حيرتني معاك !!

[Ghadat2009]

كم مرة ناديتك ... ناجيتك ..... شـاورتلك ... أنا هـنا !
تهت ف عينيك سنين كتير .. و ما شفتنيش و لا سنة !
غيّرت من نفسي ... تعبت .....و لا انت قلت مين هنا ؟
حاسّة بتعب و كمان ملل ! .. مابقيتش عارفة مين انا ؟

و ف يوم سألت نفسي سؤال : يا هل ترى انت و انا ..
بتفكيراتنا ......بذكرياتنا ...... مخلوقين لبعضنا ؟
كانوا زمان بيحسدونا .... عن دوابانّا ف حـبّـنا
دلوقتي لمّا بيشوفونا .... بيقولوا راح فين الهنا ؟


إيه السبب ؟ يادي العجب ! و إيه حصل لقلبنا ؟
فجأة قِسي ... ده كمان نسي ! طب هل نحكّم عقلنا ؟
بس انت فين من ده و ده؟ بتقولّي قال مشغول بِنا !
طب و لا كلمة و لا وردة عالطريق..... تدلنا ؟
حيرتني معاك بجد ! و لا عالسؤال جاوبتنا ..
أنا لسّه ساكنة جوه قلبك و لاّ لأ من ميت سنة !
و العيب عليك و لاّ عليّ ؟ و لاّ الغلط في بُعدِنا !

[تنهيدة]

غادة أنا كده حخاف عليكى من العين وخصوصا أن فى ناس هنا بتحسد جامد ..بس بجد انا مبسوطة اوى بناشاطك الجميل فى كل الأقسام ..وحقيقى شعرك جميل وكمان فكرته حلوه ...بس كده الولاد حيقول علينا أية امبارح هالة تقول تحت التهديد والنهارده حيرتنى معاك ...لازم نعرفهم أننا ولا بيهمنا ..

[الأمير الحائر]

حالة جميلة جدا ياغادة...وماكنتش أعرف انك بتكتبى شعر جميل كده كمان...وزى ماقالت تنهيدة هنبتدى نحسد
بس بجد جميل شعرك زى باقى كتاباتك و شايف عمل ليكى فى أحدث المواضيع فى قسم مذكرات كوميدية ...يعنى الحرب بقت شاملة على كل الجبهات..بس كسبنانين كسبانين

[لارا]

بجد عجبانى جدا جدا وزى ما قالت تنهيده انك تبتدى تخافى من الحسد

[Ghadat2009]

غادة أنا كده حخاف عليكى من العين وخصوصا أن فى ناس هنا بتحسد جامد ..بس بجد انا مبسوطة اوى بناشاطك الجميل فى كل الأقسام ..وحقيقى شعرك جميل وكمان فكرته حلوه ...بس كده الولاد حيقول علينا أية امبارح هالة تقول تحت التهديد والنهارده حيرتنى معاك ...لازم نعرفهم أننا ولا بيهمنا ..

متخافيش يا زعيمتنا ... ربنا معانا ...و احنا حنقاوم إن شاءالله
بجد بجد ...أشكرك على الكلام الجميل عن النشاط و الشعر ( انا مش عارفة فعلا كتبته ازاي ؟)
و بعدين احنا فعلا و لا بيهمنا

[Ghadat2009]

حالة جميلة جدا ياغادة...وماكنتش أعرف انك بتكتبى شعر جميل كده كمان...وزى ماقالت تنهيدة هنبتدى نحسد
بس بجد جميل شعرك زى باقى كتاباتك و شايف عمل ليكى فى أحدث المواضيع فى قسم مذكرات كوميدية ...يعنى الحرب بقت شاملة على كل الجبهات..بس كسبنانين كسبانين

أشكرك على هذا الاطراء المشجع جدا ...بس انا بجد مش عارفة كتبته ازاي .. و بلااااش حسد مالوش اساس عشان ربنا يخليهم لكم ! - و بعدين فيه ناس لهم السبق في اختراق كل المجالات(الفيلسوف الحالم ! تعرفه؟) و احنا توابع للزلزال مش اكتر !
و نفسي ألاقي أمارة للمكسب اللي بتقولوا عليه !!

[Ghadat2009]

بجد عجبانى جدا جدا وزى ما قالت تنهيده انك تبتدى تخافى من الحسد

باشكرك جدا يا سها لمرورك الجميل وربنا يكرمك على الرأي المشجع الجميل ده !
بس الصفحة اتملت حسد كده ليه ؟ ألحق أمشي و ربنا يستر ! بس عايزينك معانا في (الف قصة) عشان فاضلهم وردة و يطلعوا برة هاهاها

[هبة الله محمد]

جميلة جدا، ودائما ذلك الغائب الحاضر الموجود في خواطرك وأشعارك..

ما شاء الله تكتبين كل أنواع الأدب بمهارة تامة..مشرافنا فعلا

[Ghadat2009]

جميلة جدا، ودائما ذلك الغائب الحاضر الموجود في خواطرك وأشعارك..

ما شاء الله تكتبين كل أنواع الأدب بمهارة تامة..مشرافنا فعلا

أشكرك على تعليقك العميق الموجز و.... المشجع جدا !

في انتظار تعليقاتك الجميلة دائما

[ريم]

حقيقي إنت اللي حيرتيني معاك!
الكاتبة الرقيقة غادة
كل ما أقرأ في أي مجال ألاقي كتاباتك الجميلة فيه
ولما أقرأه بقول ما شاء الله لا قوة إلا بالله ....:انك متخصصة في كل أدب من هذه الآداب..
.أتمنى لك مزيدا من التقدم...وأتمنى لك الفوز في كل المسابقات ... وربنا يحفظك...