متصحونيش

المشرفون: محمد محمود،همسه،donnabella

أضف رد جديد
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

متصحونيش

مشاركة بواسطة elsayad »

متصحونيش
*******
إن كنت نايم متصحونيش
وان كنت صاحي سيبوني اعيش
ليه الزمان غدار وآسي وبايعنا
ليه السنين بتمر ولا حدش سامعنا
ليه العذاب ليه العتاب ليه الألم
نفسي ف يوم أبات من غير ما انظلم
مش لاقي نور وجه الغيام عم المكان
حتى السلام معدش حد فاضى كمان
ضاع الأمان د احنا ف زمان فيه البكى ما بينتهي
من كتر ما شفت الهوان بقول يا رب ننتهي
مهما حنداري الجراح باينة ف عنينا
ومهما نزعل ع اللى راح مش حيرجع لينا
أنا ف حلم ولا ف كابوس ولا إيه دا
د انا لو ف غابة وسط الوحوش مكانش حالى بأة كدا
وان كنت نايم متصحونيش
وان كنت صاحي سيبوني اعيش
وبتسألوني ليه
أصحى أشوف إيه ف زمان فيه العجب
سيبوني أرتاح من البلطجة والشغب
وكمان مشوفش ظلم اليهود لإخوانا العرب
ولا حتى اشوف على وشوش الناس الغضب
ولا عاوز اشوف مين سرق ولا مين ضرب
ولا مين راح ضحية ولا مين انطرب
ولا مين راح يشتكي ولا يكتب طلب
ولا ناس بيتها واقع ونايمة ف الترب
ولا ناس واكلنها والعة وغلابة بتتنهب
ولا مين هاجر ولا مين طفش ولا مين اغترب
ولا مين مش لاقي ياكل ولا يشرب ولا مين انعطب
ولا مين عايشين ف جنة ولا مين ف اللهب
ولا مين حقه ضاع ولا مين حقه انسلب
ولا مين اسمه انكتب ولا مين اسمه انشطب
ولا مين نجح في دايرته ولا مين رسب
ولا مين منه فايدة ولا مين علينا انحسب
ولا مين من كتر ما انحنى جاله أتب
ولا مين بيكنز ف الدهب ولا مين بيشيل حطب
ولا مين احتل أرضي ولا مين انسحب
ولا مين باع هدومه ولا مين باع الأدب
ولا مين راحت فلوسه ولا مين عليه اتنصب
د حتى السجين فرحان بسجنه ولا بيفكرش ف الهرب
وحسألكم أنا
مين السبب . . مين السبب
مش قلت لكم متصحونيش
إن كنت نايم متصحونيش
وان كنت صاحي سيبوني اعيش
سيبوني أعيش
********
*****
***
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: متصحونيش

مشاركة بواسطة elsayad »

eman كتب:قصيدة فى منتهى منتهى الروعة فعلا الكلام بيوصف حال الدنيا دلوقت وخصوصا لان جميع برامج التليفزيون المحلية والفضائية شغالة 24 ساعة جرائم وحوادث وقتل ونهب وسرقة وازمات على جميع الاشكال والالوان لما بجد الواحد اتخنق وبقينا حاسين ان الدنيا معدش فيها حاجة تفرح ......... وحتى لو اتفرجنا على برنامج يفرح بنتوقع واحنا قاعدين حدوث صدمة او مصيبة عاجلة " خبر عاجل " :lol:
والدليل لما قلت " داحنا فى زمان فيه البكى ما بينتهى "
احييك على تعبيراتك الاكثر من رائعة . ومع تمنياتى بالتفوق............



الزميلة / إيمان
أشكرك جدا على ردك على موضوعي وآسف على التأخر فى الرد عليكي علشان ظروف شغلي .
وفعلاً زى ما قلتى حال الدنيا هو اللى بيضطر الواحد لكتابة مثل هذه الكلمات وربنا يهون على الجميع .
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: متصحونيش

مشاركة بواسطة سندريلا »

أحييك يا أستاذ عاطف على القصيدة الهايلة دي .... clap1 clap1

عبرت عن مشاكل و مشاعر احنا حسينها في الزمن ده فعلا ...

و ما شاء الله لخصتهم في جمل بسيطة ... فعلا لما نفتح التليفزيون نلاقي اخبار يا اما قتل يا اما ارهاب يا اما اخواننا و اطفالنا بيتقتلوا ...

اسلوبك جميل جدا حسيته حد مخنوق جدا و كانه في قفص مكبل بسبب احزانه و غضبه و ما صدق انه اتفتح عليه فعبر و قال كل اللي في قلبه و كل اللي حاسه كأنه ما صدق ... يعني العاطفة دي عجبتني جدا لانها مش بتعبر عن حزن بس لا كمان غضب مكبوت و كمان انطلاق مقيد ... انطلاق ان الانسان يعبر عن مشاعره بصدق و صراحة من غير ما يخاف لكنه مقيد لان للاسف مش لاقي حل ... و احييك على العاطفة دي great1

بالنسبة لسؤالك الاخير هو محير بس اقدر اقول انه السبب فينا احنا يعني مش بئى في ثقة في بعض في الزمن ده و ما اعتقدش ان احنا كنا كدة من كام سنة ... بنقول ان زمان الناس كانت طيبة دلوقتي برضه الناس طيبة لكن بئى في خوف و عدم ثقة و عدم تفاهم .. يعني اللي بيقتلوا بعض بيكونوا خايفين و كل واحد عايز يدافع عن نفسه عشان كدة بيقتلوا و اللي بيخون بيحس انه ممكن يتخان هو كمان عشان كدة بيبدا بالخيانة حتى اللي بيظلم اعتقد انه بيكون حاسس انه اتظلم او على الاقل حيتظلم في يوم من الايام ... :(

اسفة على اطالتي لكن بجد قصيدة جميلة لكن اعتقد انه لازم يكون في حل ما دام اتكلمنا من غير خوف يبئى معناها انه فكرنا و حطينا ايدينا على المشكلة يعني حنقدر كمان نفكر في حل ... لكن للاسف لازم نصحى

بشكرك على القصيدة الحلوة دي و اتمنى ان ارى لك مزيد من الاعمال المبدعة ... :)
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: متصحونيش

مشاركة بواسطة elsayad »

hopeless dream كتب:أحييك يا أستاذ عاطف على القصيدة الهايلة دي .... clap1 clap1

عبرت عن مشاكل و مشاعر احنا حسينها في الزمن ده فعلا ...

و ما شاء الله لخصتهم في جمل بسيطة ... فعلا لما نفتح التليفزيون نلاقي اخبار يا اما قتل يا اما ارهاب يا اما اخواننا و اطفالنا بيتقتلوا ...

اسلوبك جميل جدا حسيته حد مخنوق جدا و كانه في قفص مكبل بسبب احزانه و غضبه و ما صدق انه اتفتح عليه فعبر و قال كل اللي في قلبه و كل اللي حاسه كأنه ما صدق ... يعني العاطفة دي عجبتني جدا لانها مش بتعبر عن حزن بس لا كمان غضب مكبوت و كمان انطلاق مقيد ... انطلاق ان الانسان يعبر عن مشاعره بصدق و صراحة من غير ما يخاف لكنه مقيد لان للاسف مش لاقي حل ... و احييك على العاطفة دي great1

بالنسبة لسؤالك الاخير هو محير بس اقدر اقول انه السبب فينا احنا يعني مش بئى في ثقة في بعض في الزمن ده و ما اعتقدش ان احنا كنا كدة من كام سنة ... بنقول ان زمان الناس كانت طيبة دلوقتي برضه الناس طيبة لكن بئى في خوف و عدم ثقة و عدم تفاهم .. يعني اللي بيقتلوا بعض بيكونوا خايفين و كل واحد عايز يدافع عن نفسه عشان كدة بيقتلوا و اللي بيخون بيحس انه ممكن يتخان هو كمان عشان كدة بيبدا بالخيانة حتى اللي بيظلم اعتقد انه بيكون حاسس انه اتظلم او على الاقل حيتظلم في يوم من الايام ... :(

اسفة على اطالتي لكن بجد قصيدة جميلة لكن اعتقد انه لازم يكون في حل ما دام اتكلمنا من غير خوف يبئى معناها انه فكرنا و حطينا ايدينا على المشكلة يعني حنقدر كمان نفكر في حل ... لكن للاسف لازم نصحى

بشكرك على القصيدة الحلوة دي و اتمنى ان ارى لك مزيد من الاعمال المبدعة ... :)



الزميلة / hopeless dream

لم تطيلي وبجد كلامك سلس ومقنع وتعليقك على قصيدتي أجمل من القصيدة نفسها .
أتمنى لكي التوفيق وكل سنة وانتى طيبة flower1 flower1 flower1
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
أضف رد جديد

العودة إلى ”أشعار عامية“