صفحة 1 من 1

لما يخلص الكلام

مرسل: 27 أكتوبر 2010, 9:07 pm
بواسطة meme mocha
ولما يخلص كل الكلام
والتحقيق والاتهام
وأقيد القضية ضد مجهول
من الأمانة إنى أقول
دايما بلاقيك فى صوتى
نغمة حزينة شاردة
ومادام راضيك سكوتى
فخلاص أنا لازم أرضى
وأنسى انبارح وسيرته
وأنسى انى النهارده
عاوزاك بكرا لعيونى
عاوزاك شمسي وغنايا
عاوزاك تفضل معايا
عاوزاك قمرى وأنينى
عاوزاك يوم مش ناسينى
عاوزاك بس إنت ترضى
لكن دنيانا توهة
وإنت كدا منى ضايع
ف الزحمة وف الشوارع
حتى فى مكان لقانا
حكم القدر بفراق
ومضينا الاتفاق
ومضينا كل واحد
عارف له أكيد طريق
فى عكس الاتجاه
وعكس الريح بطير
وعملتها كتير
وأدينى لسة عايشة
ضد تيار الحياة
وضد الاتجاه
أملى بيدينى دهره
وأنا بتفق معاه
لكل واحد فينا
طريقه ومبتغاه
فخلاص مبقتش تفرق

Re: لما يخلص الكلام

مرسل: 28 أكتوبر 2010, 3:55 pm
بواسطة محمد محمود
زميلتي العزيزة
تحياتي لك على نشاطك الملحوظ منذ اشتراكك معنا ، و تحية أكبر لرقي كلماتك وأسلوبك الرائع
عمل جديد جميل النظم والمعنى ، وبه من الكلمات والأساليب ما يشد القاريء لمتابعة أعمالك بشغف
قصيدة عامية ممتازة من حيث الأسلوب والكلمات .
وإن كان هناك خطأ وقعت فيه من جراء سرعة الكتابة فقط وهو :
أملى بيدينى دهره
وهي ظهره
لذا وجب التنبيه حتى تقومين بتصحيحها
تمنياتي لك بالتوفيق

Re: لما يخلص الكلام

مرسل: 31 أكتوبر 2010, 2:28 am
بواسطة سندريلا
كمان قصيدة يا مي ههههههههههههه
جميلة جدا جدا يا مي و الله ...
فكرك متسلسل بترتيب منطقي رائع جدا ..
و تشبيهاتك رائعة جدا يا صديقتي العزيزة ... أعجبني تفهم البطلة و حسن وعيها و بصيرتها لما يدور حولها حتى و إن كانت ستشعر بالألم لذلك ...
تحياتي لكِ يا مي مع تمنياتي بدوام الإبداع :)