صفحة 1 من 1

أمنية مجنونة ومش بتفارق خيالك..؟؟

مرسل: 09 يناير 2010, 5:14 pm
بواسطة Emy
ايه الأمنية المجنونة اللى دايما شاغلة بالك ..ومطيرة النوم من عينكlost1

وحاسس انها مش ممكن تتحقق .. ومع ذلك لسه بتتمناهااا؟؟:cry:

Re: أمنية مجنونة ومش بتفارق خيالك..؟؟

مرسل: 09 يناير 2010, 5:56 pm
بواسطة سندريلا
و الله في حاجات كتير يا إيمي ....
بس ممكن أقول السفر
نفسي أسافر فلسطين حلم حياتي و الله بس بسبب ظروف الاحتلال و إسرائيل طبعا تعتبر أمنية مجنونة ... أيضا أود السفر إلى لندن في بعثة علمية .... طبعا دي أماني مجنونة بس الله أعلم يمكن تتحقق ...
بس في فعلا أمنية مجنونة دايما في خيالي ... نفسي أكون اتولدت في أيام زمان ... يعني في الستينات و الخمسينات ... أيام الثورة ... عبد الحليم ... زمن جميل لما كانت السينما سينما فعلا و أبطالها كانوا زي أبطال الروايات اللي بنقراها ... زمن الراديو و الصحافة و الاحترام ...
بحب الزمن ده جدا و نفسي أرجعله ... تقولي إيه بئى ... أصلي مجنونة !
موضوع جميل يا إيمي ... يا ريت الكل يجاوب ع السؤال ده ... :)

Re: أمنية مجنونة ومش بتفارق خيالك..؟؟

مرسل: 09 يناير 2010, 8:46 pm
بواسطة Emy
حبيبتى يا جيجى.. انا فعلا معاكى انك مجنووووووووووونة:lol: ... بس جنون جميل:)

وامنياتك امنيات جميلة بس مجنونة برده ... بس متهيالى انها ممكن اوى تتحقق

الااااااااااااا


الرجوع لورا ده ... محدش بيرجع ورا يا جوجتى يا عسلlol11

أمنية مجنونة ومش بتفارق خيالك..؟؟

مرسل: 10 يناير 2010, 10:46 am
بواسطة mony
حلو الموضوع دة يا ايمى

انا عندى امنية غريبة شوية
امنيتى انى اخذ جائزة نوبل للسلام so1
بس مش عارفة هأخدها على إية؟ lost1

Re: أمنية مجنونة ومش بتفارق خيالك..؟؟

مرسل: 11 يناير 2010, 10:06 pm
بواسطة Emy
مش مجنونة ولا يا حاجة يا مونى
وممكن اوى تتحقق .. مين عااااارف؟؟lost1

Re: أمنية مجنونة ومش بتفارق خيالك..؟؟

مرسل: 14 يناير 2010, 12:59 am
بواسطة fromayka
لا بجد موضوع لذيذ
انا نفسى ف امنيه صغيره انا متاكدة انها لايمكن تتحقق بس فعلا مبتارقش خيالى
نفسى اعيش ف زمن الديناصورات
حقيقى الحياه هتبقى صعبه قوى بس انا بضعف فعلا كل لما اشوف او اسمع حاجة عنهم ابقى هتجنن واشوفهم حقيقى

Re: أمنية مجنونة ومش بتفارق خيالك..؟؟

مرسل: 15 يناير 2010, 8:28 pm
بواسطة تنهيدة
أمنيتى المجنونة إن أفضل محافظة على إبتسامتى :) ونظرتى للحياة أمنيتى المجنونة والا مش بتفارق حياتى إنى أفضل أحب :) أمنيتى المجنونة والا خابفة دايما لدنيا تسرقها منى وتحرمنى حتى من أن أحلم بيها أن يفضل قلمى يكشف كل أسرار قلبى وأفضل طول عمرى أحساسى هو حبر لقلمى كتير هيقولوا عنى خيالية ورومانسية زيادة لكن بجد هى دى أكتر أمنيات خايفة عليها ودايما بحلم بيها كل يوم بيفوت من عمرى بحمد ربنا انى نمت وصحيت من غير ماأحس بكرة لاى حد وان عنيه لسه بتحب السما وبتمبتسم لما تشوف صفاءها وان كل الناس الا حواليا موجودة وانى عشت يوم جديد باأمل انه هيكون أحسن وان ممكن فى لحظة تتغير حياتى وأكون فى عالم بتمنى أعيشة أوقات بقول ان كان نفسى اكون من زمن فات لكن بسرعة بحس احساس بالرضا الكامل انى من الزمن دا مش لانه اجمل زمن ولا لانى سعيدة بكل شىء موجود حواليا بس لان أكيد ربنا له حكمه
ان خلقنى دلوقت ويسرح خيالى واعيش فى حلم تانى وهو ان احتمال أكون سبب فى الأصلاح يوما ما ....أما حلمى الكبير والا يارب يفضل موجوووود دايما أنى أفضل عايشة وأنا قادرة انى أحلم وبتمنى لو فى يوم حصل انى كرهت دنيتى وتاه خيالى وبطلت أحلم وكسرت الدنيا قلمى ومبيقتش أعرف أحب أختفى من الدنيا وتختفى ذكرتى وانتهى للأبد ... :)
إيمى الجميلة حقيقى موضوع جميل بشكرك جدااا علية لانك عيشتنى مع أصدقائى أجمل أحلام مجنونة وكل أحلامهم بجد جميلة مهما زاد جنونها dream11
لان انا من ضمن مبادئى ان كلما زاد جنون الحلم زاد جمالة ....يارب أحلامكم المجنونة تتحقق حتى لو كانت الرجوع لزمن فات باجوجو ممكن نعمل احنا نعمل زمن جديد مكون من كل الأزمان الا بنتمى الرجوع إليها .... ولو على جايزة نوبل فممكن اوى يامنى لانك حددتى هدفها وأعتقد ان دا اسمى واروع هدف وان شاء الله هيتتحقق .. :) أما ياسماح موضوع الديناصورات فماكذبش عليكى متمناش أبدا أنها تتحقق دا انا بترعب حتى من أسمائهم تقوليلى ترجعلهم الحل انك تروحى أى مكتبة وتبحثى عنهم زى ما انتى عايزة لكن بالرجوع أعتقد هيكون صعب العودة
بتمنالك ياإيمى انتى وكل اصدقائى الجمال انكم تفضلوا طول العمر قادرين تحلموا وكل مايتحقق حلم نوصل بيه لحلم جديد أجمل وأروع flower1 :) flower1بس ياإيمى ياقمر ينفع صاحية الموضوع تحرمنا من قراءة احلامها المجنونة ;)

Re: أمنية مجنونة ومش بتفارق خيالك..؟؟

مرسل: 18 يناير 2010, 8:32 pm
بواسطة Emy
fromayka

الجميلة ...امنيتك غريبة اوووووووووووى وفيها شوية جنون مش بطالين .. بس حرام عليكى انا بخاف


تنهيدة

انا بحبك بجد... وكل ماشوف كلامك احس انك قريبة منى

بجد فرحت اوى بردك وباحلامك ..الجمييييييييييييلة الحالمة الرائعة.. اللى ان دلت دلت ع بنوتة رقيقة الاحساس
دام لكى احساسك ودامت رقتك ... ويااااارب يحققلك امنياتك

Re: أمنية مجنونة ومش بتفارق خيالك..؟؟

مرسل: 18 يناير 2010, 8:40 pm
بواسطة Emy
امنياتى بناءا ع رغبة تنهيدة الجميلة



انا امنياتى بسيطة جدااا ومتختلفش كتير عن امنياتك يا تنهيدة

بيقولو عليا هادية وصامتة .. وانا بحب الهدوء والصمت ده .. ونفسى احافظ عليهم .. ونفسى اوى الاقى اشخاص تشاركنى حياتى ليهم نفس شخصيتى

كمان نفسى اقدر اغير حياتى بطريقة نسبيا متوافقة مع سنى ... وافضل كده انا هى انا طول حياتى
كمان بحلم باستقرار من نوع خاص فى حياتى المستقبلية .. وده تقريبا ببنيله من دلوقتى
ونفسى انجح فى حياتى العملية الجاية
ونفسى افضل محافظة ع حب الناس ليا وارائهم فيا متتغيرش الا للاحسن
وبسسسسم11