حزن بلا حدود

المشرفون: محمد محمود،همسه،donnabella

أضف رد جديد
محمد جمال الدين
أكاديمى فعال
أكاديمى فعال
مشاركات: 10
اشترك في: 07 فبراير 2010, 9:56 pm
Real Name: محمد جمال الدين محمد حسين
Favorite Quote: ما اخذ بالقوة لا يسترد الا بالقوة
verification: ID verified and trusted writer
مكان: عالم الأحزان
اتصال:

حزن بلا حدود

مشاركة بواسطة محمد جمال الدين »

هفضل أسير لعذابى
الحزن قافل بابى
محبوس ما بين جدران
والاسم ايه انسان
انسان ضعيف مكسور
والجرح حاوطه بسور
انسان حزين مولود
وطريق طويل مسدود
وجراح تجيب فى جراح
والفرح سابنى وراح
والدنيا تلف بيا
ودمعتى فى عينيا
حبيب طلع كداب وصديق طلع غدار
غرقان فى بحر عذاب وأسير فى سجن النار
وده كنت فاكره قريب
وطلع بجد غريب
وده كنت فاكره ملاك
ولقيت جواه هلاك
وده جرحنى وده ظلمنى
وده ألمنى وده قسمنى
وده خاننى وده باعنى
وده سابنى وده وجعنى
مافيش مكان لجراح
ياريتنى أموت وأرتاح
أيام غريبة عجيبة مصرة تجرحنى
مش راضية ليه تنسانى ولا راضية ليه تريحنى
بقا حزنى هو الغالب
مرسوم على كل قالب
من جدران قصر العذاب
حتى مسابش الباب
ورسم بجرحه السور
وانا أهو ضعيف مكسور
محبوس ما بين جدران
والاسم ايه انسان
من برا بس عايش ومن جوايا ميت
الجرح عليا خيم والحزن فى قلبى بييت
وغريب قريب يألمنى
وعذاب سنين يهزمنى
وذكرى صعبة وذكرى مرة
وكدب مرة وغدر مرة
وحب مافيش
وجرح يعيش
وصمت كلام
وبحر الام
وحلم رجوع
وبحر دموع
وشمعة أملى تنطفى
وخيط النور بيختفى
ولسه برده فى قصرى أسير
حاضر يببكى وماضى مرير
مش الاسم الصحيح انسان
انا اسمى الصحيح بركان
بركان عذاب بركان ندم
بركان دموع بركان عدم
مخلوق عشان أتألم
أخرس ومش بتكلم
مبنى عشان أنهار
غريق فى بحر النار
عايش عشان أموت
كلامى كله سكوت
بفرح عشان أبكى
بسمع عشان أحكى
بددى عشان أخد حرمان
بحترم الناس عشن أتهان
بوفى بوعدى ألاقى ردود
كل اللى فيها اخلاف وعود
جاهل عشان لسه بتعلم
ساكت عشان غيرى يتكلم
واقف عشان مش بتحرك
ومن خيرى بشوف شررك
يا زمان ارحم كفاية
بجد طوولت الحكاية
لا سايبنى أموت ولا حتى أعيش
تعبت وفين الحل مافيش
رفعت راية الاستسلام
مافيش أفراح مافيش أحلام
ده مكتوبى وده نصيبى
خلاص جرحى بقا حبيبى
ده الحاضر وده الموجود
حياتى حزن بلا حدود
المرفقات
لم أعرف أبدا أن الدمع هو الأنسان أن الأنسان بلا حزن ذكرى انسان
لم أعرف أبدا أن الدمع هو الأنسان أن الأنسان بلا حزن ذكرى انسان
49.png (32.88 KiB) تمت المشاهدة 10129 مرةً
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: حزن بلا حدود

مشاركة بواسطة elsayad »

الزميل / محمد جمال الدين
عنوان قصيدتك يلائم كم الألم والحزن بداخلها .
أحييك وأتمنى لك دوام التوفيق . flower1
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
صورة العضو الرمزية
dr asmaa
أكاديمى نشيط
أكاديمى نشيط
مشاركات: 123
اشترك في: 04 نوفمبر 2009, 8:18 pm
Real Name: أسماء مصطفى
Favorite Quote: اللهم أسترنا فوق الأرض وتحت الأرض ويوم العرض عليك
verification: ID verified and trusted writer
مكان: الإسكندرية
اتصال:

Re: حزن بلا حدود

مشاركة بواسطة dr asmaa »

ياااااااااااااااه اه كل الحزن والالم ده

طبعا انا مش بستعجب فالدنيا عاملة فينا كدا واكتر كمان

كلماتك جميلة ومعبرة وخارجة بأحساس تلقائى

بس لو كنت قسمتها إلى فقرات بينهما فواصل كانت كانت تزداد متعى وجمال
( أقبل ملاحظتى فهى ملاحظة قارئ لا يفهم الكثير فى صياغة الشعر )

تحياتى لك
malakyenta
أكاديمى فعال
أكاديمى فعال
مشاركات: 44
اشترك في: 27 إبريل 2009, 1:54 am
Real Name: محمد سامى
Favorite Quote: فوق الجبين طرح العرق ورده
الورد قام بمظاهرة ومعارضة
مكان: طنطا
اتصال:

Re: حزن بلا حدود

مشاركة بواسطة malakyenta »

ايه ياعم محمد مش ناوى تكتب بامل شويه القصيده جميله جدا بس الحزن اللى فيها كتير بس انت بتاكد المعنى اللى بيقول اقوى معانى الشعر ما يكتب عن الحزن
حالة ملل
لحظة سكوت
الكل بيحاول يموت
والموت موافق بس بيحدد شروط محمد سامى
fromayka
أكاديمى نشيط
أكاديمى نشيط
مشاركات: 136
اشترك في: 08 مايو 2009, 1:27 am
Real Name: سماح مصطفى
Favorite Quote: اول الغيث قطرة
مكان: فى رحم الفجر

Re: حزن بلا حدود

مشاركة بواسطة fromayka »

كتاباتك ميختلفش عليها اتنين جميله وبتوصل بسرعه كميه الالم كبيره ف كتاباتك بس احساسها الصادق دايما يعليها استمر ف كتابه ما تحس سواء الم او فرح مادام من القلب اكيد هيبقى ممتاز
كل مانوصل لمينا
نبتدى ونقول رسينا
الشطوط ترفض لقانا
والبحور تانى تنادينا
صورة العضو الرمزية
رحمة
أكاديمى فعال
أكاديمى فعال
مشاركات: 37
اشترك في: 13 فبراير 2010, 11:59 pm
Favorite Quote: أحبب ما تشاء فإنك مفارقه
verification: ID verified and trusted writer

Re: حزن بلا حدود

مشاركة بواسطة رحمة »

قصيدة مليئة ممتلئة بالحزن و ليس كأي حزن

هو حزن عميق عميييييييييييق يؤثر في النفس و هذا سر جمال الاسلوب

أحييكم أخي و بورك اسلوبكم الجميل
صورة
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: حزن بلا حدود

مشاركة بواسطة محمد محمود »

رغم كم الحزن الذي حوته القصيدة ، لكنك أخي الكريم عبرت عن هذا الحزن بأسلوب بارع
صورت الحزن وجسدته بتمكن عالي وأسلوب جذاب ، وهذا هو سر جمال القصيدة " صدق الإحساس "
تحياتي لك وتمنياتي لك بمزيد من الأعمال الجميلة .
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
محمد جمال الدين
أكاديمى فعال
أكاديمى فعال
مشاركات: 10
اشترك في: 07 فبراير 2010, 9:56 pm
Real Name: محمد جمال الدين محمد حسين
Favorite Quote: ما اخذ بالقوة لا يسترد الا بالقوة
verification: ID verified and trusted writer
مكان: عالم الأحزان
اتصال:

Re: حزن بلا حدود

مشاركة بواسطة محمد جمال الدين »

بجد بجد مش عارف اشكركم ازاى متشكر قوووووووووووووووووووووووووووووووووووووووووووووووووووووووووووووى ليكم انتوا بترفعوا من روحى المعتوية والله ومتأسف على التأخير فى الرد
أضف رد جديد

العودة إلى ”أشعار عامية“