صفحة 1 من 1

بيت للقطط

مرسل: 24 يونيو 2009, 11:07 pm
بواسطة rawan432
انا حلمى مش غريب قوى ونفسى فعلا احققه
يبقى عندى بيت كبير للقطط وفيه جنينة كبيرة قوى
ومش اى قطط انا بحب القطط المصرية وبس
عشان شقية وذكية والونها مختلفة
يا ترى انا كده مجنونة
؟؟؟؟؟؟؟

Re: بيت للقطط

مرسل: 25 يونيو 2009, 1:47 am
بواسطة ابن مصر
لا هو مش حلم مجنون ولا حاجة يا روانا بس معلومة جديدة ان القطط المصرية تختلف عن اى قطط اخرى و عايزة بيت كامل للقطط ممكن تحققى الحلم ده بس تعرفى حلمى انا ايه؟.... ابنى بيت لكل مواطن تم ازالة بيته و عايش فى خيم الايواء( حلم مجنون صح)



اشكرك على مشاركتنا حلمك و اتمنى ان تحققيه
ok11

Re: بيت للقطط

مرسل: 25 يونيو 2009, 12:39 pm
بواسطة rawan432
حلمك اجن من حلمى قال بت لكل مواطب بيته وقع طب قول حجرة اتين متر على قد الحلم اقولك خلى القطط فى الشارع احسن اهو الشارع ارحم بيها على الاقلل تاكل الزبالة الى مش لاقيه دلوقتى خنزيرياكلها وبقت مليه البلد

Re: بيت للقطط

مرسل: 25 يونيو 2009, 8:36 pm
بواسطة محمد محمود
هو مش حلم مجنون ولا حاجة
وأنا معاكي إن القطط من ألطف الحيوانات وأكثرها لعبا ً ومرحا ً baby11
بس لي رجاء وهو إنك تاخدي بالك منهم ومتعرضيهمش للبرد علشان ما تجيلهمش إنفلونزا ok11
كفاية علينا اللى جاه للخنازير والكتاكيت ربنا يستر على القطط :lol:
الحكاية مش مستحملة أي نوع جديد من الإنفلوانزات huh1
سترك يا رب

Re: بيت للقطط

مرسل: 26 يونيو 2009, 12:47 am
بواسطة Ghadat2009
إزيّك يا روان ؟ اسمك جميل على اسم نهر في الجنّة flower1

ده مش حلم مجنون و لا حاجة ...دانتي ست العاقلين س11

بس ..عايزة أقولّك خبر كده كنت سمعته من سنين ...

كان فيه واحدة بتحب القطط جدا ..و كانت بتربي عندها أنواع منهم و عايشة معاهم لوحدها ... و فضلت سنيييين تعتني بيهم

و في يوم من الأيام .. كانت تعبانة شوية ...فاتأخرت في إطعامهم ...و بما أن القطط غدّارة (( حقيقة علمية )) فهاجموا السيدة المسكينة و هيّ نايمة أو مستلقية ...و بدؤوا "" يأزأزو فيها "" كنوع من التصبيرة !! الحكاية دي حقيقية !

أنا رأيي تغيري القناة في الحلم .. و تخليهم قطط آلية :lol: عالأقل مش هياكلوكي لو جوّعتيهم

ملحوظة أخيرة : أول مرة أقابل حد معجب بالقطط المصرية مش الشيرازي و لا السيامي أو الرومي ...و ده يدل على وطنيتك و حبّك لبلدك !

تحياتي ليكي و ....لأحلامك اللي مش مجنونة .... flower1

Re: بيت للقطط

مرسل: 26 يونيو 2009, 3:22 am
بواسطة rawan432
ازازوهااااااااااااااااااااااااااااااااااااااااااااااااااا\
\لا بتهرجى انا قططى مش وش كده
هما بس مرة واحدة صحبتى جت تزورنى فضلوا يجروا وراها من مكان لمكان وهى تصرخ وفى الاخر قالت لكل صحابنا ده عندها وحوش مش قطططططططططططط ههههههههههه\\

عموما بصى على عكس الاعتقاد تربية القطط بتعطيك مناعة مش بتجبلك امراض طالما بتهتمى بالتطعيمات\

وفيه حديث عن الرسول عليه الصلاة والسلام فيما معتاه انها ليست نجسة

انا فعلا مجنونة بالقطط والقطط المصرية ههههههههه وبس تحسى كده انها مش مدللة ولا مرفهة زى بقيت قطط العالم زيها زى الانسان المصرى كده عنده كل حاجة ومخدش ولا حاجة\
عنده نيل وبحرين مش بحر واحد ويوم ما يقول صيف راح اسكندرية لو طول شوية الساحل الشمالى ورحلى العمر بقى مرسى مطروح
لكن قليل الى راح كاترين ولا شرم ولا الغردقة -ملحوظة مرة سافرت الغردقة من برلين -الغردقة-برلين اتكلفت طيران 500 ج ولما سافرت القاهرة -الغردقة القاهرة اتكلفت 700 ج متسالنيش ليه؟؟؟؟؟؟؟ظ

نكمل بقى قصة حال القطط والمصرى طب احنا عندنا بترول والبنزين بياخد ربع المرتب على الاقلل اومال لو مكانش عندنا ؟؟؟؟؟؟؟؟؟؟؟؟

وحاجات تانية كتير خلتنينى اخرج بره القطط مو موووووووووووووووووووووو

Re: بيت للقطط

مرسل: 26 يونيو 2009, 3:31 am
بواسطة rawan432
عزيزى محمد محمود ثبت علميا ان لسن القطط بمقارنته بلسان الانسان يحمل نصف الجراثيم الذى يحمله الانسان يعنى الواحد يخلى باله من صحته عشام ميعديش المشاكين دول\

غير ان قصة الحنازير ده قصة تانية لان الخنزير فى حد ذاته معمل انتاج فيروسات\

موضوع انفلونزا الخنازير نسبة الوفيات فيه 1% والانفلوزنزا العادية 5% انا لا اقلل من خطورة المرض لكن ربما هناك ترويج لدواء معين\

ولكن الخوف كل الخوف من تطور الانفلونزا وتحورها\\

ليه فكرتينى الموضوع ده قتل السياحة والدنيا بقت تنش ومفيش شغل ولو فضل الحال كده كتير هيبقى عندنا اكتر من موضوع انفلونزا او طاعون
الناس مش هتلاقى تاكل وهتحصل ثورة جياع وما ادراك ماهى ثورة الجياع
ندعو الله بالستر

Re: بيت للقطط

مرسل: 27 يونيو 2009, 3:15 pm
بواسطة تنهيدة
أهلا بيك ياروان فى بيتنا الجميل م11
برحب بيك وبحلمك المقطط ده ... بس واضح فعلا انك بتعشقى القطط لانك دراسه عنهم كل حاجة ...
بس أنصحك تفكرى فى كلام غادة دا كدا الموضوع بئة خطر ...بس بصراحة ياروان أنا مش بحب القطط خالص
وللآسف بخاف منهم جداااااا بحب أتفرج عليهم من بعيد بس لكن أنى ألمسهم دا مستحيل .. :?
وفعلا أول مرة أشوف حد يحب القطط المصرية بس جميل أن يكون حلمك مصرى بالشكل ده ....
يارب يتحقق حلمك ياروان ... :)
وأنا عن نفسى بشارك محمد حلمة وبتمنى فعلا أنه يتحقق وان يكون لكل مواطن مصرى بيت يعيش فيه
بيت ينفع يعيش بشر ....
بشكرك ياروان لانك شاركتينا حلمك ومعنى انك شاركتينا فى أحلامك يعنى أصبحتى من أهل البيت ...
أتمنى لكِ التوفيق :) flower1