تيجى نحلم تانى لسنة جديدة

فكرة غير تقليدية؟ أحلام تبدوا مستحيلة؟ هل تعرف أن أعظم المشاريع والإبتكارات فى العالم بدأت بمجرد فكرة جديدة, مختلفة و مجنونة؟ دعونا نفكر ونحلم...أحلام مجنونة...

المشرفون: محمد محمود،المهاجر

تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

تيجى نحلم تانى لسنة جديدة

مشاركة بواسطة تنهيدة »

وداعا ياعام 2009

صورة
كل سنة وانتو طيبين ياأجمل ادارة واجمل أعضاء وأروع أكاديمية فى الدنيا :) flower1 flower1 :)
أنهاردة انا حبيت أجى تانى زى السنه الا فاتت أحتفل معاكم بالعام الجديد ونحلم من جديد لعام جديد وبالمرة نودع العام الا اتبقى له بتوقبت بيتنا نص ساعة ويروح ومستحيل يرجع تانى حسيت ان اللحظات بتتكرر وان لازم اقضى اول لحظات العام الجديدة فى نفس المكان الا حضن أحلامنا السنه الا فاتت والا ساعدنا على تحققها والا خلانا بجد نتمسك باأحلامنا مهم كانت الناس شيفاه مجنونة ... فأجمل شىء انك تلاقى مكان يحضن كل احلامك المجنونة وانا بجد حاسة ان السنة الجديدة فيها حاجة جديدة مش عارفة ايه هى بس بجد انا حاسة بكدا كل حاجة محسسانى انها هتكون سنة جميلة وسعيدة على كل الا حواليا وخصوصا ان القمر منور السما وبيدعونا للتفاؤل والسعادة واننا نحلم احلام جميلةيلا تانى نحلم ونجدد الأحلام يلا نرسم كل احلامنا حتى لو الناس شيفاه مجنونة أحنا فى أكاديمتنا بنضم كل الأحلام وبنخلى الناس تصدق جنونا وبما اننى اعشق الجنون فاهستنى اقرى أجن احلام لأجمل اعضاء متأكدة انها هتتحقق زى احلام السنة الا فاتت وبالمناسبة دا موضوع السنه الا فاتت للمراجعة يمكن نحب نضيف احلام او نأكد احلام او نحتفل معاكم بتحقيق أحلام

أحلام سنة فاتت

كل سنة والحلم دايما بيجمعنا

flower1 flower1 flower1
صورة
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: تيجى نحلم تانى لسنة جديدة

مشاركة بواسطة سندريلا »

صباح الخير يا نهودة ...
كل سنة و إنتي طيبة .... السنة الجديدة هلت و بدأت خلاص .... الساعة دلوقتي 1:59 بعد منتصف الليل .... :)
طبعا موضوع جميل جدا كعادتك ... مواضيع جذابة تقرب المسافات بيننا حقا و تقربنا من بعض ... و حقيقة لقد قرأت تعليقات العام السابق عند قرائتي للموضوع و لم أكن قد قرأتها بالطبع ... و هذا جذبني للموضوع أكثر فكرة استرجاع أحلام سابقة و معرفة هل تم تحقيقها أم لا ؟ هل ما زلنا نحلم بها أم بدأنا نتطلع لما هو أكثر ؟
و للأسف لم أشارك بتسجيل أحلامي للعام السابق لأنني لم أكن قد اشتركت بعد ... حتى أنني لا أذكر أحلامي السابقة من كثرة أحلامي ....
بالنسبة لهذا العام فأنا أتمنى أشياء كثيرة ....
بداية أتمنى الرحمة و الغفران لأمي هي و جميع موتانا ... أتمنى لزميلتنا العزيزة شيماء قبيصي العودة للأكاديمية آملة بأن تكون قد تخطت محنتها و عادت لتزيدنا إبداعا من إبداعاتها .... كما أنني اشتقت لها كثيرا هي و العديدين ...
أتمنى التوفيق لزميلاتي و السعادة لهم في حياتهم منهم من خطبت و منهم من ستتزوج في غضون شهر فقط ....
أتمنى أيضا التوفيق لزميلة و صديقة و أخت و أتمنى أن يتحقق لها حلما عزيزا لها و لي أيضا ...
أتمنى أن أحقق أهدافي و أحلامي مثل رغبتي بأن أحصل على تقدير عال مثل كل عام خاصة ذلك العام .... أيضا كما تعلمين يا نهودة أتمنى أن أحضر ماسترز و أعمل دكتورة بالجامعة ....
أيضا أحلم بأن أقدم أفكار بناءة تساعد على إصلاح مجتمعنا و بلدنا .... أتمنى أن يوفقني الله الفترة القادمة لاحتمال دخولي مجال العمل لاكتساب خبرة أثناء دراستي ... كما أنني أنوي تحضير ال CV خاصتي منذ الآن بحضور بعض الكورسات في اللغة ثم الكمبيوتر بإذن الله ...
و بعد كل ذلك أتمنى رغبتين مهمتين بالنسبة لي كثيرا و بالطبع أنتي تعلمينهم ...
و أتمنى أن يكون 2010 عام سعيدا علينا جميعا محققين أهدافنا ... و متقدمين للأمام .... و مقربين من الله أكثر و أكثر .... flower1 :)
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: تيجى نحلم تانى لسنة جديدة

مشاركة بواسطة donnabella »

كل سنه و انت طيبة يا نهاد
دايما كده سباقة بالأفكار الجلوة و المواضيع اللي بتجمعنا
الحقيقة السنه اللي فاتت و السنه دي شبه بعض في البداية القاتمة السوداء
(يناير 2009 : العدوان الغاشم علي غزة)(يناير 2010 : عدوان سافر علي القدس و المسجد الاقصي)
الحقيقة إن ده مش موضوع و لا حدث سنة بعينها ، و لكنه موضوع كل السنون الفائتة و المقبلة .. الحدث الذي يفجر الغضب السخط و السؤال الدائم القائم بلا إجابة :نعمل إييييييه؟

نكدت عليكوا خلاص... ننبسط بقي شويه ،
إستقبلت رسالة قصيرة فجر أول أيام العام الجديد - من صديقة لي أعتبرها أختي - بتقول (إدعولي .. أنا بولد ) ، و أشرقت شمس العام الجديد علي وأوأة بنت "هبه" صحبتي ، الحقيقة الخبر ده ملا قلبي بهجة و تفاؤل ، و قلت يمكن السنه دي إن شاء الله تكون جميلة و يحقق كل الناس أحلامهم و خصوصا غن 2009 كانت بالنسبالي سنة مش ولا بد قوي

أمنياتي في العام الجديد
أمنيات عامة: إن في مشروع قومي يبدأ في البلد يلم الناس حواليه، و خصوصا في مجال الإسكان ، و إن الفساد في المجال ده بالذات يتقلص، لأن الموضوع خرج عن كل التصورات
أمنيات خاصة: إني أقابل فارس أحلامي في ال"جاجوار" البيضه بتاعته (هعرفه شغله لما أشوفة ، الناس دي مواعيدها بقت بايظة خالص) و بعدين نعيش في تبات و نبات و نخلف صبيان و بنات ، و إني أروح شغل تاني غن شاء الله علشان الشغل اللي أنا فيه ده خلاص إتخنقت منه ، و إن أخويا يتجوز بقي لأنه خلاص قرب يخلل هو و خطيبته.

ويارب كلنا نحقق كل أحلامنا و الأكاديمية دي تكبر كده و كتابها يبقوا كلهم مشهورين و كتاباتهم تبقي مقروءة علي مستوي جماهيري أوسع و أوسع.

مرسي يا قمر علي الموضوع الحلو ده .. خلتينا نفضفض شوية
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: تيجى نحلم تانى لسنة جديدة

مشاركة بواسطة الأمير الحائر »

جزء تانى من الأحلام :) متهيألى ده أكتر عنوان يليق على موضوعك الجميل يا نهاد..و خصوصاً إنى توقعت إن هيبقى فيه موضوع فى الأكاديمية بالشكل الجميل ده بخصوص السنة الجديدة و كمان لأنى انا كمان كنت بفكر فى حاجة زى كده..بس بجد أجمل حاجة يا نهاد هو تاريخ أحلام السنة اللى فاتت..شخصياً كنت محتاج تاريخ الأحلام ده جدا...

أنا عايز أقول فى البداية إن بقى العادى إن إحنا نودع العام اللى فات بحزنه و نستقبل عام جديد نتمنى يبقى أحلى..لكن يمكن لأول مرة فى حياتى بودع أجمل سنة فى عمرى...و بتمنى بس لو السنة الجاية تبقى بنص جمال السنة اللى فاتت...

و الغريبة إن السنة دى مش كانت خالية من الأحزان أبداً..بالعكس كان فيه أحزان كتير ليا شخصياً أو بشكل عام للى حواليا و ده كان سبب أكبر للحزن..لكن حقيقى فرحة السنة اللى فاتت و الأحلام اللى اتحققت فيها تخلينى أقول انها أجمل سنين عمرى...

يمكن أكتر جملة عايز أعلق عليها فى كلامك يا نهاد هى " نفس المكان اللى حضن أحلام السنة اللى فاتت " حقيقى و الله انا قبل الأكاديمية كنت عمرى ما بشارك حد فى أحلامى لأن مش لقيت كتير كانوا بيفهموا الأحلام دى..او مش بأحس أصلا إنهم يعرفوا معنى كلمة حلم و قيمتها فى زمن طغى فيه الواقع على مجرد حق الحلم عند ناس كتير..و عشان كده بجد أنا لما قريت دلوقتى أحلام السنة اللى فاتت ليا و ليكى و لمحمد و هبة و رانيا و مريم و أحمد و آية و مصطفى و حتى لأمير أخويا..حسيت اد ايه إننا كلنا بنتمنى نشارك أحلامنا مع حد يفهمها..و الحمد لله إننا ساعتها و دلوقتى لقينا مكان و حد يفهم معنى كلمة حلم...

طولت طبعا من غير ما أقول أحلامى...يمكن أنا فى نقطة معينة لازم أكررها من كلام السنة اللى فاتت لأنها مبدأ دايما فى أحلامى...
فيه أحلام لينا بنبقى عارفين إنها هتتحقق فى يوم..بتعبنا و بمجهودنا هتتحقق..أو زى ما بقول 1 + 1 = 2 ..حلم منطقى و ممكن.. و ده الحلم السهل مهما ظهر لناس كتير مستحيل..لكن بالنسبة للى بيحلمه و مؤمن بيه هو حلم متحقق فعلاً فى خياله من ساعة ما حلمه..و مسأله إنه يتحقق فى الواقع ده مسألة وقت..كل ده طبعا ما يتحققش إلا بإيمان بالله عز و جل..إيمان حقيقى مع عمل من غير تواكل...

أما الأحلام التانية..دى الأصعب..فيها 1 + 1 = 3 ... أو 4 أو حتى مليون..أحلام ما بنقدرش غير إننا نستناها...و مهما عملنا و تعبنا عشان تتحقق هى بتيجى فى معاد...و لو ما جاتش ما نقدرش حتى نلومها..ما حدش يقدر يلوم الزمن..و لا القدر.... :)

بردوا لسه ما قولتش أحلامى..! و صعبان عليا تعب اللى قرى كل الكلام اللى كتبته..عشان كده هأقول بس إن ما عدا حلم واحد شخصى..كل أحلامى التانية بجد هى لغيرى..فيه ناس ممكن تلاقى سعادتها فى تحقيق أحلام اللى حواليهم...و تلاقى فرحتها فى فرحتهم حتى لو كان الحزن مالى حياتهم هما شخصياً...و ممكن تعتبرونى من الناس دى...و بكده أحلامى للسنة الجاية انتهت...

قبل ما أنسى..بتمنى أحلام كل زمايلى من السنة اللى فاتت تكون اتحققت..و إن أحلام السنة اللى جاية تتحقق لجيهان و نورا و ليكى يا نهاد و لكل زمايلى اللى هيكتبوا أحلامهم...ويارب دايماً تفضل الأكاديمية تحضن أحلامنا...
:) flower1
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
Emy
أكاديمى فعال
أكاديمى فعال
مشاركات: 91
اشترك في: 27 يوليو 2009, 9:36 am
Favorite Quote: كما تدين تدان

Re: تيجى نحلم تانى لسنة جديدة

مشاركة بواسطة Emy »

دايما كل حاجة بتيجى منك جميلة يا نهاد

كل سنة وانتى طيبة يا جميلة


ويارب سنة جديدة سعيدة عليكى وع كل اعضاءنا وزمايلنا الجمال دول


وبالنسبة لاحلامى


بتمنى انجح السنة دى بتقدير

واعمل اى حاجة تفرح ماما

وكمان حلم شخصى


ربنا يحقق احلامناااااااااا كلناااااااا يااااااربflower1 flower1 flower1
صورة
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: تيجى نحلم تانى لسنة جديدة

مشاركة بواسطة محمد محمود »

موضوع جميل يا نهاد
رجعتينا لأحلى أيام مرت علينا واحنا بنبني كلنا حلم واحد ويوم بعد يوم نشوفه بيتحقق أمامنا وأروع ما كنا بنحلم بيه.
سنة كامل مرت علينا
فاكر يوم ما اشتركت في الأكاديمية كان عدد الأعضاء يتعد على أصابع اليد ، كانت الأكاديمية في حد ذاتها حلم جميل دار في عقل كل واحد منا ، وأخيرا ً تحقق الحلم الأول ووجدنا المكان المحترم اللي نقدر نوظف فيه كلماتنا ونبدأ فيه حياتنا الأدبية .
وجدنا الإدارة الرائعة اللي وفرت لنا المناخ الممتاز المحترم .
- حلمت إن أعداد الأعضاء يزيد عددهم وإبداعهم وكان كل صفر بيتحط على يمين العدد الخاص بالأعضاء كنت بأحس كأن زرعة زرعناها وبتكبر يوم را يوم .
- حلمت بجو من الأخوة والألفة بين الأعضاء ، وبالفعل هناك مشاعر أخوة متوفرة بين جميع الأعضاء ، وكلنا هنا أسرة واحدة بنحترم بعض ونتمنى لبعض كل خير .
- حلمت بتنافس شريف يكون حافز لتحريك شعيرات الإبداع في عقولنا لتخرج أروع الكلمات ، وبالفعل كانت المسابقة أروع مثال لهذا التنافس .
- حلمت بأن كلنا نحب هذا المكان ونحافظ على احترامه ، وتحقق حلمي وكنا إدارة ومشرفين وأعضاء في حالة من التعاون لا يمكن أن تتواجد في أي مكان آخر غير هنا .
وعلى المستوى الشخصي : الحمد لله حققت هذا العام نجاحات أحمد الله عليها في عملي وحياتي الأسرية
وبالنسبة للعام الجديد فكلي تفاؤل أنه بإذن الله سيحمل الخير الكثير والنجاحات التي لم أستطيع تحقيقها في العام الماضي ، وأحلم إن الأكاديمية يزداد بريقها أكثر وأكثر ، ويزداد تواجدنا جميعا ً بها ، ويتضاعف جهدنا في الحفاظ على هذا المكان الرائع المحبب لنفوسنا جميعا ً .
وبأحلم ..... وبأحلم ...... وبأحلم ....... وبأحلم ...........وبأحلم .
لأني بصراحة لو بطلت أحلم أموت
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: تيجى نحلم تانى لسنة جديدة

مشاركة بواسطة الأمير الحائر »

donnabella كتب:أمنيات خاصة: إني أقابل فارس أحلامي في ال"جاجوار" البيضه بتاعته (هعرفه شغله لما أشوفة ، الناس دي مواعيدها بقت بايظة خالص) و بعدين نعيش في تبات و نبات و نخلف صبيان و بنات ، و إني أروح شغل تاني غن شاء الله علشان الشغل اللي أنا فيه ده خلاص إتخنقت منه ، و إن أخويا يتجوز بقي لأنه خلاص قرب يخلل هو و خطيبته.

ويارب كلنا نحقق كل أحلامنا و الأكاديمية دي تكبر كده و كتابها يبقوا كلهم مشهورين و كتاباتهم تبقي مقروءة علي مستوي جماهيري أوسع و أوسع.

مرسي يا قمر علي الموضوع الحلو ده .. خلتينا نفضفض شوية
:lol: مشكلة فى الكوميديا حتى فى ردك العادى يا نورا...من المرة اللى فاتت و انا عايز أعلق على ردك ده بس ما لحقتش...عايز أقولك بجد لازم تجربى تكتبى كوميدى اكتر...لو كتبتى حاجة كوميدية بشكل تلقائى زى ردك هنا بجد هيبقى حكاية
و بعدين هنروح بعيد ليه.. ما انساش " سكوت هننافق " و التاكسى ابو 3 انواع :)
خلاص يبفى اتفقنا يا نورا و مستنيين حاجة كوميدية قريب...راجع بتدبيسة أنا eat1
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: تيجى نحلم تانى لسنة جديدة

مشاركة بواسطة تنهيدة »

سندريلا كتب:صباح الخير يا نهودة ...
كل سنة و إنتي طيبة .... السنة الجديدة هلت و بدأت خلاص .... الساعة دلوقتي 1:59 بعد منتصف الليل .... :)
طبعا موضوع جميل جدا كعادتك ... مواضيع جذابة تقرب المسافات بيننا حقا و تقربنا من بعض ... و حقيقة لقد قرأت تعليقات العام السابق عند قرائتي للموضوع و لم أكن قد قرأتها بالطبع ... و هذا جذبني للموضوع أكثر فكرة استرجاع أحلام سابقة و معرفة هل تم تحقيقها أم لا ؟ هل ما زلنا نحلم بها أم بدأنا نتطلع لما هو أكثر ؟
و للأسف لم أشارك بتسجيل أحلامي للعام السابق لأنني لم أكن قد اشتركت بعد ... حتى أنني لا أذكر أحلامي السابقة من كثرة أحلامي ....
بالنسبة لهذا العام فأنا أتمنى أشياء كثيرة ....
بداية أتمنى الرحمة و الغفران لأمي هي و جميع موتانا ... أتمنى لزميلتنا العزيزة شيماء قبيصي العودة للأكاديمية آملة بأن تكون قد تخطت محنتها و عادت لتزيدنا إبداعا من إبداعاتها .... كما أنني اشتقت لها كثيرا هي و العديدين ...
أتمنى التوفيق لزميلاتي و السعادة لهم في حياتهم منهم من خطبت و منهم من ستتزوج في غضون شهر فقط ....
أتمنى أيضا التوفيق لزميلة و صديقة و أخت و أتمنى أن يتحقق لها حلما عزيزا لها و لي أيضا ...
أتمنى أن أحقق أهدافي و أحلامي مثل رغبتي بأن أحصل على تقدير عال مثل كل عام خاصة ذلك العام .... أيضا كما تعلمين يا نهودة أتمنى أن أحضر ماسترز و أعمل دكتورة بالجامعة ....
أيضا أحلم بأن أقدم أفكار بناءة تساعد على إصلاح مجتمعنا و بلدنا .... أتمنى أن يوفقني الله الفترة القادمة لاحتمال دخولي مجال العمل لاكتساب خبرة أثناء دراستي ... كما أنني أنوي تحضير ال CV خاصتي منذ الآن بحضور بعض الكورسات في اللغة ثم الكمبيوتر بإذن الله ...
و بعد كل ذلك أتمنى رغبتين مهمتين بالنسبة لي كثيرا و بالطبع أنتي تعلمينهم ...
و أتمنى أن يكون 2010 عام سعيدا علينا جميعا محققين أهدافنا ... و متقدمين للأمام .... و مقربين من الله أكثر و أكثر .... flower1 :)
صباح الفل ياجوجتى بعد 20 يوم من بداية السنة :mrgreen: اصلى لسة صاحية من النوم دلوقت حالا :lol: بجد أسفة على التأخير :)
كل سنة وانتى طيبة ياأحلى جوجو سعيدة اوووووووى بجد ان اشوف احلامك منورة الموضوع والسنة كلها ويارب دايما تفضلى تحلمى وتفضل متمسكة بالحلم لان دايما الأهم من الحلم هو التمسك بية والأمل فى تحقيقة ....
وانتِ بجد جميلة جدا ياجوجو واحلامك جميلة زيك وكلها خير لكل الا حواليك وأروع شىء ان الإنسان يحلم ليه وتكون احلامة وسعادتة فى سعادة غيرة وأنا أكيد ياجوجوتى بشارك من قلبى فى تمنياتك ان ربنا يغفر لوالدتك ولكل موتى المسلمين ودايما ان شاء الله تفتكريها بالخير لان أفتكراك لها رحمة وبتمنى انا كمان ان شيماء ترجع تنور الأكاديمية لانها بجد وحشتنى جدااااااا :)
أما عن احلامك لتحقيق ذاتك فبجد ياجوجو شىء رائع ان رغم كل الظروف الا مريتى بيها الفترة الا فاتت تكونى قادرة انك تحلمى كل الأحلام الجميلة دى وانا متأكدة ان جيهان الا قدرت تهزم الامها هتدقدر تحقق كل امالها وهتنجحى بأعلى تقدير وهتحضرى دراسات عليا وهتدخلى مجال العمل ومش بعيد كمان فى يوم نشوفك وزيرة بس وقتها متنسيناش بئة :)
يارب ياجوجو 10 20 يبقى عام سعيد عليكى وعلى كل الناس الا بتحبيها ومتشكرة بجد انك لبيتى دعوتى ونورتى الموضوع ياأحلى جوجو :)
بتمنالك من كل قلبى أجمل واسعد حياة ياأجمل وأعز صديقة :) flower1 :)
صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: تيجى نحلم تانى لسنة جديدة

مشاركة بواسطة تنهيدة »

donnabella كتب:كل سنه و انت طيبة يا نهاد
دايما كده سباقة بالأفكار الجلوة و المواضيع اللي بتجمعنا
الحقيقة السنه اللي فاتت و السنه دي شبه بعض في البداية القاتمة السوداء
(يناير 2009 : العدوان الغاشم علي غزة)(يناير 2010 : عدوان سافر علي القدس و المسجد الاقصي)
الحقيقة إن ده مش موضوع و لا حدث سنة بعينها ، و لكنه موضوع كل السنون الفائتة و المقبلة .. الحدث الذي يفجر الغضب السخط و السؤال الدائم القائم بلا إجابة :نعمل إييييييه؟

نكدت عليكوا خلاص... ننبسط بقي شويه ،
إستقبلت رسالة قصيرة فجر أول أيام العام الجديد - من صديقة لي أعتبرها أختي - بتقول (إدعولي .. أنا بولد ) ، و أشرقت شمس العام الجديد علي وأوأة بنت "هبه" صحبتي ، الحقيقة الخبر ده ملا قلبي بهجة و تفاؤل ، و قلت يمكن السنه دي إن شاء الله تكون جميلة و يحقق كل الناس أحلامهم و خصوصا غن 2009 كانت بالنسبالي سنة مش ولا بد قوي

أمنياتي في العام الجديد
أمنيات عامة: إن في مشروع قومي يبدأ في البلد يلم الناس حواليه، و خصوصا في مجال الإسكان ، و إن الفساد في المجال ده بالذات يتقلص، لأن الموضوع خرج عن كل التصورات
أمنيات خاصة: إني أقابل فارس أحلامي في ال"جاجوار" البيضه بتاعته (هعرفه شغله لما أشوفة ، الناس دي مواعيدها بقت بايظة خالص) و بعدين نعيش في تبات و نبات و نخلف صبيان و بنات ، و إني أروح شغل تاني غن شاء الله علشان الشغل اللي أنا فيه ده خلاص إتخنقت منه ، و إن أخويا يتجوز بقي لأنه خلاص قرب يخلل هو و خطيبته.

ويارب كلنا نحقق كل أحلامنا و الأكاديمية دي تكبر كده و كتابها يبقوا كلهم مشهورين و كتاباتهم تبقي مقروءة علي مستوي جماهيري أوسع و أوسع.

مرسي يا قمر علي الموضوع الحلو ده .. خلتينا نفضفض شوية
نورا الجميلة نورتى ياجميلة الموضوع بأحلامك وطبعا اذا كنت أنا بفكر فكرة حلوة فهى بتزيد جمالها بمشاركتكم فيها م11
وان كان على الحقيقة الا ذكرتيها فهى فعلا مؤسفة لكن احنا دايما عيشنها مش بس فى بداية السنة دى ولا الا قبلها دا طول سنين فاتت من القهر والظلم الا احنا سبناه لحد ماستوطن جوانا لكن بيظل الأمل موجود فى صحوة تهز الوطن العربى dream11 وان كان على النكد فمتقلقليش يانورتى هو موجود موجود بس احنا الا بنعمل ناسينه ;) بس بجد رجعتى فرحتينا بخبر جميل :D

حقيقى رائع ان صديقتك تفتكرك اللحظة دى والأروع ان بداية عام مع بداية حياة جديدة لمولود جديد انا بجد بحب اوى اشوف فى الجريدة مواليد اول لحظات العام الجديد بحس باأمل ميتوصفش :) جميل بجد احساسك بالتفاؤل يانورا وسعيدة اوى بأمنياتك الحلوة والا من قلبى بتمنى تتحقق
حلم حقيقى عظيم اوى وللأسف بئة صعب تحقيقة أوى أن الفساد ينتهى لكن اعتقد طول ماموجود ناس بتحلم الحلم دا جايز فى يوم الفساد ينتهى ونشوف عصر جديد وحضارة جديدة مصنوعة بأيدينا من غير فساد ....اما عن حلم المشروع القومى فأنا بجد هموت واشوف الحلم دا فى يوم متحقق لان بجد لو استغلينا طاقات الشباب مصر هتيبقى مصر جديدة فعلا :)
أنا سعيدة اوى يانورا انك بتفكرى فى بلدك بالصورة الجميلة دى وأكيد مصر هتبقى جميلة بيكى وبكل الشباب الا زيك :)
كدا خلصنا الأمنيات العامة نيجى لأحلى امنيات خاصة الا أكيد هتحقق بالرومانسية الا انتى رسمتيها وهتقبلى فارس الأحلام اكيد لو بتركبى جاجورا هتلاقيه :? وتعيشوا فى تبات ونبات وتخلفوا صبيان وبنات وطبعا اول بنت هتكون اسمها نهاد ولا ولد ينفع برضة نهاد لان الحلم اتحلم فى موضوعى وشاركتك فيه فالازم طبعا اول مولود يكون على اسمى لان اتوقع ان دا هيحصل قريب جدااااااااااا وهيتحقق الحلم السعيد وبلاش وقتها توريه شغلة الطيب احسن يانورا :lol:
يارب كل احلامك يانورا تتحقق واخوكى يتجوز وتلاقى الشغل الا بتتمنيه ويارب يتحقق حلمك وحلمنا كلنا فى الأكاديمية ونشوف الجيل الجاى من الكُتاب فى مصر والوطن العربى من أكاديمتنا الرائعة :)
بشكرك جدااااا ياشاعرتنا الجميلة على الفضفضة الا كنت بتمنى متخلص وياربت تفكرى فى تدبيسة وليد الا انا متأكدة انها هتمتعنا جداااااا
بتمنالك من كل قلبى سنة مليئة بالخير والسعادة وكل شىء جميل :) flower1 :)
صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: تيجى نحلم تانى لسنة جديدة

مشاركة بواسطة تنهيدة »

الأمير الحائر كتب:جزء تانى من الأحلام :) متهيألى ده أكتر عنوان يليق على موضوعك الجميل يا نهاد..و خصوصاً إنى توقعت إن هيبقى فيه موضوع فى الأكاديمية بالشكل الجميل ده بخصوص السنة الجديدة و كمان لأنى انا كمان كنت بفكر فى حاجة زى كده..بس بجد أجمل حاجة يا نهاد هو تاريخ أحلام السنة اللى فاتت..شخصياً كنت محتاج تاريخ الأحلام ده جدا...

أنا عايز أقول فى البداية إن بقى العادى إن إحنا نودع العام اللى فات بحزنه و نستقبل عام جديد نتمنى يبقى أحلى..لكن يمكن لأول مرة فى حياتى بودع أجمل سنة فى عمرى...و بتمنى بس لو السنة الجاية تبقى بنص جمال السنة اللى فاتت...

و الغريبة إن السنة دى مش كانت خالية من الأحزان أبداً..بالعكس كان فيه أحزان كتير ليا شخصياً أو بشكل عام للى حواليا و ده كان سبب أكبر للحزن..لكن حقيقى فرحة السنة اللى فاتت و الأحلام اللى اتحققت فيها تخلينى أقول انها أجمل سنين عمرى...

يمكن أكتر جملة عايز أعلق عليها فى كلامك يا نهاد هى " نفس المكان اللى حضن أحلام السنة اللى فاتت " حقيقى و الله انا قبل الأكاديمية كنت عمرى ما بشارك حد فى أحلامى لأن مش لقيت كتير كانوا بيفهموا الأحلام دى..او مش بأحس أصلا إنهم يعرفوا معنى كلمة حلم و قيمتها فى زمن طغى فيه الواقع على مجرد حق الحلم عند ناس كتير..و عشان كده بجد أنا لما قريت دلوقتى أحلام السنة اللى فاتت ليا و ليكى و لمحمد و هبة و رانيا و مريم و أحمد و آية و مصطفى و حتى لأمير أخويا..حسيت اد ايه إننا كلنا بنتمنى نشارك أحلامنا مع حد يفهمها..و الحمد لله إننا ساعتها و دلوقتى لقينا مكان و حد يفهم معنى كلمة حلم...

طولت طبعا من غير ما أقول أحلامى...يمكن أنا فى نقطة معينة لازم أكررها من كلام السنة اللى فاتت لأنها مبدأ دايما فى أحلامى...
فيه أحلام لينا بنبقى عارفين إنها هتتحقق فى يوم..بتعبنا و بمجهودنا هتتحقق..أو زى ما بقول 1 + 1 = 2 ..حلم منطقى و ممكن.. و ده الحلم السهل مهما ظهر لناس كتير مستحيل..لكن بالنسبة للى بيحلمه و مؤمن بيه هو حلم متحقق فعلاً فى خياله من ساعة ما حلمه..و مسأله إنه يتحقق فى الواقع ده مسألة وقت..كل ده طبعا ما يتحققش إلا بإيمان بالله عز و جل..إيمان حقيقى مع عمل من غير تواكل...

أما الأحلام التانية..دى الأصعب..فيها 1 + 1 = 3 ... أو 4 أو حتى مليون..أحلام ما بنقدرش غير إننا نستناها...و مهما عملنا و تعبنا عشان تتحقق هى بتيجى فى معاد...و لو ما جاتش ما نقدرش حتى نلومها..ما حدش يقدر يلوم الزمن..و لا القدر.... :)

بردوا لسه ما قولتش أحلامى..! و صعبان عليا تعب اللى قرى كل الكلام اللى كتبته..عشان كده هأقول بس إن ما عدا حلم واحد شخصى..كل أحلامى التانية بجد هى لغيرى..فيه ناس ممكن تلاقى سعادتها فى تحقيق أحلام اللى حواليهم...و تلاقى فرحتها فى فرحتهم حتى لو كان الحزن مالى حياتهم هما شخصياً...و ممكن تعتبرونى من الناس دى...و بكده أحلامى للسنة الجاية انتهت...

قبل ما أنسى..بتمنى أحلام كل زمايلى من السنة اللى فاتت تكون اتحققت..و إن أحلام السنة اللى جاية تتحقق لجيهان و نورا و ليكى يا نهاد و لكل زمايلى اللى هيكتبوا أحلامهم...ويارب دايماً تفضل الأكاديمية تحضن أحلامنا...
:) flower1
كل سنة وانت طيب ياوليد سعيدة جدا انك منستش تيجى تحلم معانا وتحتفل بجزء تانى من الأحلام :) وتجدد الاحلام الا حلمناه السنة الا فاتت
وفعلا زى ماقلت هو جزء تانى من الأحلام ودا لوحدة حلم من أحلام السنة الا فاتت واتحقق حلمنه اننا نقدر تانى نحلم واهو رجعنا لنفس المكان وقدرنا من جديد نرسم أحلامنا ونقول لكل الدنيا اننا لسة قادرين نحلم ونحقق الحلم :)
شىء جميل ياوليد ان رغم احزان السنة الا فاتت مش شايف منها غير جمالها وبتعتبرها ا اجمل سنين عمرك ودا لانك فعلا مؤمن اوى باأحلامك وعارف ان لازم فى حياتنا نشوف احزان لكن كل الأحزان بتموت ومش بيفضل غير كل شىء جميل حققناه بتمنالك ياوليد ان السنة الجديدة وكل سنينك الجاية تكون سعيدة ومليئة بالنجاحات وفرحة لتحقيق أحلامك :)
ودايما ان شاء الله تكون الأكاديمية دايما هى المكان الا كلنا بنشارك فيه أحلامنا لان زى ماقلت ياوليد احنا بقينا فى زمن الواقع هو الا بيتكلم وبس وحتى الحلم اصبحت الناس بتلومنا علية لكن فى الأكاديمية الوضع اختلف كتير لان لو كلنا دلوقت رحنا لصفحة الأكاديمية الرئيسة هنلاقى ان الأكاديمية من البداية كانت دعوى جميلة للحلم والأمل لما كتبت كلماتها الجميلة :)

كان فى فكرة ضاعت ليه ....
كلمة.....سطر ....حلم ..لو راح هتبكى عليه
أمسك قلمك ..أصحى تعالى ....ونشوف مصر هتكتب ايه ؟

كل ما أقرأ الكلمات دى بحس فعلا بالأمل والتمسك بالحلم والأمل أكتر وأكتر :)
نفسى بجد الحلم يكبر أكتر ونشوف تحقيقة كلنا ونشهد كلنا على اجمل مكان جمعنا وشاركنا فى أجمل واروع أحلام ...
طبعا انا فاكرةياوليد من السنه الا فاتت نظريتك المميزة العميقة فى تحقيق الأحلام وان شاء الله كل الأحلام الا فيها رضا لله تتحقق واكيد حتى لو بتساوى مليون مش كتير على ربنا انها تتحقق :)
وزى دايما مابقول ان الأهم من الحلم هو التمسك بيه والهدف من تحقيقة وانت ماشاء الله ياوليد هدفك من تحقيق احلامك نبيل جدا وهو سعادة الناس الا كتير دلوقت ميعرفوش معناها وبيستغربوا جدا ان فى ناس كدا ممكن تتعب عشان غيرها يكون سعيد وعشان كدا انا متأكدة ان ان شاء الله ربنا هيحققلك كل شىء بتتمناه فى سعادة غيرك الا هتكون سبب فى سعادتك :)
بتمنالك ياوليد سنة سعيدة مليئة بكل شىء جميل وانا كمان بتمنى معاك ان كل أصدقائنا الجمال الا اهتمو ا انهم يشاركونا احلامهم كلههههههههههههها تتحقق وكان نفسى بجد اشوف احلام مريم والصياد وهبه الله وهمسه وغادة وكل الا جمعنا بيهم الحلم السنة الا فاتت
لكن ان شاء الله نتقابل كلنا السنة الجاية فى نفس المكان مع احلام جديدة فى اكاديمتنا الجميلة الا دايما ان شاء الله هتفضل تحضن احلامنا :) flower1
صورة
أضف رد جديد

العودة إلى ”أحلام مجنونة“