسل: 28 مايو 2009, 6:13 pm
بواسطة نبضة...
:lol: :lol: نهاد المحبة للطبيعة قفشتني...والله يا نهاد انا بحب كللللل حاجة خلقها ربنا..
وانا زيك بردو بمووووووووت في الطبيعة والاطفال..بس بجد الشمس عامله مشكله في حياتي.
وانا اعترفت يا نهاد وقلت ان الشمس حاجه مهمه جداااااا..ونعمه كبيره لازم نشكر ربنا عليها..
لكنه في النهاية مجرد حلم مجنون مش اكتر...وانا فعلااااا والله كائن ليلي..من وانا صغيرة بحب الليل..والطريق
فاضي..والناس نايمة..والهدووووء يعم المكاااااان..يمكن تكون حالة نفسية:? ..
:lol: بث بردو هقرا القثة بتاعتك..مثتنياها بفارغ الثبر يا طنط تنهيدة..عثان اعرف قيمة الثمث
..ومن هنا ورايح هقرا قثث الاطفال بتاعتك علي طووووول..baby11

Re: ينفع نعيش من غيرها ؟

مرسل: 29 مايو 2009, 3:51 am
بواسطة تنهيدة
ماتت الكلمات حزنا في فمي كتب::lol: :lol: نهاد المحبة للطبيعة قفشتني...والله يا نهاد انا بحب كللللل حاجة خلقها ربنا..
وانا زيك بردو بمووووووووت في الطبيعة والاطفال..بس بجد الشمس عامله مشكله في حياتي.
وانا اعترفت يا نهاد وقلت ان الشمس حاجه مهمه جداااااا..ونعمه كبيره لازم نشكر ربنا عليها..
لكنه في النهاية مجرد حلم مجنون مش اكتر...وانا فعلااااا والله كائن ليلي..من وانا صغيرة بحب الليل..والطريق
فاضي..والناس نايمة..والهدووووء يعم المكاااااان..يمكن تكون حالة نفسية:? ..
:lol: بث بردو هقرا القثة بتاعتك..مثتنياها بفارغ الثبر يا طنط تنهيدة..عثان اعرف قيمة الثمث
..ومن هنا ورايح هقرا قثث الاطفال بتاعتك علي طووووول..baby11


بجد يارارا موتينى من الضحك :lol: :lol: ...بس عايزة أسئل سؤال أيه المشكلة الا مسببهالك الشمس أوى كدا ....:?
بس تعرفى جو الهدوء الا بيكون فى الليل بجد ملفت جدا وبالذات لكاتبة جميلة زيك ...ومتخافيش مش حالة نفسية
ولا حاجة :)
وعشانك يارارا ياجميلة حكمل القصة عشان أنا بحب البنات الحلوين الا بتسمع الكلام ino1
بحيكِ ياسارة على روحك الجميلة وأنتظرى القصة قريب baby11

Re: ينفع نعيش من غيرها ؟

مرسل: 29 مايو 2009, 4:04 am
بواسطة حلا حسين
ياجماعه الموضوع مش مستاهل كل ده بس على فكره الدنيا لو مفيهاش شمس بس فيها ناس حلوين كده زيكم يبقى كفايه
انا اشكركم على كلمكم الحلو ده اوى اوى اوى :D

Re: ينفع نعيش من غيرها ؟

مرسل: 29 مايو 2009, 4:00 pm
بواسطة نبضة...
:lol: والله يا نهاد انتي اللي زي الثكرررررررررررررررر..
بالنسبة لسؤالك عن الشمس..انا يا ستي من يوم ما خلقني ربنا وانا عندي عقدة منها..
بيركبني ميت عفريت لما امشي في الشمس..عنيا حساسة منها جداااااااا..وبشرتي كمان..:cry:
وتلاقي الناس كلها في الصيف متنرفزة من الحر.ومش طايقين نفسهم..دا طبعا عيب الناس مش الشمس..:?
بس بردو مش بحب الشمس..لكن حبنا وكرهنا لحاجة او لحد عمره ما كان اعتراف بعدم قيمته..او تقديره..:)
وعلى فكرة طمنتيني انها مش حالة نفسية..:lol: دا كنت خلاص اعتبرت نفسي كائن مستذئب ولا حاجة وفي
الطريق لاقرب عيادة نفسية ..
وانا لثا مثتنية القثة يا طنط....ino1 بث بما اني بقى بنوتة ثاطرة وبثمع الكلام..:x عايزه مثاثة مع القثة


على فكرة يا حلا الموضوع حلوووووو قووووووووي فعلااااا ويستاهل..:)
وانتي اللي عثل والله عثل flower1

Re: ينفع نعيش من غيرها ؟

مرسل: 31 مايو 2009, 1:49 am
بواسطة CaPo NiGht PrinCe
الاول عاوز ااقول ان من النعم اللي ربنا انعمها بيها علينا هي الشمس ..


مهما لو كانت ليها اضرار فيها بجد عظيمه جدا لأن بيها شوفنا وعرفنا معنى النووور

والاجمل انها بتعبر عن معنى جميل اوي من معانى اسماء الله الحسنى وهي النور

وطبعا نور ربنا اعظم واعلى واجمل .... بس انا بحبها لانها تعبير ربانى اوجدو للأنسان

بل وانه سخرو للأنسان

وثانيا بحييكي على فكرتك الجميله ... وشكرا على موضوعك الرائع
flower1

Re: ينفع نعيش من غيرها ؟

مرسل: 31 مايو 2009, 2:57 pm
بواسطة Ghadat2009
يا سلام يا حلا على الأفكار المجنونة جدا ! بحييكِ على الجنان الظريف ده :)

ظريف لأن الإنسان دايما مش بيشوف النعم و لا بيحس بيها الا لو فقدها لا قدّر الله !

يعني الشمس دي حاجة عظيمة جدا لدرجة ان فيه ناس عبدوها في يوم من الأيام ! لكن الخالق الواحد القهار اللي خلقها أكيد خلقها لحكمة : مش بس نورها اللي بينور بشكل لا مثيل له في الدنيا و مش بس الحرارة اللي بتدفينا أو تحذرنا من الحرارة الأشد منها ...لكن ربنا خلق الليل و النهار ...الشمس و القمر و الأربع فصول لأن الإنسان دايما ملول و طماع ! يعني لو كل حياتنا ليل بكل ما في الليل من سحر و جمال و نسمات رقيقة ..بس برضه كنا هنزهق و نتمنى التغيير ...حتى لما بنكون في الشتا بتوحشنا الشمس جدا ..بنورها و دفاها و التفاؤل الخطير الللي بيشرق معاها كل يوم بعد الفجر

صحيح إني مش بحب أمشي كتير في الشمس في عز الصيف لكن بحس اني بحبها و بشكر ربنا على وجودها و على معناها

شكرا تاني يا حلا على فكرتك اللي بتخلينا نتفكر و نتأمل نعمة من نعم ربنا علينا flower1 flower1 flower1

Re: ينفع نعيش من غيرها ؟

مرسل: 31 مايو 2009, 4:17 pm
بواسطة محمد محمود
والله يا حلا رغم إن تخيلك صعب الحدوث لكنه ترك في نفسي أثر قوي جدا ً لأنه أخذني لتصور ثاني بخصوص الشمس ، فتخيلت لو صحينا يوم من النوم لقينا الدنيا ضلمة وفضلنا نبحث عن الشمس وكلنا ذعر وخوف ، وفجأة ظهرت الشمس بنورها لكن المرة دي ظهرت من جهة الغرب وقتها يغلق باب التوبة ويندم المذنبون حين لا ينفع الندم ، وقتها " لا ينفع نفسا ً إيمانها لم تكن آمنت من قبل أو كسبت في إيمانها خيرا ً " يعني ببساطة تخيلت ده لابد له من يوم يحدث فيه لكن الضلمة مش حتطول حتظهر الشمس ثاني بس من حيث لم نتوقع ، وده مفترض إننا الآن في إنتظاره لأن علماء الدين يؤكدون أن العلامات الصغرى للساعة ظهرت ، وأننا في إنتظار أول العلامات الكبرى وهي خروج الشمس من المغرب . فلنستعد لذلك اليوم