المواضيع التى لم يرد عليها | عرض المواضيع النشطة التوقيت الحالى 21 أكتوبر 2017, 10:36 am





الرد على الموضوع  [ 8 مشاركة ] 

Share |


حزن بلا حدود 
الكاتب رسالة
أكاديمى فعال
أكاديمى فعال


مشاركات:
10
مكان:
عالم الأحزان
الإسم الحقيقى:
محمد جمال الدين محمد حسين
الحكمة المفضلة:
ما اخذ بالقوة لا يسترد الا بالقوة
حالة التأكيد:
كاتب موثوق و مؤكد هويته
مشاركة حزن بلا حدود


هفضل أسير لعذابى
الحزن قافل بابى
محبوس ما بين جدران
والاسم ايه انسان
انسان ضعيف مكسور
والجرح حاوطه بسور
انسان حزين مولود
وطريق طويل مسدود
وجراح تجيب فى جراح
والفرح سابنى وراح
والدنيا تلف بيا
ودمعتى فى عينيا
حبيب طلع كداب وصديق طلع غدار
غرقان فى بحر عذاب وأسير فى سجن النار
وده كنت فاكره قريب
وطلع بجد غريب
وده كنت فاكره ملاك
ولقيت جواه هلاك
وده جرحنى وده ظلمنى
وده ألمنى وده قسمنى
وده خاننى وده باعنى
وده سابنى وده وجعنى
مافيش مكان لجراح
ياريتنى أموت وأرتاح
أيام غريبة عجيبة مصرة تجرحنى
مش راضية ليه تنسانى ولا راضية ليه تريحنى
بقا حزنى هو الغالب
مرسوم على كل قالب
من جدران قصر العذاب
حتى مسابش الباب
ورسم بجرحه السور
وانا أهو ضعيف مكسور
محبوس ما بين جدران
والاسم ايه انسان
من برا بس عايش ومن جوايا ميت
الجرح عليا خيم والحزن فى قلبى بييت
وغريب قريب يألمنى
وعذاب سنين يهزمنى
وذكرى صعبة وذكرى مرة
وكدب مرة وغدر مرة
وحب مافيش
وجرح يعيش
وصمت كلام
وبحر الام
وحلم رجوع
وبحر دموع
وشمعة أملى تنطفى
وخيط النور بيختفى
ولسه برده فى قصرى أسير
حاضر يببكى وماضى مرير
مش الاسم الصحيح انسان
انا اسمى الصحيح بركان
بركان عذاب بركان ندم
بركان دموع بركان عدم
مخلوق عشان أتألم
أخرس ومش بتكلم
مبنى عشان أنهار
غريق فى بحر النار
عايش عشان أموت
كلامى كله سكوت
بفرح عشان أبكى
بسمع عشان أحكى
بددى عشان أخد حرمان
بحترم الناس عشن أتهان
بوفى بوعدى ألاقى ردود
كل اللى فيها اخلاف وعود
جاهل عشان لسه بتعلم
ساكت عشان غيرى يتكلم
واقف عشان مش بتحرك
ومن خيرى بشوف شررك
يا زمان ارحم كفاية
بجد طوولت الحكاية
لا سايبنى أموت ولا حتى أعيش
تعبت وفين الحل مافيش
رفعت راية الاستسلام
مافيش أفراح مافيش أحلام
ده مكتوبى وده نصيبى
خلاص جرحى بقا حبيبى
ده الحاضر وده الموجود
حياتى حزن بلا حدود


المرفقات:
التعليق: لم أعرف أبدا أن الدمع هو الأنسان أن الأنسان بلا حزن ذكرى انسان
49.png
49.png [ 32.71 KiB | شوهد 4009 مرات ]
26 فبراير 2010, 2:53 pm
الملف الشخصى Yahoo
أكاديمى نشيط
أكاديمى نشيط

الصورة الشخصية للعضو

مشاركات:
289
مكان:
الشرقية
الإسم الحقيقى:
عاطف
الحكمة المفضلة:
الصبر مفتاح الفرج والصيد علمنى
حالة التأكيد:
كاتب موثوق و مؤكد هويته
مشاركة Re: حزن بلا حدود


الزميل / محمد جمال الدين
عنوان قصيدتك يلائم كم الألم والحزن بداخلها .
أحييك وأتمنى لك دوام التوفيق . flower1

_________________
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري

ليه اشغل بالى وأفكر . . واعيش مغلوب على أمري


آمنت بربي وعرفت إن رزقي عليه . . ومهما بعدت واتغربت مش حاروح غير ليه

علشان كدا أنا كان نفسي . . أعيش صياد طول عمري


27 فبراير 2010, 4:24 pm
الملف الشخصى
أكاديمى نشيط
أكاديمى نشيط

الصورة الشخصية للعضو

مشاركات:
123
مكان:
الإسكندرية
الإسم الحقيقى:
أسماء مصطفى
الحكمة المفضلة:
اللهم أسترنا فوق الأرض وتحت الأرض ويوم العرض عليك
حالة التأكيد:
كاتب موثوق و مؤكد هويته
مشاركة Re: حزن بلا حدود


ياااااااااااااااه اه كل الحزن والالم ده

طبعا انا مش بستعجب فالدنيا عاملة فينا كدا واكتر كمان

كلماتك جميلة ومعبرة وخارجة بأحساس تلقائى

بس لو كنت قسمتها إلى فقرات بينهما فواصل كانت كانت تزداد متعى وجمال
( أقبل ملاحظتى فهى ملاحظة قارئ لا يفهم الكثير فى صياغة الشعر )

تحياتى لك


27 فبراير 2010, 7:30 pm
الملف الشخصى Yahoo
أكاديمى فعال
أكاديمى فعال


مشاركات:
44
مكان:
طنطا
الإسم الحقيقى:
محمد سامى
الحكمة المفضلة:
فوق الجبين طرح العرق ورده
الورد قام بمظاهرة ومعارضة
مشاركة Re: حزن بلا حدود


ايه ياعم محمد مش ناوى تكتب بامل شويه القصيده جميله جدا بس الحزن اللى فيها كتير بس انت بتاكد المعنى اللى بيقول اقوى معانى الشعر ما يكتب عن الحزن

_________________
حالة ملل
لحظة سكوت
الكل بيحاول يموت
والموت موافق بس بيحدد شروط محمد سامى


05 مارس 2010, 3:16 pm
الملف الشخصى Yahoo
أكاديمى نشيط
أكاديمى نشيط


مشاركات:
136
مكان:
فى رحم الفجر
الإسم الحقيقى:
سماح مصطفى
الحكمة المفضلة:
اول الغيث قطرة
مشاركة Re: حزن بلا حدود


كتاباتك ميختلفش عليها اتنين جميله وبتوصل بسرعه كميه الالم كبيره ف كتاباتك بس احساسها الصادق دايما يعليها استمر ف كتابه ما تحس سواء الم او فرح مادام من القلب اكيد هيبقى ممتاز

_________________
كل مانوصل لمينا
نبتدى ونقول رسينا
الشطوط ترفض لقانا
والبحور تانى تنادينا


05 مارس 2010, 3:26 pm
الملف الشخصى
أكاديمى فعال
أكاديمى فعال

الصورة الشخصية للعضو

مشاركات:
37
الحكمة المفضلة:
أحبب ما تشاء فإنك مفارقه
حالة التأكيد:
كاتب موثوق و مؤكد هويته
مشاركة Re: حزن بلا حدود


قصيدة مليئة ممتلئة بالحزن و ليس كأي حزن

هو حزن عميق عميييييييييييق يؤثر في النفس و هذا سر جمال الاسلوب

أحييكم أخي و بورك اسلوبكم الجميل

_________________


05 مارس 2010, 7:59 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: حزن بلا حدود


رغم كم الحزن الذي حوته القصيدة ، لكنك أخي الكريم عبرت عن هذا الحزن بأسلوب بارع
صورت الحزن وجسدته بتمكن عالي وأسلوب جذاب ، وهذا هو سر جمال القصيدة " صدق الإحساس "
تحياتي لك وتمنياتي لك بمزيد من الأعمال الجميلة .

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


05 مارس 2010, 10:10 pm
الملف الشخصى Yahoo الموقع الشخصي
أكاديمى فعال
أكاديمى فعال


مشاركات:
10
مكان:
عالم الأحزان
الإسم الحقيقى:
محمد جمال الدين محمد حسين
الحكمة المفضلة:
ما اخذ بالقوة لا يسترد الا بالقوة
حالة التأكيد:
كاتب موثوق و مؤكد هويته
مشاركة Re: حزن بلا حدود


بجد بجد مش عارف اشكركم ازاى متشكر قوووووووووووووووووووووووووووووووووووووووووووووووووووووووووووووى ليكم انتوا بترفعوا من روحى المعتوية والله ومتأسف على التأخير فى الرد


18 مارس 2010, 9:25 pm
الملف الشخصى Yahoo
عرض المشاركات السابقة منذ:  مرتبة بواسطة  
الرد على الموضوع   [ 8 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 5 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter