صفحة 1 من 1

انتى عارفه

مرسل: 03 يونيو 2010, 9:40 pm
بواسطة انور العبد
انتى عارفه حبى ليكى قد ايه
حتى حزنى جوه منى بتعرفيه
نبض قلبى..صوت لسانى انتى فيه
لكن ساعات بحس عنك باغتراب
بحر السكوت اللى ف عنيكى
بيغرقنى ف العذاب
حيرتك..صمتك..غربتك
ليل طويل
مع البراءة اللى ف عنيكى
مستحيل
بيعلمونى ازاى احس ازاى اكون
ازاى اصادق القمر
وازاى اسافر ف العيون
واهرب من كل البشر
..واكتبلك ..يمكن تقريلى
يوصلك شوقى والامى
يوصلك من وسط كلامى
تحسى بيا ...تعرفينى
تحنى ليا وتلاقينى..بحن ليكى
تعرفى ايه اللى فيا
اعرف كل اللى فيكى
ومن نظره عنيا ليكى
اعرف نظره عنيكى
احس بيهم وبامالهم وبالآمهم
استعجب قبل مااسأل عن جمالهم
تسألينى...تعصرينى أسئله
اعيد صياغه المسأله
وابتسم
القى الاجابه..بتترسم
فوق شفايفك
جوه منى بتتقسم...
تخنقنى الأسئله
اعيد صياغه المسأله
لكن حزين...
الاجابه المره ديه
هى ..هى..من سنين
بتقول ان الحزين
يفضل حزين..


يفضل حزين

Re: انتى عارفه

مرسل: 03 يونيو 2010, 9:55 pm
بواسطة fromayka
تسألينى...تعصرينى أسئله
اعيد صياغه المسأله
انا برد على القصيده بعد كتابتها ب3 دقايق بس تعليقى عليها يحتاج 3 ساعات القصيده حلوة اوى وخصوصا الشطر اللى فات نفس نبره القصيده الاولى لكن اللون الرومانسى فيها اداها مذاق جميل ياريت تهتم بالهنات اللى فيها خسارة قصيده زى دى وزنها ينكسر
سماح مصطفى

Re: انتى عارفه

مرسل: 05 يونيو 2010, 3:06 pm
بواسطة سندريلا
مساء الخير زميلي الفاضل
قصيدة آخرى رائعة أحييك عليها بشدة ..
عبرت بها عن مشاعر متشابكة مختلفة .. فهذا هو حال الحب الذي يجعلنا نتشابك و ندور في دوائر مفرغة دون الوصول إلى نهاية ..
جميل ان تعبر عن مشاعر مختلفة فهذا يلائم جو القصيدة و فكرتها العامة ... الأوزان جميلة متناسبة أعطت للقصيدة نبرة رائعة ..
تكرارك لبعض الشطور أفاد القصيدة أكثر و أبرز جمالها ... great1
تحياتي لك مع تمنياتي بدوام الإبداع .. :)

Re: انتى عارفه

مرسل: 06 يونيو 2010, 3:16 am
بواسطة انور العبد
اشكر الاخت سماح والاخت سندريلا على نقدكم واتمنى لكم كل خير

Re: انتى عارفه

مرسل: 16 يونيو 2010, 7:39 pm
بواسطة محمد محمود
أهلاً وسهلاً بك أخي الفاضل في قسم الأشعار
عمل جميل وأسلوب متمكن ، كلمات جميلة موظفة جيداً بالعمل
موسيقى رائعة تنساب من بين الكلمات وكأنها أنشودة جميلة
عمل جميل أمتعتنا به نرجو أن يتكرر كثيراً لنستمتع أكثر بروائعك
تمنياتي لك بقضاء أنفع الأوقات معنا . flower1 flower1