أعمل إيه؟!!!!!!!!!!!!!!!!!!!

المشرفون: محمد محمود،همسه،donnabella

صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

أعمل إيه؟!!!!!!!!!!!!!!!!!!!

مشاركة بواسطة donnabella »

فين عدوي..مين صديقي
ليه يا ربي
هو ده يصبح طريقي
غل أشيله جوه قلبي ..
غصب عني
واللي مفروض يبقي سندي
جه في ظهري و قام طعنّي
بس مش عارفه اعمل ايه
اعمل إيه؟!!!
واللي خانّي هوه أخويه
ليه قتلني بايده ليه؟!!
ليه يضيع حلم عربي
عشت عمري مآمنه بيه

صعب أصدق
بس صعب كمان أكابر
صعب أقول أنسي و أعدي
و جوه قلبي جرح غاير
كل شئ مصري و أصيل
إدينالك.. حته منه يا جزاير
تاريخ طويل .. تاريخ مجيد
كتبه يوم مليون شهيد
كنا فيه إخوه عرب
كنا إيد بتشد إيد
بس دلوقتي خساره
قلبي مليان بالمراره
عقلي حاير
جوه مني جرح غاير
و السؤال جوايه ثاير
أعمل إيه
والعدو واقف بيضحك
فرحته ماليه عنيه
دمي نازف..وأنت واقف
هي دي آخرتها بينا
هوه ده اللي وصلنا ليه
ولسه مش لاقي إجابه
أعمل إيه؟!!!!!!!!!!!!!!!!!
أعمل إيه؟!!!!!!!!!!!!!!!!!!!
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: أعمل إيه؟!!!!!!!!!!!!!!!!!!!

مشاركة بواسطة تنهيدة »

clap1 clap1 clap1 مش قادرة أقول شىء بعد كلماتك الجميلة يانورا سطرتى بكلماتك الجميلة كل مشاعر المصريين
وهما دول المصريين فعلا الا جواهم الحزن الكبير على علاقة بتنقطع الا بيدواى جروحهم بالكلام حتى لو كان حزين
هى دى قلوبنا وهو دا دايما شعارنا بالسلام مدين ادينا لكن للأسف قطعوا الأدين نكروا الجميل داسوا على قلوب تمانين مليون مصرى قدام عيون العدو بكل جرأه داسوا وحرقوا علم بلدى الا مهما وصفت من كلام ومهم بكت العين دموع
عمرها مهتقدر توصف الألم الا حسيته لما شوفت علم بلادى بيدوسوا عليه اخواتى وكل دا ليه مش لاقيه أجابة
فعلا عشان ماتش كورة ولا الحكاية أكبر من خيالى وخيال طيبة كل المصريين أنا مش لاقية كلام انا حزينة حزن كبير
جوايا قهر حاسة بالظلم والضعف .....
نورا بجد كلماتك رائعة كلمات مصرية من قلب مصرى عربى حقيقى حزن كلماتك أثرت فيا بشكل لا تتخيلية لما اشوف ناس بتقول بنكره المصريين وأشوفك النهاردة كاتبه كلمات حزينة على قطع العلاقة بينا وبين الجزاير لازم دموعى تنزل ولازم يزيد حزنى لاننا فعلا شعب طيب ومتسامح وميستحقش ابدا الا أتعمل فيه والا اتقال علية
بحيكِ يانورا على كل كلمة صادقة حستيها وكتبتيها الجزء دا اثر فيا اوى
إدينالك.. حته منه يا جزاير
تاريخ طويل .. تاريخ مجيد
كتبه يوم مليون شهيد
كنا فيه إخوه عرب
كنا إيد بتشد إيد
بجد كل كلمات القصيدة غاية فى الروعة والأحساس بشكرك وبتمنالك كل الخير والتوفيق وياريت يانورا لما تعرفى
هتعملى ايه تبقى تقوليلى لانى بجد اول مره احس ان التسامح شىء صعب لان بعد وطنى مصر مليش وطن وعمرى مهقدر انسى ان علم وطنى انداس عليه واتحرق .....
صورة
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: أعمل إيه؟!!!!!!!!!!!!!!!!!!!

مشاركة بواسطة رحاب صفا »

أعمل ايه؟!!!!!!!!!!!!!!!!!!
سؤال سألته يومها
ومن يومها من غير جواب
سألته لأهلي وناسي
لجيراني وكل الصحاب
كلهم بعيون حزينة
هزوا كتافهم بحيرة
ليه الإهانة ؟!!
ليه السباب؟!!
مش كفاية هم الخسارة
يا خسارة العقل اللي غاب
يا مية خسارة ع اللي نبنا
لا يتحكي..ولا يتقرا
لو حتى ف مليون كتاب
نعمل ايه؟!!!

نرفع ادينا بكل السيوف
نصرخ بعزم ما فينا
ونقول خلاص بزيادة خوف
ولا نهز ف روسنا
ونفكر ولادنا وروحنا
إننا أهل وأحباب
ونقول مانسيبها تعدي
نقضيها يا دوب عتاب
مش مهم حتى الحساب!!
أعمل ايه؟!!!!!!!!!!!!!!!!!!
وأقول لولادي ايه؟
ازرعوا وانهضوا بأمة!!
افرحوا وافخروا بعمة
في الجزاير قاعدة بتحكي
لأولاد أخوها ع اللي صار
إن أبوكم دبح أبوهم!!
ف يوم رياضي قلب مرار
اكبروا وجواكوا نار
وإن طارهم عندي وعندك
انسوا بقى هم التتار
اللي واقف على كل باب
ملهوف مستني النتيجة
صفر/ صفر لكل العرب
صفر لينا وصفر ليهم
من الشقوق باينة عنيهم
بتشوف خيبتنا ع الهوا
قايمين بدورنا ف كل ناحية
معركة ف ماتش السودان
اليمن قامت قومتها
والرياض قامت كمان
حوشوا فتح وحماس
بيأسروا من بعض ناس!!
فكروهم بالقصية
فلسطين أمانة مش رمية
وافقعوا عين الدسيسة
رمموا الشق اللي بنا
يمكن ف يوم نرفع علمنا
والنصر يبقى من نصيبنا
والسؤال يكونله رد
نرسم بإيدينا طريقنا
نبني أمتنا ونعلى
ونبقى أخيراً.... أمة بجد.
آخر تعديل بواسطة رحاب صفا في 21 نوفمبر 2009, 8:05 pm، تم التعديل 4 مرات في المجمل.
السكون للامعقول قدر لا نفقه تفسيره.
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: أعمل إيه؟!!!!!!!!!!!!!!!!!!!

مشاركة بواسطة donnabella »

[highlight=#ffbfff]صفر لينا وصفر ليهم
من الشقوق باينة عنيهم
بتشوف خيبتنا ع الهوا
قايمين بدورنا ف كل ناحية
معركة ف ماتش السودان
اليمن قامت قومتها
والرياض قامت كمان
حوشوا فتح وحماس
بيأسروا من بعض ناس!!
فكروهم بالقصية
فلسطين أمانة مش رمية
وافقعوا عين الدسيسة
رمموا الشق اللي بنا
يمكن ف يوم نرفع علمنا
والنصر يكون من نصيبنا
والسؤال يكونله رد
نرسم بإيدينا طريقنا
نبني أمتنا ونعلى
ونبقى أخيراً.... أمة بجد.
[/highlight]
[highlight=#ffbfff]


[highlight=#ffffff]فعلا إحنا كل يوم من سئ لأسوأ و كل يوم بنزيد فرقه و شقاق، اليمن و السعوديه ، مصر و الجزائر ، و حتي أبناء القضية و الأرض فتح و حماس[/highlight]
[highlight=#ffffff]اللهم أرحمنا و أستعملنا ولا تؤاخذنا بما يفعل السفهاء منا[/highlight]
[highlight=#ffffff]أحييك علي التفاعل الرائع happy11 happy11 happy11 [/highlight][highlight=#ffbfff][highlight=#ffffff][/highlight][/highlight][/highlight]
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: أعمل إيه؟!!!!!!!!!!!!!!!!!!!

مشاركة بواسطة donnabella »

تنهيدة كتب:clap1 clap1 clap1 مش قادرة أقول شىء بعد كلماتك الجميلة يانورا سطرتى بكلماتك الجميلة كل مشاعر المصريين
وهما دول المصريين فعلا الا جواهم الحزن الكبير على علاقة بتنقطع الا بيدواى جروحهم بالكلام حتى لو كان حزين
هى دى قلوبنا وهو دا دايما شعارنا بالسلام مدين ادينا لكن للأسف قطعوا الأدين نكروا الجميل داسوا على قلوب تمانين مليون مصرى قدام عيون العدو بكل جرأه داسوا وحرقوا علم بلدى الا مهما وصفت من كلام ومهم بكت العين دموع
عمرها مهتقدر توصف الألم الا حسيته لما شوفت علم بلادى بيدوسوا عليه اخواتى وكل دا ليه مش لاقيه أجابة
فعلا عشان ماتش كورة ولا الحكاية أكبر من خيالى وخيال طيبة كل المصريين أنا مش لاقية كلام انا حزينة حزن كبير
جوايا قهر حاسة بالظلم والضعف .....
نورا بجد كلماتك رائعة كلمات مصرية من قلب مصرى عربى حقيقى حزن كلماتك أثرت فيا بشكل لا تتخيلية لما اشوف ناس بتقول بنكره المصريين وأشوفك النهاردة كاتبه كلمات حزينة على قطع العلاقة بينا وبين الجزاير لازم دموعى تنزل ولازم يزيد حزنى لاننا فعلا شعب طيب ومتسامح وميستحقش ابدا الا أتعمل فيه والا اتقال علية
بحيكِ يانورا على كل كلمة صادقة حستيها وكتبتيها الجزء دا اثر فيا اوى
إدينالك.. حته منه يا جزاير
تاريخ طويل .. تاريخ مجيد
كتبه يوم مليون شهيد
كنا فيه إخوه عرب
كنا إيد بتشد إيد
بجد كل كلمات القصيدة غاية فى الروعة والأحساس بشكرك وبتمنالك كل الخير والتوفيق وياريت يانورا لما تعرفى
هتعملى ايه تبقى تقوليلى لانى بجد اول مره احس ان التسامح شىء صعب لان بعد وطنى مصر مليش وطن وعمرى مهقدر انسى ان علم وطنى انداس عليه واتحرق .....


للأسف يا نهاد أنا لسه مش عارفه أعمل إيه
ومعتقدش أني هاعرف قريب
الأزمه دي صدمتني كمان في حقيقه طول الوقت كنت بكدبها.. حقيقة موقعنا من العالم و حتي بين العرب ، الآن فقط آمنت أننا ليس لنا مكانه أو قيمة بين هؤلاء
الحاجة الوحيدة إننا لازم نبدأ نشتغل علي نفسنا ونصلح حوالينا
ونرفع أيدينا إلي الله لندعوه ونردد حسبي الله و نعم الوكيل
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: أعمل إيه؟!!!!!!!!!!!!!!!!!!!

مشاركة بواسطة محمد محمود »

والله يا نورا بجد شيء مخزي للغاية
فما يحدث عار على جبين كل مسلم يعرف للدين قدره ويشعر بمدى مسئوليته تجاه وطنه ودينه
تناسينا كل قيم ومباديء الدين الحنيف ، فرأينا الأخ يقف بالسلاح في وجه أخيه يبتغي قتله من أجل مباراة
فلتذهب كرة القدم وكأس العالم للجحيم ، ولتبقى قيمنا التي تتسرب من بين أيدينا يوما ً بعد يوم .
لم أشعر بالخزي في حياتي إلا وأنا أقرأ الصحافة اليوم يتصدرها نبأ عن وزير خارجية الصهاينة الذي يناشد بطيبة قلبه المعهودة مصر والجزائر أن ينبذوا التعصب ويعالجوا الأزمة بعقلانية .
فأي عار ٍ بعد هذا العار
لقد فتحنا الباب أمام عدونا ليستهين بنا
لقد هنا على أنفسنا فكنا عند الناس أهون
نسينا مقولة عمر بن الخطاب رضي الله عنه " نحن قوم ُ أعزنا الله بالإسلام فإن ابتغينا العزة في غيره أذلنا الله "
لقد ابتغينا العزة الآن في كل شيء إلا الإسلام فمن أين لنا بالعزة

قصيدة رائعة الكلمات أتت على جرح لم ولن يندمل
تعايشك بهذا الإحساس الرائع مع الحدث ليس غريبا ً عنك يا أختي العزيزة
بارك الله فيك وفي موهبتك وجعل كلماتك تصحيحا ً لمسار الغافلين منا .
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: أعمل إيه؟!!!!!!!!!!!!!!!!!!!

مشاركة بواسطة سندريلا »

مساء الخير نورا/
قصيدة رائعة بحق .... كل كلمة منها تعبر عما بداخلنا جميعا .... و لا أعرف ماذا أقول عما جرى ؟ لم أشعر في حياتي بالانكسار مثل هذه اللحظة ... لطالما أحلم بالسلام و الوحدة و كلما يتقدم بي العمر أتأكد أن حلمي مستحيلا .....
بجد مش عارفة ليه بيحصل كدة هو احنا يهود ؟؟؟؟؟؟؟؟؟
مش قادرة اتكلم اكتر من كدة عشان مش اغلط يا نورا و حد يزعل مني .... بس حسبي الله و نعم الوكيل ....
بس على اد ما زعلت على ماما الله يرحمها زعلت على مصر و يمكن اكتر
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: أعمل إيه؟!!!!!!!!!!!!!!!!!!!

مشاركة بواسطة donnabella »

محمد محمود كتب:والله يا نورا بجد شيء مخزي للغاية
فما يحدث عار على جبين كل مسلم يعرف للدين قدره ويشعر بمدى مسئوليته تجاه وطنه ودينه
تناسينا كل قيم ومباديء الدين الحنيف ، فرأينا الأخ يقف بالسلاح في وجه أخيه يبتغي قتله من أجل مباراة
فلتذهب كرة القدم وكأس العالم للجحيم ، ولتبقى قيمنا التي تتسرب من بين أيدينا يوما ً بعد يوم .
لم أشعر بالخزي في حياتي إلا وأنا أقرأ الصحافة اليوم يتصدرها نبأ عن وزير خارجية الصهاينة الذي يناشد بطيبة قلبه المعهودة مصر والجزائر أن ينبذوا التعصب ويعالجوا الأزمة بعقلانية .
فأي عار ٍ بعد هذا العار
لقد فتحنا الباب أمام عدونا ليستهين بنا
لقد هنا على أنفسنا فكنا عند الناس أهون
نسينا مقولة عمر بن الخطاب رضي الله عنه " نحن قوم ُ أعزنا الله بالإسلام فإن ابتغينا العزة في غيره أذلنا الله "
لقد ابتغينا العزة الآن في كل شيء إلا الإسلام فمن أين لنا بالعزة

قصيدة رائعة الكلمات أتت على جرح لم ولن يندمل
تعايشك بهذا الإحساس الرائع مع الحدث ليس غريبا ً عنك يا أختي العزيزة
بارك الله فيك وفي موهبتك وجعل كلماتك تصحيحا ً لمسار الغافلين منا .


وأي خزي يا محمد .. لا حول ولا قوة إلا بالله .. هنقول لربنا إيه لما نقف قصاده ،
الناس اللي عملت كده دي استحالة تكون عارفه ربنا أو باكيه علي الاسلام
يا ريت كان حد بيسمع أو بيفهم يا محمد كانوا سمعوا كلام ربنا ومعملوش اللي عملوه فينا ده
صدق عمر بن الخطاب رضي الله عنه و ها هي الذلة قد أحاطت بنا من كل جانب
أشكرك يا صديقي وما كلماتي إلا فضفضه حتى لا أختنق
حسبنا الله و نعم الوكيل
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: أعمل إيه؟!!!!!!!!!!!!!!!!!!!

مشاركة بواسطة donnabella »

الحلم المستحيل كتب:مساء الخير نورا/
قصيدة رائعة بحق .... كل كلمة منها تعبر عما بداخلنا جميعا .... و لا أعرف ماذا أقول عما جرى ؟ لم أشعر في حياتي بالانكسار مثل هذه اللحظة ... لطالما أحلم بالسلام و الوحدة و كلما يتقدم بي العمر أتأكد أن حلمي مستحيلا .....
بجد مش عارفة ليه بيحصل كدة هو احنا يهود ؟؟؟؟؟؟؟؟؟
مش قادرة اتكلم اكتر من كدة عشان مش اغلط يا نورا و حد يزعل مني .... بس حسبي الله و نعم الوكيل ....
بس على اد ما زعلت على ماما الله يرحمها زعلت على مصر و يمكن اكتر


نعم حلمك وحلمنا نراه الآن مستحيلا
فأي سلام و أي حب و أي وحده في هذا الأرهاب الذي تعرضنا له
ولكن الله قادر علي أن يبدل الأحوال من حال إلي حال
و أفهم مشاعرك فقد أعتصر الألم قلبي وأنا أراهم يلفون علم بلادي علي نعش و يرفعونه كأنهم ذاهبون بمصر إلي قبرها
حسبي الله و نعم الوكيل..حسبي الله و نعم الوكيل
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: أعمل إيه؟!!!!!!!!!!!!!!!!!!!

مشاركة بواسطة elsayad »

الزميلة / نورا
بجد مش عارف أقول إيه لأن الموضوع ده أثر فيا جامد أوى وتعبنى وحاسس إنه كابوس لإني مش مصدق إن ده يحصل من عرب مثلنا . . . ووصلت كمان لحرق علمنا المصري دي حاجة أكبر من الكورة الموضوع أكبر من كدا بكتير وربنا حيظهر الحق إن شاء الله .
قصيدتك جت فى الصميم يا نورا ويارب دايماً تكون أعمالك مميزة ، وأتمنى لكي التوفيق .
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
أضف رد جديد

العودة إلى ”أشعار عامية“