صفحة 2 من 2

Re: تيجى نحلم تانى لسنة جديدة

مرسل: 22 يناير 2010, 1:57 pm
بواسطة تنهيدة
Emy كتب:دايما كل حاجة بتيجى منك جميلة يا نهاد

كل سنة وانتى طيبة يا جميلة


ويارب سنة جديدة سعيدة عليكى وع كل اعضاءنا وزمايلنا الجمال دول


وبالنسبة لاحلامى


بتمنى انجح السنة دى بتقدير

واعمل اى حاجة تفرح ماما

وكمان حلم شخصى


ربنا يحقق احلامناااااااااا كلناااااااا يااااااربflower1 flower1 flower1
انت الا دايما مشاركتك بتكون اجمل ياإيمى :)
كل سنة وانتى طيبة ياقمرى سنه سعيدة عليكى انتى كمان وبجد من اجمل الحاجات عملتيها
واسعدى بيها غيرك السنه الا فاتت هو انك اشتركتى معانا فى الأكاديمية لان بجد احنا سعداء جدا بوجودك معانا ياإيمى :)
وان شاء الله هتنجحى باأحلى تقدير وهتفرحينا وتفرحى مامتك زى السنة الا فاتت لما شاركتينا بخبر نجاحك فى اول مشاركاتك معانا
وان كان على الحلم الشخصى فدا بنفضل نحلمة وبس وتحقيقة بيكون فى ايد القدر لكن ان شاء الله هيكون فيه كل خير ليك وهيتحقق :)
بشكرك جداااااااااااا ياإيمى ياعسولة على مشاركتك الجميلة وسنة سعيدة ان شاء الله عليكى وعلى كل الناس الا بتحبيها flower1 :) flower1

Re: تيجى نحلم تانى لسنة جديدة

مرسل: 22 يناير 2010, 2:29 pm
بواسطة تنهيدة
محمد محمود كتب:موضوع جميل يا نهاد
رجعتينا لأحلى أيام مرت علينا واحنا بنبني كلنا حلم واحد ويوم بعد يوم نشوفه بيتحقق أمامنا وأروع ما كنا بنحلم بيه.
سنة كامل مرت علينا
فاكر يوم ما اشتركت في الأكاديمية كان عدد الأعضاء يتعد على أصابع اليد ، كانت الأكاديمية في حد ذاتها حلم جميل دار في عقل كل واحد منا ، وأخيرا ً تحقق الحلم الأول ووجدنا المكان المحترم اللي نقدر نوظف فيه كلماتنا ونبدأ فيه حياتنا الأدبية .
وجدنا الإدارة الرائعة اللي وفرت لنا المناخ الممتاز المحترم .
- حلمت إن أعداد الأعضاء يزيد عددهم وإبداعهم وكان كل صفر بيتحط على يمين العدد الخاص بالأعضاء كنت بأحس كأن زرعة زرعناها وبتكبر يوم را يوم .
- حلمت بجو من الأخوة والألفة بين الأعضاء ، وبالفعل هناك مشاعر أخوة متوفرة بين جميع الأعضاء ، وكلنا هنا أسرة واحدة بنحترم بعض ونتمنى لبعض كل خير .
- حلمت بتنافس شريف يكون حافز لتحريك شعيرات الإبداع في عقولنا لتخرج أروع الكلمات ، وبالفعل كانت المسابقة أروع مثال لهذا التنافس .
- حلمت بأن كلنا نحب هذا المكان ونحافظ على احترامه ، وتحقق حلمي وكنا إدارة ومشرفين وأعضاء في حالة من التعاون لا يمكن أن تتواجد في أي مكان آخر غير هنا .
وعلى المستوى الشخصي : الحمد لله حققت هذا العام نجاحات أحمد الله عليها في عملي وحياتي الأسرية
وبالنسبة للعام الجديد فكلي تفاؤل أنه بإذن الله سيحمل الخير الكثير والنجاحات التي لم أستطيع تحقيقها في العام الماضي ، وأحلم إن الأكاديمية يزداد بريقها أكثر وأكثر ، ويزداد تواجدنا جميعا ً بها ، ويتضاعف جهدنا في الحفاظ على هذا المكان الرائع المحبب لنفوسنا جميعا ً .
وبأحلم ..... وبأحلم ...... وبأحلم ....... وبأحلم ...........وبأحلم .
لأني بصراحة لو بطلت أحلم أموت
الموضوع اكيد يامحمد مش أجمل من مشاركتك الجميلة وأحلامك الرائعة :)
وانت الا رجعتنا للايام الجميلة بكل ذكرياتها عملت سرد جميل لذكريات عايشة جوانا يامحمد
مش عارف بجد اقول ايه انت قلت كل الكلام الجميل فكرتنا بالبداية وازاى الأعضاء زادت وكنا كلنا بنفرح مع كل عضو بيشارك معانا بحب
وازاى فعلا شاركنا بعض فى كل شىء بمنتهى الأخوة والحب ومع مرور الوقت اصبحنا اسرة واحدة مهما غبنا عن بعض مفيش حد بينسى التانى
وطبعا كل الفضل يرجع للأدارة الا رسمتلنا اجمل مكان ووفرتلنا كل شىء جميل للأبداع والتطوير وكان التعاون والحب هو الأساس فى كل حلم حققناه مع بعض .... :)
كل سنة وانت طيب وبخير بامحمد ودايما ان شاء الله تكون متفاؤل زى ماعودتنا دايما وتتوالى النجاحات فى حياتك فى كل شىء لانك حقيقى تستاهل كل خير :)
وانا حابة اشكرك قدام كل الأعضاء لانك حقيقى بتساعدنى كتير وبتتعاون معايا دايما ودايما عايزنى اكون احسن فبشكرك بجد
ياأخى وصديقى العزيز على كل شىء جميل بتعمله معايا لان انت فعلا كل يوم يتثبتلى المقولة الشهيرة ربما اخ لم تلده امك لانك بجد اكتر بكتير من الأخ :)
شفت يامحمد انا بقول عنك كلام حلو ازاى عشان تعرف بس غلاوتك عندى قول بئه هتجيلى اية على الكلام دا :lol:
بس ياعنى يامحمد انت قلت ذكريات كلها جميلة ونسيت خالص تجيب سيره عن الأحتفال الا عملناه عندنا فى البيت يوم رأس السنة ماشى بس محروم من الكابتشينو لمدة سنة :lol:
بتمنالك يامحمد سنة سعيدة مليئة بالفرحة والسعادة ودايما ان شاء الله ربنا جمعنا على خير وكل حلم جميل حلمتة بتحقق زى بالظبط مابتحلمة لان حقيقى كل أحلامك جميلة ويارب تفضل تحلم وتحلم وتحلم لان كلنا فعلا لو بطلنا نحلم نموت :) flower1

Re: تيجى نحلم تانى لسنة جديدة

مرسل: 22 يناير 2010, 9:55 pm
بواسطة سندريلا
أحلام جميلة بنتماها و بنتمنى نعيشها ...
ربنا يحقق أحلامنا كلنا ...
بس ما ينفعش السنة الجديدة تيجي من غير ما نعرف أمنيات و أحلام تنهيدتنا كلنا ... صح يا نهودة thi1
لازم نعرف أحلامك يا قمر ... يلا بسرعة قوليها ... :)

Re: تيجى نحلم تانى لسنة جديدة

مرسل: 23 يناير 2010, 3:52 pm
بواسطة Emy
معلشى يا نهوده .. هتحالف مع سيندريلا الجميلة عليكى


وبضم صوتى لصوتها وعايزة اعرف احلامك الرقيقة flower1

Re: تيجى نحلم تانى لسنة جديدة

مرسل: 01 فبراير 2010, 11:21 pm
بواسطة تنهيدة
سندريلا كتب:أحلام جميلة بنتماها و بنتمنى نعيشها ...
ربنا يحقق أحلامنا كلنا ...
بس ما ينفعش السنة الجديدة تيجي من غير ما نعرف أمنيات و أحلام تنهيدتنا كلنا ... صح يا نهودة thi1
لازم نعرف أحلامك يا قمر ... يلا بسرعة قوليها ... :)
Emy كتب:معلشى يا نهوده .. هتحالف مع سيندريلا الجميلة عليكى


وبضم صوتى لصوتها وعايزة اعرف احلامك الرقيقة flower1
معقولة سندريلتى الجميلة وإيمى العسولة يطلبوا يعرفوا احلامى وأنا أتأخر م11
أكيد من غير أى تحالف هكتب كل احلامى
لان أنا نفسى تقروها نفسى كل أعضاء أكاديمتى الحبيبة يشهدوا على أحلامى الا متمناش حد يعرفها
زيكم لانكم انتو أكتر ناس شاركونى فيها فى الدنيا وساعدونى أكتر أنى أتمسك بيها وبتحققها
بشكرك جداااااااا ياجوجو ياحبيتى :) وبشكر كمان ايمى الجميلة :)
ودلوقت حالا وبمنتهى السرعة حروح عشان أحلم معاكم :) flower1

Re: تيجى نحلم تانى لسنة جديدة

مرسل: 02 فبراير 2010, 2:21 am
بواسطة تنهيدة
حلم كلمة جميلة بحب أسمعها من كل الناس وبحترم كل الناس الا لسه قادرة تحلم لان الحلم معناه امل فى بكرة وهدف عايشين عشان يتحقق
وانا بكل أمانة بعيش دايما بالحلم ومش عارفة أصدق الناس وأكره الحلم وساعات اصلا مش بصدق الناس الا بتقول اننا مابنعرفش نحلم لانى مقتنعة ان أكيد من غير حلم نموت ... وبكون سعيدة اوى لما بيوصفونى الا حواليا انى مجنونة أحلام وقتها بجد بعشق أوى الجنون وبفتخر بجنونى ...
نتكلم بئة شوية على 2009 لان مينفعش مفتكرهاش وانا بتكلم عن بداية سنة جديدة لان انا بعتبر ان السنة دى ادتنى كتير اوى معتقدش ان فى سنة من كل سنين عمرى الا جاية والا راحت ممكن تديهاولى كانت ايام فرحتها قليلة لكن بالنسبالى قيمة الفرحة دى ممكن اعيش عليها العمر كلة
وأجمل شىء ان حسيت ان 2009 قبل ماتمشى حققتلى أغلى حلم حلمته فى بدايتها وهو ان السنة تنتهى مع نفس الناس الا بداتها معاهم وهدتنى أغلى هدية فى انهم لسة فى حياتى ومحصلش بنا فراق ... حقيقى كانت سنه جميلة بكل شىء فيه .بوجودى معاكم بمعرفتى بشخصيات واصداقاء أكيد عمرى ماهنساهم لانهم بجد غيروا حياتى .....كتبت فيها كلمات صادقة بمنتهى الحب وقريت فيها كلمات اتحفرت بجد فى ذاكراتى لكتاب بتمنالهم انهم يكونوا فى المستقبل أعظم كتاب فى مصر...وأجمل شىء فى السنة الا فاتت هى ايجيبت رايت الا غيرت جوايا كتير وعرفتنا بأغلى أصدقاء :)
والله انا بجد محتاجة اتكلم كتير اوى عن السنة الا فاتت لكن بجد هحتاج صفحات لكن لو قولتولى أدى عنوان لسنة الا فاتت هقول سنة الحب والحلم
أحلامى ل 2010 يااااااااه دى كتير أوى أول أحلامى أن مصر تتغير لانها تستحق تكون أعظم دول الدنيا فى كل المجالات نفسى يتغير التعليم وتتطور الصحة ونهتم بالبيئة وبحلم بتقدم شامل فى كل أنحاء مصر لاننا يوم ماأهتمينا بالرياضة قدرنا نحقق أنتصارات كتير ولو أهتمينا بالتعليم وأهتمت الدولة بمزانية التعليم زى الرياضة أكيد هتتغير مصر فعلا وهتتحقق أنتصارات أكتر وأكتر :)أنا بحلم لمصر بحاجات كتير يارب تتحقق لانى بجد بحب مصر جداااااااااااااا :) دا حلمى لمصرى الحبيبة
وطبعا بحلم للدول العربية زى حلم كل الناس العربية اننا نتجمع اننا نحب بعض أننا نكون بجد أد كلمة عرب الا خرج منها خير خلق الله سيدنا محمد نفسى تحس كل دولة انها غصن فى شجرة عظيمة جزورها موجودة من بداية التاريخ نفسى بجد نتجمع :)
أحلام كتير بتسابقنى وانا بكتب نفسى اقولها كلها لكن هقول بئة الا يسبق بحلم أسرتى تكون سعيدة بحلم أشوف جوجو وسارة وان أحلامهم كلها تتحقق :)
وبحلم بجدا أتقابل مع كل أعضاء الأكاديمية واولهم غادة نفسى أتكلم معاها جدااا :)
وبحلم حلم نفسى يتحقق أنى أشارك فى ملجأ للأيتام ... وحلم كمان هيحتاج وقت شوية انى أفتح حضانة للأطفال وأستخدم فيها أساليب التربية الا موجودة فى أسلامنا ممكن إن شاء الله انتوا تشاركونى الحلم دا ....
وبحلم حلم ان احلام كل الناس الا حوالبا تتحقق وانى أساعدهم فى تحققها لان حقيقى متعة لاتوصف انك تحقق أحلام حد بتحبه
وطبعا قلبى بيحلم حلم نفسة يتحقق ...
كل سنة وانتوا طيبين وفى الحلم دايما متجمعين كل حلم وكل أعضاء أكاديمتنا فى سعادة
بتمنالكم جميعا أنكم تعيشوا الحياة باأجمل وأروع أحلام :) flower1 :)

Re: تيجى نحلم تانى لسنة جديدة

مرسل: 02 فبراير 2010, 2:35 am
بواسطة سندريلا
صباح الخير يا أجمل نهودة م11
إيه الحلام الجميلة دي ؟ طبعاً استحالة حد يستغرب أحلامك لأنها منك إنتِ يا أحلى نهاد في الدنيا ...
لكن فعلاً أحلام عظيمة ... أحلام لمصر و للدول العربية و للتعليم و لينا و لكل الناس طبعاً لأنها خارجة من قلب كبير زيك ...
كمان حلم الحضانة عجبني جداً و عمري ما حقدر أتخيل إن ممكن حد يعمل حضانة جميلة زيك إنتِ ...
و ربنا وحده اللي يعلم إني بجد نفسي أشوفك زي ما إنتي حابة إنتي كمان ... و طبعاً إنتِ عارفة إني حاسة إن ده حيتحقق إن شاء الله ...
بجد ربنا يحقق لك كل أحلامك ... و يحققلنا كلنا أهدافنا و أحلامنا ...
و سنة جديدة سعيدة علينا بإذن الله و مهما تكون الظروف حوالينا إلا إننا لازم نحلم و ربنا يقدرنا إننا نحلم دايماً ... و يحقق لنا كل أحلامنا ... :) flower1

Re: تيجى نحلم تانى لسنة جديدة

مرسل: 07 مارس 2010, 4:18 am
بواسطة تنهيدة
سندريلا كتب:صباح الخير يا أجمل نهودة م11
إيه الحلام الجميلة دي ؟ طبعاً استحالة حد يستغرب أحلامك لأنها منك إنتِ يا أحلى نهاد في الدنيا ...
لكن فعلاً أحلام عظيمة ... أحلام لمصر و للدول العربية و للتعليم و لينا و لكل الناس طبعاً لأنها خارجة من قلب كبير زيك ...
كمان حلم الحضانة عجبني جداً و عمري ما حقدر أتخيل إن ممكن حد يعمل حضانة جميلة زيك إنتِ ...
و ربنا وحده اللي يعلم إني بجد نفسي أشوفك زي ما إنتي حابة إنتي كمان ... و طبعاً إنتِ عارفة إني حاسة إن ده حيتحقق إن شاء الله ...
بجد ربنا يحقق لك كل أحلامك ... و يحققلنا كلنا أهدافنا و أحلامنا ...
و سنة جديدة سعيدة علينا بإذن الله و مهما تكون الظروف حوالينا إلا إننا لازم نحلم و ربنا يقدرنا إننا نحلم دايماً ... و يحقق لنا كل أحلامنا ... :) flower1
صباح النور يأجمل جوجو م11هو صباح متأخر كتير لكن يارب كل يوم يكون كل صباح يمر فى حياتك مليان نور وخير وسعادة :)
انا حبيت بس أرجع للموضوع عشان أشكرك على تعليقك الجميل على أحلامى
وصدقينى ياجوجتى انتى شوفتى أحلامى جميلة لانك شفتيها بعينك وروحك الجميلة الا دايما بتحس كل جمال :)
بشكرك على كل كلامك الجميلة الا اد اية بحسها خارج بكل صدق من قلبك البرىء :)
بتمنالك كل الخير والسعادة ياصديقتى الحبيبة ويارب كل حلم شاركنا بعض فيه فى الأكاديمية يتحقق زى ما حلمناه :) flower1 :)