صفحة 1 من 2

اللي اتكســــر فيــــــا

مرسل: 21 فبراير 2010, 8:36 pm
بواسطة نبضة...
في محاولة خرقاء مني للكتابة بالعامية للمرة الأولى..كتب قلمي الكلام دا
أتمنى العذر على أي خطأ لاني جاهلة بأوزان الشعر..و لأنها أول مرة :oops:





و و قفت ألملم مش عارفة ايه فيا اتكسر و بلملمه..



و مشيت أدور على كل حتة ضاعت منه و أرممه..



و حاولت الاقي حد واحد يحس بكل جرح قلبي اتألمه..



ولقيت بداله ألف واحد هد فيا بكل شكل أمكنه..



و تعبت أمسح كل أسود في الطريق و ألونه..



و كأن قلبي أصبح زاهد لكل بسمة..وكل فرح استحرمه..



و كأنه قال لو فرح جالي مستحلفله لاهزمه..



و دورت أدندن في الشوارع يمكن ألقى حد يفهمني..أو أفهمه..



يمكن يلملم معايا اللي اتكسر فيا وبلملمه..

********

و فضلت أحاول أهرب م الحزن فيا و أجرب أهدمه..



و ابطل احلم اني عصفور جناحه للريح سلمه..



لكني كنت دايمـــــاً أخاف لا قلبي يفرح..والنهاية تصدمه..



و الخوف جعلني أنسى اسمي..رسمي..و أرمي قلبي و أظلمه..



و ان شفت فرح أقوله لا تحلم تعيش جوا قلبي ..تسممه !

********

وفضلت أكره فرحي .. و احب ف الأحزان..



لحد ما أصبح الاتنين عندي سيان..



لحد ما أصبح قلبي يائس.. و آه من اليأس ما أحرمه..!



فضلت أنــــــــادي على حد يفتح للفرحة الببان..



أهي سمعاها بتخبط..بس على ابواب الجيران..!



لا حد سمع ندا قلبي ولا حد كلمه..



وفضلت واقفة في سكوت بهتان..



وسكت الخبط و أنا لسا ف مكاني..في انتظار انسان..



يفتح ببان قلبي للفرح يسكــــــنه..



و داب الحزن جوايا زي الملح في الفنجان..



و اتفتت قلبي حتت قبل الأوان بأوان..



و فضلت أندم على زمني اللي ضاع..لحد ما عاد في الندم شئ أندمه..



و دورت أدندن في الشوارع يمكن القى حد يفهمني.. أو أفهمه..



يمكن يلملم معايا اللي اتكسر فيا وبلملمه..!

********

Re: اللي اتكســــر فيــــــا

مرسل: 21 فبراير 2010, 11:30 pm
بواسطة محمد محمود
مش معقولة
سارة في قسم الأشعار م11
والله مفاجأة أسعدتني ز1
بداية أكثر من رائعة .
فالكلمات جميلة للغاية ، واللحن ممتع ورصين والأسلوب متميز
لم أشعر أنها بداية كتاباتك الشعرية ، أحسست أنك تكتبين الشعر منذ فترة
وبكثرة الكتابة سيكون الوزن أفضل في كل مرة ، رغم أنه كبداية يعتبر ممتاز
فاستمري في كتابة الشعر العامي لأن أسلوبك وموهبتك تؤهلك لذلك
بالتوفيق إن شاء الله

Re: اللي اتكســــر فيــــــا

مرسل: 22 فبراير 2010, 7:37 am
بواسطة elsayad
الزميلة / سارة
بجد لو مكنتش قريت السطرين اللى كتبتيهم فى الأول وقريت القصيدة على طول عمري ما كان ييجي ف بالى إنك مبتدئة أو إن دي أول محاولة ليكي .
بجد ممتازة واستمري وإن شاء الله تكوني متميزة معانا وربنا يوفقك happy11 happy11 happy11

Re: اللي اتكســــر فيــــــا

مرسل: 22 فبراير 2010, 5:00 pm
بواسطة سندريلا
مساء الخير يا سارة :)
فعلا مثلما أخبرك زملائي من يقرأ كلماتك لن يشعر أنها تجربتك الاولى ... قصيدة رائعة حقاً ... عبرتِ فيها عن الحزن بشكل احترافي بصور راعة الجمال ... شعرت من كلماتك أنني أقرأ لصلاح جاهين ... أيضاً شعرت بصوت و لحن موسيقي رائع حقا ...
و العنوان أكثر من رائع أيضاً ... تعبيرك اللي اتكسر فيا فعلا جميل ... شعرت بدموع بطل/بطلة الخاطرة و الحزن الشيد الذي يظلم الوجه ...
أبدعتِ حقاً يا صديقتي ... و استمري في جعبتك الكثير ....
اتمنى لكِ دوام الإبداع و السعادة ... م11

Re: اللي اتكســــر فيــــــا

مرسل: 23 فبراير 2010, 1:52 am
بواسطة fromayka
والله ياساره ممتازه كملى على نفس الطريق كلامك حلو اوى واحساسك عالى

Re: اللي اتكســــر فيــــــا

مرسل: 23 فبراير 2010, 8:38 pm
بواسطة محمد جمال الدين
بجد مش عارف أقولك ايه بس فعلا كلمات جميلة جدااااااااااااااااااااا وحسيت بكل معنى فيها لانى عايشها وبجد قصيدة جميلة ومميزة وللأمام دايما يارب

Re: اللي اتكســــر فيــــــا

مرسل: 26 فبراير 2010, 9:28 am
بواسطة نبضة...
محمد محمود كتب:مش معقولة
سارة في قسم الأشعار م11
والله مفاجأة أسعدتني ز1
بداية أكثر من رائعة .
فالكلمات جميلة للغاية ، واللحن ممتع ورصين والأسلوب متميز
لم أشعر أنها بداية كتاباتك الشعرية ، أحسست أنك تكتبين الشعر منذ فترة
وبكثرة الكتابة سيكون الوزن أفضل في كل مرة ، رغم أنه كبداية يعتبر ممتاز
فاستمري في كتابة الشعر العامي لأن أسلوبك وموهبتك تؤهلك لذلك
بالتوفيق إن شاء الله

تخيل يا أستاذ محمد اني اخيراً جيت :mrgreen:
بصراحة أنا بخاف اجي عندكو هنا لأني مينفعش خالص أبقى جنب شعراء أجلاء زيكو وتكون قصائدي المتواضعة بين جميل قصائدكو..لكن دي كانت محاولة والحقيقة جت قدراً كدا واللي شجعني رأي أصدقائي فيها اني أنشرها
وو الله رد حضرتك هو اللي أسعدني
و اعجابك بالقصيدة هو اللي فاجئني
لكن كلماتك المشجعة هي الأمر الذي اعتدت عليه دوما
بجد بشكر حضرتك على متابعتك و مساعدتك
و أتمنى اني أتعلم منكو وأتحسن بكثرة قراءة أعمالكم الرائعة :)
ألف شكر ليك يا استاذ محمد
و جزاك الله خيـــــــراً flower1

Re: اللي اتكســــر فيــــــا

مرسل: 26 فبراير 2010, 9:31 am
بواسطة نبضة...
elsayad كتب:الزميلة / سارة
بجد لو مكنتش قريت السطرين اللى كتبتيهم فى الأول وقريت القصيدة على طول عمري ما كان ييجي ف بالى إنك مبتدئة أو إن دي أول محاولة ليكي .
بجد ممتازة واستمري وإن شاء الله تكوني متميزة معانا وربنا يوفقك happy11 happy11 happy11
زميلي العزيز المتابع دائمــــــــــــاً / الصيـــــــاد :)
بجد رد حضرتك اطراء و تشجيع مش عارفة أشكرك ازاي عليه
وان شاء الله اللي جاي يكون أفضل و أفضل بفضل تشجيعكو ليا
بشكرك جدا على رأيك
جزاك الله خيـــــــــراً flower1

Re: اللي اتكســــر فيــــــا

مرسل: 26 فبراير 2010, 9:38 am
بواسطة نبضة...
سندريلا كتب:مساء الخير يا سارة :)
فعلا مثلما أخبرك زملائي من يقرأ كلماتك لن يشعر أنها تجربتك الاولى ... قصيدة رائعة حقاً ... عبرتِ فيها عن الحزن بشكل احترافي بصور راعة الجمال ... شعرت من كلماتك أنني أقرأ لصلاح جاهين ... أيضاً شعرت بصوت و لحن موسيقي رائع حقا ...
و العنوان أكثر من رائع أيضاً ... تعبيرك اللي اتكسر فيا فعلا جميل ... شعرت بدموع بطل/بطلة الخاطرة و الحزن الشيد الذي يظلم الوجه ...
أبدعتِ حقاً يا صديقتي ... و استمري في جعبتك الكثير ....
اتمنى لكِ دوام الإبداع و السعادة ... م11

تاني صباح الخير يا جيجي :)
تقريبا يا جوجتي انتو عشان عيونكو حلوة شايفين الكلام حلو للدرجة دي..لكنها زي ما انتي عارفة أول تجربة
لكن باذن الله متبقاش الأخيرة
بشكرك جدا يا جيجي على كلامك الجميل دا وعلى وقوفك جنبي دايماً
و تشبيه لاسلوبي باسلوب جاهين حقيقي حاجة أسعدتني بس انا فين وهو فيييييين
تحليلك لقصيدتي اسعدني جدا و دل على تعمقك فعلا جوا معانيها
جزاكِ الله خيرا يا جيجي على تشجيعك وكلامك دا :) flower1

Re: اللي اتكســــر فيــــــا

مرسل: 26 فبراير 2010, 9:40 am
بواسطة نبضة...
fromayka كتب:والله ياساره ممتازه كملى على نفس الطريق كلامك حلو اوى واحساسك عالى
الشاعرة المتألقة/ سمـــــــــاح :)
بجد ردك دا شهادة أعتز بيها..لاني بحب كتاباتك جدا وبحسها فعلا
فمعنى انك حسيتي كلامي وقلتلي الكلام فدا شئ يسعدني ويحمسني اني أكتب أفضل باذن الله
جزاكِ الله خير يا سماح :) flower1