صفحة 1 من 1

حرب الحياه

مرسل: 29 إبريل 2010, 9:48 am
بواسطة elsayad
حرب الحياه
******

مالى جرالى إيه
مبقتش انا اللى اتعودت عليه
الزمن غيّرني
وازاى مسألش ليه

***

خلّى الأيام تجري
مش عايز احس بيها
والعمر يمر بدري
دي حياتي مش لاقيها

***

أعيشها ازاى
وهي دايماً بتخاصمنى
وعمري الجاى
ألمه وآهاته بتهاجمنى

***

وسألت نفسي
اتغرّبت عشانها ليه
وحرمت نفسي
علشان اديلها إيه

***

من جرح لجرح
والقلب معدش متحمل
ونسيت الفرح
لكني ماشي ومكمل

***

ولاااااازم . . لاااااااااااااااااااازم

أعيش وأتحمل
تحت أي ظروف
ولو ف النار أكمل
مش هموت م الخوف

***

إقسى يا زمن أوى
قسوتك خلتنى قوي
ومهما تقسى انت عليا
حالف أكون إنسان سوي

***

أيوة انا مش هنجرف
مهما قِوى التيار
ولا عمري يوم انحرف
ولو انكويت بالنار

***

إياك تحاول يا شيطان
معايا لعبك كله يبان
ولا عمرك هتتحكم فيا
ولا عمري انا هديك أمان

***

ساعدني يا ربي
قويني على حربي
حرب الحياه
وسدد خطى دربي

*********
****
**

Re: حرب الحياه

مرسل: 29 إبريل 2010, 6:20 pm
بواسطة fromayka
ياه ياعاطف عاش من قرا اشعارك بس بجد راجع بقوة جدا القصيده من احلى ماكتبت واحساسها عالى جدا وصادق جدا جدا ربنا يوفقك ومتبعد عنا اشعارك دى تانى

Re: حرب الحياه

مرسل: 30 إبريل 2010, 1:08 pm
بواسطة محمد محمود
وحشتنا قصائدك يا عاطف
عودة بقصيدة جميلة معبرة ، حسن اختيار للكلمات ، وإحساس راقي وعالي
عباراتك تعكس جو القصيدة بسلاسة ودون تعقيد .
كل أبيات القصيدة مميزة لكن أعجبني هذين البيتين كثيراً :

من جرح لجرح
والقلب معدش متحمل
ونسيت الفرح
لكني ماشي ومكمل
تمنياتي لك بالتوفيق

Re: حرب الحياه

مرسل: 01 مايو 2010, 4:31 pm
بواسطة elsayad
fromayka كتب:ياه ياعاطف عاش من قرا اشعارك بس بجد راجع بقوة جدا القصيده من احلى ماكتبت واحساسها عالى جدا وصادق جدا جدا ربنا يوفقك ومتبعد عنا اشعارك دى تانى
الله يخليكى يا سماح وربنا يكرمك على ردك الجميل .
ربنا يوفقك وتمنياتى لكى بالتوفيق والنجاح flower1

Re: حرب الحياه

مرسل: 01 مايو 2010, 6:03 pm
بواسطة elsayad
محمد محمود كتب:وحشتنا قصائدك يا عاطف
عودة بقصيدة جميلة معبرة ، حسن اختيار للكلمات ، وإحساس راقي وعالي
عباراتك تعكس جو القصيدة بسلاسة ودون تعقيد .
كل أبيات القصيدة مميزة لكن أعجبني هذين البيتين كثيراً :

من جرح لجرح
والقلب معدش متحمل
ونسيت الفرح
لكني ماشي ومكمل
تمنياتي لك بالتوفيق
والله انتم وحشتونى أكتر يا محمد ووحشتني قصائدك المميزة
بارك الله لنا فيك ولا يحرمنا من قلمك .