بجد...أعمل ايه؟

المشرفون: محمد محمود،همسه،donnabella

أضف رد جديد
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

بجد...أعمل ايه؟

مشاركة بواسطة رحاب صفا »

أعمل ايه؟!!!!!!!!!!!!!!!!!!
سؤال سألته يومها
ومن يومها من غير جواب
سألته لأهلي وناسي
لجيراني وكل الصحاب
كلهم بعيون حزينة
هزوا كتافهم بحيرة
ليه الإهانة ؟!!
ليه السباب؟!!
مش كفاية هم الخسارة
يا خسارة العقل اللي غاب
يا مية خسارة ع اللي نبنا
لا يتحكي..ولا يتقرا
لو حتى ف مليون كتاب
نعمل ايه؟!!!

نرفع ادينا بكل السيوف
نصرخ بعزم ما فينا
ونقول خلاص بزيادة خوف
ولا نهز ف روسنا
ونفكر ولادنا وروحنا
إننا أهل وأحباب
ونقول مانسيبها تعدي
نقضيها يا دوب عتاب
مش مهم حتى الحساب!!
أعمل ايه؟!!!!!!!!!!!!!!!!!!
وأقول لولادي ايه؟
ازرعوا وانهضوا بأمة!!
افرحوا وافخروا بعمة
في الجزاير قاعدة بتحكي
لأولاد أخوها ع اللي صار
إن أبوكم دبح أبوهم!!
ف يوم رياضي قلب مرار
اكبروا وجواكوا نار
وإن طارهم عندي وعندك
انسوا بقى هم التتار
اللي واقف على كل باب
ملهوف مستني النتيجة
صفر/ صفر لكل العرب
صفر لينا وصفر ليهم
من الشقوق باينة عنيهم
بتشوف خيبتنا ع الهوا
قايمين بدورنا ف كل ناحية
معركة ف ماتش السودان
اليمن قامت قومتها
والرياض قامت كمان
حوشوا فتح وحماس
بيأسروا من بعض ناس!!
فكروهم بالقصية
فلسطين أمانة مش رمية
وافقعوا عين الدسيسة
رمموا الشق اللي بنا
يمكن ف يوم نرفع علمنا
والنصر يبقى من نصيبنا
والسؤال يكونله رد
نرسم بإيدينا طريقنا
نبني أمتنا ونعلى
ونبقى أخيراً.... أمة بجد.


أولاً أدين لنورا بالفضل في استفزازها لمشاعري فيما حدث وأشكرها أن نقلت ما بداخلي تماماً قبل حتى أن أصوغه في كلمات وأستأذنك يا عزيزتي أن أقدم هذه الكلمات اسهاباً لعملك الرائع الذي حمل نفس الهم وحيرة السؤال.
السكون للامعقول قدر لا نفقه تفسيره.
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: بجد...أعمل ايه؟

مشاركة بواسطة donnabella »

[highlight=#ffbfff]صفر لينا وصفر ليهم
من الشقوق باينة عنيهم
بتشوف خيبتنا ع الهوا
قايمين بدورنا ف كل ناحية
معركة ف ماتش السودان
اليمن قامت قومتها
والرياض قامت كمان
حوشوا فتح وحماس
بيأسروا من بعض ناس!!
فكروهم بالقصية
فلسطين أمانة مش رمية
وافقعوا عين الدسيسة
رمموا الشق اللي بنا
يمكن ف يوم نرفع علمنا
والنصر يكون من نصيبنا
والسؤال يكونله رد
نرسم بإيدينا طريقنا
نبني أمتنا ونعلى
ونبقى أخيراً.... أمة بجد.
[/highlight]
[highlight=#ffbfff]
[highlight=#ffffff]أكيد مفيش حد مبيسألش نفسه السؤال ده اليومين دول بالذات ، و يا ريت كلنا نخرج اللي جوانا قبل ما نموت من الهم و الحزن و الألم علي ما يحدث.[/highlight][/highlight]
[highlight=#ffbfff][highlight=#ffffff]
[/highlight][highlight=#ffffff]فعلا إحنا كل يوم من سئ لأسوأ و كل يوم بنزيد فرقه و شقاق، اليمن و السعوديه ، مصر و الجزائر ، و حتي أبناء القضية و الأرض فتح و حماس.[/highlight][highlight=#ffffff]
[/highlight][highlight=#ffffff]اللهم أرحمنا و أستعملنا ولا تؤاخذنا بما يفعل السفهاء[highlight=#ffffff] منا[/highlight][/highlight][highlight=#ffffff]
[/highlight][highlight=#ffffff]أحييك علي التفاعل الرائع happy11 happy11 happy11 [/highlight][highlight=#ffbfff][/highlight]
[/highlight]
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: بجد...أعمل ايه؟

مشاركة بواسطة نبضة... »

clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: بجد...أعمل ايه؟

مشاركة بواسطة رحاب صفا »

ماتت الكلمات حزنا كتب:clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1

أولاً أشكرك جداً جداً على متابعتك يا سارة
ثانياً : إنتي اللي قرائتك اللي ليها مذاق خاص.
أنا مش عارفة أقولك ايه على التشجيع الدائم ده.
وأخيراً أشاركك الدعاء ليكي ولكل المسلمين ولكل أوطانا اللي بجد بقوا همهم تقيييييل قوي وملناش غير نظرية ابدأ بنفسك والدعاء حتى يقضي الله أمراً كان مفعولا.
السكون للامعقول قدر لا نفقه تفسيره.
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: بجد...أعمل ايه؟

مشاركة بواسطة رحاب صفا »

ماتت الكلمات حزنا كتب:clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1

تعرفي يا سارة.
أنا دايماً بدور على أي حاجة حلوة في أي حاجة وحشة ممكن تحصل من باب التفاؤل ومحاولة التغيير للأحسن.
بس المرة دي !!!!!!
أول مرة أحس إني مش شايفة بكرة،وخايفة على ولادي فيه...خايفة على ولاد لسة مشوفتهومش من أيام لسة معشنهاش لإن اللي حصل ده مايبشرش إن التغيير قريب ...أول مرة أحس إنه بعييييييييييييييييييد قوي كدة.
بجد ربنا يستر.
السكون للامعقول قدر لا نفقه تفسيره.
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: بجد...أعمل ايه؟

مشاركة بواسطة نبضة... »

رحاب صفا كتب:
ماتت الكلمات حزنا كتب:clap1بــــــــــرافو يا رحاب...
بجد في كل نوع من الادب ليكي مذاق خاص..و طابع مختلف...
بجد ابياتك حركت مشاعري اللي بجد أرهقت اصلا زي ما ارهقت مشاعر كل المصريين في الفترة اللي فاتت..
كلماتك كلها عجبتني..في كل كلمة في تعجب و حزن وتساؤل عن آخر الفتنة دي...
أسلوبك جميل جدا كالعادة يا رحاب..
ومفيش بعد كلامك دا تعليق احسن من الدعاء لكل الوطن العربي ولكل المسلمين بالهداية والاتحاد..

الى المزيد من الابداع يا رحابي.. :) flower1

تعرفي يا سارة.
أنا دايماً بدور على أي حاجة حلوة في أي حاجة وحشة ممكن تحصل من باب التفاؤل ومحاولة التغيير للأحسن.
بس المرة دي !!!!!!
أول مرة أحس إني مش شايفة بكرة،وخايفة على ولادي فيه...خايفة على ولاد لسة مشوفتهومش من أيام لسة معشنهاش لإن اللي حصل ده مايبشرش إن التغيير قريب ...أول مرة أحس إنه بعييييييييييييييييييد قوي كدة.
بجد ربنا يستر.
عارفة احساسك يا رحاب..بس لازم مهما حصل كلنا نتمسك بالرؤية الأفضل..بصورة حلوة للعالم والناس عشان نقدر ننقلها لأولادنا فعلا..عشان هما يقدروا يعيشوا ويكملو.. :)
طبيعي اننا نخاف على ولادنا في عالم زي دا..بس مهما كان التغيير قريب او بعيد فهو في النهاية هييجي باذن الله..
هييجي لو زرعنا في ولادنا قيم و أخلاق تخليهم هما اللي يعملو التغيير دا مش يستنوه وبس.. :)
انا عذراكي في احساسك دا اللي أكيد كلنا حسيناه في الفترة اللي فات..وفي كل فترة بنحس فيا بضياع الامان وتفكك الاخوات و شك في حاجات المفروض انها مسلم بيها..بس لازم في كل وقت نفضل متمسكين بالأمل في التغيير.. وربنا يــــــستر.. flower1
malakyenta
أكاديمى فعال
أكاديمى فعال
مشاركات: 44
اشترك في: 27 إبريل 2009, 1:54 am
Real Name: محمد سامى
Favorite Quote: فوق الجبين طرح العرق ورده
الورد قام بمظاهرة ومعارضة
مكان: طنطا
اتصال:

Re: بجد...أعمل ايه؟

مشاركة بواسطة malakyenta »

رحاب برافووو عليكى انتى حقيقى شاعرة شاطرة وحريفة قدرتى توصلى اللي انتى عاوزاه باسلوب السهل الممتنع من غير تعصب ولا شتيمة زى ما كتير عملوا برافو كمان مرة بحسدك حقيقى علي القصيدة ومزيد من التوفيق
حالة ملل
لحظة سكوت
الكل بيحاول يموت
والموت موافق بس بيحدد شروط محمد سامى
أضف رد جديد

العودة إلى ”أشعار عامية“