صفحة 1 من 2
حرية-
مرسل: 06 ديسمبر 2008, 10:46 pm
بواسطة هبة الله محمد
حرية
شعر
آه لو املك سر النار
وأعرف ثغرات الأسوار
وأطير على أجنحة الريح
مفجرة خلفي أسرار
وأهبط في ظل حديقة
أنتظر مجيء الأمطار
ويجيء المطر يطهرني
ويينع في قلبي أزهار
ويجيء الطير ليحملني
حيث نعود إلى الأوكار
وأعود..أعود إلى وكري
حاملة شمس الحرية
تحيل ليلي إلى نهار
12 فبراير 2008
هبة الله محمد حسن
Re: حرية- المحاولة الأولى لشاعرة فاشلة
مرسل: 06 ديسمبر 2008, 10:59 pm
بواسطة تنهيدة
واللهى جميلة ياهبة كفاية انك كتباه بأحساس بجد معانية حلوه وكمان اسلوبة بس مكنش المفروض تكتبى شاعرة فاشلة لان الأكاديمية هنا مبتحبش القشل وانتى كتاباتك مميزة عجبنى موضوع القصيدة الحرية أجمل معنى فى الدنيا هو الحرية
بهنيك على كتابت أول أشعارك وبتمنالك دائما التوفيق
Re: حرية
مرسل: 06 ديسمبر 2008, 11:47 pm
بواسطة همسه
جميل اوى ياهبه الاحساس بالحريه وجميل شعرك برده
بس ليه زى ماتنهيده قالت بتقولى على نفسك فاشله ..انا همسح كلمة فاشله لانه ماينفعش انك تقولى على نفسك كده ..وكمان بتدى ايحاء للى هيقرا الابيات دى انه كلام ملوش لازمه ولا له معنى..مع ان المعنى والمغزى منه هايل اوى...اسمحى لى امسحها
Re: حرية-
مرسل: 07 ديسمبر 2008, 11:33 am
بواسطة الامير الصغير
جميل جداً يا هبة.
.وان الحريه احلى حاجه فى الدنيا.
ويارب تعملى أشعار تانيه كتير.
شكراً
امير
Re: حرية-
مرسل: 07 ديسمبر 2008, 10:29 pm
بواسطة الأمير الحائر
حلم صغير وجميل بالحرية...لغتك جميلة كالعادة ياهبة وبدال لغتك كويسة كده ممكن تكتبى أى نوع من الكتابة..ولو شايفة الشعر مش ماشى معاكى كوزن أو كقافية ( أنا بردو كنت بكره الشعر أوى عشان مش بحب ألتزم بقافية ) فممكن فى البداية تعملى أشعار فى قالب خواطر كبداية عشان ماتتقيديش بوزن...وبعد كده لما تجيلك فكرة هتلاقى الشعر والوزن جه لوحده...ده غير انى لاحظت من قصصك ان أفكارك جديدة دائما ومميزة وده بالأضافة للغتك القوية أكيد هيديكى مساحة تكتبى أى نوعيات أدبية من مقالات أو أشعار أو روايات...أنتى بس افتحى كده أخر قسم أدبى ممكن تفكرى تكتبى فيه فى الأكاديمية وأبدأى اكتبى وجربى وأنا متوقع النتيجة هتبقى هايلة
بحييكى يا هبة على أول عمل ليكى فى قسم الشعر
Re: حرية-
مرسل: 08 ديسمبر 2008, 10:58 am
بواسطة قلب حزين
انا بردو مش بعرف اكتب شعر خالص بس اعرف اقراه ياهبة وانتى قصيدتك جميلة والله مع ان واضح انك مش غاوية شعر بس هو زى ما قال وليد بدال بتعرفى تكتبى كويس ممكن تكتبى اى حاجة....وبجد هأستنى اقرالك حاجة جديدة وبتمنالك التوفيق ياهبة
مريم
Re: حرية-
مرسل: 10 ديسمبر 2008, 8:00 pm
بواسطة هبة الله محمد
ياااااااااااااااااه رفعتوا روحي المعنوية خلاص أنا هأنطلق بس انتم حرين بقى في اللي هتشوفوه..
Re: حرية-
مرسل: 09 فبراير 2009, 9:14 am
بواسطة walaa mohamed
جميل أوى يا هبة. بجد عجبنى جدا
و فى انتظار المزيد
Re: حرية-
مرسل: 08 مارس 2009, 1:01 am
بواسطة Ghadat2009
Re: حرية-
مرسل: 11 مارس 2009, 8:34 pm
بواسطة هبة الله محمد
شكرا على مرورك يا غادة..وتشجيعك أيضا..
أنا أسوأ من يكتب الشعر..
والصراحة الشعر لا ينقصني..فقررت أن أرحمه مني قليلا..