أوتار الريح
-----------------------------------------------
باعزف على أوتار الريح لحن قلب جريح
دمعي صريح حال المجاريحلما تهب الريح محازين تفاريح
يا حلمي يالي من لحمي و دمي
ليه تخوني تملي
وتاخد همي تحلي
عشان يشرب عثمانلي
يكربجني يهيني
وآه... وآه من دمي
اللي تايه في الترللي
وآه يا ليل
شوفي ياعين
آه ياللي
وآة من غدرك يا خللي
يا شايف
..يا سامع .
.يا رايح يا راجع
من تل مواجع
ومين يوصلي
في عز الريح
أعزف على حرف جريح
يمكن معنى يجمعنا في التباريح
بعد ما فرقنا كذب صريح !
تسرق عمري بفيتو
تكفن بلدي فنيتو
موتم ولاصحيتوا
مش هطولوا لو شبيتوا
غرق زتونكوا في زيتوا
راح عراقكوا
شفط بترولكوا في بيتوا
ولع حريه في التقليه
ماهي كرة أرضيه تلخبيطوا
هو أبو غريب كان عمرة غريب ؟!
طول عمرة بيلعب في أراضيكوا
فاق الرمان فرط تاريخه زمان
لقط حبه الغربان
لا روحتوا ولا جيتوا
حتى رسولنا كمان
دخلوا ع الأديان
أيه تاني يا ولاد كنعان
غير الدعوة أذا صليتوا
أدفن راسك يا نعام وهنخرب بيتوا
وتعيشي حرة يا زلابيطوا
في عز الريح
أصرخ يا داوود يا محمد يا مسيح
باسجد وأسبح لربي ودمعي طريح
الدم ع الأرض يشيخ
يتعكز على كلام تماسيح
يصبح صوت الحق فحيح
دي ريح ما بعدها ريح
ووسط الريح طاخ طوخ طيخ
راكب لساني سكات
رافع لجامي ثبات
كم واحد مات
كام عايشين أموات
والتعلب فات
وفديله لسه حاجات
وأنا واللقمه يعجنا
يخبزنا
ياكلنا
أبن ذوات
بالمانشتات
وأهو ورق طاير في عز الريح