(حاميها..)

[شهودة]

(حاميها..)

1
نشال بنص لسان
لامريش ولا غلبان
لابس قميص جربان
تقلش ابو قردان



2
لافف على كل ميدان
طلعت له بنت جيران
عينه زاغت عـ الكردان
قام خطفه وبقى سلطان

3

طقمي الأماظ مامااا
سرقه مني وخباه
روحي قولي لبابااا
يقفشه من عرض قفاه



4
دبان في ودني يوش
داير وما بيهمدش
في جرابي نازل نبش
ياقارفني بطل هرش


5
عطشان انا للقفش
لو ابرة وفــ كوم قش
هقلب عليك العش
وانت في هدومك كش


6
كشكشها وما تعرضش
تهديدكو ما يخوفش
نشال انا وحقش
حهبرها واملى الكرش



7
اهي قفلت وانا ترباس
ويمين برب الناس
لاشرب من دمك كاس
واحبسها بلحمة راس



8
داري خيبتك وما تفشرش
لا بتهش ولابتنش
انا اصلي ما بتهددش
لسياتدك هقول انا هش


9
سيبهولي انت يا بيه
ديتها جوز كراتيه
وقابلني لو تلاقيه
اصل امي داعيه عليه



10
خضتني يو جتك ايه
ما تقلي ازاي اراضيه
ياوليه نادي عليه
يا خي طز فيك وفيه



11
لك فرصه تلاتين يوم
تخش عليه في الهوم
وتجيبلي زبالة القوم
والجايزة ليك بالكوم


12
طب مالك اوعى تزق
ده علينا جاي ينق
ما تجيبي يابت الرق
زعبولا جاي يدق



13

ما تفلسع قاعد ليه
مش خايف يا ابن الأيه
هو انت بتشرب ايه
ده لزيز دلوني عليه



14
ظبطلي القعدة ورص
حجرين على واحدة ونص
وحضرلي شفطة وقرص
ماتهم يابوز الأخص


15
عكرت مزاجي يازفت
دي ولعه ولا سبرت
وده وشك ولا القرد
طب غور لايقولوا سكرت



16

بنداس وحفضل اطاطي
وبعيشتي برضه انا راضي
اسيادي بتاكل زادي
وانا بكره حلقى مرادي


17

عاملي فيها بروسلي
وياسعادة البيه جربني
والفرصة ما تضيعلي
واخرتها بتتقصلي


18
يا باشا ما تتكدرش
ده عيل وما يقصدش
مش قلنا ما تتهورش
وفـ شغلك ما تقصرش


19
انا كنت داخل هق
لقيتني شارب هق
لففني غرب وهق
وجا بولي طبلة وهق

20
اكتم يا عسكري هس
ثابت قدامك بص
ياعديم الزوق والحس
مخصوملك شهر ونص


21
نورت تعالى بالحضن
فين يا ابني الشاي السخن
نفضلي الكنبة القطن
بتبحلق ليه يا سهن؟؟


22

يا باشا اهو ده النشال
لففني سهول وجبال
لايموني عليه في الحال
ما تبطلوا استهبال


23
انا تاجر قيمة وسيما
يجي ده ويقل القيمة
ولا يسوى جزمة قديمة
ربي عيالك يا بهيمه

24

تأمرني يا سيد الكل
دي عيال من يومها تشل
وزارعه في قلبي الغل
فين عرض قفاك يا دهل


25

النوبه سماح يا كبير
البيت طلباته كتير
والواد عايز تغيير
انا عقلي خلاص حيطير


26
يا بتاع العيش هات عشره
مش ناوي استنى لبكره
امشي اطلع انت لبره
ده انا عندي مليون هبره




27

قفشونا فـ طابور عيش
نازلين طالعين تلطيش
قال ايه عاملين تهويش
وانا مالي عايز اعيش



28
اعملك همة وهات
من نايبك جوز جنيهات
حتقلي مافيش علاوات
را ح اقلك دورك فات


29
انا دادي فلوسة كتير
ومامي دي بنت وزير
معلش اوعا تغيير
اكمنك ابن غفير

[لارا]

لذيذه.

[الأمير الحائر]

حاميها...حراميها...إسقاط مهم أوى...رغم إنى مستغرب من العامية المصرية وإزاى كاتباها وأنتى من اليمن......هو بصراحة مش عجبنى شوية كلمات دارجة أوى عندنا فى العامية يمكن لأنى شخصيا مش بحب العامية الدارجة جدا جدا فى الشعر بس المعنى العام للقصيدة جميل جدا و طريقة الرباعيات اللى كتبتى بيها كمان طريقة مميزة جدا بحييكى عليها ومستنيين أفكار و أشعار تانية إن شاء الله

[المهاجر]

حرامى بنص لسان فكرتينى بفيلم غبى منه فيه وهو بيقول فاهم يا نصة وهو شغال حرامى تسلمى يا عزيزتنا الغالية وشكلنا يا امير هتنهزم بجد

[محمد محمود]

لهجة عامية مصرية متقنة جدا كأنك إتربيتي في مصر ، وأنا مع وليد في الرأي شاكك انتي من اليمن ولا من مصر عموما عاشت مصر واليمن والعرب
وأهلا بيكي مرة ثانية

[شهودة]

حاميها...حراميها...إسقاط مهم أوى...رغم إنى مستغرب من العامية المصرية وإزاى كاتباها وأنتى من اليمن......هو بصراحة مش عجبنى شوية كلمات دارجة أوى عندنا فى العامية يمكن لأنى شخصيا مش بحب العامية الدارجة جدا جدا فى الشعر بس المعنى العام للقصيدة جميل جدا و طريقة الرباعيات اللى كتبتى بيها كمان طريقة مميزة جدا بحييكى عليها ومستنيين أفكار و أشعار تانية إن شاء الله

أخي الفاضل.. شكرا لك دائما على اهتمامك.. ما تستغربش انا فعلا من اليمن.. بس انا معتاده على التحدث باللهجة المصرية وده موضوع يطول شرحه

.. وبالنسبة لبعض الكلمات الدارجة فهي مقصودة مني هنا.. تحياتي واحترامي