المواضيع التى لم يرد عليها | عرض المواضيع النشطة التوقيت الحالى 16 يوليو 2018, 10:34 am





الرد على الموضوع  [ 15 مشاركة ]  الذهاب للصفحة 1, 2  التالى

Share |


تيجى نعترف 
الكاتب رسالة
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة تيجى نعترف


انا جتلى فكرة
كلها كام يوم وتنتهى سنة 2008 وتبتدى سنة 2009فأنا شايفة أن كل واحد فينا لازم يغير من نفسة ولو بتغير جزء بسيط من سلبياتة ويعترف قدامنا وقدام نفسة بعيب من عيوبة بس يكون مكرر ان يغير العيب ده....دى أول حاجة اما التانية وهو اننا نعترف بخطأ واحد من الأخطاء الا ارتكبناه السنة دة فى حق نفسنا أو فى حق ناس تانية ودة تكون أول خطوة فى تصحيح الخطأ دة ....أما أخر حاجة فكرت فيها وهو أجمل شىءتكون قدرت تعمله السنه دى تكون أسعد بية نفسك أو أسعدت بية حد بتحبه أوى انا خلصت لالا لسه انا كمان عايزاكم تعترفو بأكتر شخص أثر فى حياتكو السنه دى وكان محور اهتمامكو اهو منها نعرفه ومنها تقدر انت تشكرة أنا مستنيه اعترافاتكو وأنا أوعدكو انى أعترف بالحقيقة سلام

_________________


25 نوفمبر 2008, 2:56 am
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: تيجى نعترف


موضوع أجمل من اللى فات...وعلى فكرة أجمل من الموضوع نفسه عنوانه....تيجى نعترف...وانا عشان اعجابى بالعنوان وبالفكرة هأعترف بكل صراحة ....
عيب لازم اصلحه....هو العيب الوحيد اللى شايف انى لازم اصلحه هو انى لما بحب بحب أوى وبالتالى لما بنجرح وبكره...بكره أوى على قد ماكنت بحب...وده كنت فاكره ميزة فى الأول لكن وضحلى السنة اللى فاتت بالذات انه عيب كبير...يعنى المفروض لما انجرح الحب على الأقل يروح...مش اكره...وان شاء الله أحاول اصلح العيب ده.....
الخطأ الوحيد اللى ارتكبته السنة دى انى صدقت ولو لفترة قليلة ان بنت ممكن تحب ولد من أول نظرة كده من غير مصلحة شخصية......والحمد لله صلحت الخطأ ده بسرعة...
الحاجة الوحيدة اللى قدرت اسعد بيها حد بحبه هى إنى دخلت أمير هنا الأكاديمية وبعدها اتفتح قسم الأطفال عشان يلاقى مكانه الخاص بيه هنا يكتب فيه بكل حرية...وبدل ماكان بيستغل ذكاؤه فى ألعاب الكمبيوتر بقى بيكتب عن كل حاجة وبقى كمان بيستغل انه بيحب التصميم والفوتوشوب وبيهدى صور و توقيعات للناس اللى حبهم هنا فى الأكاديمية وده معناه انه اتعلق بالأكاديمية وأعضائها...وكفاية انى دايما الاقيه فاتح الموقع وبيقرا كل المواضيع...ده لوحده يسعدنى قبل مايسعده....
نيجى لأخر حاجة وأصعب حاجة....مين أكتر شخص أثر فى حياتك السنة دى....بكل صراحة....راجعت كل ذكريات السنة دى من أولها مالقتش ولاشخصية أثرت فيا...الاحديثا جدا يعنى مع بداية الأكاديمية..وأعضائها...أحمد وهمسه تحديدا...وبكل صراحة زى ما اتفقت انى هأعترف....أنتى أكتر شخصية أثرت فيا السنة دى ياتنهيدة....تحديدا وأكتر من كل الأشخاص اللى مرو فى حياتى السنة دى....من كل النواحى...يعنى صادقة...مهذبة...بتحبى مصر أوى... وطورتى كتابتك من ( حلم برئ ) أول عمل جميل ليكى هنا....لحد روايتنا سوا ( حب بلا وطن ) اللى هى أساسها فكرتك وإحساسك أولا قبل ماتكون كتابة مشتركة بينا...وبجد حد بالقوة والإصرار وكمان الإحساس وحب الكتابة بالطريقة دى انا افخر انى اشترك معاها فى رواية واحدة وفى أكاديمية واحدة....وبكل صراحة أقول انك الشخصية المميزة اللى أثرتى فى حياتى السنة دى بشخصيتك المصرية المميزة....
خلصت جلسة الإعتراف....مستنى بقى باقى الأعضاء كلهم ومستنيكى ياتنهيدة....وبجد بحييكى على موضوعك الجميل ده لأن أى حد بيبقى محتاج لوقت يقول كل عيوبه وكل احساسه بصراحة

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



25 نوفمبر 2008, 9:27 pm
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: تيجى نعترف


اية الأعترافات الجامدة ديه ياوليد بحيك بجد على صراحتك وكنت عايزه اشكرك انك اخترتنى من الشخصيات الاأثرت فى حياتك وكنت عايزه ققولك انك أنت اكيد مؤثر فى حياة كل الاحواليك ومؤثر كمان بكتاباتك وارئك فى كل عضو من أعضاء الأكاديمية لانك بجد عضو فعال جددددددددا انا عن نفسى بعترف انك بأرئك خلتنى أكتب أحسن فأنت فعلا أهم شخصية أثرت بتفكرها واسلوبها الرائع فى الكتابة فى حياتى بشكرك يافنان
أنا كنت عايزه اعترف بحاجات كتير لكن حقول اهمها ... انا بجد نفسى اغير عيب من عيوبى مأرق حياتى وهو انى لما بحب باجى على نفسى لأقصى درجة مع كل الناس سوا اصدقائى اهلى كل الناس وطبعا الناس بتفكر ان ده ضعف وانا مبحبش حد يقول عليه ضعيفة ممكن تقوله ان ده مش عيب لكن صدقونى ده عيب خطير جدا لازم الانسان يكون متوازن فى كل شىء فى حياتو ...
اما الخطأالا ارتكبته هو انى دخلت نفسى فى مشكلة ماليش فيها وده سسببلى مشاكل كتير لكن الحمد لله قدرت اصلح الخطأ...
اما شىء اسعدت بيه حد بحبه بصراحة واللهى انا ديما بحب أسعد كل الناس وعملت حاجات كتير اسعدت بيه اهلى واخواتى واصحابى لكن انا حقولكم حاجة اسعدت بيه نفسى ودة مابيحصلش كتير واللهى وهو وجودى معاكو هنا فى الأكاديمية دة أكتر شىء اسعدنى...
انا كمان عايزة اعترف بحاجة وهى انى بحب مصر اوى ونفسى اعمل عشانها حاجة وبحب الناس المخلصين جدا وبحب اكاديميتا اوى اوى وبحب كمان كتابات وليد جدا وبشكرة على رايه فيه ورايك ده هو نفس راى فيك انت شاب بيحب مصر قوى بتمنى ان ربنا يوفقك.مستنية باقى اعترافتكوا سلام

_________________


25 نوفمبر 2008, 11:02 pm
الملف الشخصى
مشرفة قسمى الشعر, كلام فى الحب

الصورة الشخصية للعضو

مشاركات:
119
مكان:
مصر
الإسم الحقيقى:
آيه الشحات أحمد
الحكمة المفضلة:
اطلبوا اللعلم من المهد الى اللحد
حالة التأكيد:
كاتب موثوق و مؤكد هويته
مشاركة Re: تيجى نعترف


موضوع جميل اوى ياتنهيده وبيجمع اعضاء الاكاديميه كلهم بحييكى عليه
اما انا بقى فهعترف بحاجات لاول مره والله اصرح بيها لحد .....اول حاجه هى العيب اللى فيه واتمنى انه يتغير هو انى خجوله جدا جدا جدا جدا لوحد قاللى اى حاجه ممكن وشى يحمر واغرق فى شبر ميه وكمان حساسه اوى اوى اوى واقل حاجه ممكن تخلينى ازعل وابكى ودى حاجه عايزه اتخلى عنها بس مش قادره ياريت لو عندكم الحل قولو لى .
تانى حاجه الخطا اللى ارتكبته فى حق نفسى هو انى حبيت بجد من غير كدب شخص ما يستاهلش منى كل الحب اللى اديته له وده كان اكبر غلط فى حق نفسى واللى بيعذبنى اوى. والحمد لله بحاول اتخلى عن الحب ده.
الحاجه الثالثه بقى وهى ايه اللى عملته السنه دى اسعد غيرى هى انى جبت تقدير عالى فى الكليه السنه دى وده اسعد بابا وماما جدا ودول اكتر حد يهمنى فى الدنيا.
الحاجه الرابعه وهى مين اكتر شخصيه اثرت فيه واللى بتاثر فيه على طول هى بابا اللى مبحبش حد قده فى الدنيا دى كلها دايما هو صديقى اللى بستعين بيه فى كل شىء بعمله وبجد والله اكتر ناس اثرت فيه تانى هما فى الاكاديميه واللى بحب اسمع رايهم فى اى حاجه بكتبها هما وليد ونهاد واللى بستفيد منهم كتير اوى اوى
انا كده بقى خلصت بس ياريت تقولو لى حل فى العيب بتاعى

_________________
همسه


25 نوفمبر 2008, 11:23 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: تيجى نعترف


شكلك حلو يا أية وأنتى على كرسى الإعتراف...قومى بقى
على فكرة موضوع الخجل ده انا شايفه فى رأيى الشخصى ميزة مش عيب....لأنى واحد من الناس بكل صراحة مش بحب البنت الجريئة جدا يعنى فى كلامها وأسلوبها...بحس انى قدام واحد صاحبى مش بنت بس طبعا الخجل ده يكون وحش فى حالة واحدة إذا كان خجل هيضيع حقك أو يخليكى ما تقوليش الحقيقة...أو زى الخجل اللى انتى اتكلمى عليه ياتنهيدة...انك تحبى فتيجى على نفسك...ده ممكن يكون نوع من الحب وكمان نوع من الخجل... وده الخجل اللى مكروه...ولازم تحاول أى بنت انها تتخلص منه....
انما الخجل التانى...بجد نصيحة يا أية ماتحاوليش تتغيرى...

وبشكرك يا أية على كلامك الجميل وبشكر تنهيدة كمان على رأيها فيا وانا سعيد انك بتحبى كتابتى زى ما انا بحب كتابتك وبحترمها

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



25 نوفمبر 2008, 11:41 pm
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: تيجى نعترف


حلوة ياوليد حكاية كرسى الأعتراف دة
بصى يأية الحياء شعبة من شعب الأيمان وانا شايفة انا البنت المحترمة زينتها فى حيائه لكن انا فهمة انتى بتتكلمى على ايه انت عايزة تكونى قوية وتقدرى تتحملى المواقف وتكونى جريئة بس فى حدود احترامك كابنت صدقينى ياهمسة انتى فعلا عاملتى كدة بدخولك للأكاديمية هنا قدرتى تعبرى عن رايك وتقولى احساسك ودة اول خطوه ...
اما أنا ياوليد مش باجى على نفسى عشان بكون خايفة ققول لا او مكسوفة انا عشان بحب الناس بحب ققدملهم كل حاجة ومبلقيش تقدير من الناس وهو ده عيبى انى مش عارفة اتغير واكون وسطية
انا عايزه اعرف اعترافات مريم وخالد واحمد وباقية الأعضاء

_________________


26 نوفمبر 2008, 12:03 am
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: تيجى نعترف


طب بس سؤال ياتنهيدة صغير بإعتبارك أنتى صاحبة الموضوع...ممكن قبل مامريم تيجى نكهرب كرسى الإعتراف

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



26 نوفمبر 2008, 12:12 am
الملف الشخصى
أكاديمى فعال
أكاديمى فعال


مشاركات:
29
مكان:
مصر
الحكمة المفضلة:
اذا لم تستطع الامتناع عن خطأ فلا تمتنع عن صواب
مشاركة Re: تيجى نعترف


بجد ياتنهيده موضوع حلو اوى وفكره جامده موت
جميل انى الواحد يعترف بأخطاءه ويغير من نفسه
وانا عن نفسى اكتر عيب فيه مضايقنى وهاموت واغيره
انى لما بتعلق بحاجه باتعب اوى لما غصب عنى بأضطر اسيبها
ومش قصدى الحاجه دى تكون بنت وبس لأ الحاجه دى اماكن00صحاب
احاسيس باحسها فى جو معين00رياضه كنت بأمارسها وسيبتها وبرده
بنت كنت باحبها وسيبنا بعض كل الحاجات دى لفتره سسببت ليه مشكله

اما الغلطه اللى عملتها السنه دى هى انى عملت حاجه انا عارف انها هاتزعل
حد غالى عليه وبرده عملتها وخبيت عليه ومن بعدها خدت قرار انى عمرى ما هعمل كده تانى


واكتر حاجه كنت راضى فيها عن نفسى انى قدرت اغير قلبى واحب اللى يستاهل انى احبه

واكتر حد غير فيه السنه دى هى خطيبتى الى غيرت حجات وحشه فيه من غير قصد

وبكده اكون فضحت نفسى عالأخر وربنا يسامحك يا تنهيده ويسترها معايا

_________________
خالد محمد عزب


26 نوفمبر 2008, 12:28 am
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: تيجى نعترف


أنا مش ممكن طبعا ياوليد اكهرب كرسى الآعتراف لمريم عشان دى حبيبتى استنا لما تعترف
ياعم خالد ولا فضايح ولا حاجة ده بس صراحة غالية منك على فكرة ياخالد انا كمان مبناش بسرعة الحاجات الا بحبة عجبنى اوى انك بتعترف بدور خطيبتك فى حياتك صراحة اعتز بيها شباب كتير مابترضاش تعترف بدورنا فى حياتهم بشكرك ياخالد على صراحتك

_________________


26 نوفمبر 2008, 1:04 am
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: تيجى نعترف


نعترف بأيه ولا بأيه اذا كانت الحياة كلها غلط والحسنة الوحيدة فيها هو أنا نفسى اعترف بس اعترافى عايز موضوع

_________________


26 نوفمبر 2008, 12:34 pm
الملف الشخصى Yahoo الموقع الشخصي
عرض المشاركات السابقة منذ:  مرتبة بواسطة  
الرد على الموضوع   [ 15 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter