الدنيا
*******
آه منك آه يا دنيا ـــ بتبيعي الروح ف ثانية
وبتموت القلوب ـــ من غدر الدنيا ديه
***
ليه يا دنيا تظلمي فينا ـــ وتأسي كتير علينا
ليه الحزن فاكرنا ـــ والفرح ليه ناسينا
***
الإسم بني آدمين ـــ لكن يا ريت عايشين
وحتى لو عايشين ـــ من الأسى خايفين
***
آخرتها إيه يا دنيا ـــ موديانا على فين
حنرسى يوم ولا ـــ حنعيش كدا ضايعين
***
دايماً علينا غريبة ـــ وللآسيين قريبة
عمرك ف يوم ما تكوني ـــ للطيبين طبيبة
***
زمانا بيعدي علينا ـــ وانتى بنارك تكوينا
ليه يا دنيا غدارة بينا ـــ وليه محتارة فينا
***
يومين بتعيشينا ـــ وسنين تتحدي فينا
ويا ريتك تبعدينا ـــ وكفاية كتير علينا
***
بالذمة بقى انتى دنيا ـــ والله انتى ما دنيا
لو كنتى بحق دنيا ـــ ما كنتى ظلمتي ثانية
***
والله خسارة فيكي ـــ نعيش ونخاف عليكي
مبقاش ف قلبي ليكي ـــ غير كرهي يا دنيا فيكي
سيبينى يا دنيا اعيش ـــ سيبينى حرام عليكي
سيبيني حرام عليكي
********
*****
***
على فكرة هي ليها تكملة بس بصراحة انا قلت كفاية كدا لأن الباقي حزين جداً لإنى ساعة ما كتبتها بجد كنت حزين جداً جداً الكلام دا من 6 سنين تقريباً
أتمنى إنى مكونش اتسببت لكم فى كآبة