طفل شارع

المشرفون: محمد محمود،همسه،donnabella

صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

طفل شارع

مشاركة بواسطة walaa mohamed »


أنا طفل شارع


وكلكم شايفنى ضايع


نظرتكم ليا دايما عتاب


وسؤال بيلح ع الجواب


ليه كده يابنى؟


وماحدش عايز يكسب فيا ثواب


وقبل ما يجى يعاتبنى..


يجاوبنى..يفهمنى..يقوللى


مين الجانى ومين المجنى عليه


مين قتل ومين بينقتل..


كل يوم وهو مش عارف ليه


بس هقول ايه


ماأنا طفل شارع


وكلكم شايفنى ضايع


ومعاكم حق ما خلاص..


أنا فى الشر بقيت استاذ بارع


وفيها ايه..


ماأنا للدنيا خلاص بايع


آه فيه خير..بس قليل


آه فيه حاجات حلوة كتير


آه فى آيادى بيضا...


أنا عنها سامع


بس بينى وبينها..


ألف مانع ومانع


وهقول ايه ما انا طفل شارع


وكلكم شايفنى ضايع


فاكرنى مبسوط


ومش عايز أمشى مظبوط


أبدا والله


ده أنا لما بشوف حد رايح مدرسة


بنسى العالم واللى فيه


وبفضل أبص عليه..شايل شنطته


وأبوه وأمه من حواليه


وبتمنى أكون انا مكانه


ومش عايز حاجة تانى


وأنا يعنى ساعتها هعوز ايه


ببكى..على حظى أنا ابكى


وبسأل.......


_ومين يعنى سامعنى _غير نفسى


ليه يا أمى..ليه سيبتينى ليه


هو أنا زعلتك


طيب أسف..بس تعالى


وخدينى م اللى أنا فيه


هقول ايه...


ربنا يسامحك ع اللى فيا عملتيه


هنساكى مع انى أصلا..


مش عارفك ولا حتى عارف..


شكلك ايه


أنا بس عارف انى طفل شارع


آه اللى يشوفنى يقول عايش


لكن من جوه...


دمار وخراب قاعد وفارش


كل شىء فيا مات


قلبى وعقلى وروحى


ذكريات جميلة..مجرد ذكريات


بس خلاص أهو كله فات


وكل شىء بقى خد وهات


ان كان ع الأكل..


فأنا يكفينى الفتات


بس الحنان..الأمان


حاجات ساعات بفكر فيها..ساعات


لكن أرجع وأقول..خيالى واسع


ولازم أنسى وأعيش الواقع


بس برضه لسه بفكر


وهفكر تانى وتالت ورابع


ايوه أنا طفل شارع


وكلكم شايفنى ضايع


بس ع الاقل ليا احلم


ليا فى خيالى أطير


وكأنى عصفور من العصافير


هتخيل انى بقيت غنى


وساعتها هكون كريم


وعمرى ما هكون بخيل


أيوه هفضل أحلم وأحلم


وأنا ليا ايه غير انى أحلم


آه غيرى عايش فى الواقع أحلامى


وف كل يوم بيغتالوا آمالى


هسيبنى منهم..أنا مستغنى عنهم


وأتفرغ لحلمى..وأخيب أملهم


فى حلمى وصلت.......


انى بقيت انسان عظيم


حاجة كده زى وزير


وف يوم اتقدمت لبنت سفير


طبعا رفض وقال صعلوك..حقير


كان ف يوم طفل شارع


والدنيا ضحكتله وبقى..


لكل شىء هو طامع


حتى أحلامى..بتتحول لكابوس


حياتى كلها ضلمة..


مفيهاش أى نور


ولو حتى..كان بفانوس


ماأنا طفل شارع


أيوه ضايع


بس أعمل ايه


أدينى عايش..ما أعرفش ليه


عمرى بيضيع..


ومش زعلان عليه


ويارب بقى ينتهى..


وأسيبلكم العالم باللى فيه


وأنا يعنى هفرق معاكم ايه


ما أنا طفل شارع


وكلكم شايفنى ضايع





صورة
آخر تعديل بواسطة walaa mohamed في 18 فبراير 2010, 9:48 am، تم التعديل مرة واحدة.
يا مقلب القلوب..ثبت قلبى على دينك


صورة
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: طفل شارع

مشاركة بواسطة محمد محمود »

تحياتي يا ولاء
بكلمات سلسة غير متكلفة أثرت أحد أقوى المشكلات المعضلة في بلادنا
مشكلة إنسانية صنعها ظلم البشر فكات نتيجتها أن أرقت هذه المشكلة أمنهم وأمانهم
أحييك على اختيارك الموفق للموضوع والكلمات المعبرة التي تحكي المأساة بصورة بارعة.
clap1 clap1 clap1 clap1 clap1 clap1 clap1 clap1 clap1 clap1
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: طفل شارع

مشاركة بواسطة تنهيدة »

وحشتنى جدا ياولاء ووحشنى كلماتك البسيطة المعبرة... م11
وكلماتك النهاردة بجد قرأتها وكأنى أسمعها من طفل الشارع حسيت جداا أن دا هو
الكلام الا بيحس بيه والا بيقولوا جواها وزى ماأنتى وصفتى بأسلوبك الرائع أن مفيش حد يسمعه غير نفسه
حسيت جدااااا بكلماتك أتأثرت كتير ان حتى حلم الطفل ده بيتحول لكابوس وأنه مهم أتغير هتفضل كلمة طفل شارع
قدره الا مش ممكن يسيبه ...بحيكِ من قلبى ياولاء لانك كتبتى بأحساسهم حسيتى بمشاعرهم الا كل الناس ناسيها ..ومش شايفه فيهم غير الجانب السئ الا هم زرعوه جواهم بقسوتهم وبنظرتهم ليهم ..بجد أنا نفسى أقول كلام كتير لكن بجد أنت عبرتى عن كل الكلام بأسلوبك السهل المميز الا حقيقى يمتع القارئ ويجعله يعيش داخل الكلمات وكأنه يسمعها .... وانا بعشق الشعر عندما يتحدث بلسان الناس ويناقش مشاكلهم ويعبر عن أحساسهم ..وانتِ متميزة جداا فى الكتابة فى هذا النوع ...
تمنياتى لك بكل توفيق وأن يظل قلمك دائما يشعر بهموم الناس ... :) flower1
صورة
صورة العضو الرمزية
لارا
مشرفة قسم إهداء إلى
مشاركات: 151
اشترك في: 22 ديسمبر 2008, 12:00 am
Real Name: سها محمد حسن
Favorite Quote: من الذكاء ان تكون غبيا بعض الوقت
verification: ID verified and trusted writer

Re: طفل شارع

مشاركة بواسطة لارا »

مش عارفه اقولك ايه بس انتى عبرتى واتكلمتى بصوت اطفال كتير مش زنبهم انهم لاقوا نفسهم فى الشارع
بجد حابه اننا مش نقول عليهم اطفال الشوارع هما اطفال فى الشارع ولازم كلنا نحاول فى اننا نساعدهم بس للاسف نلاقى مقالات واحاديث صحفيه جديده بس مش فى حد قال حل مع ان الحلول موجوده لو لمره فى حياتنا اتعاونت الحكومه مع افراد المجتمع المدنى هنعرف نحل المشكله.انا اسفه انى دخلتك فى حاجه تانيه بس الموضوع ده انا من زمان وانا بفكر فيه تقريبا من وانا طفله .بحيكى على كلماتك الجميله السلسه
cowards die many times before thier dies
fromayka
أكاديمى نشيط
أكاديمى نشيط
مشاركات: 136
اشترك في: 08 مايو 2009, 1:27 am
Real Name: سماح مصطفى
Favorite Quote: اول الغيث قطرة
مكان: فى رحم الفجر

Re: طفل شارع

مشاركة بواسطة fromayka »

حلوة يالؤة كلماتك بسيطه والموضوع جميل وجديد احييك على اثارته واحييك مرة اخرى على الصوره المعبرة
كل مانوصل لمينا
نبتدى ونقول رسينا
الشطوط ترفض لقانا
والبحور تانى تنادينا
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: طفل شارع

مشاركة بواسطة walaa mohamed »

محمد محمود كتب:تحياتي يا ولاء
بكلمات سلسة غير متكلفة أثرت أحد أقوى المشكلات المعضلة في بلادنا
مشكلة إنسانية صنعها ظلم البشر فكات نتيجتها أن أرقت هذه المشكلة أمنهم وأمانهم
أحييك على اختيارك الموفق للموضوع والكلمات المعبرة التي تحكي المأساة بصورة بارعة.
clap1 clap1 clap1 clap1 clap1 clap1 clap1 clap1 clap1 clap1

هى فعلا من أقوى المشكلات اللى بنعانى منها.وبنحلم باليوم اللى تنتهى فيه
سعدت جدا بمروركflower1
وبشكرك على رأيك الجميلflower1
آخر تعديل بواسطة walaa mohamed في 30 يونيو 2009, 9:56 am، تم التعديل 4 مرات في المجمل.
يا مقلب القلوب..ثبت قلبى على دينك


صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: طفل شارع

مشاركة بواسطة Ghadat2009 »

الله على روعة الفكرة و سلاسة و تلقائية الأسلوب happy11 happy11 happy11

بجد ياولاء ... أسلوبك في منتهى الجمال ... انتي تقمّصتِ أحاسيس و روح واحد من أطفال الشوارع و تكلمتِ بلسانه ..سمّعتينا صوته و أفكاره بشكل مؤثر جدا ... بخاصة لما اتكلم عن مامته و عن الأولاد اللي رايحين المدرسة مع أهاليهم ...

و منتهى الأسى لمّا اتكلمتِ عن أحلامهم اللي بتتحوّل لكوابيس ...حتى الحلم مش قادرين عليه ! جسّدتِ حالة الاحباط و الإحساس بالضياع بشكل ممتاز فعلا

أمّا الصورة ..فهي حكاية لوحدها ..اختيار موفق جدا ..( ليه مش بتشاركي في قسم صور و كتابات ؟ الفكرة انك تجيبي صورة و تكتبي عليعا تعليق مناسب أدبي أو طريف و اللي بيرد على موضوعك يشارك هوّ كمان بتعليق أدبي ..ايه رأيك ؟)

جزاكِ الله خيرا على التذكرة بهذه المشكلة التي في منتهى الخطورة ...قنابل موقوته ..انفجر بالفعل منها الكثير و علينا احتواء الباقيين قدر الامكان و الا ... انفجرت لتدمّر نفسها و من حولها لا قدّر الله

سلم ابداعك الممتع دائما و أسلوبك المحبب لدي يا أختي الجميلة flower1 flower1 flower1
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: طفل شارع

مشاركة بواسطة walaa mohamed »

تنهيدة كتب:وحشتنى جدا ياولاء ووحشنى كلماتك البسيطة المعبرة... م11
وكلماتك النهاردة بجد قرأتها وكأنى أسمعها من طفل الشارع حسيت جداا أن دا هو
الكلام الا بيحس بيه والا بيقولوا جواها وزى ماأنتى وصفتى بأسلوبك الرائع أن مفيش حد يسمعه غير نفسه
حسيت جدااااا بكلماتك أتأثرت كتير ان حتى حلم الطفل ده بيتحول لكابوس وأنه مهم أتغير هتفضل كلمة طفل شارع
قدره الا مش ممكن يسيبه ...بحيكِ من قلبى ياولاء لانك كتبتى بأحساسهم حسيتى بمشاعرهم الا كل الناس ناسيها ..ومش شايفه فيهم غير الجانب السئ الا هم زرعوه جواهم بقسوتهم وبنظرتهم ليهم ..بجد أنا نفسى أقول كلام كتير لكن بجد أنت عبرتى عن كل الكلام بأسلوبك السهل المميز الا حقيقى يمتع القارئ ويجعله يعيش داخل الكلمات وكأنه يسمعها .... وانا بعشق الشعر عندما يتحدث بلسان الناس ويناقش مشاكلهم ويعبر عن أحساسهم ..وانتِ متميزة جداا فى الكتابة فى هذا النوع ...
تمنياتى لك بكل توفيق وأن يظل قلمك دائما يشعر بهموم الناس ... :) flower1
والله يا نهاد انتى اللى وحشتينى جدا جدا م11 م11
سعدت جدا برأيك. الموضوع حقا مؤلم وللأسف مش ناس كتير اللى شاغلين بالهم به.
حاولت كثيرا أن أكتب عنهم فلم أستطع لكن حينما حاولت أن أتقمص روحهم وجدت كلام كثير يتدفق رغما عنى.
بشكرك أوى يا نهاد على مرورك الرائع flower1 flower1
يا مقلب القلوب..ثبت قلبى على دينك


صورة
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: طفل شارع

مشاركة بواسطة walaa mohamed »

لارا كتب:مش عارفه اقولك ايه بس انتى عبرتى واتكلمتى بصوت اطفال كتير مش زنبهم انهم لاقوا نفسهم فى الشارع
بجد حابه اننا مش نقول عليهم اطفال الشوارع هما اطفال فى الشارع ولازم كلنا نحاول فى اننا نساعدهم بس للاسف نلاقى مقالات واحاديث صحفيه جديده بس مش فى حد قال حل مع ان الحلول موجوده لو لمره فى حياتنا اتعاونت الحكومه مع افراد المجتمع المدنى هنعرف نحل المشكله.انا اسفه انى دخلتك فى حاجه تانيه بس الموضوع ده انا من زمان وانا بفكر فيه تقريبا من وانا طفله .بحيكى على كلماتك الجميله السلسه
ازيك يا لارا :)
بشكرك يا لارا على احساسك العالى فأنت تتألمى من مجرد تلقبهم بأطفال الشوارع.
بس تفتكرى لو قلنا أطفال فى الشارع ده هيغير حاجة..ياريت
ومعاكى يا لارا انه فعلا لو كان فى تعاون ما كانش ده بقه حالنا.
جزاك الله خيرا
flower1
يا مقلب القلوب..ثبت قلبى على دينك


صورة
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: طفل شارع

مشاركة بواسطة walaa mohamed »

لارا كتب:مش عارفه اقولك ايه بس انتى عبرتى واتكلمتى بصوت اطفال كتير مش زنبهم انهم لاقوا نفسهم فى الشارع
بجد حابه اننا مش نقول عليهم اطفال الشوارع هما اطفال فى الشارع ولازم كلنا نحاول فى اننا نساعدهم بس للاسف نلاقى مقالات واحاديث صحفيه جديده بس مش فى حد قال حل مع ان الحلول موجوده لو لمره فى حياتنا اتعاونت الحكومه مع افراد المجتمع المدنى هنعرف نحل المشكله.انا اسفه انى دخلتك فى حاجه تانيه بس الموضوع ده انا من زمان وانا بفكر فيه تقريبا من وانا طفله .بحيكى على كلماتك الجميله السلسه
ازيك يا لارا :)
بشكرك يا لارا على احساسك العالى فأنت تتألمى من مجرد تلقبهم بأطفال الشوارع.
بس تفتكرى لو قلنا أطفال فى الشارع ده هيغير حاجة..ياريت
ومعاكى يا لارا انه فعلا لو كان فى تعاون ما كانش ده بقه حالنا.
جزاك الله خيرا
flower1
يا مقلب القلوب..ثبت قلبى على دينك


صورة
أضف رد جديد

العودة إلى ”أشعار عامية“