تيجى نعترف

فكرة غير تقليدية؟ أحلام تبدوا مستحيلة؟ هل تعرف أن أعظم المشاريع والإبتكارات فى العالم بدأت بمجرد فكرة جديدة, مختلفة و مجنونة؟ دعونا نفكر ونحلم...أحلام مجنونة...

المشرفون: محمد محمود،المهاجر

تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

تيجى نعترف

مشاركة بواسطة تنهيدة »

صورةانا جتلى فكرة
كلها كام يوم وتنتهى سنة 2008 وتبتدى سنة 2009فأنا شايفة أن كل واحد فينا لازم يغير من نفسة ولو بتغير جزء بسيط من سلبياتة ويعترف قدامنا وقدام نفسة بعيب من عيوبة بس يكون مكرر ان يغير العيب ده....دى أول حاجة اما التانية وهو اننا نعترف بخطأ واحد من الأخطاء الا ارتكبناه السنة دة فى حق نفسنا أو فى حق ناس تانية ودة تكون أول خطوة فى تصحيح الخطأ دة ....أما أخر حاجة فكرت فيها وهو أجمل شىءتكون قدرت تعمله السنه دى تكون أسعد بية نفسك أو أسعدت بية حد بتحبه أوى انا خلصت لالا لسه انا كمان عايزاكم تعترفو بأكتر شخص أثر فى حياتكو السنه دى وكان محور اهتمامكو اهو منها نعرفه ومنها تقدر انت تشكرة أنا مستنيه اعترافاتكو وأنا أوعدكو انى أعترف بالحقيقة سلامصورة
صورة
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: تيجى نعترف

مشاركة بواسطة الأمير الحائر »

موضوع أجمل من اللى فات...وعلى فكرة أجمل من الموضوع نفسه عنوانه....تيجى نعترف...وانا عشان اعجابى بالعنوان وبالفكرة هأعترف بكل صراحة ....صورة
عيب لازم اصلحه....هو العيب الوحيد اللى شايف انى لازم اصلحه هو انى لما بحب بحب أوى وبالتالى لما بنجرح وبكره...بكره أوى على قد ماكنت بحب...وده كنت فاكره ميزة فى الأول لكن وضحلى السنة اللى فاتت بالذات انه عيب كبير...يعنى المفروض لما انجرح الحب على الأقل يروح...مش اكره...وان شاء الله أحاول اصلح العيب ده.....صورة
الخطأ الوحيد اللى ارتكبته السنة دى انى صدقت ولو لفترة قليلة ان بنت ممكن تحب ولد من أول نظرة كده من غير مصلحة شخصية......والحمد لله صلحت الخطأ ده بسرعة...
الحاجة الوحيدة اللى قدرت اسعد بيها حد بحبه هى إنى دخلت أمير هنا الأكاديمية وبعدها اتفتح قسم الأطفال عشان يلاقى مكانه الخاص بيه هنا يكتب فيه بكل حرية...وبدل ماكان بيستغل ذكاؤه فى ألعاب الكمبيوتر بقى بيكتب عن كل حاجة وبقى كمان بيستغل انه بيحب التصميم والفوتوشوب وبيهدى صور و توقيعات للناس اللى حبهم هنا فى الأكاديمية وده معناه انه اتعلق بالأكاديمية وأعضائها...وكفاية انى دايما الاقيه فاتح الموقع وبيقرا كل المواضيع...ده لوحده يسعدنى قبل مايسعده....صورة
نيجى لأخر حاجة وأصعب حاجة....مين أكتر شخص أثر فى حياتك السنة دى....بكل صراحة....راجعت كل ذكريات السنة دى من أولها مالقتش ولاشخصية أثرت فيا...الاحديثا جدا يعنى مع بداية الأكاديمية..وأعضائها...أحمد وهمسه تحديدا...وبكل صراحة زى ما اتفقت انى هأعترف....أنتى أكتر شخصية أثرت فيا السنة دى ياتنهيدة....تحديدا وأكتر من كل الأشخاص اللى مرو فى حياتى السنة دى....من كل النواحى...يعنى صادقة...مهذبة...بتحبى مصر أوى... وطورتى كتابتك من ( حلم برئ ) أول عمل جميل ليكى هنا....لحد روايتنا سوا ( حب بلا وطن ) اللى هى أساسها فكرتك وإحساسك أولا قبل ماتكون كتابة مشتركة بينا...وبجد حد بالقوة والإصرار وكمان الإحساس وحب الكتابة بالطريقة دى انا افخر انى اشترك معاها فى رواية واحدة وفى أكاديمية واحدة....وبكل صراحة أقول انك الشخصية المميزة اللى أثرتى فى حياتى السنة دى بشخصيتك المصرية المميزة....صورة
خلصت جلسة الإعتراف....صورةمستنى بقى باقى الأعضاء كلهم ومستنيكى ياتنهيدة....وبجد بحييكى على موضوعك الجميل ده لأن أى حد بيبقى محتاج لوقت يقول كل عيوبه وكل احساسه بصراحة
صورةصورةصورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: تيجى نعترف

مشاركة بواسطة تنهيدة »

اية الأعترافات الجامدة ديه ياوليد بحيك بجد على صراحتك وكنت عايزه اشكرك انك اخترتنى من الشخصيات الاأثرت فى حياتك وكنت عايزه ققولك انك أنت اكيد مؤثر فى حياة كل الاحواليك ومؤثر كمان بكتاباتك وارئك فى كل عضو من أعضاء الأكاديمية لانك بجد عضو فعال جددددددددا انا عن نفسى بعترف انك بأرئك خلتنى أكتب أحسن فأنت فعلا أهم شخصية أثرت بتفكرها واسلوبها الرائع فى الكتابة فى حياتى بشكرك يافنانصورة
أنا كنت عايزه اعترف بحاجات كتير لكن حقول اهمها ... انا بجد نفسى اغير عيب من عيوبى مأرق حياتى وهو انى لما بحب باجى على نفسى لأقصى درجة مع كل الناس سوا اصدقائى اهلى كل الناس وطبعا الناس بتفكر ان ده ضعف وانا مبحبش حد يقول عليه ضعيفة ممكن تقوله ان ده مش عيب لكن صدقونى ده عيب خطير جدا لازم الانسان يكون متوازن فى كل شىء فى حياتو ...
اما الخطأالا ارتكبته هو انى دخلت نفسى فى مشكلة ماليش فيها وده سسببلى مشاكل كتير لكن الحمد لله قدرت اصلح الخطأ...
اما شىء اسعدت بيه حد بحبه بصراحة واللهى انا ديما بحب أسعد كل الناس وعملت حاجات كتير اسعدت بيه اهلى واخواتى واصحابى لكن انا حقولكم حاجة اسعدت بيه نفسى ودة مابيحصلش كتير واللهى وهو وجودى معاكو هنا فى الأكاديمية دة أكتر شىء اسعدنى...
انا كمان عايزة اعترف بحاجة وهى انى بحب مصر اوى ونفسى اعمل عشانها حاجة وبحب الناس المخلصين جدا وبحب اكاديميتا اوى اوى وبحب كمان كتابات وليد جدا وبشكرة على رايه فيه ورايك ده هو نفس راى فيك انت شاب بيحب مصر قوى بتمنى ان ربنا يوفقك.صورةمستنية باقى اعترافتكوا سلامصورة
صورة
صورة العضو الرمزية
همسه
مشرفة قسمى الشعر, كلام فى الحب
مشاركات: 119
اشترك في: 05 نوفمبر 2008, 8:02 pm
Real Name: آيه الشحات أحمد
Favorite Quote: اطلبوا اللعلم من المهد الى اللحد
verification: ID verified and trusted writer
مكان: مصر

Re: تيجى نعترف

مشاركة بواسطة همسه »

موضوع جميل اوى ياتنهيده وبيجمع اعضاء الاكاديميه كلهم بحييكى عليهصورة
اما انا بقى فهعترف بحاجات لاول مره والله اصرح بيها لحد .....اول حاجه هى العيب اللى فيه واتمنى انه يتغير هو انى خجوله جدا جدا جدا جدا لوحد قاللى اى حاجه ممكن وشى يحمر واغرق فى شبر ميه وكمان حساسه اوى اوى اوى واقل حاجه ممكن تخلينى ازعل وابكى ودى حاجه عايزه اتخلى عنها بس مش قادره ياريت لو عندكم الحل قولو لى .
تانى حاجه الخطا اللى ارتكبته فى حق نفسى هو انى حبيت بجد من غير كدب شخص ما يستاهلش منى كل الحب اللى اديته له وده كان اكبر غلط فى حق نفسى واللى بيعذبنى اوى. والحمد لله بحاول اتخلى عن الحب ده.
الحاجه الثالثه بقى وهى ايه اللى عملته السنه دى اسعد غيرى هى انى جبت تقدير عالى فى الكليه السنه دى وده اسعد بابا وماما جدا ودول اكتر حد يهمنى فى الدنيا.
الحاجه الرابعه وهى مين اكتر شخصيه اثرت فيه واللى بتاثر فيه على طول هى بابا اللى مبحبش حد قده فى الدنيا دى كلها دايما هو صديقى اللى بستعين بيه فى كل شىء بعمله وبجد والله اكتر ناس اثرت فيه تانى هما فى الاكاديميه واللى بحب اسمع رايهم فى اى حاجه بكتبها هما وليد ونهاد واللى بستفيد منهم كتير اوى اوى صورة
انا كده بقى خلصت بس ياريت تقولو لى حل فى العيب بتاعىصورة
همسه
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: تيجى نعترف

مشاركة بواسطة الأمير الحائر »

شكلك حلو يا أية وأنتى على كرسى الإعتراف...قومى بقى صورة
على فكرة موضوع الخجل ده انا شايفه فى رأيى الشخصى ميزة مش عيب....لأنى واحد من الناس بكل صراحة مش بحب البنت الجريئة جدا يعنى فى كلامها وأسلوبها...بحس انى قدام واحد صاحبى مش بنتصورة بس طبعا الخجل ده يكون وحش فى حالة واحدة إذا كان خجل هيضيع حقك أو يخليكى ما تقوليش الحقيقة...أو زى الخجل اللى انتى اتكلمى عليه ياتنهيدة...انك تحبى فتيجى على نفسك...ده ممكن يكون نوع من الحب وكمان نوع من الخجل... وده الخجل اللى مكروه...ولازم تحاول أى بنت انها تتخلص منه....
انما الخجل التانى...بجد نصيحة يا أية ماتحاوليش تتغيرى...صورة

وبشكرك يا أية على كلامك الجميل صورة وبشكر تنهيدة كمان على رأيها فيا وانا سعيد انك بتحبى كتابتى زى ما انا بحب كتابتك وبحترمها صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: تيجى نعترف

مشاركة بواسطة تنهيدة »

حلوة ياوليد حكاية كرسى الأعتراف دة
بصى يأية الحياء شعبة من شعب الأيمان وانا شايفة انا البنت المحترمة زينتها فى حيائه لكن انا فهمة انتى بتتكلمى على ايه انت عايزة تكونى قوية وتقدرى تتحملى المواقف وتكونى جريئة بس فى حدود احترامك كابنت صدقينى ياهمسة انتى فعلا عاملتى كدة بدخولك للأكاديمية هنا قدرتى تعبرى عن رايك وتقولى احساسك ودة اول خطوه ...
اما أنا ياوليد مش باجى على نفسى عشان بكون خايفة ققول لا او مكسوفة انا عشان بحب الناس بحب ققدملهم كل حاجة ومبلقيش تقدير من الناس وهو ده عيبى انى مش عارفة اتغير واكون وسطية صورة
انا عايزه اعرف اعترافات مريم وخالد واحمد وباقية الأعضاءصورة
صورة
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: تيجى نعترف

مشاركة بواسطة الأمير الحائر »

طب بس سؤال ياتنهيدة صغير بإعتبارك أنتى صاحبة الموضوع...ممكن قبل مامريم تيجى نكهرب كرسى الإعتراف صورةصورةصورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
خالد
أكاديمى فعال
أكاديمى فعال
مشاركات: 29
اشترك في: 06 نوفمبر 2008, 7:21 pm
Favorite Quote: اذا لم تستطع الامتناع عن خطأ فلا تمتنع عن صواب
مكان: مصر

Re: تيجى نعترف

مشاركة بواسطة خالد »

بجد ياتنهيده موضوع حلو اوى وفكره جامده موت
جميل انى الواحد يعترف بأخطاءه ويغير من نفسه
وانا عن نفسى اكتر عيب فيه مضايقنى وهاموت واغيره
انى لما بتعلق بحاجه باتعب اوى لما غصب عنى بأضطر اسيبها
ومش قصدى الحاجه دى تكون بنت وبس لأ الحاجه دى اماكن00صحاب
احاسيس باحسها فى جو معين00رياضه كنت بأمارسها وسيبتها وبرده
بنت كنت باحبها وسيبنا بعض كل الحاجات دى لفتره سسببت ليه مشكله

اما الغلطه اللى عملتها السنه دى هى انى عملت حاجه انا عارف انها هاتزعل
حد غالى عليه وبرده عملتها وخبيت عليه ومن بعدها خدت قرار انى عمرى ما هعمل كده تانى


واكتر حاجه كنت راضى فيها عن نفسى انى قدرت اغير قلبى واحب اللى يستاهل انى احبه

واكتر حد غير فيه السنه دى هى خطيبتى الى غيرت حجات وحشه فيه من غير قصد

وبكده اكون فضحت نفسى عالأخر وربنا يسامحك يا تنهيده ويسترها معايا
خالد محمد عزب
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: تيجى نعترف

مشاركة بواسطة تنهيدة »

أنا مش ممكن طبعا ياوليد اكهرب كرسى الآعتراف لمريم عشان دى حبيبتى استنا لما تعترف صورة
ياعم خالد ولا فضايح ولا حاجة ده بس صراحة غالية منك على فكرة ياخالد انا كمان مبناش بسرعة الحاجات الا بحبة عجبنى اوى انك بتعترف بدور خطيبتك فى حياتك صراحة اعتز بيها شباب كتير مابترضاش تعترف بدورنا فى حياتهم بشكرك ياخالد على صراحتكصورة
صورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: تيجى نعترف

مشاركة بواسطة المهاجر »

نعترف بأيه ولا بأيه اذا كانت الحياة كلها غلط والحسنة الوحيدة فيها هو أنا نفسى اعترف بس اعترافى عايز موضوع
أضف رد جديد

العودة إلى ”أحلام مجنونة“