معذورة
وانا فوق حيطان الذل بتعلق صورة
وف وسط غيطان القهر بموت مقهورة
منطورة احلامى ف كل السكك
تستنى صحيان يدوسها
تعلق اخطائها على شماعه وتعملها
هدمه وتلبسها
البسها
وافرش زحمه الاوجاع شفايف تلمسها
فك خنقه قلم من بين صوابع
اخرسها
معذورة
خيالى وخانى
راح خيال لواحد تانى اجبن منى
وانا ..........
منتهى الرأفه الموجوعه
حواديت الزفه المسموعه ف سنى
عايزين ايه ؟
تمصو العضم اللى بكتب بيه
تقصو فكرى ولسانى
انا م اللحظه هكون انانى
انسان تانى
وصيته
قتل كل البشر
مدفون بالبكا
مداريه الحجر
انا جايلكم م الشجر
طارح عليكو السلام
ومش مستنى رد
ولا نظرة من حد
انا م اللحظه اتولدت
جنيه شاده وراها الموج افكار
تيار معاكس
وما بين البوح والكتمان اسرار
مابين قولة لأه وأه اسوار
من بين ليلين يطلعلى نهار
وانا مش هستنى حد يقيم عليه حوار
او حد يقوللى مالك
انا مرمى جوه خيال بيصيف ف نارك
ايده فإديه
افكارنا الطاقيه حلم مضلل عليك وعليه
والكل واقف يسأل
امتى هنبطل مهاتيه