الادونا التريه...بلد للبيع يابيه

المشرفون: محمد محمود،همسه،donnabella

أضف رد جديد
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

الادونا التريه...بلد للبيع يابيه

مشاركة بواسطة الأمير الحائر »

الادونا الاتريه...هنبيع بلدنا يا بيه...
الادونا الاتريه...بلد كبير انما ايه...
قرب ياخواجا...قرب يابيه...
نفتح المزاد...بربع جنيه...
بلد بتطل عالنيل والشانزلزيه...
نبدأ بأبو الهول...و نقول 200 جنيه
مناخيره واقعة...معيوب للأمانة يابيه
لكن الأهرامات...حاجة تانية
نقول ألف جنيه...
ألفين جنيه...
الادونا الاتريه
مبروك عليك يابيه
....
بلد حضارة من أيام أحمس...
بلد كرامة من أيام صلاح الدين...
بلد فيها البحر والشمس...
فيها سينا وطيبة والعلمين...
حررناها عشان نبيعها...
وبأرخص أسعار بايعين...
بلد فيها من الناس ياما...
هتاخدهم عالبيعة ملايين...
تدفع كام فى بشر طقت...
من كاسات الفساد شاربين...
تدفع كام فى شباب هجت...
غرقوا فى بحر الغربة سنين...
تدفع كام فى وطن مسلوب...
من الفاسدين غرقان فى ديون...
تدفع كام فى الشعب يابيه...
واحد...اتنين...خمسة جنيه...
فكر يلا وخطط وارسم...
ممكن تعمل فيهم ايه...
الادونا الاتريه...
مبروك عليك الشعب يابيه...
....
تدفع كام فى ناس ماتت...
فى عبارة غرقت...وفى عار الحصانة والسكوت...
تدفع كام فى ترب أسفلت...
كل يومين..اهى حادثة تفوت...
تدفع كام فى قطر الصعيد...
يلا ماللى يموت يموت...
تدفع كام تعويض لكوارث...
ولأرواح شهداء فى ملكوت...
تدفع كام علشان نخرس...
وتشترى بالملايين السكوت...
مليون...عشرين...خمسين مليون
ألدونا ألتريه...
مبروك عليك سكوتنا يابيه...
.....
نيجى للأخر...أخر المزاد...
نيجى لمصر...بلد الصامدين...
مصر زويل ونجيب عقاد...
مصر حليم...كلثوم...وجاهين...
مصر نضال صمود وتحدى...
مصر أدب وثقافة ودين...
مصر اللى احتلتها الدنيا...
ولايوم قالت مسلمين...
مصر أكتوبر...ثورة وعبور...
مصر كنيسة و مدنى جامع..
قس وأنبا وعالم دين...
مصر بلدنا...أم الدنيا...
مهما باع فيها الكارهين...
مصر شعب لسه بينبض...
و بقلوبنا للأمل شايفين...
ولا ملايين الدنيا بحالها...
تسوى فى شبر...فى ذرة طين...
علشان كده كنسلنا مزادنا...
وهنصرخ فيك مش بايعين...
الادونا الاتريه...
مصر مش للبيع يابيه...
................
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: الادونا التريه...بلد للبيع يابيه

مشاركة بواسطة تنهيدة »

صورةصورةصورةالله الله ياوليد بجد كلام فوق الرائع بجد انت فنان ايه الفكرة الجميلة ده والأسلوب الأجمل بجد بحيك على الملخص الجميل لحياة المصرين انا القصيدة كلها عجبانى لكن اكتر شىء مس احساسى اخر المزاد مصر فعلا مش للبيع يمكن فى كتير باع نفسة لكن مصر لسه باقية وكتير من المعانى الساخرة الا بجد تستاهل عليه الف شكر ومصر فعلاغنية اوى بشباب زيك بيدافع عنها حتى ولو من خلال قصيدة بشكرك تانى وبتمنالك مزيد من الأبداع صورةصورةصورة
صورة
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: الادونا التريه...بلد للبيع يابيه

مشاركة بواسطة الأمير الحائر »

بشكرك جدا ياتنهيدة على رأيك وان كانت القصيدة واقعية فده عشان أنا الفكرة كلها تعليقا منى على القانون الجديد اللى بيقسم موارد البلد قسمة متساوية على الشعب فى مشهد ساخر أشبه بالمزاد...مافيش دولة فى العالم عمرها باعت نفسها لغيرها أو لشعبها...ده تهريج...ومش مصر بتاريخها ده كله مهما كان فيها فساد دلوقتى اللى هتغير يافطة " ادخلوها بسلام أمنين " وتكتب " بلد للبيع, سارع بالإشتراك فى المزاد قبل مالفرصة تفوتك! "وأعتقد الناس عمرها ماهترضى انها تبيع اسم مصر ومواردها ولا ليهم ولا لغيرهم...كل اللى عايزه الكل يبقى فيه نمو اقتصادى وتطوير وتحسين ظروف وأحوال البلد الإجتماعية والسياسية...انما مصر مش ( غدوة ) عشان نقسمها وكل واحد ياخد حتة ويروح لحاله....عشان كده كانت قصيدتى...وكانت نهايتها...مصر مش للبيع...
وبشكرك ياتنهيدة جدا على رأيك صورةصورةصورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
أضف رد جديد

العودة إلى ”أشعار عامية“