صفحة 1 من 1

متخافش

مرسل: 10 نوفمبر 2008, 4:16 am
بواسطة خالد
متخافش من بكره هيعدى زى غيره
ربك هيسترها والهم هيشيله
ايه يعنى لو تبكى ايه يعنى لو مظلوم
اوعاك لغيره تشكى عمر الفساد ما يدوم
اصرخ بعلو الصوت اخنق خوف السكوت
كسر سور الحياه حتى ولو هتموت
دمر كل القيود ما تعيش على الوعود
ازاى نخاف نحيا وبرده نخاف نموت
اقرا وفكر وشوف هاتغير الظروف
لكن لو هاترضى مصير الجبان معروف
مش بصة للسما ودعوة لربنا
يتشال الظلم عنا ويتحقق حلمنا
ربك ما هيبدلنا الا بنفسنا
ولا يوم ممكن نعيشه اكتر من عمرنا
يبقى على ايه نخاف ونرضى بوضعنا
لازم نقوم نجرى ونلحق رزقنا

Re: متخافش

مرسل: 10 نوفمبر 2008, 1:59 pm
بواسطة الأمير الحائر
متخافش...معنى معبر أوى فعلا وبكلمات رائعة قدرت تعبر عنه
عجبنى أوى أول قصيدتك " متخافش من بكرة هيعدى زى وغيره " و " ربك ماهيبدلنا الابنفسنا " دول بيعبرو عن معنى كبير اوى فى كلام بسيط وده قمة الإتقان الأدبى
بحييك ياخالد على القصيدة الرائعة قعلا صورة

Re: متخافش

مرسل: 11 نوفمبر 2008, 3:26 am
بواسطة تنهيدة
المعنى الابتوصله قصيدك جميل جدا ياخالد معنى لحياة لازم نعيشها كدة منخليش الظروف تتحكم فى حياتنا احنا الابنخلق الظروف مش هي الا بتخلقنا لازم نبطل خوف ونعيش حياتنا صح نعبش بحلوها وبمرها واحنا مش خيفين الخوف أول طريق للفشل لوخايف من قلمك عمرك ما حتكتب حاجة عجبنى اوى وانت بتقول ..كسر سور الحياه حتى لو حتموت ..معانى جميلة والأجمل أنها وصلت لينا بسرعة لانها طالعة من قلبك ربنا يوفق ياخالد وتقدر توصل من خلال شعرك واقعنا بأسلوبك الجميل المعبرصورة