صفحة 1 من 1

إحساسي بيك

مرسل: 18 يوليو 2010, 11:32 pm
بواسطة donnabella
المشكلة ... إني مستكترة ...
حبي ليك
بخلانة أديلك.. مش قادرة أوريلك ..
إحساسي بيك
رغم إني ممكن أكون بحبك ... آه بجد
بس عقلي واخدها ويا قلبي عند
ومخلي كل مشاعري تتمرد علييييييييك
تتمرد عليك

المشكلة ... إني مستكترة ...
حبي ليك
بخلانة أديلك.. مش قادرة أوريلك ..
إحساسي بيك
إحساسي بيك

في حاجات كتير بتشدني لبحور هواك
وحاجات كتير شداك بعيد عن دنيتي..
و إنت بعيد بدوب بشوق لحظة لقاك
و إنت قريب غروري يسجن لهفتي..
أحلامي تايهة بين ملامح جوه مني رسمتها
و بين براءة قلبك .. وطيبة عنيك....

المشكلة ... إني مستكترة ... حبي ليك
بخلانة أديلك.. مش قادرة أوريلك .. إحساسي بيك
آه إحساسي بيك...........

Re: إحساسي بيك

مرسل: 19 يوليو 2010, 3:12 am
بواسطة fromayka
باين ان انتى عارفه انتى بتكتبى اغنيه من تقسيم الشطرات وتكرار المدخل ليكون جواب
الاغنيه جميله وموسيقاها باينه
مزيد من التقدم

Re: إحساسي بيك

مرسل: 19 يوليو 2010, 8:48 pm
بواسطة محمد محمود
أختي الكريمة وزميلتي الفاضلة نورا
عودة بقصيدة جميلة الكلمات خفيفة الوقع والصدى كأنها أغنية أو أنشودة جذابة
أسلوب ليس بغريب على مشرفة قسم الأشعار
تمنياتي لك بالتوفيق والمزيد من الأعمال الجميلة clap1 clap1

Re: إحساسي بيك

مرسل: 19 يوليو 2010, 9:10 pm
بواسطة سندريلا
مساء الخير يا نورا
قصيدتك حلوة جدا شعرت كأنها أغنية بها موسيقى رائعة يمكن أن نتغنى بها ... تأرجحت فيها مشاعرك ما بين الحب و التردد و الخوف من ترك العنان لمشاعرنا التي ربما نخاف من فقدها للأبد بإهدائها لمن لا يستحق ... لكن أيضا المشاعر نادرا ما نستطيع التحكم بها ... عبرتِ عن حيرة بطلة أغنيتك الشعرية بتكرار جميل ل إحساسي بيك و هو نفس العنوان الرائع الذي يلائم القصيدة ...
تحياتي لكِ على ما أبدعتِ مع تمنياتي بدوام الإبداع :)

Re: إحساسي بيك

مرسل: 21 يوليو 2010, 8:11 am
بواسطة تنهيدة
عودة جميلة يانورا بقصيدة أسلوبها جديد وكمان فكرتها جديدة كلمات خفيفة قدرتى توصفى بيه أحساس عميق
وقدرتى تحسسى القارئ بنفس الحيرة والاستغراب الا حاساهم بطلة كلماتك من احساسها
واوقات كتير فعلا يانورا الكبريياء فى الحب بيسجن كل مشاعر جميلة جوانا ومع الوقت كمان بتضيع كل المعانى الجميلة
وكتبر حب بيضيع لاننا خابفين او غرورنا منعنا اننا نعبر عن الا جوانا بصدق وبمكن انا بحس ان لو فى حب بجد أكيد مش هيكون فى
لا خوف ولا غرور ولا مكان لكل الحاجات الا زى دى الا بتقتل وجود اى حب
بحيكى يانورا على احساسك الجميل عجبتنى كتير القصيدة وعجبنى كتبر الكلمات دى
و إنت قريب غروري يسجن لهفتي..
أحلامي تايهة بين ملامح جوه مني رسمتها
بشكرك يانورا وبتمنى لكى دوام الابداع :) flower1

Re: إحساسي بيك

مرسل: 23 يوليو 2010, 11:41 pm
بواسطة Ghadat2009
أعنية جميلة فيها مشاعر كتير : حيرة و تردد و شوية غرور أساسه القلق ، بس كمان فيها حب كبير و مشاعر رقيقة جداً

الجميل إني حسيت إنها أغنية بيغنيها القلب للعقل اللي رافض أو قلقان من حالة الحب دي ، و كأن الحيرة دي اتحوّلت لحوار جميل بيقوله القلب في كلمات موسيقية .

شاعرتنا المبدعة نورا ... أبدعي لنا المزيد فنحن بالتأكيد نستمتع بكتاباتك المتميزة. flower1 م11

Re: إحساسي بيك

مرسل: 27 يوليو 2010, 11:29 pm
بواسطة هبة الله محمد
رائعة حتى في الشعر الغنائي

الأغنية جميلة وبتعبر عن موضوع جديد

يسلم قلمك

Re: إحساسي بيك

مرسل: 22 أغسطس 2010, 2:29 am
بواسطة donnabella
سماح: الحقيقة هي دي فعلا أغنية بس مش عشان أنا قصداها بس لأن ساعات كده و أنا ماشية تيجي كلمتين في دماغي أقعد أدندنهم و الكلام يجيب بعضه علي لحن معين ، تعرفي ساعات ببقي نفسي أكون بفهم في الموسيقي عشان أدون اللحن مع الكلمات ، بس للأسف معرفش lost1

محمد محمود: أكيد إحنا خلاص مبقاش بينا مجاملات و طالما قلت إنها عاجباك فأنا هعتبر دي شهادة تقدير منك علي طول، يا رب دايما موفق في حياتك كلها
جيهان،نهاد ،غاده،هبة :
الحقيقة ياجماعة الحكاية إني بقيت بستغرب فعلا ، المشكلة اللي أنا حاولت أترجمها أنا لاحظتها في بنات كتير قوي ، إن إحنا بقينا بنستكتر نفسنا علي أي إنسان، البنات دلوقت بقت ناجحة في مجالات كتير ، يعني الكلية و العمل و الثقافة و الهوايات و حتي الرياضة ، بقينا شايفين نفسنا بنكسب أدبيا و ماديا كل يوم لدرجة إن السؤال اللي بيطرح نفسه قدام أي بنت بيتقدملها واحد للزواج أو حتي بينها و بين نفسها لو حست من نفسها إعجاب بشخص في محيطها ، السؤال هو : هل الشخص ده كفء ليا ، هل يستحق أن أمنحه حبي و أهديه كل هذا النجاح الذي حققته؟!!!!!!!!!!!!!

شكرا لمروركم جميعا

flower1 flower1 flower1 flower1 flower1 flower1