أكاديمية ايجيبت رايت الأدبية

شفت فى الدنيا كتير وقليل
لكن لبلادى ما شفت مثيل
دى مصر ام الدنيا
دى حبيبتى بلد النيل
منه تشرب مره
هتدوب فى هواه وتميل
بس لكل عالم هفوه
بترجعه ييجى الف ميل
كل ما نطلع قدام خطوه
نرجع تانى الخيبه شايلين
بسبب ناس عايزه تدمرها
غير التدمير مش عايزين
امنيتهم انها تهلك
زى ما دمروا غيرها كتير
والنبى طب ده يرضيكم
واحنا واقفين ساكتين
يالا بصوتكم روحوا قايلين
هتشوفوا مين المصريين
زى ماشفتوا منا كتير
اوله كان فى حطين
وفى اكتوبر علمناكم
بنصر والله عظيم
يالا نقوم ونقول للعالم
مصر هتفضل بلد الخير
وزى ما اتقال فى قرآنا
ادخلوها بسلام آمنين

الله على الجمال يا أية..بجد شاعرة هايلة جدا كالعادة... فى العامية أو الفصحى
كلمات حماسية ومعبرة تستاهلها مصر جدا جدا...وأجمل حاجة النهاية " ادخلوها بسلام آمنين "
ماينفعش أنقد حاجة بقى من جمال القصيدة وبعدين أنقد ايه وأنتى مشرفة الشعر مبروك الإشراف يا أية وكمان مبروك إشراف قسم كلام فى الحب لسه واخد باله منه تحت اسمك كنت فاكر قسم الشعر بس..عموما القسم ده حلو بس مش عارف ليه ماحدش بيكتب فيه كتير مع ان مشاكل الحب كتير أوى عندنا
مبروك يا أية الإشراف ومبروك كمان القصيدة الجميلة بعد غياب

كلام جميل وواضح انه صادق وكويس انى فى حد
فى سنك لسه جواه مشاعر لبلده قادر يخرها فى كلام
بعد ماضاعت هوية معظمنا دلوقتى ولو انى الكلام لوحده
مابقاش ينفع وفعلا متأخرين الف ميل والامان مش بس حروب
ودبابات الامان برده حشيش ومخدرات وبلاوى ماليه البلد محتاجه
نتكلم عنها

شكرا لكلامك الجميل ياوليد ياحضرة المشرف العام بس مش معنى انى مشرفة الشعر ان محدش ينتقضنى لا بالعكس انا محتاجه رايكم زى الاول واكتر وبشكر خالد وبقوله شكرا يادكتور على تشجيعك ليه بس الامان مش فى البانجو والحشيش بس الامان فى حاجات تانيه كتيرهوبشكركم تانى

كلام جميل جدا أحييكي عليه فعلا مصر خيرها لن ينضب وكفاها أنها غنية بإخلاص وحب أبنائها

ايه الجمال دة يأيه قصيدة هايلة انا بموت فى اى كلام يكون فى حب مصر وياسلام لما يكون الكلام دة منك انتى ياشاعرتنا الجميلة

والله جميل جداً يا همسة.
صحيح حلوة يابلدى.
معانى جميله جداً يا همسه.
همسه.وليها همسات جميله.
وشكراً

شكرا اوى ياامير على كلامك الجميل وانا فرحانه ان كلامى بيعجبك ياامير ياصغير