المواضيع التى لم يرد عليها | عرض المواضيع النشطة التوقيت الحالى 21 أغسطس 2018, 7:39 pm





الرد على الموضوع  [ 7 مشاركة ] 

Share |


بجد...أعمل ايه؟ 
الكاتب رسالة
أكاديمى نشيط
أكاديمى نشيط


مشاركات:
265
الحكمة المفضلة:
إذا أردت شيئاً بشدة فتتبعه
مشاركة بجد...أعمل ايه؟


أعمل ايه؟!!!!!!!!!!!!!!!!!!
سؤال سألته يومها
ومن يومها من غير جواب
سألته لأهلي وناسي
لجيراني وكل الصحاب
كلهم بعيون حزينة
هزوا كتافهم بحيرة
ليه الإهانة ؟!!
ليه السباب؟!!
مش كفاية هم الخسارة
يا خسارة العقل اللي غاب
يا مية خسارة ع اللي نبنا
لا يتحكي..ولا يتقرا
لو حتى ف مليون كتاب
نعمل ايه؟!!!

نرفع ادينا بكل السيوف
نصرخ بعزم ما فينا
ونقول خلاص بزيادة خوف
ولا نهز ف روسنا
ونفكر ولادنا وروحنا
إننا أهل وأحباب
ونقول مانسيبها تعدي
نقضيها يا دوب عتاب
مش مهم حتى الحساب!!
أعمل ايه؟!!!!!!!!!!!!!!!!!!
وأقول لولادي ايه؟
ازرعوا وانهضوا بأمة!!
افرحوا وافخروا بعمة
في الجزاير قاعدة بتحكي
لأولاد أخوها ع اللي صار
إن أبوكم دبح أبوهم!!
ف يوم رياضي قلب مرار
اكبروا وجواكوا نار
وإن طارهم عندي وعندك
انسوا بقى هم التتار
اللي واقف على كل باب
ملهوف مستني النتيجة
صفر/ صفر لكل العرب
صفر لينا وصفر ليهم
من الشقوق باينة عنيهم
بتشوف خيبتنا ع الهوا
قايمين بدورنا ف كل ناحية
معركة ف ماتش السودان
اليمن قامت قومتها
والرياض قامت كمان
حوشوا فتح وحماس
بيأسروا من بعض ناس!!
فكروهم بالقصية
فلسطين أمانة مش رمية
وافقعوا عين الدسيسة
رمموا الشق اللي بنا
يمكن ف يوم نرفع علمنا
والنصر يبقى من نصيبنا
والسؤال يكونله رد
نرسم بإيدينا طريقنا
نبني أمتنا ونعلى
ونبقى أخيراً.... أمة بجد.


أولاً أدين لنورا بالفضل في استفزازها لمشاعري فيما حدث وأشكرها أن نقلت ما بداخلي تماماً قبل حتى أن أصوغه في كلمات وأستأذنك يا عزيزتي أن أقدم هذه الكلمات اسهاباً لعملك الرائع الذي حمل نفس الهم وحيرة السؤال.

_________________
[font=Comic Sans MS][color=#4000bf][size=3][b]السكون للامعقول قدر لا نفقه تفسيره.[/b][/size][/color][/font]


21 نوفمبر 2009, 8:16 pm
الملف الشخصى Yahoo
مشرفة قسم الأشعار

الصورة الشخصية للعضو

مشاركات:
365
الإسم الحقيقى:
نورا مجدي
الحكمة المفضلة:
إذا لم يكن من الموت بد .. فمن العجز أن تموت جبانا
حالة التأكيد:
كاتب موثوق و مؤكد هويته
مشاركة Re: بجد...أعمل ايه؟


صفر لينا وصفر ليهم
من الشقوق باينة عنيهم
بتشوف خيبتنا ع الهوا
قايمين بدورنا ف كل ناحية
معركة ف ماتش السودان
اليمن قامت قومتها
والرياض قامت كمان
حوشوا فتح وحماس
بيأسروا من بعض ناس!!
فكروهم بالقصية
فلسطين أمانة مش رمية
وافقعوا عين الدسيسة
رمموا الشق اللي بنا
يمكن ف يوم نرفع علمنا
والنصر يكون من نصيبنا
والسؤال يكونله رد
نرسم بإيدينا طريقنا
نبني أمتنا ونعلى
ونبقى أخيراً.... أمة بجد.


أكيد مفيش حد مبيسألش نفسه السؤال ده اليومين دول بالذات ، و يا ريت كلنا نخرج اللي جوانا قبل ما نموت من الهم و الحزن و الألم علي ما يحدث.


[b]فعلا إحنا كل يوم من سئ لأسوأ و كل يوم بنزيد فرقه و شقاق، اليمن و السعوديه ، مصر و الجزائر ، و حتي أبناء القضية و الأرض فتح و حماس.

اللهم أرحمنا و أستعملنا ولا تؤاخذنا بما يفعل السفهاء منا
أحييك علي التفاعل الرائع happy11 happy11 happy11 [/b]

_________________
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ


21 نوفمبر 2009, 9:02 pm
الملف الشخصى
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: بجد...أعمل ايه؟


clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1


28 نوفمبر 2009, 2:50 pm
الملف الشخصى
أكاديمى نشيط
أكاديمى نشيط


مشاركات:
265
الحكمة المفضلة:
إذا أردت شيئاً بشدة فتتبعه
مشاركة Re: بجد...أعمل ايه؟


ماتت الكلمات حزنا كتب:
clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1

أولاً أشكرك جداً جداً على متابعتك يا سارة
ثانياً : إنتي اللي قرائتك اللي ليها مذاق خاص.
أنا مش عارفة أقولك ايه على التشجيع الدائم ده.
وأخيراً أشاركك الدعاء ليكي ولكل المسلمين ولكل أوطانا اللي بجد بقوا همهم تقيييييل قوي وملناش غير نظرية ابدأ بنفسك والدعاء حتى يقضي الله أمراً كان مفعولا.

_________________
[font=Comic Sans MS][color=#4000bf][size=3][b]السكون للامعقول قدر لا نفقه تفسيره.[/b][/size][/color][/font]


30 نوفمبر 2009, 2:35 pm
الملف الشخصى Yahoo
أكاديمى نشيط
أكاديمى نشيط


مشاركات:
265
الحكمة المفضلة:
إذا أردت شيئاً بشدة فتتبعه
مشاركة Re: بجد...أعمل ايه؟


ماتت الكلمات حزنا كتب:
clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1

تعرفي يا سارة.
أنا دايماً بدور على أي حاجة حلوة في أي حاجة وحشة ممكن تحصل من باب التفاؤل ومحاولة التغيير للأحسن.
بس المرة دي !!!!!!
أول مرة أحس إني مش شايفة بكرة،وخايفة على ولادي فيه...خايفة على ولاد لسة مشوفتهومش من أيام لسة معشنهاش لإن اللي حصل ده مايبشرش إن التغيير قريب ...أول مرة أحس إنه بعييييييييييييييييييد قوي كدة.
بجد ربنا يستر.

_________________
[font=Comic Sans MS][color=#4000bf][size=3][b]السكون للامعقول قدر لا نفقه تفسيره.[/b][/size][/color][/font]


03 ديسمبر 2009, 1:35 pm
الملف الشخصى Yahoo
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: بجد...أعمل ايه؟


رحاب صفا كتب:
ماتت الكلمات حزنا كتب:
clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1

تعرفي يا سارة.
أنا دايماً بدور على أي حاجة حلوة في أي حاجة وحشة ممكن تحصل من باب التفاؤل ومحاولة التغيير للأحسن.
بس المرة دي !!!!!!
أول مرة أحس إني مش شايفة بكرة،وخايفة على ولادي فيه...خايفة على ولاد لسة مشوفتهومش من أيام لسة معشنهاش لإن اللي حصل ده مايبشرش إن التغيير قريب ...أول مرة أحس إنه بعييييييييييييييييييد قوي كدة.
بجد ربنا يستر.


عارفة احساسك يا رحاب..بس لازم مهما حصل كلنا نتمسك بالرؤية الأفضل..بصورة حلوة للعالم والناس عشان نقدر ننقلها لأولادنا فعلا..عشان هما يقدروا يعيشوا ويكملو.. :)
طبيعي اننا نخاف على ولادنا في عالم زي دا..بس مهما كان التغيير قريب او بعيد فهو في النهاية هييجي باذن الله..
هييجي لو زرعنا في ولادنا قيم و أخلاق تخليهم هما اللي يعملو التغيير دا مش يستنوه وبس.. :)
انا عذراكي في احساسك دا اللي أكيد كلنا حسيناه في الفترة اللي فات..وفي كل فترة بنحس فيا بضياع الامان وتفكك الاخوات و شك في حاجات المفروض انها مسلم بيها..بس لازم في كل وقت نفضل متمسكين بالأمل في التغيير.. وربنا يــــــستر.. flower1


03 ديسمبر 2009, 4:23 pm
الملف الشخصى
أكاديمى فعال
أكاديمى فعال


مشاركات:
44
مكان:
طنطا
الإسم الحقيقى:
محمد سامى
الحكمة المفضلة:
فوق الجبين طرح العرق ورده
الورد قام بمظاهرة ومعارضة
مشاركة Re: بجد...أعمل ايه؟


رحاب برافووو عليكى انتى حقيقى شاعرة شاطرة وحريفة قدرتى توصلى اللي انتى عاوزاه باسلوب السهل الممتنع من غير تعصب ولا شتيمة زى ما كتير عملوا برافو كمان مرة بحسدك حقيقى علي القصيدة ومزيد من التوفيق

_________________
حالة ملل
لحظة سكوت
الكل بيحاول يموت
والموت موافق بس بيحدد شروط محمد سامى


05 يناير 2010, 3:48 am
الملف الشخصى Yahoo
عرض المشاركات السابقة منذ:  مرتبة بواسطة  
الرد على الموضوع   [ 7 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 6 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter